ಫೋನ್ ಖರೀದಿಸೋರಿಗೆ ಗುಡ್​ನ್ಯೂಸ್​.. ಈ ವಾರ 6 ಸ್ಮಾರ್ಟ್​ಫೋನ್ ಮಾರುಕಟ್ಟೆಗೆ ಬರ್ತಿವೆ..!

ಸ್ಮಾರ್ಟ್​ಫೋನ್ ಕಂಪನಿಗಳು ಈ ವಾರ ಮಾರುಕಟ್ಟೆಗೆ ಹೊಸ ಹೊಸ ಫೋನ್ ಪರಿಚಯಿಸ್ತಿವೆ. ಮೇ 26 ರಿಂದ ಮೇ 31 ರ ನಡುವೆ ಹೊಸ ಸ್ಮಾರ್ಟ್‌ಫೋನ್‌ಗಳನ್ನು ಬಿಡುಗಡೆ ಮಾಡಲಿವೆ. ಕಡಿಮೆ ಬೆಲೆಯ ಫೋನ್‌ಗಳಿಂದ ಹಿಡಿದು ಉನ್ನತ ಮಟ್ಟದ ಫ್ಲ್ಯಾಗ್‌ಶಿಪ್ ಐಟಂಗಳೂ ಸೇರಿವೆ.

ಐಕ್ಯೂಒ ನಿಯೋ 10

iQOO ನಿಂದ ಈ ಹೊಸ Mid-range smartphone ಸ್ನಾಪ್‌ಡ್ರಾಗನ್ 8s Gen 4 ಚಿಪ್‌ಸೆಟ್ ಮತ್ತು iQOO Q1 ಚಿಪ್‌ನೊಂದಿಗೆ ಬಿಡುಗಡೆಯಾಗಲಿದೆ. ಇದು 12GB RAM, 1256GB ಸಂಗ್ರಹ, 7,000mAh ಬ್ಯಾಟರಿ ಮತ್ತು 120W ವೇಗದ ಚಾರ್ಜಿಂಗ್ ವ್ಯವಸ್ಥೆ ಹೊಂದಿರುತ್ತದೆ. 144Hz AMOLED ಡಿಸ್​​ಪ್ಲೆ ಹೊಂದಿದೆ. ಮಾಹಿತಿ ಪ್ರಕಾರ ಇವತ್ತು ಭಾರತದ ಮಾರುಕಟ್ಟೆಯಲ್ಲಿ ಬಿಡುಗಡೆ ಆಗಲಿದೆ.

Realme GT7 ಮತ್ತು GT 7T

ರಿಯಲ್‌ಮಿ ಎರಡು ಹೊಸ ಫೋನ್ ಪರಿಚಯಿಸಲಿದೆ. GT7 ಮತ್ತು GT 7T. GT7 ಡೈಮೆನ್ಸಿಟಿ 9400+ ಪ್ರೊಸೆಸರ್, 7,000mAh ಬ್ಯಾಟರಿ ಮತ್ತು 144Hz OLED ಡಿಸ್​​ಪ್ಲೇ ಒಳಗೊಂಡಿರಲಿದೆ. GT 7T ಯಲ್ಲಿ ಡೈಮೆನ್ಸಿಟಿ 8400 ಮ್ಯಾಕ್ಸ್ ಚಿಪ್, 12GB RAM, 6.8 ಇಂಚಿನ 1.5K ಡಿಸ್​ಪ್ಲೇ ಮತ್ತು ಸೋನಿ IMX896 ಕ್ಯಾಮೆರಾ ಸೆನ್ಸರ್ ವ್ಯವಸ್ಥೆ ಇರಲಿದೆ. ಇದು ನಾಳೆ ಮಾರುಕಟ್ಟೆಗೆ ಬರಲಿದೆ.

ಅಲ್ಕಾಟೆಲ್ V3 ಸೀರೀಸ್

ಈ ದಿನದಂದು ಅಲ್ಕಾಟೆಲ್‌ನ (Alcatel) V3 ಅಲ್ಟ್ರಾ, V3 ಪ್ರೊ ಮತ್ತು V3 ಕ್ಲಾಸಿಕ್ ಬಿಡುಗಡೆಯಾಗಲಿವೆ. V3 ಅಲ್ಟ್ರಾ ಡೈಮೆನ್ಸಿಟಿ 6300 ಚಿಪ್‌ಸೆಟ್, 108MP ಕ್ಯಾಮೆರಾ ಮತ್ತು NXTPAPER ಸ್ಕ್ರೀನ್ ಹೊಂದಿದೆ. V3 ಪ್ರೊ ಮತ್ತು V3 ಕ್ಲಾಸಿಕ್ 6.7-ಇಂಚಿನ ಡಿಸ್​ಪ್ಲೇ, 120Hz ರಿಫ್ರೆಶ್ ರೇಟ್ ಮತ್ತು 5200mAh ಬ್ಯಾಟರಿ ಒಳಗೊಂಡಿದೆ. ಇದು ನಾಳೆ ಬಿಡುಗಡೆ ಆಗುವ ನಿರೀಕ್ಷೆ ಇದೆ.

OnePlus Ace 5 ಸರಣಿ

ಚೀನಾದಲ್ಲಿ ಬಿಡುಗಡೆ ಆಗ್ತಿರುವ OnePlus Ace 5 ಮತ್ತು Ace 5 Ultra ಡೈಮೆನ್ಸಿಟಿ 9400e/9400+ ಪ್ರೊಸೆಸರ್, 16GB RAM, 7,000mAh ಬ್ಯಾಟರಿ ಮತ್ತು 100W ಚಾರ್ಜಿಂಗ್‌ನಂತಹ ಫೀಚರ್ಸ್​ ಹೊಂದಿದೆ. ಇದು ಮೇ 28 ರಂದು ಚೀನಾ ಮಾರುಕಟ್ಟೆಗೆ ಪ್ರವೇಶ ಮಾಡಲಿದೆ.

ಮೊಟೊರೊಲಾ ರೇಜರ್ 60

ಮೊಟೊರೊಲಾ ಪೋಲ್ಡಿಂಗ್ ಫೋನ್ ರೇಜರ್ 60 ಭಾರತಕ್ಕೆ ಬರ್ತಿದೆ. 6.96-ಇಂಚಿನ ಮೇನ್ ಡಿಸ್​ಪ್ಲೇ, 3.63-ಇಂಚಿನ ಕವರ್ ಡಿಸ್​​ಪ್ಲೇ ಹೊಂದಿರಲಿದೆ. ಡೈಮೆನ್ಸಿಟಿ 7400X ಚಿಪ್, 50MP ಕ್ಯಾಮೆರಾ ಮತ್ತು 4500mAh ಬ್ಯಾಟರಿ ವ್ಯವಸ್ಥೆ ಇದೆ. ಮೇ 28 ರಂದು ಬಿಡುಗಡೆ ಆಗಲಿದೆ.

ವಿವೋ ಎಸ್30 ಸರಣಿ

ವಿವೋ ಎಸ್ 30 ಮತ್ತು ಎಸ್ 30 ಪ್ರೊ ಮಿನಿ ಚೀನಾದಲ್ಲಿ ಬಿಡುಗಡೆಯಾಗಲಿದೆ. ಈ ಫೋನ್‌ಗಳಲ್ಲಿ ಒಂದು ಸ್ನಾಪ್‌ಡ್ರಾಗನ್ 7 Gen 4 ಆಧರಿಸಿದೆ. ಡೈಮೆನ್ಸಿಟಿ 9400e ಚಿಪ್‌ಸೆಟ್‌ ಇದರಲ್ಲಿ ಇರಲಿದೆ. S30 Pro Miniಗೆ 6.5K ಬ್ಯಾಟರಿ ಮತ್ತು 50MP ಕ್ಯಾಮೆರಾ ಸೇರಿಸಬಹುದು. ಈ ವಾರ ಮೊಬೈಲ್ ಪ್ರಿಯರಿಗೆ ಹಲವು ಉತ್ತಮ ಆಯ್ಕೆಗಳು ಸಿಗಲಿವೆ.

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ