ಕ್ರಿಕೆಟ್​ ಜಗತ್ತಿಗೆ ಹೊಸ ಸಂದೇಶ; 10 ಬಿಗ್​ ಸಿಕ್ಸರ್​, 13 ಬೌಂಡ್ರಿ.. ಸೂರ್ಯವಂಶಿ ಸಿಡಿಲಬ್ಬರ, ಸೆಂಚುರಿ ‘ವೈಭವ’

ಒಂದು ಕಡೆ 25 ವರ್ಷದ ಶುಭ್​​ಮನ್​ ಗಿಲ್​​ ಸೀನಿಯರ್​​ ಇಂಗ್ಲೆಂಡ್​ ಟೀಮ್​ನ ಬೆಂಡೆತ್ತಿದ್ದಾರೆ. ಇನ್ನೊಂದೆಡೆ 14 ವರ್ಷದ ವೈಭವ್​ ಸೂರ್ಯವಂಶಿ ಜೂನಿಯರ್​ ಇಂಗ್ಲೆಂಡ್​​ ಟೀಮ್​ನ ರುಬ್ಬುತ್ತಿದ್ದಾರೆ. ಅವರದ್ದೇ ಹೋಮ್​​​ಗ್ರೌಂಡ್​ನಲ್ಲಿ ಆಂಗ್ಲರನ್ನ ಅಟ್ಟಾಡಿಸಿರೋ ವೈಭವ್​ ಸೂರ್ಯವಂಶಿ, ಕ್ರಿಕೆಟ್​ ಜಗತ್ತಿಗೆ ಹೊಸ ಸಂದೇಶ ರವಾನಿಸಿದ್ದಾರೆ. ಸೂಪರ್​ ಸ್ಟಾರ್​ ಸೂರ್ಯವಂಶಿಯ ಸ್ಪೆಷಲ್​ ರಿಪೋರ್ಟ್​. ​

ಫೋರ್, ಸಿಕ್ಸ್​ ಇಂಗ್ಲೆಂಡ್​ನ ವೋರ್ಸ್​​ಸ್ಟೆರ್​​ನಲ್ಲಿ ಟೀಮ್​ ಇಂಡಿಯಾ ಯಂಗ್​ ಸೆನ್ಸೇಷನ್​​ ವೈಭವ್​​ ಸೂರ್ಯವಂಶಿ ಸೃಷ್ಟಿಸಿದ್ದು ರನ್​ ಸುನಾಮಿಯನ್ನ. 14 ವರ್ಷದ ಯುವ ಆಟಗಾರ ನಿರ್ಭೀತ ಆಟವನ್ನಾಡ್ತಾ ಬೌಂಡರಿ, ಸಿಕ್ಸರ್​ಗಳ ಧಮಾಕ ಸೃಷ್ಟಿಸ್ತಾ ಇದ್ರೆ, ಇಂಗ್ಲೆಂಡ್​ ಬೌಲರ್​ಗಳು ತಬ್ಬಿಬ್ಬಾಗಿದ್ರು. ಆ ಅಗ್ರೆಸ್ಸಿವ್​ ಆಟ, ಫಿಯರ್​ಲೆಸ್​ ಆ್ಯಟಿಟ್ಯೂಡ್​ ಕ್ರಿಕೆಟ್​​​ ಲೋಕವೇ ಸ್ಟನ್​ ಆಗಿದೆ.

ಆಂಗ್ಲರ ನಾಡಲ್ಲಿ ಸೂರ್ಯವಂಶಿ ಸೆನ್ಸೇಷನಲ್​ ಆಟ.!

ಭಾರತದ ನಯಾ ಸೂಪರ್​ ಸ್ಟಾರ್​​ ವೈಭವ್​​ ಸೂರ್ಯವಂಶಿ ಆಂಗ್ಲರ ನಾಡಲ್ಲಿ ಆರ್ಭಟಿಸಿದ್ದಾರೆ. ಇಂಗ್ಲೆಂಡ್​ ಅಂಡರ್​ 19 ತಂಡದ ಎದುರಿನ 4ನೇ ಯೂತ್​ ಒಡಿಐ ಪಂದ್ಯದಲ್ಲಿ ವೈಭವ್​​ ಇಂಗ್ಲೆಂಡ್​ ಬೌಲಿಂಗ್​ ಧೂಳಿಪಟ ಮಾಡಿದರು. ನೀವ್​ ನಂಬ್ತಿರೋ ಇಲ್ವೋ, 14 ವರ್ಷದ ಹುಡುಗ ಸೆಂಚುರಿ ಸಿಡಿಸಿದ್ದು ಜಸ್ಟ್​ 52 ಎಸೆತಕ್ಕೆ.

ವೇಗದ ಶತಕ ಸಿಡಿಸಿ ದಾಖಲೆ ಬರೆದ 14ರ ಪೋರ.!

ಯೂತ್​​ ಒಡಿಐನಲ್ಲಿ ದಾಖಲಾದ ವೇಗದ ಶತಕ ಇದು. ಬೌಂಡರಿ, ಸಿಕ್ಸರ್​​ಗಳಲ್ಲೇ ರನ್​ಡೀಲ್​ ಮಾಡಿದ ವೈಭವ್​ ಸೂರ್ಯವಂಶಿ ಜಸ್ಟ್​ 52 ಎಸೆತಕ್ಕೆ ಸೆಂಚುರಿ ಬಾರಿಸಿದರು. ಶತಕದ ಗಡಿ ದಾಟಿದ ಮಾತ್ರಕ್ಕೆ ರನ್​​ ದಾಹ ನೀಗಲ್ಲ. ಆ ನಂತರವೂ ಅಬ್ಬರಿಸಿದ ಸೂರ್ಯವಂಶಿ 78 ಎಸೆತಕ್ಕೆ 143 ರನ್​ ಸಿಡಿಸಿದರು. ಈ ಸ್ಪೋಟಕ ಇನ್ನಿಂಗ್ಸ್​ನಲ್ಲಿ 10 ಸಿಕ್ಸರ್​, 13 ಬೌಂಡರಿಗಳಿದ್ದವು.

ಸೆಂಚುರಿ ಸಿಡಿಸಲು ಸ್ಪೂರ್ತಿಯಾದ ಶುಭ್​ಮನ್​.!

ಇಂಗ್ಲೆಂಡ್​ ಸೀನಿಯರ್​ ತಂಡಕ್ಕೆ ಶುಭ್​ಮನ್​ ಗಿಲ್​ ತಲೆನೋವಾಗಿದ್ದಾರೆ. ಅತ್ಯದ್ಭುತ ಫಾರ್ಮ್​ನಲ್ಲಿ ಬ್ಯಾಟ್​ ಬೀಸ್ತಾ ಇರೋ ಶುಭ್​​ಮನ್​ ಗಿಲ್​, ಬೆನ್​​ ಸ್ಟೋಕ್ಸ್​​​ ಪಡೆಯ ಪ್ಲಾನ್​ ಸ್ಟ್ರೋಕ್​​ ಕೊಡ್ತಿದ್ದಾರೆ. ಇತ್ತ ಇಂಗ್ಲೆಂಡ್​ ಜೂನಿಯರ್​ ತಂಡವನ್ನ ವೈಭವ್​ ಸೂರ್ಯವಂಶಿ ಕಾಡ್ತಿದ್ದಾರೆ. ಅಂದ್ಹಾಗೆ ಈ ಸೂರ್ಯವಂಶಿಗೆ ಸ್ಪೂರ್ತಿ ಯಾರು ಗೊತ್ತಾ.? ಶುಭ್​ಮನ್​ ಗಿಲ್​.!

ನಾನು ಶುಭ್​ಮನ್​ ಗಿಲ್​ರಿಂದ ಸ್ಪೂರ್ತಿ ಪಡೆದುಕೊಂಡೆ. ನಾನು ಆ ಟೆಸ್ಟ್​ ನೋಡಿದೆ. 100 ಮತ್ತು 200 ರನ್​​ ಹೊಡೆದ ಬಳಿಕವೂ ಅದೇ ಆಟ ಆ ಮುಂದುವರೆಸಿದರು. ತಂಡವನ್ನ ಮುಂದೆ ತೆಗೆದುಕೊಂಡು ಹೋದರು. ನನಗೂ ಇವತ್ತು ಸಮಯವಿತ್ತು. 20 ಓವರ್​ಗಳು ಬಾಕಿ ಉಳಿದಿದರು. ನಾನು ದೊಡ್ಡ ಇನ್ನಿಂಗ್ಸ್​ ಕಟ್ಟಬಹುದಿತ್ತು.

ನಾನೇ ನೆಕ್ಸ್ಟ್​ ಸೂಪರ್​​ಸ್ಟಾರ್​.. ಸೂರ್ಯವಂಶಿ ಸಂದೇಶ.!

ವಿಸ್ಪೋಟಕ ಶತಕದೊಂದಿಗೆ ಸೂರ್ಯವಂಶಿ ಕ್ರಿಕೆಟ್ ಜಗತ್ತಿನ​ ನೆಕ್ಸ್ಟ್​ ಸೂಪರ್​ ಸ್ಟಾರ್​​ ನಾನೇ ಅನ್ನೋ ಸಂದೇಶವನ್ನ ತನ್ನ ಬ್ಯಾಟಿಂಗ್​ನಿಂದಲೇ ನೀಡಿದ್ದಾನೆ. ಯುವ ಆಟಗಾರನ ಟ್ರ್ಯಾಕ್​​ ರೆಕಾರ್ಡ್​ ನೋಡಿದ್ರೆ, ಯಾರಾದರು ಯಾವುದೇ ಅನುಮಾನ, ಕಿಂಚಿತ್ತೂ ಹಿಂಜರಿಕೆಯಿಲ್ಲದೇ ಈ ಮಾತನ್ನ ಒಪ್ಪಲೇಬೇಕು. ಈ ಸರಣಿಯಲ್ಲೇ ಸೂರ್ಯವಂಶಿ ಇಂಗ್ಲೆಂಡ್​ ತಂಡಕ್ಕೆ ಕೊಟ್ಟ ಕಾಟ ಅಷ್ಟಿಷ್ಟಲ್ಲ.!

ಇಂಗ್ಲೆಂಡ್​​ ಪ್ರವಾಸದಲ್ಲಿ ವೈಭವ್​

ಇಂಗ್ಲೆಂಡ್​ ಪ್ರವಾಸದ ಮೊದಲ ಏಕದಿನ ಪಂದ್ಯದಲ್ಲಿ 19 ಎಸೆತಗಳಲ್ಲಿ 49 ರನ್​​ ಸಿಡಿಸಿದ್ದ ವೈಭವ್​ ಸೂರ್ಯವಂಶಿ, 2ನೇ ಏಕದಿನದಲ್ಲಿ 34 ಎಸೆತಕ್ಕೆ 45 ರನ್​ಗಳಿಸಿದರು. 3ನೇ ಏಕದಿನದಲ್ಲಿ ಜಸ್ಟ್​ 31 ಎಸೆತಕ್ಕೆ 86 ರನ್​ ಸಿಡಿಸಿದ ಮಿಂಚಿದ ಸೂರ್ಯವಂಶಿ, 4ನೇ ಏಕದಿನದಲ್ಲಿ 78 ಎಸೆತಕ್ಕೆ ಬರೋಬ್ಬರಿ 143 ರನ್​​ ಕಲೆ ಹಾಕಿದರು.

IPL​ ಅಖಾಡದಲ್ಲೂ ಸೂರ್ಯವಂಶಿ​​ ಆರ್ಭಟ.!

ವೈಭವ್​ ಸೂರ್ಯವಂಶಿ ನೆಕ್ಸ್ಟ್​ ಸೂಪರ್​ ಸ್ಟಾರ್​ ಅನ್ನೋದಕ್ಕೆ ಐಪಿಎಲ್​ ಸೀಸನ್​ 18ಕ್ಕಿಂತ ಬೆಸ್ಟ್​ ಎಕ್ಸಾಂಪಲ್​ ಬೇಕಾ.? ಘಟಾನುಘಟಿ ಬೌಲರ್​​ಗಳನ್ನ ಬೆಚ್ಚಿ ಬೀಳಿಸಿದ್ದನ್ನ ಮರೆಯೋಕಾಗುತ್ತಾ.? ಐಪಿಎಲ್​ ಅಖಾಡದಲ್ಲಿ ಅಬ್ಬರಿಸಿ ಬೊಬ್ಬಿರಿದ ವೈಭವ್​ ಸೂರ್ಯವಂಶಿ 7 ಪಂದ್ಯದಿಂದ 252 ರನ್​ಗಳಿಸಿದರು. ಗುಜರಾತ್​ ಟೈಟನ್ಸ್​ ವಿರುದ್ಧದ ಪಂದ್ಯದಲ್ಲಿ ಸ್ಪೋಟಕ ಶತಕ ಸಿಡಿಸಿದರು. ದಿಗ್ಗಜ ಬೌಲರ್​ಗಳನ್ನ ಚಚ್ಚಿ ಬಿಸಾಕಿ ಐಪಿಎಲ್​​ ಇತಿಹಾಸದ 2ನೇ ವೇಗದ ಶತಕ ಸಿಡಿಸಿದ ವೈಭವ್​ ಸೂರ್ಯವಂಶಿಗೆ ಖಂಡಿತ ಸೂಪರ್​ ಸ್ಟಾರ್​ ಆಗೋ ಎಲ್ಲಾ ತಾಖತ್ತಿದೆ.

ಇದನ್ನೂ ಓದಿ:ಬ್ಯುಸಿನೆಸ್ ಫೀಲ್ಡ್​ಗೆ ಇಳಿದ ಟೀಮ್ ಇಂಡಿಯಾದ ಸ್ಟಾರ್.. ವಿರಾಟ್​ ಕೊಹ್ಲಿ ಶಿಷ್ಯ ಹೊಸ ಇನ್ನಿಂಗ್ಸ್!

ಟೆಸ್ಟ್​ನಲ್ಲೂ ವೈಭವ್​ ಸೂರ್ಯವಂಶಿ ಶತಕ ಸಾಧನೆ.!

ಏಕದಿನ, ಐಪಿಎಲ್​ ಅಷ್ಟೇ ಅಲ್ಲ, ಈಗಾಗಲೇ ಟೆಸ್ಟ್​​ನಲ್ಲೂ ವೈಭವ್​​ ಸೂರ್ಯವಂಶಿ ಸಾಮರ್ಥ್ಯ ತೋರಿಸಿದ್ದಾರೆ. 2024ರಲ್ಲಿ ಆಸ್ಟ್ರೇಲಿಯಾ ಅಂಡರ್​ 19 ತಂಡದ ವಿರುದ್ಧ ಚೆನ್ನೈನಲ್ಲಿ ನಡೆದ ಟೆಸ್ಟ್​ನಲ್ಲಿ ಸೂರ್ಯವಂಶಿ ಸೆಂಚುರಿ ಸಿಡಿಸಿದರು. ಈ ಮೂಲಕ ಅಂಡರ್​​19 ಟೆಸ್ಟ್​ನಲ್ಲಿ ಸೆಂಚುರಿ ಬಾರಿಸಿದ ಅತಿ ಕಿರಿಯ ಬ್ಯಾಟರ್​ ಎಂಬ ಹೆಗ್ಗಳಿಕೆಗೆ ಪಾತ್ರರಾಗಿದರು.

ತನ್ನ ಬ್ಯಾಟಿಂಗ್​ನಿಂದಲೇ ವೈಭವ್​ ಸೂರ್ಯವಂಶಿ ಭವಿಷ್ಯದ ಸೂಪರ್​ ಸ್ಟಾರ್​ ಅನ್ನೋ ನಿರೀಕ್ಷೆಯನ್ನ ಕ್ರಿಕೆಟ್​ ಲೋಕದಲ್ಲಿ ಹುಟ್ಟು ಹಾಕಿದ್ದಾರೆ. ಅದು ನಿಜವಾಗಬೇಕಂದ್ರೆ, ಇದೇ ಕನ್ಸಿಸ್ಟೆನ್ಸಿಯನ್ನ ವೈಭವ್​ ಕಾಯ್ದುಕೊಳ್ಳಬೇಕಿದೆ. ಮುಖ್ಯವಾಗಿ ಚಿಕ್ಕ ವಯಸ್ಸಿಗೆ ಸಿಕ್ಕಿರೋ ಯಶಸ್ಸನ್ನ ಸರಿಯಾಗಿ ಹ್ಯಾಂಡಲ್​ ಮಾಡಬೇಕಿದೆ. ಟ್ಯಾಲೆಂಟ್​ ಇದ್ದರೂ ಯಶಸ್ಸಿನ ಮದ ಹತ್ತಿಸಿಕೊಂಡು ಕರಿಯರ್ ಹಾಳುಮಾಡಿಕೊಂಡ ಹಲ ಉದಾಹಣೆಗಳು ನಮ್ಮ ಎದುರಿಗಿವೆ ಅಲ್ವಾ.?

ವಿಶೇಷ ಸೂಚನೆ: ಕ್ರಿಕೆಟ್‌ನ ಸುದ್ದಿಗಳಿಗಾಗಿ ಪ್ರತಿದಿನ ಬೆಳಗ್ಗೆ 8.30ಕ್ಕೆ ನ್ಯೂಸ್‌ಫಸ್ಟ್‌ಚಾನೆಲ್​​ನಲ್ಲಿ ‘ರನ್ ಭೂಮಿ’ ವೀಕ್ಷಿಸಿ