13 ವರ್ಷಕ್ಕೆ IPLಗೆ ಆಯ್ಕೆ; ಬದುಕು ಬದಲಿಸಿದ ಹ್ಯಾಟ್ರಿಕ್ ಸಿಕ್ಸ್.. ಅವಮಾನದಿಂದ ವೈಭವ್​ ಹೊರ ಬಂದಿದ್ದೇಗೆ?

ಆಕ್ಷನ್​​ ಟೇಬಲ್​​ನಲ್ಲಿ ಕ್ರಿಕೆಟ್​ ಲೋಕಲ್ ಸೂಪರ್​ ಸ್ಟಾರ್​​​ಗಳು ಯಾರಿಗೂ ಬೇಡವಾದ್ರು. ಆದ್ರೆ, ಈ ಯಂಗ್​​ಸ್ಟರ್ ವೈಭವ್​ ಸೂರ್ಯವಂಶಿ​​ ಖರೀದಿಗೆ ಪೈಪೋಟಿ ನಡೆಯಿತು. ಪರಿಣಾಮ 13 ವರ್ಷಕ್ಕೆ ಈತ ಕೋಟ್ಯಾಧಿಪತಿ. ಅಂದ್ಹಾಗೆ ಈ ಕೋಟ್ಯಾಧಿಪತಿ ಪಟ್ಟ ಸುಖಾ ಸುಮ್ಮನೆ ಬಂದಿದ್ದಲ್ಲ. ಇದರ ಹಿಂದೆ ತಂದೆಯ ಋಣದ ಭಾರವಿದೆ. ವಿವಾದದ ಅವಮಾನವಿದೆ. ಹ್ಯಾಟ್ರಿಕ್​​ ಸಿಕ್ಸರ್​ನ ರೋಚಕ ಕತೆಯಿದೆ.

ಈ ಬಾರಿಯ ಇಂಡಿಯನ್​ ಪ್ರೀಮಿಯರ್​​ ಮೆಗಾ ಹರಾಜು ಹಲವು ಅಚ್ಚರಿಗಳಿಗೆ ಕಾರಣವಾಯ್ತು. ಡೇವಿಡ್​ ವಾರ್ನರ್​, ಕೇನ್​ ವಿಲಿಯಮ್​ಸನ್​ರಂತ​​ ಜಂಟಲ್​ಮನ್​ ಗೇಮ್​​ ಕಂಡ ಲೆಜೆಂಡ್​ಗಳೇ ಅನ್​​ಸೋಲ್ಡ್​ ಆದರು. ಐಪಿಎಲ್​ನಲ್ಲಿ ಮ್ಯಾಚ್​ ವಿನ್ನರ್ಸ್​ ಅನಿಸಿಕೊಂಡ ಶಾರ್ದೂಲ್​ ಠಾಕೂರ್​, ಪೃಥ್ವಿ ಷಾ ಯಾರಿಗೂ ಬೇಡವಾದರು. ಆದ್ರೆ, ಈ 13 ವರ್ಷದ ಯಂಗ್​​ ಆಲ್​​ರೌಂಡರ್​​ ಹೆಸರು ಬಂದ ಕೂಡಲೇ ಬಿಡ್ಡಿಂಗ್​ ವಾರ್​ ನಡೆಯಿತು.

ಇದನ್ನೂ ಓದಿ: IPL Auction; ಹರಾಜಿನಲ್ಲಿ ಅತಿ ಹೆಚ್ಚು ಹಣ ಪಡೆದ ಭಾರತದ ಮೂವರು ಸ್ಟಾರ್ ಪ್ಲೇಯರ್ಸ್?

ಮೆಗಾ ಆಕ್ಷನ್​​ನಲ್ಲಿ ಸ್ಟಾರ್​​ಗಳ ಅಬ್ಬರದ ನಡುವೆ ಸದ್ದು ಮಾಡಿದ್ದು ಈ ಯಂಗ್​​ಸ್ಟರ್​​ ಹೆಸರು. ಆಕ್ಷನರ್​ ಮಲ್ಲಿಕಾ ಸಾಗರ್​ ನಂಬರ್​ 491, ವೈಭವ್​ ಸೂರ್ಯವಂಶಿ ಎಂಬ ಭವಿಷ್ಯದ ಭರವಸೆಯ ಹೆಸರು ಹೇಳಿದ್ದೇ ತಡ ಫ್ರಾಂಚೈಸಿಗಳು ಎದ್ದು ಕೂತವು. ಡೆಲ್ಲಿ ಕ್ಯಾಪಿಟಲ್ಸ್​​- ರಾಜಸ್ಥಾನ್​ ರಾಯಲ್ಸ್ ನೀನಾ.? ನಾನಾ.? ಎಂಬಂತೆ​ ಜಿದ್ದಿಗೆ ಬಿದ್ವು. 30 ಲಕ್ಷ ಮೂಲ ಬೆಲೆ ಹೊಂದಿದ್ದ ವೈಭವ್​ ಸೂರ್ಯವಂಶಿಯ ಪ್ರೈಸ್​ ನೋಡ ನೋಡ್ತಿದ್ದಂತೆ ಕೋಟಿಯ ಗಡಿ ದಾಟಿತು. ಅಂತಿಮವಾಗಿ ಬರೋಬ್ಬರಿ 1.10 ಕೋಟಿಗೆ 13 ವರ್ಷದ ಹುಡುಗನನ್ನ ರಾಜಸ್ಥಾನ್​​ ರಾಯಲ್ಸ್​ ​​ಖರೀದಿಸಿತು.

13 ವರ್ಷ, ಆ 3 ಘಟನೆ, 1.10 ಕೋಟಿ ಹಣ.!

13 ವರ್ಷಕ್ಕೆ ಕೋಟ್ಯಧಿಪತಿ. ಕೇಳೋಕೆ ಮೈ ಜುಮ್​​ ಅನ್ನಿಸುತ್ತೆ. ವೈಭವ್​ ಸೂರ್ಯವಂಶಿ ಕೋಟಿಗೆ ಸೇಲ್​ ಆದ ಬೆನ್ನಲ್ಲೇ ಪುಣ್ಯ ಮಾಡಿರಬೇಕು. ಅದೃಷ್ಟ ಮಾಡಿರಬೇಕು ಅನ್ನೋ ಮಾತುಗಳು ಕೇಳಿ ಬರುತ್ತಿವೆ. ಆದ್ರೆ, ಈ ಪಾಪ-ಪುಣ್ಯ, ಅದೃಷ್ಟ ಎಷ್ಟರ ಮಟ್ಟಿಗೆ ವರ್ಕೌಟ್​ ಆಗಿದೆಯೋ ಇಲ್ವೋ ಗೊತ್ತಿಲ್ಲ. ಆದ್ರೆ, ಯುವ ಆಟಗಾರನ ಕಠಿಣ ಪರಿಶ್ರಮಕ್ಕೆ ಫಲವಂತೂ ಸಿಕ್ಕಿದೆ. ಅಂದ್ಹಾಗೆ 13 ವರ್ಷದ ವೈಭವ್​ ಜೀವನಕ್ಕೆ ಟ್ವಸ್ಟ್​ ಆ 3 ಘಟನೆಗಳು.

ತಲೆಯ ಮೇಲಿತ್ತು ತಂದೆಯ ಋಣದ ಭಾರ.!

ಬಾಲ್ಯದಿಂದಲೇ ಕ್ರಿಕೆಟ್​ ಮೇಲೆ ಪ್ರೀತಿ ಬೆಳೆಸಿಕೊಂಡ ವೈಭವ್​ ಟ್ಯಾಲೆಂಟ್​ನ ಮೊದಲು ಗುರುತಿಸಿದ್ದೇ ತಂದೆ ಸಂಜೀವ್​​. ಕ್ರಿಕೆಟ್​​ ಪ್ರೇಮಿಯಾಗಿದ್ದ ಸಂಜೀವ್​ ಆರಂಭದಲ್ಲಿ ಮನೆಯ ಬಳಿಯೇ ನೆಟ್ಸ್​ ತಯಾರಿಸಿ ಮಗನ ಅಭ್ಯಾಸಕ್ಕೆ ನೆರವಾದರು. ಬಳಿಕ ವೈಭವ್​​ ಉತ್ಸಾಹ ಹೆಚ್ಚಾದಂತೆ ಸಮಸ್ತಿಪುರದ ಕ್ರಿಕೆಟ್​ ಅಕಾಡೆಮಿಗೆ ಸೇರಿಸಿದರು. ಇಷ್ಟೇ ಅಲ್ಲ, ಮಗನನ್ನ ಕ್ರಿಕೆಟರ್​ ಮಾಡೋ ಪಣ ತೊಟ್ಟ ತಂದೆ ಹಣದ ಅಡಚಣೆಯಾದಾಗ ಇದ್ದ ಸ್ವಲ್ಪ ಕೃಷಿ ಜಮೀನನ್ನೆ ಮಾರಿದರು. ಬಿಹಾರದ ಮಾಜಿ ಕ್ರಿಕೆಟಿಗ ಮನೀಷ್​ ಓಜಾ ಬಳಿ ಕೋಚಿಂಗ್​ಗೆ ಸೇರಿಸಿದರು. ಅಕಾಡೆಮಿ ಸೇರಿದ ಮೊದಲ ದಿನ ತಂದೆಯ ಋಣ ತೀರಿಸೋ ಪಣ ತೊಟ್ಟಿದ್ದ ವೈಭವ್​ ಸೂರ್ಯವಂಶಿ.

ಸಕ್ಸಸ್​​ ಬೆನ್ನಲ್ಲೇ ಎದುರಾಗಿತ್ತು ವಿವಾದ ಅವಮಾನ.!

ಸ್ಪಷ್ಟವಾದ ಗುರಿ ಹೊಂದಿ, ಕಠಿಣ ಪರಿಶ್ರಮದಿಂದ ಹೋರಾಡಿದ ವೈಭವ್ ಸೂರ್ಯವಂಶಿಗೆ ಅಂದುಕೊಂಡಂತೆ ಬೇಗನೇ ಸಕ್ಸಸ್​​ ಸಿಕ್ಕಿತು. ಬಿಹಾರ ಕ್ರಿಕೆಟ್​ ಅಸೋಷಿಯೇಶನ್​ನ ಏಜ್​ ಗ್ರೂಪ್​ ಕ್ರಿಕೆಟ್​ನಲ್ಲಿ ವೈಭವ್​ ಹೆಸರು ಸಖತ್​ ಸೌಂಡ್​ ಮಾಡಿತು. ಈ ಸಕ್ಸಸ್​ ಬೆನ್ನಲ್ಲೇ ವಿವಾದದ ಅವಮಾನ ಎದುರಾಯಿತು. ಏಜ್​ ಫ್ರಾಡ್​ನ ಬಲವಾದ ಆರೋಪ ಕೇಳಿಬಂತು. ಆಗ ಬಿಸಿಸಿಐ ನಿಯಮದಂತೆ ವೈಭವ್​, ಬೋನ್​​​ ಟೆಸ್ಟ್​ಗೆ ಒಳಗಾಗಿ, ತನ್ನ ತಾನು ತಪ್ಪು ಮಾಡಿಲ್ಲ ಅನ್ನೋದು ಪ್ರೂವ್​ ಮಾಡಿದರು.

ಇದನ್ನೂ ಓದಿ: IPL 2025 Auction; ಸ್ಪಿನ್ನರ್ ಚಹಾಲ್​​ಗೂ ಒಲಿದ ಬಂದ ಲಕ್ಷ್ಮಿ.. ಬಾರೀ ಮೊತ್ತಕ್ಕೆ ಸೇಲ್ ಆದ RCB ಮಾಜಿ ಪ್ಲೇಯರ್

ಬದುಕು ಬದಲಿಸಿದ್ದು ಆ ಹ್ಯಾಟ್ರಿಕ್​​ ಸಿಕ್ಸರ್​​.!

ತನ್ನ ಆಟದಿಂದಲೇ ಗಮನ ಸಳೆದ ವೈಭವ್​ಗೆ 11ನೇ ವರ್ಷಕ್ಕೆ ಭಾರತ ಅಂಡರ್​ 19​​ ತಂಡಕ್ಕೆ ಎಂಟ್ರಿ ಕೊಟ್ಟಿದ್ದ. 12 ವರ್ಷಕ್ಕೆ ರಣಜಿ ಟ್ರೋಫಿ ಡೆಬ್ಯೂ ಮಾಡಿದ್ದ. ಐಪಿಎಲ್​ ಆಡೋ ಕನಸು ತನ್ನಲ್ಲಿತ್ತು. ಈ ಕನಸನ್ನ ನನಸು ಮಾಡಿದ್ದು ಆ ಹ್ಯಾಟ್ರಿಕ್​ ಸಿಕ್ಸರ್​​​​. ಐಪಿಎಲ್​ ಆಕ್ಷನ್​​ಗೂ ಮುನ್ನ ರಾಜಸ್ಥಾನ ರಾಯಲ್ಸ್​​​ ಟ್ರಯಲ್ಸ್​ ನಡೆಸಿತ್ತು. ಈ ಟ್ರಯಲ್ಸ್​ ಹೋಗಿದ್ದ ಸೂರ್ಯವಂಶಿ ಹ್ಯಾಟ್ರಿಕ್​​ ಸಿಕ್ಸರ್​​ ಸಿಡಿಸಿದ್ರಂತೆ. ಇದನ್ನ ನೋಡಿ ಇಂಪ್ರೆಸ್​ ಆದ ಮ್ಯಾನೇಜ್​ಮೆಂಟ್​ 1.10 ಕೋಟಿ ರೂಪಾಯಿಗೆ ಖರೀದಿಸಿದೆ.

ಸಾಧಿಸೋ ಪಣತೊಟ್ಟು ಛಲದಿಂದ ಹೋರಾಡಿದ ವೈಭವ್​​ ಸೂರ್ಯವಂಶಿ 13 ವರ್ಷಕ್ಕೆ ಕೋಟ್ಯಧಿಪತಿ ಆಗಿದ್ದಾನೆ. ಆದ್ರೆ, ಚಿಕ್ಕ ವಯಸ್ಸಿಗೆ ಸಿಕ್ಕಿರೋ ಯಶಸ್ಸಿನ ಅಮಲು ತಲೆ ಏರದಿರಲಿ ಅನ್ನೋದು ಕ್ರಿಕೆಟ್​​ ಲೋಕದ ಆಶಯವಾಗಿದೆ. ಅತಿ ವೇಗವಾಗಿ ಸಕ್ಸಸ್​​ ಕಂಡು ಅಷ್ಟೇ ವೇಗವಾಗಿ ಮರೆಯಾದ ಪೃಥ್ವಿ ಷಾ ಉದಾಹರಣೆ ಎಲ್ಲರ ಮುಂದಿದೆ. ಹೀಗಾಗಿ ಈ ಬಿಹಾರ ಬಾಯ್​​​ ಮುಂದೆ ಎಚ್ಚರಿಕೆಯ ಹೆಜ್ಜೆ ಇಡಬೇಕಿದೆ.

ವಿಶೇಷ ಸೂಚನೆ: ಕ್ರಿಕೆಟ್‌ನ ಸುದ್ದಿಗಳಿಗಾಗಿ ಪ್ರತಿದಿನ ಬೆಳಗ್ಗೆ 8.27ಕ್ಕೆ ನ್ಯೂಸ್‌ಫಸ್ಟ್‌ಚಾನೆಲ್​​ನಲ್ಲಿ ‘ರನ್ ಭೂಮಿ’ ವೀಕ್ಷಿಸಿ