UPSC ಅಭ್ಯರ್ಥಿಗಳಿಗೆ ಗುಡ್​ನ್ಯೂಸ್.. ಇಂಟರ್​ವ್ಯೂವ್​ ಫೇಲ್ ಆದರೂ ಸಿಗುತ್ತೆ ಸರ್ಕಾರಿ ಹುದ್ದೆ!

ಇನ್ನು ಮುಂದೆ ನೀವು ಯುಪಿಎಸ್‌ಸಿ ಪರೀಕ್ಷೆಯಲ್ಲಿ ಸಂದರ್ಶನ ಸ್ಟೇಜ್​​ವರೆಗೂ ತಲುಪಿದ್ರೆ ಸಾಕು. ನಿಮಗೆ ಯಾವುದಾದ್ರೂ ಸರ್ಕಾರಿ ಅಥವಾ ಖಾಸಗಿ ಕೆಲಸ ಸಿಗೋದು ಬಹುತೇಕ ಖಚಿತ. ಇದುವರೆಗೂ ಸಂದರ್ಶನ ಕ್ಲಿಯರ್​ ಮಾಡಿದವರ ಹೆಸರು ಮೆರಿಟ್ ಲಿಸ್ಟ್​ನಲ್ಲಿ ಇರುತ್ತಿತ್ತು. ಈಗ ನಿಮ್ಮ ಹೆಸರೂ ಮೆರಿಟ್ ಲಿಸ್ಟ್​ನಲ್ಲಿ ಇಲ್ಲದಿದ್ದರೂ ಚಿಂತಿಸಬೇಕಾಗಿಲ್ಲ. ಏಕೆಂದರೆ ನಿಮಗೆ ಉದ್ಯೋಗ ಸಿಗುವುದು ಪಕ್ಕಾ.

ಯುಪಿಎಸ್‌ಸಿ ಸಂದರ್ಶನ ಸ್ಟೇಜ್​​ವರೆಗೂ ಬಂದವರಿಗೆ ಉದ್ಯೋಗ ಸಿಗಲಿ ಎಂದು ಯೂನಿಯನ್ ಪಬ್ಲಿಕ್ ಸರ್ವಿಸ್ ಕಮಿಷನ್ 'ಪ್ರತಿಭಾ ಸೇತು' ಅನ್ನೋ ಪೋರ್ಟಲ್ ಶುರು ಮಾಡಿದೆ. ಇದರಲ್ಲಿ ಸಂದರ್ಶನದಲ್ಲಿ ಉತ್ತೀರ್ಣರಾಗಲು ಸಾಧ್ಯವಾಗದ ಅಭ್ಯರ್ಥಿಗಳ ಡೇಟಾ ಸಂಗ್ರಹಿಸಲಾಗುತ್ತದೆ. ಇವರನ್ನು ಸರ್ಕಾರದ ಯಾವುದಾದರೂ ಒಂದು ಇಲಾಖೆಯಲ್ಲಿ ಖಾಲಿ ಇರೋ ಹುದ್ದೆಗಳಿಗೆ ಅಥವಾ ಒಳ್ಳೆಯ ಖಾಸಗಿ ಕಂಪನಿಗಳಲ್ಲಿ ಉದ್ಯೋಗಕ್ಕೆ ಸೆಲೆಕ್ಟ್​ ಮಾಡಲಾಗುವುದು ಅನ್ನೋ ಮಾಹಿತಿ ಲಭ್ಯವಾಗಿದೆ.

ಪ್ರತಿಭಾ ಸೇತು ಪೂರ್ಣ ಹೆಸರು Professional Resource and Talent Integration -Bridge for Hiring Aspirants ಎಂದು. ಮೊದಲು ಇದನ್ನು ಸಾರ್ವಜನಿಕ ಬಹಿರಂಗಪಡಿಸುವಿಕೆ ಸ್ಕೀಮ್​ ಎಂದು ಕರೆಯಲಾಗುತ್ತಿತ್ತು. ಸುಮಾರು 6 ವರ್ಷಗಳ ಹಿಂದೆ ಅಂದ್ರೆ 2018ರ ಆಗಸ್ಟ್ 20ರಂದು ಪ್ರಾರಂಭಿಸಲಾಯಿತು. ಈಗ ಮತ್ತೆ ಹೊಸದಾಗಿ ಶುರು ಮಾಡಲಾಗಿದೆ. ಇದರ ಕುರಿತು ಹೆಚ್ಚಿನ ಮಾಹಿತಿಗಾಗಿ ಅಭ್ಯರ್ಥಿಗಳು ಯುಪಿಎಸ್​​ಸಿ ಅಧಿಕೃತ ವೆಬ್‌ಸೈಟ್‌ಗೆ ಭೇಟಿ ನೀಡಬಹುದಾಗಿದೆ. ಈ ಪೋರ್ಟಲ್ ಮೂಲಕ ಯುಪಿಎಸ್​​ಸಿ ಅಭ್ಯರ್ಥಿಗಳು ಐಎಎಸ್​, ಐಪಿಎಸ್​​ ಆಗದಿದ್ರೂ ಯಾವುದಾದ್ರೂ ಒಂದು ಸರ್ಕಾರಿ ಅಥವಾ ಖಾಸಗಿ ಕೆಲಸ ಪಡೆಯಬಹುದಾಗಿದೆ.

'ಪ್ರತಿಭಾ ಸೇತು' ಪೋರ್ಟಲ್ ಶುರು ಮಾಡಿದ ಉದ್ದೇಶ ಏನು ಅಂತಾ ನೋಡೋದಾದ್ರೆ..!

ಯುಪಿಎಸ್​​ಸಿ ಅಭ್ಯರ್ಥಿಗಳು ಯಾವುದೇ ಆಯ್ದ ಅಭ್ಯರ್ಥಿಗಿಂತ ಕಡಿಮೆಯಿಲ್ಲ ಎಂದು ಯೂನಿಯನ್ ಪಬ್ಲಿಕ್ ಸರ್ವಿಸ್ ಕಮಿಷನ್ ನಂಬಿದೆ. ಇವರಿಗೆ ತಮ್ಮ ಪ್ರತಿಭೆಯನ್ನು ಪ್ರದರ್ಶಿಸಲು ಒಂದು ವೇದಿಕೆ ಬೇಕು. ಈಗ ಸರ್ಕಾರದ ಖಾಲಿ ಹುದ್ದೆಗಳಿಗೆ ಬೇಕಾದ್ರೆ ಇವರನ್ನು ಆಯ್ಕೆ ಮಾಡಿಕೊಳ್ಳಬಹುದು. ಖಾಸಗಿ ಕಂಪನಿಗಳು ಕೂಡ ಯುಪಿಎಸ್‌ಸಿ ಪೋರ್ಟಲ್‌ಗೆ ಲಾಗಿನ್ ಆಗುವ ಮೂಲಕ ಈ ಯುವಕರ ಪ್ರೊಫೈಲ್‌ಗಳನ್ನು ವೀಕ್ಷಿಸಬಹುದು. ಇವರಿಗೆ ಉದ್ಯೋಗಾವಕಾಶ ನೀಡಬಹುದು.

ಇದನ್ನೂ ಓದಿ: ಈ ಸರ್ಕಾರಿ ಶಾಲೆಯಲ್ಲಿ ದಾಖಲೆ.. ಎಸ್ಸಿ, ಎಸ್​ಟಿಗೆ ಸೇರಿದ 12 ವಿದ್ಯಾರ್ಥಿನಿಯರು NEET ಪರೀಕ್ಷೆ ಪಾಸ್..!

ಇದುವರೆಗೂ ಸುಮಾರು 10 ಸಾವಿರಕ್ಕೂ ಹೆಚ್ಚು ಅಭ್ಯರ್ಥಿಗಳ ಮಾಹಿತಿಯನ್ನು ಈ ಪೋರ್ಟಲ್​​ನಲ್ಲಿ ದಾಖಲಿಸಲಾಗಿದೆ. ಎಜುಕೇಷನ್​ ಕ್ವಾಲಿಫಿಕೇಶನ್​​​, ಎಕ್ಸ್​ಪಿರಿಯನ್ಸ್​​, ಕಾಂಟಕ್ಟ್​​ ಡೀಟೈಲ್ಸ್​ ಎಲ್ಲವನ್ನೂ ಮೆನ್ಷನ್​ ಮಾಡಲಾಗಿದೆ. ಇದು ಉತ್ತಮ ಅಭ್ಯರ್ಥಿಗಳನ್ನು ಹುಡುಕುವಲ್ಲಿ ಕಂಪನಿಗಳಿಗೆ ಸಹಾಯ ಮಾಡುತ್ತದೆ.

ಯಾವ ಪರೀಕ್ಷೆಯಲ್ಲಿ ಉತ್ತೀರ್ಣರಾದ ಅಭ್ಯರ್ಥಿಗಳಿಗೆ ಅವಕಾಶ ಸಿಗುತ್ತದೆ..?

ನಾಗರಿಕ ಸೇವಾ ಪರೀಕ್ಷೆ (Civil Services Examination), ಭಾರತೀಯ ಅರಣ್ಯ ಸೇವಾ ಪರೀಕ್ಷೆ (Indian Forest Service Examination), ಕೇಂದ್ರ ಸಶಸ್ತ್ರ ಪೊಲೀಸ್ ಪಡೆಗಳ (ACs) ಪರೀಕ್ಷೆ (Central Armed Police Forces (ACs) Examination), ಎಂಜಿನಿಯರಿಂಗ್ ಸೇವೆಗಳ ಪರೀಕ್ಷೆ (Engineering Services Examination), ಸಂಯೋಜಿತ ಭೂ-ವಿಜ್ಞಾನಿ ಪರೀಕ್ಷೆ (Combined Geo-Scientist Examination), CDS ಪರೀಕ್ಷೆ (CDS Examination), ಭಾರತೀಯ ಆರ್ಥಿಕ ಸೇವೆ (Indian Economic Service), ಸಂಯೋಜಿತ ವೈದ್ಯಕೀಯ ಸೇವೆಗಳ ಪರೀಕ್ಷೆ (Combined Medical Services Examination) ಪಾಸ್​ ಆದ ಅಭ್ಯರ್ಥಿಗಳ ಹೆಸರನ್ನು ಪೋರ್ಟಲ್​ನಲ್ಲಿ ನೀಡಲಾಗಿದೆ. ಇವರು ಇಂಟರ್ವ್ಯೂನಲ್ಲಿ ಪಾಸ್​ ಆಗದಿದ್ರೂ ಸರ್ಕಾರಿ ಉದ್ಯೋಗ ಗ್ಯಾರಂಟಿ.

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ