ಏಷ್ಯಾದ ಸರ್ವ ಶ್ರೇಷ್ಠ 50 ರೆಸ್ಟೋರೆಂಟ್​ಗಳ ಪಟ್ಟಿಯಲ್ಲಿ ಭಾರತದ 2 ರೆಸ್ಟೋರೆಂಟ್​ಗಳು ಸೇರ್ಪಡೆ! ಯಾವುವು?

ವಿಶ್ವದಲ್ಲಿ ಅನೇಕ ರೆಸ್ಟೋರೆಂಟ್​ಗಳಿವೆ. ಅವುಗಳಲ್ಲಿ ಅನೇಕ ರೆಸ್ಟೋರೆಂಟ್​​ಗಳು ವಿಶ್ವವಿಖ್ಯಾತಿಯನ್ನು ಪಡೆದಿವೆ. ವಿಶ್ವದ ಟಾಪ್​ ರೆಸ್ಟೋರೆಂಟ್​ಗಳಲ್ಲಿ ಗುರುತಿಸಿಕೊಂಡಿವೆ. ಈಗ ಏಷ್ಯಾದ ಟಾಪ್ 50 ರೆಸ್ಟೋರೆಂಟ್ ಪಟ್ಟಿಗಳಲ್ಲಿ ಭಾರತದ ಎರಡು ಪ್ರಮುಖ ರೆಸ್ಟೋರೆಂಟ್​ಗಳ ಹೆಸರು ಉಲ್ಲೇಖವಾಗಿದೆ. 2025ರ ಏಷ್ಯಾದ ಟಾಪ್ 50​ ರೆಸ್ಟೋರೆಂಟ್​​ಗಳ ಘೋಷಣೆ ಹಾಗೂ ಪ್ರಶಸ್ತಿ ಪ್ರಧಾನ ಕಾರ್ಯವನ್ನು ಮಾರ್ಚ್ 25 ರಂದು ದಕ್ಷಿಣ ಕೋರಿಯಾದ ಹಮ್ಮಿಕೊಳ್ಳಲಾಗಿತ್ತು . ಈ ಪಟ್ಟಿಯಲ್ಲಿ ಭಾರತದ ಎರಡು ಪ್ರಮುಖ ರೆಸ್ಟೋರೆಂಟ್​ಗಳು ಕೂಡ ಸ್ಥಾನ ಪಡೆದಿವೆ.

ಮುಂಬೈನ ಮಾಸ್ಕ್​ ರೆಸ್ಟೋರೆಂಟ್​ ಏಷ್ಯಾದ ಟಾಪ್​ 50 ರೆಸ್ಟೋರೆಂಟ್​ಗಳ ಪಟ್ಟಿಯಲ್ಲಿ 19ನೇ ಸ್ಥಾನ ಪಡೆದುಕೊಂಡಿದೆ. ಅದು ಮಾತ್ರವಲ್ಲದೇ ಭಾರತದ ಅತ್ಯುತ್ತಮ ರೆಸ್ಟೋರೆಂಟ್ ಎಂಬ ಪ್ರಶಸ್ತಿಯನ್ನು ತನ್ನ ಮುಡಿಗೇರಿಸಿಕೊಂಡಿದೆ. ಇನ್ನು 50 ರೆಸ್ಟೋರೆಂಟ್​ಗಳ ಪಟ್ಟಿಯಲ್ಲಿ ಸ್ಥಾನ ಪಡೆದ ಮತ್ತೊಂದು ಭಾರತದ ರೆಸ್ಟೋರೆಂಟ್ ಅಂದ್ರೆ ಅದು ನವದೆಹಲಿಯ ಆ್ಯಸೆಂಟ್ ರೆಸ್ಟೋರೆಂಟ್​. ಟಾಪ್ 50ರ ಪಟ್ಟಿಯಲ್ಲಿ ಆ್ಯಸೆಂಟ್ ರೆಸ್ಟೋರೆಂಟ್​ 46ನೇ ಸ್ಥಾನ ಪಡೆದಿದೆ.

ಇದನ್ನೂ ಓದಿ:ವಿಶ್ವದ ಅತಿ ಎತ್ತರದ ರೈಲ್ವೆ ಬ್ರಿಡ್ಜ್‌.. ಕಾಶ್ಮೀರಕ್ಕೆ ನೇರ ರೈಲು ಮಾರ್ಗ ಉದ್ಘಾಟನೆ ಯಾವಾಗ; ಏನಿದರ ವಿಶೇಷತೆಗಳು?

ಇನ್ನು ಟಾಪ್ 50ಯಲ್ಲಿ ಮೊದಲನೇ ಸ್ಥಾನ ಪಡೆದಿದ್ದು ಬ್ಯಾಂಕಾಕ್​ನ ಗಗ್ಗನ್ ರೆಸ್ಟೋರೆಂಟ್​. ವಿಶೇಷ ಏನಂದ್ರೆ ಈ ಒಂದು ರೆಸ್ಟೋರೆಂಟ್​ನ್ನು ಭಾರತೀಯ ಮೂಲದವರಾದ ಗಗ್ಗನ್ ಆನಂದ ಎಂಬ ಬಾಣಸಿಗರೇ ನಡೆಸುತ್ತಾರೆ. ಬ್ಯಾಂಕಾಕ್​ನಲ್ಲಿರುವ ಈ ರೆಸ್ಟೋರೆಂಟ್​ನಲ್ಲಿ ಸಿದ್ಧಗೊಳ್ಳುವ ಖಾದ್ಯಗಳು ಜಪಾನ್​, ಫ್ರಾನ್ಸ್​ ಮತ್ತು ಥೈಲ್ಯಾಂಡ್​ನ ಪ್ರಭಾವವನ್ನು ಹೊಂದಿದ್ದರು ಕೂಡ ಭಾರತೀಯ ಪಾಕಪದ್ಧತಿಯ ಮಿಶ್ರಣವನ್ನು ಹೊಂದಿದೆ. ಎಂದು ಹೇಳಲಾಗುತ್ತದೆ.

View this post on Instagram

A post shared by The Worlds 50 Best Restaurants (@theworlds50best)

ಇನ್ನು 19ನೇ ಸ್ಥಾನ ಪಡೆದು ಭಾರತದ ಅತ್ಯುತ್ತಮ ರೆಸ್ಟೋರೆಂಟ್ ಎಂಬ ಪ್ರಶಸ್ತಿ ಬಾಚಿಕೊಂಡಿರುವ ಮಾಸ್ಕ್​ ರೆಸ್ಟೋರೆಂಟ್​ ಸ್ಥಳೀಯ ಪದಾರ್ಥಗಳನ್ನೇ ಬಳಸಿ ವಿಭಿನ್ನ ರೀತಿಯ ಆಹಾರಗಳನ್ನು ಇಲ್ಲಿ ಸಿದ್ಧಪಡಿಸಲಾಗುತ್ತದೆ. ಸಸ್ಯಾಹಾರಿ ಹಾಗೂ ಮಾಂಸಾಹಾರಿ ಎರಡು ಬಗೆಯ ಆಹಾರ ಇಲ್ಲಿ ಸಿಗುತ್ತಿದ್ದು. ಎರಡು ಬಗೆಯ ಭೋಜನಗಳು ಬೇಸಿಗೆ, ಚಳಿ ಹಾಗೂ ಮಳೆಗಾಲಕ್ಕೆ ತಕ್ಕಂತೆ ತಯಾರಾಗುತ್ತವೆ. ಈ ರೆಸ್ಟೋರೆಂಟ್​​ನ ಹೆಡ್ ಚೇಫ್​ ವರುಣ್​ ತತ್ಲಾನಿ ಅವರ ಕೈ ರುಚಿಗೆ ಜನರು ಸೋತು ಹೋಗಿದ್ದಾರೆ.

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ