100 T20 ಅರ್ಧಶತಕ ಸಿಡಿಸಿದ RCB ಸ್ಟಾರ್​ ಬ್ಯಾಟರ್ ಕಿಂಗ್​ ಕೊಹ್ಲಿ.. ಲಿಸ್ಟ್​ನಲ್ಲಿ ಯಾರು ಯಾರ್ ಇದ್ದಾರೆ?

ವಿರಾಟ್ ಕೊಹ್ಲಿ ಕ್ರಿಕೆಟ್​ ಲೋಕದಲ್ಲಿ ಅತ್ಯುನ್ನತ ಸ್ಥಾನ ಪಡೆದಿರುವ ಏಕೈಕ ಆಟಗಾರ ಎಂದು ಹೇಳಬಹುದು. ಏಕೆಂದರೆ ಬ್ಯಾಟಿಂಗ್​ನಲ್ಲಿ ಅವರು ಮಾಡದ ಸಾಧನೆ ಯಾವುದು ಇಲ್ಲ. ಕ್ರಿಕೆಟ್​ನಲ್ಲಿ ಎಲ್ಲ ದಾಖಲೆಗಳಲ್ಲಿ​ ಕೊಹ್ಲಿ ಹೆಸರು ಇದ್ದೇ ಇರುತ್ತದೆ. ಸದ್ಯ ಇದೀಗ ಈ ರೆಕಾರ್ಡ್ಸ್​ಗೆ ಮತ್ತೊಂದು ಸೇರಿಕೊಂಡಿದೆ. ಅದೇ ಟಿ20 ಪಂದ್ಯಗಳಲ್ಲಿ ಕಿಂಗ್ ಕೊಹ್ಲಿ 100 ಬಾರಿ ಹಾಫ್​ಸೆಂಚುರಿಗಳನ್ನು ಬಾರಿಸಿದ್ದಾರೆ.

ಜೈಪುರದ ಸವಾಯಿ ಮಾನ್ಸಿಂಗ್ ಕ್ರೀಡಾಂಗಣದಲ್ಲಿ ನಡೆದ ರಾಜಸ್ಥಾನ ರಾಯಲ್ಸ್ ವಿರುದ್ಧದ ಪಂದ್ಯದಲ್ಲಿ ವಿರಾಟ್ ಕೊಹ್ಲಿ ತಮ್ಮ 100ನೇ ಟಿ20 ಅರ್ಧಶತಕ ಗಳಿಸಿದರು. ಈ ಮಹತ್ತರ ಮೈಲಿಗಲ್ಲು ತಲುಪಿದ ಭಾರತದ ಮೊದಲ ಆಟಗಾರ ಹಾಗೂ ವಿಶ್ವದ ಎರಡನೇ ಬ್ಯಾಟ್ಸ್‌ಮನ್ ಎನ್ನುವ ಹೆಗ್ಗಳಿಕೆಗೆ ವಿರಾಟ್ ಕೊಹ್ಲಿ ಇದೀಗ ಪಾತ್ರರಾಗಿದ್ದಾರೆ. ಪ್ರಥಮ ಸ್ಥಾನಕ್ಕೆ ಹೋಗಬೇಕು ಎಂದರೆ ಕೊಹ್ಲಿ ಇನ್ನು 9 ಅರ್ಧಶತಕ ಗಳಿಸಬೇಕಾಗಿದೆ.

ಇದನ್ನೂ ಓದಿ:RCB ಓಪನರ್​ ವಿಸ್ಫೋಟಕ ಬ್ಯಾಟಿಂಗ್.. ರಾಯಲ್ಸ್​ ವಿರುದ್ಧ ಫಿಲಿಪ್ ಸಾಲ್ಟ್​ ಘರ್ಜನೆ

ರಾಜಸ್ಥಾನ ರಾಯಲ್ಸ್ ವಿರುದ್ಧದ ಪಂದ್ಯದಲ್ಲಿ ಕೊಹ್ಲಿ 39 ಎಸೆತಗಳಲ್ಲಿ 3 ಬೌಂಡರಿ 2 ಸಿಕ್ಸರ್​ನಿಂದ ಅರ್ಧಶತಕ ಪೂರೈಸಿದರು. ಇದರಿಂದ ತಮ್ಮ ವೃತ್ತಿ ಜೀವನದಲ್ಲಿ 100ನೇ ಹಾಫ್​ಸೆಂಚುರಿ ಗಳಿಸಿದರು. ಆಸ್ಟ್ರೇಲಿಯಾದ ಮಾಜಿ ಬ್ಯಾಟ್ಸ್​​ಮನ್​ ಡೇವಿಡ್ ವಾರ್ನರ್ ಅವರು ಟಿ20 ಪಂದ್ಯಗಳಲ್ಲಿ ಒಟ್ಟು 108 ಅರ್ಧಶತಕಗಳನ್ನು ಬಾರಿಸಿ ಮೊದಲ ಸ್ಥಾನದಲ್ಲಿದ್ದಾರೆ. ಪಾಕಿಸ್ತಾನದ ಬಾಬರ್ ಅಜಮ್ 90 ಅರ್ಧಶತಕಗಳನ್ನು ಗಳಿಸಿ ಮೂರನೇ ಸ್ಥಾನ ಪಡೆದುಕೊಂಡಿದ್ದಾರೆ.

ಟಿ20 ಅಲ್ಲಿ ಅತಿ ಹೆಚ್ಚು ಅರ್ಧಶತಕ ಗಳಿಸಿದ ವಿಶ್ವದ ಬ್ಯಾಟ್ಸ್​ಮನ್​ಗಳು

ಆಸ್ಟ್ರೇಲಿಯಾದ ಡೇವಿಡ್​ ವಾರ್ನರ್​- 108
ಭಾರತದ ವಿರಾಟ್ ಕೊಹ್ಲಿ- 100
ಪಾಕಿಸ್ತಾನದ ಬಾಬರ್ ಅಜಮ್- 90
ವೆಸ್ಟ್​ ಇಂಡೀಸ್​ನ ಕ್ರಿಸ್ ಗೇಲ್- 88
ಇಂಗ್ಲೆಂಡ್​ನ ಜೋಶ್​ ಬಟ್ಲರ್​- 86

ವಿಶೇಷ ಸೂಚನೆ: ಕ್ರಿಕೆಟ್‌ನ ಸುದ್ದಿಗಳಿಗಾಗಿ ಪ್ರತಿದಿನ ಬೆಳಗ್ಗೆ 8.27ಕ್ಕೆ ನ್ಯೂಸ್‌ಫಸ್ಟ್‌ಚಾನೆಲ್​​ನಲ್ಲಿ ‘ರನ್ ಭೂಮಿ’ ವೀಕ್ಷಿಸಿ