CSK ಅಂಗಳದಲ್ಲಿ ಮೊಳಗಿದ RCB.. RCB ಘೋಷಣೆ; ವಿರಾಟ್​ ಕೊಹ್ಲಿಗೆ ಥಲೈವಾ.. ಥಲೈವಾ ಎಂದ ಫ್ಯಾನ್ಸ್

ರಾಯಲ್ ಚಾಲೆಂಜರ್ಸ್ ಬೆಂಗಳೂರು ತಂಡದ 2ನೇ ಪಂದ್ಯ ಬದ್ಧವೈರಿ ಚೆನ್ನೈ ಸೂಪರ್ ಕಿಂಗ್ಸ್ ವಿರುದ್ಧ ನಡೆಯಲಿದೆ. ಆರ್​ಸಿಬಿ ಅಭಿಮಾನಿಗಳೆಲ್ಲಾ ಈ ಪಂದ್ಯಕ್ಕಾಗಿ ಕಾತುರದಿಂದ ಇದ್ದು ಈ ಕಾದಾಟದ ರಸದೌತಣ ಸವಿಯಲು ಎರಡು ಕಡೆಯ ಫ್ಯಾನ್ಸ್ ಪಂದ್ಯಕ್ಕಾಗಿ ಕಾದು ಕುಳಿತ್ತಿದ್ದಾರೆ. ಮಾರ್ಚ್ 28 ರಂದು ನಡೆಯುವ ಬಿಗ್ ಬ್ಯಾಟಲ್​ಗಾಗಿ ಆರ್​ಸಿಬಿ ಪ್ಲೇಯರ್ಸ್​ ಈಗಾಗಲೇ ಚೆನ್ನೈ ತಲುಪಿದ್ದಾರೆ.

ಆರ್​ಸಿಬಿ ನಾಯಕ ರಜತ್ ಪಾಟಿದಾರ್, ವಿರಾಟ್ ಕೊಹ್ಲಿ, ಸಾಲ್ಟ್, ಕೃನಾಲ್ ಪಾಂಡ್ಯ, ಜಾಕಬ್ ಬೆಥೆಲ್, ಲಿವಿಂಗ್ಸ್​ಟನ್, ದೇವದತ್ ಪಡಿಕ್ಕಲ್, ರಸಿಕ್ ದಾರ್, ಭುವನೇಶ್ವರ್ ಸೇರಿದಂತೆ ಎಲ್ಲರೂ ಚೆನ್ನೈನ ವಿಮಾನ ನಿಲ್ದಾಣಕ್ಕೆ ಬಂದು ಇಳಿದಿದ್ದಾರೆ. ಸದ್ಯ ಆರ್​ಸಿಬಿ ಪ್ಲೇಯರ್ಸ್​ ಏರ್​ಪೋರ್ಟ್​ನಲ್ಲಿ ಕಾಣಿಸಿಕೊಂಡಿರುವ ವಿಡಿಯೋ ಸೋಶಿಯಲ್ ಮೀಡಿಯಾದಲ್ಲಿ ಫುಲ್ ವೈರಲ್ ಆಗುತ್ತಿವೆ.

ಇದನ್ನೂ ಓದಿ: ವಿಘ್ನೇಶ್ ಪುತೂರ್ ಕರ್ನಾಟಕದವ್ರಾ..? ಈ ಯುವ ಪ್ಲೇಯರ್ ತಂದೆ ಈಗಲೂ ಆಟೋ ಓಡಿಸ್ತಾರೆ!

ಇನ್ನು ವಿರಾಟ್ ಕೊಹ್ಲಿಯನ್ನು ನೋಡುತ್ತಿದ್ದಂತೆ ಚೆನ್ನೈನಲ್ಲಿರುವ ಆರ್​ಸಿಬಿ ಫ್ಯಾನ್ಸ್ ಎಲ್ಲ ಥಲೈವಾ.. ಥಲೈವಾ ಎಂದು ಕೂಗಿದ್ದಾರೆ. ಇದರ ಜೊತೆಗೆ ಆರ್​ಸಿಬಿ.. ಆರ್​ಸಿಬಿ.. ಎನ್ನುವ ಘೋಷಣೆ ಕೂಡ ಜೋರಾಗಿ ಮೊಳಗಿದೆ. ಆಟಗಾರರೆಲ್ಲಾ ರೆಡ್​ ಕಲರ್ ಡ್ರೆಸ್​ನಲ್ಲಿದ್ದು ಕಣ್ಣಿಗೆ ಕೂಲಿಂಗ್ ಗ್ಲಾಸ್, ಕಿವಿಗೆ ಹೆಡ್​ಫೋನ್ ಹಾಕಿಕೊಂಡು ಚೆನ್ನೈಗೆ ಗ್ರ್ಯಾಂಡ್ ಆಗಿ ಎಂಟ್ರಿಕೊಟ್ಟಿದ್ದಾರೆ.

ಆರ್​ಸಿಬಿ ಮುಂದಿನ ಪಂದ್ಯ ಇದೇ ವಾರ ಮಾರ್ಚ್​ 28, ಶುಕ್ರವಾರ ಸಂಜೆ 7:30ರಂದು ನಡೆಯಲಿದೆ. ಆರ್​ಸಿಬಿ ಬದ್ಧವೈರಿ ಸಿಎಸ್​ಕೆ ತಂಡದ ವಿರುದ್ಧ ಮ್ಯಾಚ್ ಇರುವುದರಿಂದ ಫ್ಯಾನ್ಸ್​ ಕುತೂಹಲ ಹೆಚ್ಚಿಸಿದೆ. ಚೆನ್ನೈನ ಚೆಪಾಕ್ ಸ್ಟೇಡಿಯಂನಲ್ಲಿ ಚೆನ್ನೈ ಹಾಗೂ ಬೆಂಗಳೂರು ನಡುವಿನ ಕಾದಾಟ ನಡೆಯಲಿದೆ. ಸದ್ಯ ಟೂರ್ನಿಯಲ್ಲಿ ಈ ಎರಡು ಟೀಮ್​ಗಳು ಒಂದೊಂದು ಪಂದ್ಯವನ್ನು ಗೆದ್ದುಕೊಂಡಿವೆ.

THE CRAZE FOR KING KOHLI AT CHENNAI. 👑 pic.twitter.com/06TqNy1eRh

— Johns. (@CricCrazyJohns)

THE CRAZE FOR KING KOHLI AT CHENNAI. 👑 pic.twitter.com/06TqNy1eRh

— Johns. (@CricCrazyJohns) March 24, 2025

">March 24, 2025

ವಿಶೇಷ ಸೂಚನೆ: ಕ್ರಿಕೆಟ್‌ನ ಸುದ್ದಿಗಳಿಗಾಗಿ ಪ್ರತಿದಿನ ಬೆಳಗ್ಗೆ 8.27ಕ್ಕೆ ನ್ಯೂಸ್‌ಫಸ್ಟ್‌ಚಾನೆಲ್​​ನಲ್ಲಿ ‘ರನ್ ಭೂಮಿ’ ವೀಕ್ಷಿಸಿ