RCBಗೆ ಶುಭ ಹಾರೈಸಿದ ಕೇಂದ್ರ ಸಚಿವ ಹೆಚ್​​.ಡಿ ಕುಮಾರಸ್ವಾಮಿ.. ತಂಡದ ಬಗ್ಗೆ ಏನು ಹೇಳಿದರು?

2025ರ ಇಂಡಿಯನ್ ಪ್ರೀಮಿಯರ್ ಲೀಗ್​ನ ಫೈನಲ್​ ಪಂದ್ಯಕ್ಕೆ ಅಹಮದಾಬಾದ್‌ನ ನರೇಂದ್ರ ಮೋದಿ ಸ್ಟೇಡಿಯಂ ಸಿದ್ಧವಾಗಿದೆ. ರಾಯಲ್ ಚಾಲೆಂಜರ್ಸ್ ಬೆಂಗಳೂರು ಹಾಗೂ ಪಂಜಾಬ್ ಕಿಂಗ್ಸ್ ನಡುವೆ ಟ್ರೋಫಿಗಾಗಿ ದೊಡ್ಡ ಕಾದಟ ನಡೆಯಲಿದೆ. 18 ವರ್ಷಗಳಿಂದ ಕಪ್​ ಗೆಲ್ಲದ ಆರ್​ಸಿಬಿ ಈ ಸಲ ಟ್ರೋಫಿಗೆ ಮುತ್ತಿಡಲಿ ಎಂದು ಕೋಟ್ಯಂತರ ಅಭಿಮಾನಿಗಳ ಆಸೆ ಆಗಿದೆ. ಅದರಂತೆ ಮಾಜಿ ಸಿಎಂ ಹಾಗೂ ಕೇಂದ್ರ ಸಚಿವರು ಆದ ಹೆಚ್​​.ಡಿ ಕುಮಾರಸ್ವಾಮಿ ಕೂಡ ಆರ್​ಸಿಬಿಗೆ ಶುಭ ಹಾರೈಸಿದ್ದಾರೆ.

ಆರ್​ಸಿಬಿ ತಂಡದ ಫೈನಲ್​ನಲ್ಲಿ ಗೆದ್ದು ಬರಲಿ ಎಂದು ಮಾತನಾಡಿರುವ ಕೇಂದ್ರದ ಭಾರೀ ಕೈಗಾರಿಕೆಗಳು ಮತ್ತು ಉಕ್ಕು ಸಚಿವರಾದ ಹೆಚ್​​.ಡಿ ಕುಮಾರಸ್ವಾಮಿ ಅವರು, ಹಲವಾರು ವರ್ಷಗಳ ನಂತರ ರಾಯಲ್ ಚಾಲೆಂಜರ್ಸ್ ಬೆಂಗಳೂರು ತಂಡ ಫೈನಲ್​ಗೆ ಬಂದಿದೆ. ಎಲ್ಲರಲ್ಲೂ ದೊಡ್ಡಮಟ್ಟದ ನಿರೀಕ್ಷೆ ಇದ್ದು ಫೈನಲ್​ ಪಂದ್ಯಾವಳಿಯಲ್ಲಿ ಆರ್​ಸಿಬಿ ಪ್ರಶಸ್ತಿ ಪಡೆಯಲಿ. ತಂಡದಲ್ಲಿ ಎಲ್ಲರು ಅತ್ಯುತ್ತಮ ಪ್ರದರ್ಶನ ನೀಡಲಿ. ಫೈನಲ್​ನಲ್ಲಿ ಕಪ್​ ಪಡೆಯುವಂತಹ ಎಲ್ಲ ಆಟಗಾರರ ಶ್ರಮದಿಂದ ಯಶಸ್ಸು ಕಾಣಲಿ ಎಂದು ನಾನು ಕೂಡ ಶುಭ ಹಾರೈಸುತ್ತೇನೆ ಎಂದು ಹೇಳಿದ್ದಾರೆ.

ಇದನ್ನೂ ಓದಿ:ಮ್ಯಾಕ್ಸ್​ವೆಲ್​ ಬೆನ್ನಲ್ಲೇ ಕ್ರಿಕೆಟ್​ಗೆ ಹೆನ್ರಿಚ್ ಕ್ಲಾಸೆನ್ ಗುಡ್​ಬೈ.. ನಿವೃತ್ತಿಗೆ ವಿಕೆಟ್ ಕೀಪರ್ ಕೊಟ್ಟ ಕಾರಣ?

ಈ ಬಗ್ಗೆ ತಮ್ಮ ಪಕ್ಷದ ಎಕ್ಸ್​ ಖಾತೆಯಲ್ಲಿ ವಿಡಿಯೋ ಸಮೇತ ಹೆಚ್​​.ಡಿ ಕುಮಾರಸ್ವಾಮಿ ಅವರು ಮಾಹಿತಿ ಶೇರ್ ಮಾಡಿಕೊಂಡಿದ್ದಾರೆ. ಆರ್‌ಸಿಬಿ ಐಪಿಎಲ್ ಕಪ್ ಗೆಲ್ಲಲಿ. ನಾಯಕ ರಜತ್ ಪಾಟಿದಾರ್ ಹಾಗೂ ವಿರಾಟ್ ಕೊಹ್ಲಿ ಸೇರಿ ಎಲ್ಲರು ಉತ್ತಮವಾಗಿ ಆಡಲಿ. ಐಪಿಎಲ್ ಫೈನಲ್ ತಲುಪಿರುವ ಆರ್​​ಸಿಬಿ ತಂಡ ಗೆದ್ದು ಬರಲಿ ಎಂದು ಬರೆಯಲಾಗಿದೆ.

ಇನ್ನು ಪಂಜಾಬ್ ಹಾಗೂ ಆರ್​ಸಿಬಿ ನಡುವಿನ ಫೈನಲ್ ಪಂದ್ಯ ಇಂದು ಸಂಜೆ 7:30ಕ್ಕೆ ನಡೆಯಲಿದೆ. ಫೈನಲ್ ಪಂದ್ಯವಾಗಿದ್ದರಿಂದ ಈಗಾಗಲೇ ಟಿಕೆಟ್​ಗಳೆಲ್ಲಾ ಸೋಲ್ಡ್​ ಔಟ್ ಆಗಿವೆ. ದುಬಾರಿ ಬೆಲೆಗಳಲ್ಲಿ ಐಪಿಎಲ್ ಟಿಕೆಟ್​ ಮಾರಾಟ ಆಗಿವೆ ಎಂದು ಹೇಳಲಾಗುತ್ತಿದೆ. ಹೀಗಾಗಿ ಹೆಚ್ಚಿನ ಸಂಖ್ಯೆಯಲ್ಲಿ ಅಭಿಮಾನಿಗಳು ಆಗಮಿಸುವುದರಿಂದ ನರೇಂದ್ರ ಮೋದಿ ಸ್ಟೇಡಿಯಂ ಎಲ್ಲ ಭರ್ತಿಯಾಗಲಿದೆ. 1,30,000 ಜನ ಒಂದೇ ಬಾರಿಗೆ ಸ್ಟೇಡಿಯಂನಲ್ಲಿ ಪಂದ್ಯ ವೀಕ್ಷಣೆ ಮಾಡಲಿದ್ದಾರೆ.

ಹಲವಾರು ವರ್ಷಗಳ ಬಳಿಕ ನಮ್ಮ ಆರ್​ಸಿಬಿ ತಂಡ ಪೈನಲ್ಸ್ ತಲುಪಿದ್ದು, ಎಲ್ಲರ ನಿರಿಕ್ಷೇಯಂತೆ ಈ ಬಾರಿ ಪ್ರಶಸ್ತಿಯನ್ನು ಪಡೆಯಲಿ ಎಂದು ಶುಭ ಹಾರೈಸುವೆ ಎಂದು ಕೇಂದ್ರ ಸಚಿವ ಹೆಚ್​ಡಿ ಕುಮಾರಸ್ವಾಮಿ ತಿಳಿಸಿದ್ದಾರೆ.@hd_kumaraswamy@RCBTweets#HDKumaraswamy#RCB#RCBTeam#RCBMatch#RCBFinalsMatch#IPL2025#newsfirslivepic.twitter.com/wWfppFVpSS

— NewsFirst Kannada (@NewsFirstKan)

ಹಲವಾರು ವರ್ಷಗಳ ಬಳಿಕ ನಮ್ಮ ಆರ್​ಸಿಬಿ ತಂಡ ಪೈನಲ್ಸ್ ತಲುಪಿದ್ದು, ಎಲ್ಲರ ನಿರಿಕ್ಷೇಯಂತೆ ಈ ಬಾರಿ ಪ್ರಶಸ್ತಿಯನ್ನು ಪಡೆಯಲಿ ಎಂದು ಶುಭ ಹಾರೈಸುವೆ ಎಂದು ಕೇಂದ್ರ ಸಚಿವ ಹೆಚ್​ಡಿ ಕುಮಾರಸ್ವಾಮಿ ತಿಳಿಸಿದ್ದಾರೆ.@hd_kumaraswamy@RCBTweets#HDKumaraswamy#RCB#RCBTeam#RCBMatch#RCBFinalsMatch#IPL2025#newsfirslivepic.twitter.com/wWfppFVpSS

— NewsFirst Kannada (@NewsFirstKan) June 2, 2025

">June 2, 2025

ವಿಶೇಷ ಸೂಚನೆ: ಕ್ರಿಕೆಟ್‌ನ ಸುದ್ದಿಗಳಿಗಾಗಿ ಪ್ರತಿದಿನ ಬೆಳಗ್ಗೆ 8.30ಕ್ಕೆ ನ್ಯೂಸ್‌ಫಸ್ಟ್‌ಚಾನೆಲ್​​ನಲ್ಲಿ ‘ರನ್ ಭೂಮಿ’ ವೀಕ್ಷಿಸಿ