ಒಲಿಂಪಿಕ್ಸ್​ನಲ್ಲಿ ತೂಕ ಹೆಚ್ಚಾದ ಕಾರಣ ಅನರ್ಹಗೊಂಡಿದ್ದರು

ಪದಕ ಕೈತಪ್ಪುತ್ತಿದ್ದಂತೆ ಭಾರೀ ನಿರಾಸೆ ವ್ಯಕ್ತಪಡಿಸಿದ್ದ ವಿನೇಶ್

ವಿನೇಶ್ ಫೋಗಟ್ ಎಷ್ಟು ದೂರ ಮೆರವಣಿಗೆ ಮಾಡಿದರು.?

ನವದೆಹಲಿ: 2024ರ ಪ್ಯಾರಿಸ್ ಒಲಿಂಪಿಕ್ಸ್‌ನ ಮಹಿಳೆಯರ 50 ಕೆ.ಜಿ ವಿಭಾಗದ ಫ್ರೀಸ್ಟೈಲ್ ಕುಸ್ತಿ ವಿಭಾಗದಲ್ಲಿ ಅನರ್ಹಗೊಂಡಿದ್ದ ವಿನೇಶ್ ಫೋಗಟ್ ಗೋಲ್ಡ್​ ಮೆಡಲ್ ಪಡೆಯಲಾಗದೇ ಭಾರೀ ನಿರಾಸೆಗೆ ಒಳಗಾಗಿದ್ದರು. ಆದರೆ ಇದೀಗ ವಿನೇಶ್ ಫೋಗಟ್ ಅವರಿಗೆ ಬಂಗಾರದ ಪದಕ ನೀಡಿ ಗೌರವಿಸಲಾಗಿದೆ.

ಇದನ್ನೂ ಓದಿ: ಐಫೋನ್​ಗಾಗಿ 3 ದಿನ ಮಗ ಉಪವಾಸ.. ಮಿಡಿದ ಮಾತೃ ಹೃದಯ, ಯುವಕನ ಹಠಕ್ಕೆ ಭಾರೀ ಆಕ್ರೋಶ

ವಿನೇಶ್ ಫೋಗಟ್ ಅವರು ಪ್ಯಾರಿಸ್​ನಿಂದ ನವದೆಹಲಿಯ ಇಂದಿರಾಗಾಂಧಿ ಅಂತರಾಷ್ಟ್ರೀಯ ವಿಮಾನ ನಿಲ್ದಾಣಕ್ಕೆ ಆಗಮಿಸಿದ್ದರು. ವಿಮಾನ ನಿಲ್ದಾಣದಿಂದ ತಮ್ಮ ಹುಟ್ಟೂರು ಹರಿಯಾಣದ ಭಿವಾನಿ ಜಿಲ್ಲೆಯ ಬಲಾಲಿ ಗ್ರಾಮಕ್ಕೆ ಸುಮಾರು 135 ಕಿ.ಮೀ ದೂರ ಅದ್ಧೂರಿ ಮೆರವಣಿಗೆ ಮೂಲಕ ಸಾಗಿದರು. ಈ ವೇಳೆ ಜನರು ಜೈಕಾರ, ಹೂವಿನ ಹಾರ ಹಾಕಿ ಗೌರವಿಸಿದರು. ಇದರಿಂದ ವಿನೇಶ್ ಫೋಗಟ್​ ತಮ್ಮ ಗ್ರಾಮವನ್ನು ತಲುಪಲು ಒಟ್ಟು 13 ಗಂಟೆಗಳು ಬೇಕಾದವು ಎಂದು ತಿಳಿದು ಬಂದಿದೆ.

Vinesh Phogat for CM candidate for congress in coming Haryana election .. 🤭🤭 https://t.co/FbXfAucLVE

— @nmol ₹astogi Zii (@anmolrastogi) August 18, 2024

ವಿನೇಶ್ ಫೋಗಟ್ ತಮ್ಮ ಗ್ರಾಮವನ್ನು ತಲುಪುತ್ತಿದ್ದಂತೆ ಖಾಪ್ ಪಂಚಾಯತಿ ವ್ಯಾಪ್ತಿಯ ಅವರ ಅಭಿಮಾನಿಗಳು, ಗ್ರಾಮಸ್ಥರು ಸೇರಿ ದೊಡ್ಡ ಸನ್ಮಾನ ಕಾರ್ಯಕ್ರಮ ಹಮ್ಮಿಕೊಂಡಿದ್ದರು. ಈ ಕಾರ್ಯಕ್ರಮದಲ್ಲಿ ವಿನೇಶ್ ಫೋಗಟ್​ರಿಗೆ ನೋಟಿನಿಂದ ಮಾಡಿದ ಹಾರ ಹಾಕಿ, ಶಾಲು ಹೊದಿಸಿ ಸನ್ಮಾನಿಸಿ ಬಳಿಕ ಚಿನ್ನದ ಪದಕವನ್ನು ಕೊರಳಿಗೆ ಹಾಕಲಾಯಿತು. ಇದರಿಂದ ವಿನೇಶ್ ಫೋಗಟ್ ಫುಲ್ ಖುಷಿಯಲ್ಲೇ ಭಾವುಕರಾದರು. ಈ ವೇಳೆ ಮಾತನಾಡಿದ ಅವರು, ಇಂತಹ ಮಹಾನ್ ಗೌರವಕ್ಕೆ ಹೋಲಿಕೆ ಮಾಡಿಕೊಂಡರೆ 1,000 ಒಲಿಂಪಿಕ್ ಚಿನ್ನದ ಪದಕಗಳು ಇದಕ್ಕೆ ಸಮ ಎಂದು ಹೇಳಿದರು. ಇನ್ನು ಇದೇ ವೇಳೆ ನಗದು ಬಹುಮಾನ ಕೂಡ ಅವರಿಗೆ ನೀಡಲಾಯಿತು ಎಂದು ತಿಳಿದು ಬಂದಿದೆ.

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ