ಭರ್ಜರಿ ಬ್ಯಾಚುಲರ್ಸ್​ ವೇದಿಕೆ ಮೇಲೆ ರಾಕೇಶ್​ ಪೂಜಾರಿಗೆ ನಮನ.. ಎಲ್ಲರೂ ಕಣ್ಣೀರು; VIDEO

ಭರ್ಜರಿ ಬ್ಯಾಚುಲರ್ಸ್​ ತಂಡ ಹೊಸ ಕಾನ್ಸೆಪ್ಟ್​ ಜೊತೆಗೆ ವೀಕೆಂಡ್​ ಭರ್ಜರಿ ಮನರಂಜನೆ ಹೊತ್ತು ತರ್ತಿದೆ. ಭರ್ಜರಿ ಬ್ಯಾಚುಲರ್ಸ್​ ಸೀಸನ್​ 1 ಸ್ಪರ್ಧಿಗಳು ಮರಳಿ ಬ್ಯಾಚುಲರ್ಸ್​ ಅಡ್ಡಗೆ ಬಂದಿದ್ದಾರೆ. ಹೌದು, ಸೀಸನ್​ 1 ಸ್ನೇಹಿತರು ರಿಯೂನಿಯನ್​ ಆಗಿದ್ದಾರೆ.

ಇದನ್ನೂ ಓದಿ: ಜಸ್ಟ್‌ 7 ತಿಂಗಳಲ್ಲಿ 25 ಮದುವೆ.. 23 ವರ್ಷದ ಸುಂದರಿ ಸಂಚು ಬಾಲಿವುಡ್‌ ಸಿನಿಮಾನೂ ಮೀರಿಸಿದ ಸ್ಟೋರಿ!

ಲಾಸ್ಯ, ಆಸಿಯಾ ಬೇಗಮ್​, ಅಮೂಲ್ಯ, ಯಶಸ್ವಿನಿ, ಸಂಜನಾ, ರಾಘು, ಐಶ್ವರ್ಯಾ, ನವಾಜ್​, ಉಮೇಶ್​ ಕಿನ್ನಾಳ್​ ಸೇರಿದಂತೆ ಹಲವರು ಭಾಗಿಯಾಗಿದ್ದಾರೆ. ವಿಶೇಷವಾಗಿ ಮರೆಯಾದ ಗೆಳೆಯನಿಗೆ ಟ್ರಿಬ್ಯೂಟ್​ ಸಲ್ಲಿಸಿದ್ದಾರೆ ಸ್ನೇಹಿತರು.

ಹಾಸ್ಯ ಕಲಾವಿದ, ಮನರಂಜನೆಗೆ ಮತ್ತೊಂದು ಹೆಸರಾಗಿದ್ದ ಕಾಮಿಡಿ ಕಿಲಾಡಿ ರಾಕೇಶ್​ ಪೂಜಾರಿಗೆ ಗೌರವ ಸಲ್ಲಿಸಲಾಗಿದೆ. ‘ಕಾಮಿಡಿ ಕಿಲಾಡಿಗಳು ಸೀಸನ್ -3’ ವಿನ್ನರ್, ಕಿರುತೆರೆ ನಟ​ ರಾಕೇಶ್ ಪೂಜಾರಿ ಸ್ನೇಹಿತರ ಮೆಹಂದಿ ಕಾರ್ಯಕ್ರಮದಲ್ಲಿ ಹೃದಯಾಘಾತದಿಂದ ನಿಧನರಾಗಿದ್ದರು.

ನಟನ ಅಕಾಲಿಕ ಮರಣಕ್ಕೆ ಇಡೀ ಕಿರುತೆರೆ, ಹಿರಿತೆರೆ ಕಲಾವಿದರು ಕಂಬನಿ ಮಿಡಿದಿದ್ದರು. ಹೀಗಾಗಿ ನಟ ರಾಕೇಶ್​ ಪೂಜಾರಿ ಅವರ ಫೋಟೋಗೆ ನಮನ ಸಲ್ಲಿಸಿ ಇಡೀ ವೇದಿಕೆ ಕಣ್ಣೀರು ಹಾಕಿದೆ.

View this post on Instagram

A post shared by Zee Kannada (@zeekannada)

ಇದೀಗ ಭರ್ಜರಿ ಬ್ಯಾಚುಲರ್ಸ್ ವೇದಿಕೆಗೆ ಹಳೆ ಸ್ಪರ್ಧಿಗಳು ರೀ ಎಂಟ್ರಿ ಕೊಟ್ಟು ಮಜಾ ಮಾಡಿದ್ದಾರೆ. ಸದ್ಯ ರಿಯೂನಿಯನ್ ಪ್ರೋಮೋವೊಂದು ರಿಲೀಸ್ ಮಾಡಲಾಗಿದೆ. ಇದೇ ವೇಳೆ ಬ್ಯೂಟಿಫುಲ್​ ಕ್ಷಣಗಳನ್ನ ಶೇರ್​ ಮಾಡಿಕೊಂಡಿದ್ದಾರೆ ಹಳೆ ಬ್ಯಾಚುಲರ್ಸ್​. ಈ ವಾರಂತ್ಯ ಬ್ಯಾಚುಲರ್ಸ್ ರಿಯೂನಿಯನ್ ಸಂಚಿಕೆ ಪ್ರಸಾರವಾಗಲಿದೆ.

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ