ಬರೋಬ್ಬರಿ 300 ಮದುವೆ ಆಫರ್ ​ರಿಜೆಕ್ಟ್.. ವೈಷ್ಣವಿ ಗೌಡ ಕನಸಿನಂತೆಯೇ ಸಿಕ್ಕನಾ ಈ ರಾಜಕುಮಾರ!

ಅಗ್ನಿಸಾಕ್ಷಿ ಸನ್ನಿಧಿಗೆ ಕೊನೆಗೂ ಕಂಕಣಭಾಗ್ಯ ಕೂಡಿ ಬಂದಿದೆ. ಕೊನೆಗೂ ಮನ ಮೆಚ್ಚಿದ ಹುಡುಗ ವೈಷ್ಣವಿಯ ಕೈ ಹಿಡೀತಿದ್ದಾನೆ. ಸದ್ದಿಲ್ಲದೇ ಸನ್ನಿಧಿಯ ನಿಶ್ಚಿತಾರ್ಥ ಅದ್ಧೂರಿಯಾಗಿ ನೇರವೇರಿದೆ. ಅದರಲ್ಲಿ ಇನ್ನೊಂದು ಇಂಟರೆಸ್ಟಿಂಗ್​ ಕಥೆ ಗೊತ್ತಾ? ವೈಷ್ಣವಿ ಈ ಮದುವೆಗೆ ಒಪ್ಪುವ ಮುಂಚೆ ಆಕೆಗೆ ಬಂದ ಪ್ರಪೋಸಲ್​ಗಳ ಸಂಖ್ಯೆ ಎಷ್ಟು ಗೊತ್ತಾ? ಬರೋಬ್ಬರಿ 300 ಮದುವೆ ಆಫರ್​ ವೈಷ್ಣವಿಗೆ ಬಂದಿತ್ತಂತೆ. ಹಾಗಾದ್ರೆ, ಆ 300 ಆಫರ್​ಗಳನ್ನೂ ಒಪ್ಪದ ಗುಳಿಕೆನ್ನೆ ಚೆಲುವೆಯ ಹೃದಯವನ್ನ ಈ ಹುಡುಗ ಕದ್ದಿದ್ದು ಹೇಗೆ? ಸೀರಿಯಲ್​ ಸುಂದರಿಯ ಮನೆಗೆ ಬಂದ ಹೊಸ ಅತಿಥಿಯಿಂದಲೇ ಕಂಕಣ ಭಾಗ್ಯ ಕೂಡ ಬಂತಾ? ಇವರ ಸ್ಟೋರಿ ಇಲ್ಲಿದೆ ಓದಿ.

ಇದನ್ನೂ ಓದಿ:ಈಕೆ ಕನ್ನಡ ಕಿರುತೆರೆಯ ಕ್ಯೂಟೆಸ್ಟ್ ನಟಿ.. ಯಾರಿರಬಹುದು ಗೇಸ್​ ಮಾಡಿ ನೋಡೋಣ

ಅಗ್ನಿಸಾಕ್ಷಿಯ ಸನ್ನಿಧಿ. ಕಿರುತೆರೆ ಲೋಕದ ಕಿನ್ನರಿ. ಸ್ಮಾಲ್​ಸ್ಕ್ರೀನ್​ ದುನಿಯಾದಲ್ಲಿ ತನ್ನದೇ ಬ್ರ್ಯಾಂಡ್ ಸೃಷ್ಟಿಸಿಕೊಂಡಿರೋ ನಟಿ ವೈಷ್ಣವಿ ಗೌಡ. ಸೀರಿಯಲ್ ಮೂಲಕವೇ ಕನ್ನಡಿಗರ ಮನೆ ಮತ್ತು ಮನಗಳಲ್ಲಿ ಗಟ್ಟಿಸ್ಥಾನ ಗಿಟ್ಟಿಸಿಕೊಂಡ ಹುಡುಗಿ. ಒಂದು ಕಾಲದಲ್ಲಿ ಇವರ ಧಾರವಾಹಿ ನೋಡೋಕೆ ಜನ ಚಾತಕ ಪಕ್ಷಿಗಳಂತೆ ಕಾದು ಕುಳಿತುಕೊಳ್ಳುತ್ತಿದ್ದರು. ಸೀರಿಯಲ್ ಮಾತ್ರವಲ್ಲದೇ ಬಿಗ್​ಬಾಸ್​ನಲ್ಲೂ ರನ್ನರ್​ ಅಪ್​ ಆಗಿದ್ದ ವೈಷ್ಣವಿ ಗೌಡಗೆ ಸಿಕ್ಕವರೆಲ್ಲಾ ಕೇಳ್ತಿದ್ದದ್ದು ಒಂದೇ ಪ್ರಶ್ನೆ. ಮದುವೆ ಯಾವಾಗ ಮೇಡಂ ಅಂತಾ. ಆ ಪ್ರಶ್ನೆಗಳಿಗೆಲ್ಲಾ ಉತ್ತರದಂತೆ ವೈಷ್ಣವಿ ಕೊನೆಗೂ ಅಭಿಮಾನಿಗಳಿಗೆ ಸರ್​ಪ್ರೈಸ್​ ಕೊಟ್ಟಿದ್ದಾರೆ. ದಾಂಪತ್ಯ ಜೀವನಕ್ಕೆ ಕಾಲಿಡೋದಕ್ಕೆ ಸಜ್ಜಾಗಿದ್ದು, ಉದ್ಯಮಿಯೊಬ್ಬರ ಕೈ ಹಿಡೀತಿದ್ದಾರೆ.

ಇದೇ ವಿಡಿಯೋ ನೋಡಿ ವೈಷ್ಣವಿ ಗೌಡ ನಿಶ್ಚಿತಾರ್ಥದ ಕಥೆ ಹೇಳಿದ್ದು. ಏಪ್ರಿಲ್​ 14ನೇ ತಾರೀಖು ಸೋಮವಾರ ಉದ್ಯಮಿ ಅನುಕೂಲ್​ ಮಿಶ್ರಾ ಎನ್ನುವವರ ಜೊತೆಗೆ ವೈಷ್ಣವಿ ಎಂಗೇಜ್​ಮೆಂಟ್ ಆಗಿದೆ. ವೈಷ್ಣವಿ ಗೌಡ ಹಾಗೂ ಅನುಕೂಲ್​ ರಿಂಗ್ ಎಕ್ಸ್​ಚೆಂಜ್ ಮಾಡ್ಕೊಂಡಿದ್ದಾರೆ. ವೈಷ್ಣವಿ ಗೌಡ ಮದುವೆ ಬಗ್ಗೆ ಕೋಟಿ ಕೋಟಿ ಕನ್ನಡಿಗರಲ್ಲಿ ಮಾತ್ರವಲ್ಲ ವೈಷ್ಣವಿ ಗೌಡ ತಂದೆ ತಾಯಿ ಕೂಡ ಮಗಳ ಕಲ್ಯಾಣವನ್ನ ಆದಷ್ಟು ಬೇಗ ಕಣ್ತುಂಬಿಕೊಳ್ಳುವ ಕನಸು ಕಟ್ಕೊಂಡಿದ್ರು. ಈಗ ಆ ಕನಸು ಈಡೇರ್ತಿದ್ದು, ಮಗಳ ನಿಶ್ಚಿತಾರ್ಥ ಕಂಡು ದಿಲ್​​ಖುಷ್ ಆಗಿದ್ದಾರೆ. ಆದ್ರೆ, ಇನ್ನೂ ಮದುವೆ ಡೇಟ್​ ಫಿಕ್ಸ್​ ಆಗಿಲ್ಲ. ವೈಷ್ಣವಿ ಗೌಡ ತಂದೆ ತಾಯಿ ಕೂಡ ಮಗಳ ನಿಶ್ಚಿತಾರ್ಥ ಸಂಭ್ರಮ ಕಂಡು ಸಂತಸ ಹಂಚಿಕೊಂಡಿದ್ದಾರೆ. ತುಂಬಾ ದಿನದಿಂದ ಈ ಕ್ಷಣಕ್ಕೆ ನಾವು ಕಾಯ್ತಿದ್ವಿ. ಈಗ ಆ ಕ್ಷಣಕ್ಕೆ ಕಾಲ ಕೂಡಿ ಬಂದಿದೆ ಅಂತ ಪ್ರೀತಿಯಿಂದ ಮಗಳ ನವ ಜೀವನಕ್ಕೆ ಶುಭ ಕೋರಿದ್ದಾರೆ.

ವೈಷ್ಣವಿ ಗೌಡ ಒಪ್ಪಿದ ವರ ಯಾರು? ಕನಸಿನಂತೆಯೇ ಸಿಕ್ಕನಾ?

ವೈಷ್ಣವಿಗೌಡ ಮದುವೆ ಬಗ್ಗೆ ನೂರಾರು ಕನಸು ಕಟ್ಕೊಂಡಿದ್ರು. ಮದ್ವೆಯಾದ್ರೆ ಹಿಂಗೆ ಆಗ್ಬೇಕು ಅನ್ನೋ ಆಸೆ ಇಟ್ಕೊಂಡಿದ್ರು. ಈ ಆಸೆಯಂತೆಯೇ ವೈಷ್ಣವಿ ನಿಶ್ಚಿತಾರ್ಥ ಮಾಡ್ಕೊಂಡಿದ್ದಾರೆ. ಅಷ್ಟಕ್ಕೂ ವೈಷ್ಣವಿ ಕೈ ಹಿಡಿಯೋದಕ್ಕೆ ರೆಡಿಯಾಗಿರೋ ವರ ಅನುಕೂಲ್ ಮಿಶ್ರಾ ಏರ್​​ಪೋರ್ಸ್​ನಲ್ಲಿ ಉತ್ತಮ ಹುದ್ದೆಯಲ್ಲಿದ್ದಾರೆ. ತಮ್ಮ ಭಾವಿ ಪತಿಯನ್ನ ವೈಷ್ಣವಿ ಗೌಡರೇ ಪರಿಚಯ ಮಾಡಿಸಿದ್ದಾರೆ. ಎಲ್ಲರೂ ಯಾವಾಗ ನನ್ನ ಮದ್ವೆ? ಹುಡುಗ ಯಾರು ಅಂತ ಕೇಳ್ತಿದ್ರಿ ಅದಕ್ಕೆ ಉತ್ತರ ನಾನೇ ಕೊಡ್ತೀನಿ ಅಂತ ಫಿಯಾನ್ಸಿಯ ಗುಟ್ಟು ರಟ್ಟು ಮಾಡಿದ್ದಾರೆ.

‘ಸೀತಾ’ಗಾಗಿ 3 ಗಂಟೆವರೆಗೂ ಕೂತು ಕನ್ನಡ ಕಲಿತ್ರು ಭಾವಿ ಪತಿ!

ಜೋಡಿ ಕ್ಯೂಟ್ ಆಗಿದೆ ಅಲ್ವಾ? ವೈಷ್ಣವಿಗೌಡ ಮೊದಲೇ ಚೆಂದದ ಚೆಂದುಳ್ಳಿಯಂತಿರೋ ಹುಡುಗಿ. ಆಕೆ ಪತಿ ಕೂಡ ಅವರಷ್ಟೆ ಕ್ಯೂಟ್ ಆಗಿದ್ದು, ಈ ಕ್ಯೂಟ್​ನೆಸ್​ನಲ್ಲೇ ಅನುಕೂಲ್​​ ಮಿಶ್ರಾ ವೈಷ್ಣವಿಗೆ ಕನ್ನಡದಲ್ಲೇ ಪ್ರಪೋಸ್​ ಮಾಡಿದ್ದಾರೆ. ಅಚ್ಚರಿ ಏನ್ ಏನೆಂದರೆ ವೈಷ್ಣವಿಗಾಗಿಯೇ ರಾತ್ರಿ ಮೂರು ಗಂಟೆವರೆಗೂ ಗೂಗಲ್ ಟ್ರಾನ್ಸ್​ಲೆಟ್ ಮಾಡಿ ಕನ್ನಡ ಕಲಿತು ಕನ್ನಡದಲೇ ಭಾವಿ ಪತ್ನಿ ವೈಷ್ಣವಿಗೆ ಪ್ರೀತಿಯ ನಿವೇದನೆ ತಿಳಿಸಿದ್ದಾರೆ. ವೈಷ್ಣವಿ ಗೌಡ ಕಳೆದ ಫೆಬ್ರವರಿಯಲ್ಲೇ ಮದ್ವೆ ಸುಳಿವು ಕೊಟ್ಟಿದ್ರು, ಕಳೆದ ಫೆಬ್ರವರಿಯಲ್ಲಿ ನಡೆದ ಏರ್‌ಶೋನಲ್ಲಿ ವೈಷ್ಣವಿ ಗೌಡ ಭಾಗವಹಿಸಿದ್ದರು. ಈ ಕುರಿತ ಫೋಟೋವನ್ನು ಸೋಶಿಯಲ್‌ ಮೀಡಿಯಾದಲ್ಲಿ ಹಂಚಿಕೊಳ್ಳುವುದರ ಮೂಲಕ ಪರೋಕ್ಷವಾಗಿ ಭಾವಿ ಪತಿಗೆ ಧನ್ಯವಾದ ತಿಳಿಸಿದ್ದರು. ಈಗ ಪ್ರೀತಿಸಿದ ಹುಡುಗನನ್ನೇ ವೈಷ್ಣವಿ ಗೌಡ ಮದುವೆ ಆಗ್ತಿರೋದು ಮತ್ತೊಂದು ವಿಶೇಷ.

ಇದನ್ನೂ ಓದಿ:ಉದ್ಯಮಿ ಜೊತೆಗೆ ವೈಷ್ಣವಿ ಗೌಡ ನಿಶ್ಚಿತಾರ್ಥ; ಇಲ್ಲಿವೆ 10 ಗ್ರ್ಯಾಂಡ್​ ಫೋಟೋಸ್!

ಕುಟುಂಬಸ್ಥರು, ಆಪ್ತರು ಮತ್ತು ತಾರೆಯರ ಸಮ್ಮುಖದಲ್ಲಿ ವೈಷ್ಣವಿ ಗೌಡ ಮತ್ತು ಅನುಕೂಲ್‌ ಮಿಶ್ರಾ ಅವರ ನಿಶ್ಚಿತಾರ್ಥ ಅದ್ಧೂರಿಯಾಗಿ ನೆರವೇರಿದೆ. ಶಾಸ್ತ್ರೋಕ್ತವಾಗಿ ಉಂಗುರವನ್ನು ಬದಲಾಯಿಸಿಕೊಂಡಿದ್ದಾರೆ. ಈ ಸಂಭ್ರಮದ ಕ್ಷಣಕ್ಕೆ ತಾರೆಯರು ಕೂಡ ಮೆರಗು ಹೆಚ್ಚಿಸಿದ್ರು. ವೈಷ್ಣವಿಗೌಡ ಬೆಸ್ಟ್ ಫ್ರೆಂಡ್​ ನಟಿ ಅಮೂಲ್ಯ ಸೇರಿದಂತೆ ಅನೇಕ ತಾರೆಯರೂ ಆಗಮಿಸಿ ನವಜೋಡಿಗೆ ಶುಭ ಹಾರೈಸಿದ್ರು. ವೈಷ್ಣವಿ ಗೌಡ ಕಲ್ಯಾಣಕ್ಕೆ ಹೂಂ ಅಂದು ನಿಶ್ಚಿತಾರ್ಥ ಮಾಡ್ಕೊಂಡಿದ್ದಾರೆ. ಆದ್ರೆ ಈ ಹುಡುಗನನ್ನ ಒಪ್ಪೋದಕ್ಕೂ ಮುನ್ನ ನಟಿಗೆ ಬಂದ ಮದುವೆ ಆಫರ್​​​ಗಳ ಬಗ್ಗೆ ಕೇಳಿದ್ರೆ ನೀವು ಶಾಕ್ ಆಗ್ಬಿಡ್ತಿರಾ? ಅಷ್ಟಕ್ಕೂ ಅಗ್ನಿಸಾಕ್ಷಿ ಧಾರವಾಹಿ ಮಾಡಿದ್ರೂ, ಕಲ್ಯಾಣವಾಗದ ನಟಿಗೆ ಅದೊಂದು ಮಗುವಿನಿಂದ ಕಂಕಣ ಭಾಗ್ಯ ಕೂಡಿ ಬಂತಾ? ಅನ್ನೋ ಪ್ರಶ್ನೆ ಕೂಡ ಅಭಿಮಾನಿಗಳಲ್ಲಿ ಹುಟ್ಕೊಂಡಿದೆ.

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ