ಟೀಮ್​ ಇಂಡಿಯಾದಲ್ಲಿ ಕೋಟಿ, ಕೋಟಿ ಬ್ಯುಸಿನೆಸ್​ ಮಾಡ್ತಿರೋದ್ಯಾರು? ಸ್ಟಾರ್ ಪ್ಲೇಯರ್‌ಗಳ ಪಟ್ಟಿ ಇಲ್ಲಿದೆ!

ಟೀಮ್ ಇಂಡಿಯಾದಲ್ಲಿ ಆಡುವ ಪ್ರತಿ ಆಟಗಾರರು ಬ್ಯುಸಿನೆಸ್ ಮೊರೆ ಹೋಗುತ್ತಿದ್ದಾರೆ. ಅವರವರ ಸಾಮರ್ಥ್ಯಕ್ಕೆ ತಕ್ಕಂತೆ ಉದ್ಯಮಗಳನ್ನು ಹೊಂದುತ್ತಿದ್ದಾರೆ. ಇದು ಈಗಿನಿಂದ ಅಲ್ಲ, ಲೆಜೆಂಡರಿ ಕ್ರಿಕೆಟರ್​​ ಕಪಿಲ್​ದೇವ್​ರಿಂದ ಈಗಿನ ಯುವ ಪ್ಲೇಯರ್ಸ್​ವರೆಗೂ ನಡೆದುಕೊಂಡು ಬರುತ್ತಿದೆ. ಅದು ಏನೋ ಗೊತ್ತಿಲ್ಲ, ಮೊದಲಿನಿಂದಲೂ ಕ್ರಿಕೆಟರ್ಸ್​ ಕೂಡ ತಮ್ಮದೇ ರೆಸ್ಟೋರೆಂಟ್ ಹೊಂದುವುದು ಹಾಗೇ ಸಾಗಿ ಬರುತ್ತಿದೆ. ಅಲ್ಲದೇ ಈ ರೆಸ್ಟೋರೆಂಟ್ ಉದ್ಯಮದಲ್ಲಿ ಆಟಗಾರರು ಸಕ್ಸಸ್​ ಕಂಡಿದ್ದಾರೆ. ಸದ್ಯ ಭಾರತ ತಂಡದ 6 ಫೇಮಸ್​ ಕ್ರಿಕೆಟರ್ಸ್​ ಹೊಂದಿದ ರೆಸ್ಟೋರೆಂಟ್​ಗಳ ಬಗ್ಗೆ ಈಗ ತಿಳಿಯೋಣ.

ಮಾಜಿ ಕ್ರಿಕೆಟರ್​ ಕಪಿಲ್ ದೇವ್

ಕಪಿಲ್ ದೇವ್ ಲೆಜೆಂಡರಿ ಕ್ರಿಕೆಟರ್​​, ಮೊಟ್ಟ ಮೊದಲ ಏಕದಿನ ವಿಶ್ವಕಪ್​ ತಂದು ಕೊಟ್ಟ ಭಾರತ ಮಾಜಿ ಕ್ಯಾಪ್ಟನ್​. ಇವರು ಬಿಹಾರದ ರಾಜಧಾನಿ ಪಾಟ್ನಾ ಸಿಟಿಯಲ್ಲಿ ಕಪಿಲ್​ ದೇವ್​ ಇಲೆವೆನ್ಸ್​ ಎನ್ನುವ ಐಷಾರಾಮಿ ರೆಸ್ಟೋರೆಂಟ್ ಹೊಂದಿದ್ದಾರೆ. ಇದನ್ನು 2008ರಲ್ಲಿ ಆರಂಭಿಸಿದ್ದಾರೆ. ಭಾರತದ ವೈವಿಧ್ಯಮಯ ಆಹಾರ ಪದ್ಧತಿಗೆ ಫೇಮಸ್ ಆಗಿದ್ದು ಈ ಭಾಗದ ಜನರಿಗೆ ನೆಚ್ಚಿನ ತಾಣವಾಗಿದೆ.

ವಿರಾಟ್​ ಕೊಹ್ಲಿಯವರ One8 ಕಮ್ಯೂನ್ ರೆಸ್ಟೋರೆಂಟ್ 

ಕಪಿಲ್​ ದೇವ್​ರನ್ನ ಬಿಟ್ಟರೇ ಸ್ಟಾರ್ ಪ್ಲೇಯರ್ ವಿರಾಟ್​ ಕೊಹ್ಲಿಯವರು One8 ಕಮ್ಯೂನ್ ಎನ್ನುವ ರೆಸ್ಟೋರೆಂಟ್ ಬ್ಯುಸಿನೆಸ್ ಆರಂಭಿಸಿದ್ದಾರೆ. ಇದರ ಫೇಮಸ್​ ಬ್ರ್ಯಾಂಚ್ ಎಂದರೆ ಮುಂಬೈಯ ಜುಹುನಲ್ಲಿರೋ One8 ಕಮ್ಯೂನ್. ಇದರಲ್ಲಿ ಲಾಭ ಬರುತ್ತಿರುವ ಹಿನ್ನೆಲೆಯಲ್ಲಿ ಕೇವಲ ಮುಂಬೈ ಮಾತ್ರವಲ್ಲ ಬದಲಿಗೆ ಭಾರತದ ನಗರಗಳಾದ ದೆಹಲಿ, ಪುಣೆ, ಕೋಲ್ಕತ್ತಾ, ಬೆಂಗಳೂರು ಸೇರಿ ವಿವಿಧ ನಗರಗಳಲ್ಲಿ ಬ್ರ್ಯಾಂಚಸ್ ಅನ್ನು ವಿರಾಟ್​ ಕೊಹ್ಲಿ ಆರಂಭಿಸಿದ್ದಾರೆ.

ಜಹೀರ್​ ಖಾನ್ ರೆಸ್ಟೋರೆಂಟ್

ಟೀಮ್ ಇಂಡಿಯಾದ ಮಾಜಿ ಫೇಸ್ ಬೌಲರ್​ ಜಹೀರ್​ ಖಾನ್ ಕೂಡ ತಮ್ಮದೇ ಆದ ಜಹೀರ್​ ಖಾನ್ಸ್ ಡೈನ್ ಫೈನ್ ಎಂಬ ಹೈಫೈ ರೆಸ್ಟೋರೆಂಟ್ ಹೊಂದಿದ್ದಾರೆ. ಭವ್ಯವಾದ ವಾತಾವರಣ ಹೊಂದಿದ್ದು ಜೊತೆಗೆ ವಿಧ ವಿಧವಾದ ಕಾಂಟಿನೆಂಟಲ್ ಮತ್ತು ಓರಿಯೆಂಟಲ್ ಆಹಾರ ತಯಾರಿಸುವುದರಿಂದ ಇದು ಸೆಲೆಬ್ರಿಟಿಗಳಿಗೆ ಹಾಟ್‌ಸ್ಪಾಟ್ ಆಗಿದೆ. ​

ಫ್ಲೈಯಿಂಗ್ ಕ್ಯಾಚ್​ ರೆಸ್ಟೋರೆಂಟ್ ಯಾವ ಪ್ಲೇಯರದ್ದು..?

ಸ್ಟಾರ್ ಕ್ರಿಕಟರ್​ ಗಬ್ಬರ್ ಸಿಂಗ್ ಎಂದೇ ಖ್ಯಾತಿ ಪಡೆದಿರೋ ಭಾರತ ತಂಡದ ಶಿಖರ್ ಧವನ್​ ಅನ್ನು 2023ರಲ್ಲಿ ಫ್ಲೈಯಿಂಗ್ ಕ್ಯಾಚ್​ ರೆಸ್ಟೋರೆಂಟ್ ಆರಂಭಿಸಿದ್ದಾರೆ. ಒಳ್ಳೆಯ ಬ್ಯುಸಿನೆಸ್ ಆಗ್ತಿದೆ. ಕಾರಣವೆಂದರೆ ಪೌಷ್ಠಿಕಾಂಶದ ಆಹಾರ ಇಲ್ಲಿ ಸಿಗುತ್ತದೆ. ಅಲ್ಲದೇ ರುಚಿಕರವಾದ ಭಕ್ಷ್ಯಗಳನ್ನ ಇಲ್ಲಿ ಗ್ರಾಹಕರು ಆಸ್ವಾದಿಸುತ್ತಾರೆ. ದುಬೈ ಮೂಲದ ಗ್ರಾಹಕರಿಗೆ ಇದು ಹೇಳಿ ಮಾಡಿಸಿದ ರೆಸ್ಟೋರೆಂಟ್ ಎಂದು ಹೇಳಲಾಗುತ್ತಿದೆ.

ಜಡ್ಡು ಫುಡ್ ನಿಮಗೆ ಗೊತ್ತಾ..?

ಭಾರತದ ಆಲ್​ರೌಂಡರ್​ ರವೀಂದ್ರ ಜಡೇಜಾ ಅವರು ಜಡ್ಡು ಫುಡ್​ ಫೀಲ್ಡ್​​ ರೆಸ್ಟೋರೆಂಟ್​ ಅನ್ನು ಗುಜರಾತ್​ನ ರಾಜ್​​ಕೋಟ್​ ನಗರದಲ್ಲಿ ಸ್ಥಾಪನೆ ಮಾಡಿದ್ದಾರೆ. 2012ರಲ್ಲಿ ಇದನ್ನು ಆರಂಭಿಸಿದ್ದು ಇಲ್ಲಿಗೆ 12 ವರ್ಷಗಳು ಆಗಿವೆ. ಇದರಲ್ಲಿ ಫೇಮಸ್​ ಆಹಾರಗಳೆಂದರೆ ಮೆಕ್ಸಿಕನ್, ಥಾಯ್, ಚೈನೀಸ್ ಮತ್ತು ಪಂಜಾಬಿ ಪಾಕಪದ್ಧತಿಗೆ ಖ್ಯಾತಿ ಗಳಿಸಿದೆ.

ಯುರೋಪ್‌ಗೂ ಭಾರತದ ರುಚಿ ಉಣುಸುತ್ತಿರೋ ರೈನಾ

ಕ್ರಿಕೆಟ್‌ನಿಂದ ನಿವೃತ್ತರಾದ ಬಳಿಕ ಎಡಗೈ ಬ್ಯಾಟ್ಸ್​​ಮನ್ ಸುರೇಶ್ ರೈನಾ, 2023ರಲ್ಲಿ ನೆದರ್‌ಲ್ಯಾಂಡ್‌ನ ರಾಜಧಾನಿ ಆಮ್‌ಸ್ಟರ್‌ಡ್ಯಾಮ್‌ನಲ್ಲಿ ರೆಸ್ಟೋರೆಂಟ್ ಆರಂಭಿಸಿದ್ದಾರೆ. ಇದಕ್ಕೆ ರೈನಾ ಇಂಡಿಯನ್ ರೆಸ್ಟೊರೆಂಟ್ ಎಂದು ನಾಮಕರಣ ಮಾಡಿದ್ದಾರೆ. ಇದರ ಉದ್ಘಾಟನೆ ವೇಳೆ ಭಾರತದ ಆಹಾರ ಶೈಲಿಗಳ ರುಚಿ ಕುರಿತು ಯುರೋಪ್‌ಗೆ ಉಣ ಬಡಿಸಲಾಗುವುದು ಎಂದು ರೈನಾ ಹೇಳಿದ್ದರು.

ವಿಶೇಷ ಸೂಚನೆ: ಕ್ರಿಕೆಟ್‌ನ ಸುದ್ದಿಗಳಿಗಾಗಿ ಪ್ರತಿದಿನ ಬೆಳಗ್ಗೆ 8.27ಕ್ಕೆ ನ್ಯೂಸ್‌ಫಸ್ಟ್‌ಚಾನೆಲ್​​ನಲ್ಲಿ ‘ರನ್ ಭೂಮಿ’ ವೀಕ್ಷಿಸಿ