ಮಧ್ಯರಾತ್ರಿಯಿಂದಲೇ ಲಾರಿ ಮಾಲೀಕರ ಸ್ಟ್ರೈಕ್​.. ಅಗತ್ಯ ಸೇವೆಗಳ ಪೂರೈಕೆಯಲ್ಲಿ ಭಾರೀ ವ್ಯತ್ಯಯ..!

ಅಧಿಕಾರಿಗಳ ಕಿರುಕುಳದ ವಿರುದ್ಧ ಸಮರ ಸಾರಿರೋ ಲಾರಿ ಮಾಲೀಕರು ನಾವು ಲಾರಿಗಳನ್ನ ಬೀದಿಗಿಳಿಸಲ್ಲ ಅಂತ ಹಠ ಹಿಡಿದಿದ್ದಾರೆ. ಲಾರಿಗಳು, ಗೋಡೌನ್​ನಲ್ಲೇ ಲಂಗರು ಹಾಕಿವೆ. ಅನಿರ್ದಿಷ್ಟಾವಧಿ ಮುಷ್ಕರ ಮಧ್ಯರಾತ್ರಿಯಿಂದ್ಲೇ ಆರಂಭವಾಗಿದೆ. ಈ ಲಾರಿ ಸ್ಟ್ರೈಕ್​​ ತರಕಾರಿ ಸೇರಿ ಅಗತ್ಯ ಸೇವೆಗಳ ಪೂರೈಕೆಯಲ್ಲಿ ವ್ಯತ್ಯಯ ಸೃಷ್ಟಿಸಲಿದೆ.

ಡಿಸೇಲ್​-ಪೆಟ್ರೋಲ್​​ ಬೆಲೆ ಏರಿಕೆ.. ಟೋಲ್​ ಶುಲ್ಕ ಹೆಚ್ಚಳ.. RTO ಅಧಿಕಾರಿಗಳ ಕಿರುಕುಳ.. ಹೀಗೆ ಸಾಲು ಸಾಲು ಪಟ್ಟಿ ಹಿಡ್ಕೊಂಡಿರೋ ಲಾರಿ ಮಾಲೀಕರು ಇವತ್ತು ಸರಿಯಾಗಿ ಮಧ್ಯರಾತ್ರಿ 12 ಗಂಟೆಯಿಂದ್ಲೇ ಅನಿರ್ದಿಷ್ಟಾವಧಿ ಲಾರಿ ಮುಷ್ಕರ ಶುರುವಾಗಿದೆ.

ಇದನ್ನೂ ಓದಿ: ಐಷಾರಾಮಿ ಕಾರು ಖರೀದಿಸಿದ ಕಾಂತಾರ ನಟ ರಿಷಬ್‌ ಶೆಟ್ಟಿ.. ಇದರ ಬೆಲೆ ಎಷ್ಟು ಕೋಟಿ ರೂ. ಗೊತ್ತಾ?

ಮಧ್ಯರಾತ್ರಿಯಿಂದಲೇ ಅನಿರ್ದಿಷ್ಟಾವಧಿ ಮುಷ್ಕ​​ರ ಶುರು

ಮಧ್ಯರಾತ್ರಿಯಿಂದಲೇ ಲಾರಿ ಮಾಲೀಕರ ಅನಿರ್ದಿಷ್ಟಾವಧಿ ಮುಷ್ಕ​​ರ ಶುರುವಾಗಿದ್ದು. ಲಾರಿ ಸಂಚಾರವನ್ನ ನಿಲ್ಲಿಸಿದ್ರು. ಯಶವಂತಪುರ ಟ್ರಕ್ ಟರ್ಮಿನಲ್​ನಲ್ಲಿ ಲಾರಿಗಳು.. ಸಾಲುಗಟ್ಟಿ ನಿಂತಿದ್ವು.. ಸರಕು ಸಾಗಾಣಿಕೆ ಲಾರಿಗಳ ಸಂಚಾರ ಸ್ಥಬ್ಧವಾಗಿತ್ತು.. ಟ್ರಕ್ ಟರ್ಮಿನಲ್​ನಲ್ಲಿ ಹೀಗೆ ಸರಕುಗಳ ಸಾಗಾಣಿಕೆಗೆ ಬಳಕೆಯಾಗ್ತಿದ್ದ ಲಾರಿಗಳು ಕ್ಯೂ ನೋಡಿ ಜನ ಕಂಗಾಲಗಿದ್ರು.

ಬೇಡಿಕೆ ಏನು?

• ಡಿಸೇಲ್ ದರ ಕಡಿಮೆ ಮಾಡಬೇಕು
• ರಾಜ್ಯ ಹೆದ್ದಾರಿ ಟೋಲ್ ಪ್ಲಾಜಾ ರದ್ದು
• RTO ಗಡಿ ಚೆಕ್ ಪೋಸ್ಟ್ ರದ್ದು
• FC ಶುಲ್ಕವನ್ನ ಕಡಿಮೆ ಮಾಡಬೇಕು
• ಸಾರಿಗೆ ವಾಹನಗಳಿಗೆ ನಗರ ಪ್ರದೇಶ ಮುಕ್ತ

ಫೆಡರೇಷನ್ ಆಫ್ ಕರ್ನಾಟಕ ಸ್ಟೇಟ್ ಲಾರಿ ಓನರ್ಸ್ ಮತ್ತು ಏಜೆಂಟ್ ಅಸೋಸಿಯೇಷನ್ ಲಾರಿ ಬಂದ್​ ಮಾಡ್ತಿವೆ. ಮತ್ತೊಂದ್ಕಡೆ ಫೆಡರೇಷನ್ ಆಫ್ ಲಾರಿ ಓನರ್ಸ್ ಅಸೋಸಿಯೇಷನ್‌ ಯಾವುದೇ ಕಾರಣಕ್ಕೂ ನಾವು ಬಂದ್‌ ಮಾಡಲ್ಲ ಅಂತಿದೆ.

ಇದನ್ನೂ ಓದಿ: ಆರೋಗ್ಯ ರಕ್ಷಣೆಯಲ್ಲಿ AI ಆವಿಷ್ಕಾರ.. 14ನೇ LHIF ಆವೃತ್ತಿಗೆ ಕ್ಷಣಗಣನೆ; ನೀವೂ ಭಾಗವಹಿಸಿ!

‘ಬಂದ್‌’ ಬಣ ಹೇಳೋದೇನು?

ಬಂದ್ ಮಾಡ್ತೀವಿ ಅನ್ನೋರು ಹೇಳ್ತಿರೋದೇನು ಅಂದ್ರೆ ಇವತ್ತು ಮಧ್ಯರಾತ್ರಿಯಿಂದ್ಲೇ ಏರ್ಪೊರ್ಟ್​ ಟ್ಯಾಕ್ಸಿ, ಜಲ್ಲಿ ಕಲ್ಲು, ಮರಳು ಲಾರಿಗಳು ರಸ್ತೆಗೆ ಇಳೀತಿಲ್ಲ. ಗೂಡ್ಸ್​​ ವೆಹಿಕಲ್ಸ್​​ ಮತ್ತು 5 ಲಕ್ಷ ಲಾರಿಗಳ ಸಂಚಾರವೂ ಬಂದ್​ ಆಗಿದೆ. ಅಕ್ಕಿ ಲೋಡ್​​ ವೆಹಿಕಲ್‌, ಗೂಡ್ಸ್​, ಪೆಟ್ರೋಲ್​​, ಡಿಸೇಲ್​ ಟ್ಯಾಂಕರ್‌ಗಳೂ ಬಂದ್​ ಆಗಿದೆ. ಇನ್ನು ಹಾಲು, ಔಷಧ, ತರಕಾರಿ, ಹಣ್ಣು ಪೂರೈಕೆ, ಮೆಡಿಕಲ್ ಶಾಪ್, ಆಸ್ಪತ್ರೆ, ಌಂಬುಲೆನ್ಸ್, ಫೈರ್ ಸರ್ವಿಸ್​​ಗೆ ನಾವು ತೊಂದ್ರೆ ಮಾಡಲ್ಲ ಎಂದಿದ್ದಾರೆ.

ಏರ್ಪೋರ್ಟ್ ಟ್ಯಾಕ್ಸಿ.. ವರ್ತಕರೂ ನೈತಿಕ ಬೆಂಬಲ ಮಾತ್ರ ಕೊಟ್ಟಿದ್ದಾರೆ. ಹೀಗಾಗಿ ಅಕ್ಕಿ ಲೋಡ್ ಪೂರೈಕೆಯಲ್ಲೂ ವ್ಯತ್ಯಯ ಸಾಧ್ಯತೆಯಿಲ್ಲ. ಆದ್ರೆ ಗ್ಯಾಸ್‌ ಸರ್ವೀಸ್, ಪೆಟ್ರೋಲ್ - ಡೀಸೆಲ್ ಪೂರೈಕೆಯಲ್ಲಿ ಸ್ವಲ್ಪ ವ್ಯತ್ಯಯ ಆಗೋ ಸಾಧ್ಯತೆ ಇದೆ. ಒಟ್ನಲ್ಲಿ, ಲಾರಿಗಳ ಓಡಾಟ ಮಧ್ಯರಾತ್ರಿಯಿಂದಲೇ ನಿಂತಿದೆ. ಸಹಜವಾಗಿ ಬೆಂಗಳೂರಿನಂತ ದೊಡ್ಡ ಸಿಟಿಯಲ್ಲಿ ಸಮಸ್ಯೆ ಆಗೋದು ನಿಶ್ಚಿತ. ಇದು ಜನಸಾಮಾನ್ಯನ ಮೇಲೆ ಎಷ್ಟು ಪರಿಣಾಮ ಬೀರುತ್ತೆ ಕಾದುನೋಡಬೇಕು.

ಇದನ್ನೂ ಓದಿ: ಲವ್ವರ್​ ಜೊತೆ AC ಲಾಡ್ಜ್​ನಲ್ಲಿ​ದ್ದ.. ಸುದ್ದಗುಂಟೆ ಪಾಳ್ಯದ ಕಾಮುಕನ ಕ್ಲೂ ಕೊಟ್ಟಿದ್ದು ಒಂದು ಸಿಮ್!

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ