ಬಿಗ್​ಬಾಸ್​ ಮನೆಯಿಂದ ಅಚ್ಚರಿಯಾಗಿ ಹೊರ ಬಂದ ಸ್ಪರ್ಧಿ

ಬಿಗ್​​​​ ಮನೆಯಲ್ಲಿ ಉಳಿದುಕೊಂಡ 3 ಸ್ಪರ್ಧಿಗಳು ಮಾತ್ರ

ಸಂಗೀತಾ, ಕಾರ್ತಿಕ್, ಡ್ರೋನ್ ಪ್ರತಾಪ್ ಗೆಲ್ಲೋದ್ಯಾರು?

ಕನ್ನಡದ ಅತಿ ದೊಡ್ಡ ರಿಯಾಲಿಟಿ ಶೋ ಬಿಗ್​ಬಾಸ್​ ಸೀಸನ್​ 10 ಗ್ರ್ಯಾಂಡ್​ ಫಿನಾಲೆ ನಡೆಯುತ್ತಿದೆ. ಸದ್ಯ ಬಿಗ್​​ ಮನೆಯಲ್ಲಿ ಕೇವಲ 3 ಸ್ಪರ್ಧಿಗಳು ಉಳಿದುಕೊಂಡಿದ್ದಾರೆ. ಕಳೆದ ಸಂಚಿಕೆಯಲ್ಲಿ ಬಿಗ್​ಬಾಸ್​ ಮನೆಯಿಂದ ತುಕಾಲಿ ಸಂತೋಷ್​ ಆಚೆ ಬಂದಿದ್ದರು. ಬಳಿಕ​​ ಹಳ್ಳಿಕಾರ್​ ಒಡೆಯ ವರ್ತೂರು ಸಂತೋಷ್​ ಅವರು ಆಚೆ ಬಂದಿದ್ದರು. ಇದೀಗ ಅಚ್ಚರಿ ರೀತಿಯಲ್ಲಿ ವಿನಯ್​​​ ಗೌಡ ಬಿಗ್​ಬಾಸ್ 3ನೇ ರನ್ನರ್​ ಅಪ್​​​​​ ಆಗಿದ್ದಾರೆ.

ಸದ್ಯ ಬಿಗ್​ಬಾಸ್​ ಮನೆಯಲ್ಲಿ ಟಾಪ್​ 3 ಕಂಟೆಸ್ಟೆಂಟ್ಸ್​ ಉಳಿದುಕೊಂಡಿದ್ದಾರೆ. ಅವರೇ ಡ್ರೋನ್​ ಪ್ರತಾಪ್​, ಕಾರ್ತಿಕ್​​ ಮಹೇಶ್​, ಸಂಗೀತಾ ಶೃಂಗೇರಿ. ವಿನಯ್​ ಗೌಡ ಅವರು ಬಿಗ್​ಬಾಸ್​ ಮನೆಗೆ ಗ್ರ್ಯಾಂಡ್​ ಆಗಿ ಎಂಟ್ರಿ ಕೊಟ್ಟಿದ್ದರು. ಎಂಟ್ರಿ ಕೊಟ್ಟ ಮೊದಲ ವಾರ ಸಂಗೀತಾ ಶೃಂಗೇರಿ ಅವರ ಜೊತೆ ಗಲಾಟೆ ಮಾಡಿಕೊಂಡಿದ್ದರು. ಅಲ್ಲಿಂದ ಬಿಗ್​ಬಾಸ್​ ಮನೆಯ ಆನೆ ಎಂದು ಹೆಸರನ್ನು ಪಡೆದುಕೊಂಡರು. ಬಳಿಕ ದಿನ ಕಳೆದಂತೆ ಬಿಗ್​ಬಾಸ್​ ಮನೆಯ ಕೆಲವೊಂದು ಸ್ಪರ್ಧಿಗಳ ಜೊತೆ ವಾಗ್ವಾದಕ್ಕೆ ಇಳಿದಿದ್ದರು. ಅದರಲ್ಲೂ ಸಂಗೀತಾ, ತುಕಾಲಿ ಸಂತೋಷ್​, ಕಾರ್ತಿಕ್​ ಮಹೇಶ್​, ಡ್ರೋನ್​ ಪ್ರತಾಪ್​, ತನಿಷಾ, ಭಾಗ್ಯಶ್ರೀ ಹೀಗೆ ಹಲವಾರು ಸ್ಪರ್ಧಿಗಳ ಜೊತೆ ಗಲಾಟೆ ಮಾಡಿಕೊಂಡಿದ್ದರು. ಆದಾದ ಬಳಿಕ ಕಿಚ್ಚ ಸುದೀಪ್​ ಅವರು ವಿನಯ್​​ ಗೌಡ ಅವರ ಅಗ್ರೆಶನ್ ಬಗ್ಗೆ ಮಾತಾಡಿದ್ದರು. ಆದಾದ ಬಳಿಕ ತಮ್ಮ ಆಟವನ್ನು ಬೇರೆ ರೀತಿಯಲ್ಲಿ ಆಡಲು ಶುರು ಮಾಡಿದ್ದರು.

ಇದೀಗ ಅಚ್ಚರಿಯ ರೀತಿಯಲ್ಲಿ ಬಿಗ್​ಬಾಸ್​ ಮನೆಯಿಂದ ಆಚೆ ಬಂದಿದ್ದಾರೆ. ಇನ್ನೂ ಈ ವಿಚಾರ ತಿಳಿಯುತ್ತಿದ್ದಂತೆ ಅಭಿಮಾನಿಗಳು ಸಾಮಾಜಿಕ ಜಾಲತಾಣದಲ್ಲಿ ಬೇಸರವನ್ನು ಹೊರ ಹಾಕುತ್ತಿದ್ದಾರೆ. ಸದ್ಯ ಬಿಗ್​ಬಾಸ್​ ಮನೆಯಲ್ಲಿ ಕೇವಲ 3 ಸ್ಪರ್ಧಿಗಳು ಉಳಿದುಕೊಂಡಿದ್ದಾರೆ. ಈ ಮೂರು ಸ್ಪರ್ಧಿಗಳ ಮಧ್ಯೆ ಬಿಗ್​ ಫೈಟ್​ ಶುರು ಆಗಿದೆ.