18 ವರ್ಷ ಸಾಕಿ ಸಲುಹಿದ ಅಮ್ಮನಿಗೆ 2ನೇ ಮದುವೆ ಮಾಡಿಸಿದ ಮಗ; ವಿಡಿಯೋ ಸಖತ್‌ ವೈರಲ್!

ಅಮ್ಮ ಎಂದರೆ ಯಾವ ಮಕ್ಕಳಿಗೆ ಇಷ್ಟ ಇಲ್ಲ ಹೇಳಿ. ಹೆತ್ತು ಹೊತ್ತ ತಾಯಿಯ ಋಣ ತೀರಿಸೋಕೆ ಒಂದು ಜನ್ಮವೂ ಸಾಕಾಗಲ್ಲ. ಆದರೆ ವಯಸ್ಸಾದ ಮೇಲೆ ಪ್ರೀತಿ, ಮಮಕಾರದಿಂದ ನೋಡಿಕೊಂಡ್ರೆ ಆ ತಾಯಿಗೆ ಏನೋ ಆನಂದ. ಈ ಮಾತುಗಳಿಗೆ ಸಾಕ್ಷಿಯಾಗುವಂತ ವಿಡಿಯೋ ಸದ್ಯ ಸೋಷಿಯಲ್ ಮೀಡಿಯಾದಲ್ಲಿ ವೈರಲ್ ಆಗಿದೆ.

18 ವರ್ಷ ತಾಯಿ ಜೊತೆಗಿದ್ದ ಈ ಮಗ ಬಹಳ ದೊಡ್ಡ ನಿರ್ಧಾರಕ್ಕೆ ಬಂದಿದ್ದಾನೆ. ಪತಿಯನ್ನು ಕಳೆದುಕೊಂಡಿದ್ದ ತಾಯಿಗೆ ಮರು ಪ್ರೀತಿ, ಹೊಸ ಜೀವನ ಕೊಟ್ಟಿದ್ದಾನೆ. ಅಬ್ದುಲ್ ಅಹಾದ್ ಎಂಬ ಯುವಕ ಪೋಸ್ಟ್ ಮಾಡಿರೋ ಭಾವನಾತ್ಮಕ ವಿಡಿಯೋ ನೆಟ್ಟಿಗರು ಫಿದಾ ಆಗುವಂತೆ ಮಾಡಿದೆ.

ಪಾಕಿಸ್ತಾನದ ಲಾಹೋರ್​ನಲ್ಲಿ ಅಬ್ದುಲ್ ಅಹಾದ್ ಕುಟುಂಬ ವಾಸವಿದೆ. ಕಳೆದ 18 ವರ್ಷಗಳಿಂದ ಅಬ್ದುಲ್​ ಅಹಾದ್​ನ ತಾಯಿ ಪ್ರೀತಿಯಿಂದ ಸಾಕಿದ್ದಾರೆ. ಬದುಕಲ್ಲಿ ಏಕಾಂಗಿಯಾಗಿದ್ದ ತಾಯಿಗೆ ಮಗನೇ ಮುಂದೆ ನಿಂತು 2ನೇ ಮದುವೆ ಮಾಡಿಸಿ ಶುಭಾಶಯ ಕೋರಿದ್ದಾನೆ.

ಇದನ್ನೂ ಓದಿ: ಇಡೀ ದೇಶದಲ್ಲಿ ಕಿಟಕಿ ಇಲ್ಲದ ಮನೆ ಕಟ್ಟಲು ಆದೇಶ ಹೊರಡಿಸಿದ ಸರ್ಕಾರ; ಕಾರಣವೇನು? 

ಸೋಷಿಯಲ್ ಮೀಡಿಯಾದಲ್ಲಿ ಈ ವಿಡಿಯೋ ಪೋಸ್ಟ್ ಮಾಡಿರುವ ಅಹಾದ್, ತಾನು ಸರಿಯಾದ ನಿರ್ಧಾರ ತೆಗೆದುಕೊಂಡಿದ್ದೇನೆ. ನಮಗಾಗಿ ಜೀವನ ಮುಡುಪಿಟ್ಟ ತಾಯಿಗಾಗಿ ಜೀವಿಸುವ ಸಮಯ ಇದು. ನಾನು ತೆಗೆದುಕೊಂಡ ಸ್ವಾರ್ಥ ರಹಿತ ನಿರ್ಧಾರ ಎಂದು ಬಣ್ಣಿಸಿದ್ದಾನೆ.

View this post on Instagram

A post shared by Abdul Ahad | عبدالاحد (@muserft.ahad)

ಅಬ್ದುಲ್ ಅಹಾದ್ ಅವರು ತಾಯಿಗೆ 2ನೇ ಮದುವೆ ಮಾಡಿಸಿದ ವಿಡಿಯೋ ನೆಟ್ಟಿಗರ ಮೆಚ್ಚುಗೆಗೆ ಪಾತ್ರವಾಗಿದೆ. ಪಾಕಿಸ್ತಾನದ ಮೀಡಿಯಾಗಳು ಇದೊಂದು ಮನಮುಟ್ಟುವ ಘಟನೆ ಎಂದು ವರದಿ ಮಾಡಿವೆ.

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ