ತರಕಾರಿ ರೇಟ್​ ಕೇಳಿ ಬೆವರುತ್ತಿರೋ ಬೆಂಗಳೂರಿನ ನಿವಾಸಿಗಳು

ದಿನದಿಂದ ದಿನಕ್ಕೆ ಸಿಲಿಕಾನ್​ ಸಿಟಿಯಲ್ಲಿ ಹೆಚ್ಚಾಗಿದ್ದ ಬಿಸಿ ಉಷ್ಣಾಂಶ

ಗಗನಕ್ಕೇರಿರೋ ತರಕಾರಿ ದರ ಕೇಳಿ ಬೆವರುತ್ತಿರೋ ಗ್ರಾಹಕರು

ಬೆಂಗಳೂರು: ಅಬ್ಬಬ್ಬಾ.. ಯಾವ ಸೊಪ್ಪು ಮುಟ್ಟಂಗೇ ಇಲ್ಲ. ಹಣ್ಣುಗಳ ಕಥೆ ಕೇಳೋದೇ ಬೇಡ. ತರಕಾರಿಯಂತೂ ಸೆಂಚುರಿ ಬಾರಿಸಿ ಓಡ್ತಿದೆ. ಹೌದು, ‘ಬೆಂದ’ಕಾಳೂರು ಆಗ್ಬಿಟ್ಟಿದ್ದ ಸಿಲಿಕಾನ್​ ಸಿಟಿಗೆ ಮಳೆಯ ಎಂಟ್ರಿಯೇನೋ ಆಗಿದೆ. ಆದ್ರೆ ಕಳೆದ ಮೂರು ನಾಲ್ಕು ತಿಂಗಳಿನಿಂದ ಬೆಂದ ಕಾವಲಿಯಂತಿದ್ದ ವಾತವರಣ ತರಕಾರಿ ಬೆಲೆಯನ್ನ ಮತ್ತಷ್ಟು ದುಪ್ಪಟ್ಟು ಮಾಡ್ಬಿಟ್ಟಿದೆ.

ಇದನ್ನೂ ಓದಿ: ಈಕೆ ಅಂತಿಂಥಾ ಮಹಿಳೆಯಲ್ಲ.. ವಿಧ, ವಿಧವಾದ ಅನಕೊಂಡಗಳ ಜೊತೆ ಆಟವಾಡೋ ಎನರ್ಜಿಟಿಕ್ ವುಮೆನ್

ಸೊಪ್ಪು, ತರಕಾರಿ ಬೆಲೆ ಗ್ರಾಹಕರ ಜೇಬಿಗೆ ಕತ್ತರಿ ಹಾಕಿದೆ. ಮದುವೆ ಸೀಸನ್‍ನಿಂದಾಗಿ ಬೇಡಿಕೆ ಹೆಚ್ಚಿದೆ, ಕಳೆದ ವಾರದಿಂದಲೇ ಬೆಲೆ ಏರಿ ಕೆಜಿ 100ರೂ ನಂತೆ ಮಾರಾಟವಾಗ್ತಿದೆ ಬೀನ್ಸ್​, ಹಸಿಮೆಣಸು, ಹಿರೇಕಾಯಿ ನಿಂಬೆ ಹಣ್ಣು. ಇತ್ತ, ಬಿಸಿ ಎಫೆಕ್ಟ್​​ ಹೂವಿನ ಮೇಲೂ ಬಿದಿದ್ದು, ಉದುರಿ ಬೀಳ್ತಿದೆ. ಇಳುವರಿ ಕಡಿಮೆಯಾಗಿದೆ. ಹೀಗಾಗಿ ಹೂವಿನ ರೇಟ್​​ ಕೂಡ ದುಪ್ಪಟ್ಟಾಗಿದೆ. ಕಳೆದ ತಿಂಗಳು ಕೆಜಿಗೆ 30 ರೂಪಾಯಿ ಇರುವ ತರಕಾರಿ, ಈ ತಿಂಗಳು 60 ರೂಪಾಯಿ ಆಗಿದ್ದು ಗ್ರಾಹಕರು ಕಂಗಾಲಾಗಿದ್ದಾರೆ.

‘ಸೊಪ್ಪು’ ಬೆಲೆ ಏರಿಕೆ

ಸಬ್ಬಸಿಗೆ ಸೊಪ್ಪು ಪ್ರತಿ ಕಟ್ಟಿಗೆ 20ರೂಪಾಯಿ ಆಗಿದೆ. ಕೊತ್ತಂಬರಿ ಸೊಪ್ಪು 15ರಿಂದ 20 ರೂಪಾಯಿ ಆದ್ರೆ ಮೆಂತ್ಯೆ ಸೊಪ್ಪು ಪ್ರತಿ ಕಟ್ಟಿಗೆ 10 ರಿಂದ 20 ರೂಪಾಯಿ ಆಗಿದೆ. ಪುದೀನಾ ಮತ್ತು ಪಾಲಕ್​ ಸೊಪ್ಪು 10ಕ್ಕೆ ಏರಿದ್ದು ದುಪ್ಪಟ್ಟಾಗಿದೆ.

ತರಕಾರಿ ದುಬಾರಿ

ಬೀನ್ಸ್ ₹160
ನಿಂಬೆ ಹಣ್ಣು ₹150-₹200
ನುಗ್ಗೆ ಕಾಯಿ ₹100
ಹಸಿ ಮೆಣಸಿನಕಾಯಿ ₹100
ಅವರೆಕಾಯಿ ₹84 ರೂ.
ಹೀರೆ ಕಾಯಿ ₹80 -₹100
ಹಾಗಲಕಾಯಿ 80 ರೂ.
ಬದನೆಕಾಯಿ ₹60

ಒಟ್ಟಿನಲ್ಲಿ ತರಕಾರಿ, ಸೊಪ್ಪು ಎಲ್ಲಾ ಬೆಲೆಗಳು ಏರಿದ್ದು, ಜನ ಸಾಮಾನ್ಯರು ಜೀವನ ನಡೆಸುವುದೇ ಕಷ್ಟವಾಗಿದೆ. ಕಳೆದ ಮೂರು ನಾಲ್ಕು ದಿನಗಳಿಂದ ಮಳೆಯ ಸಿಂಚವಾಗ್ತಿರೋದ್ರಿಂದ ಇನ್ಮೇಲೆಯಾದ್ರೂ ಬೆಲೆ ಇಳಿಕೆ ಕಾಣುತ್ತಾ ಕಾದುನೋಡಬೇಕಿದೆ.

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ