RCB ಭರ್ಜರಿ ಗೆಲುವು.. ಐಪಿಎಲ್​ನಲ್ಲಿ ಐತಿಹಾಸಿಕ ರೆಕಾರ್ಡ್ ಬ್ರೇಕ್ ಮಾಡಿದ ಕಿಂಗ್ ಕೊಹ್ಲಿ!

ರಜತ್ ಪಾಟಿದಾರ್ ನೇತೃತ್ವದ ರಾಯಲ್​ ಚಾಲೆಂಜರ್ಸ್​ ಬೆಂಗಳೂರು 7 ವಿಕೆಟ್​ಗಳ ಭರ್ಜರಿ ಗೆಲುವು ಪಡೆದಿದೆ. ಪಂಜಾಬ್ ಜೊತೆಗಿನ 37ನೇ ಐಪಿಎಲ್ ಪಂದ್ಯದಲ್ಲಿ ಆರ್​ಸಿಬಿ ಸ್ಟಾರ್ ಬ್ಯಾಟರ್ ವಿರಾಟ್ ಕೊಹ್ಲಿ ಮತ್ತೊಂದು ಅರ್ಧಶತಕ ಬಾರಿಸಿದ್ದಾರೆ. ಈ ಮೂಲಕ ಆಸ್ಟ್ರೇಲಿಯಾದ ಮಾಜಿ ಕ್ರಿಕೆಟರ್​ ಡೇವಿಡ್ ವಾರ್ನರ್ ಅವರ ರೆಕಾರ್ಡ್​ ಬ್ರೇಕ್ ಮಾಡಿದ್ದಾರೆ.

ಮುಲ್ಲನ್ಪುರ್​​ನ ಮಹಾರಾಜ ಯಾದವೀಂದ್ರ ಸಿಂಗ್ ಅಂತರಾಷ್ಟ್ರೀಯ ಕ್ರಿಕೆಟ್ ಸ್ಟೇಡಿಯಂನಲ್ಲಿ ನಡೆದ ಪಂದ್ಯದಲ್ಲಿ ಮೊದಲ ಬ್ಯಾಟಿಂಗ್ ಮಾಡಿದ್ದ ಪಂಜಾಬ್ 158 ರನ್​ಗಳ ಗುರಿಯನ್ನು ನೀಡಿತತ್ತು. ಈ ಗುತಿ ಬೆನ್ನತ್ತಿದ್ದ ಆರ್​ಸಿಬಿ ತಂಡ ಕೇವಲ 3 ವಿಕೆಟ್​ಗೆ 159 ರನ್​ಗಳನ್ನು ಗಳಿಸುವ ಮೂಲಕ ಗೆಲವು ಸಾಧಿಸಿದೆ. ಪಂದ್ಯದಲ್ಲಿ ಓಪನರ್ ಆಗಿ ಮೈದಾನಕ್ಕೆ ಬಂದ ವಿರಾಟ್ ಕೊಹ್ಲಿ ಅತ್ಯದ್ಭುತವಾದ ಬ್ಯಾಟಿಂಗ್ ಮಾಡಿ, ಹಾಫ್​​ಸೆಂಚುರಿ ಸಿಡಿಸಿದರು. 3ನೇ ಕ್ರಮಾಂಕದಲ್ಲಿ ಕ್ರೀಸ್​ಗೆ ಬಂದ ಕನ್ನಡಿಗ ದೇವದತ್ ಪಡಿಕ್ಕಲ್ ಕೂಡ ಸಿಡಿಲಬ್ಬರದ ಬ್ಯಾಟಿಂಗ್ ಮೂಲಕ ಈ ಸೀಸನ್​ನಲ್ಲಿ ಮೊದಲ ಫಿಫ್ಟಿ ಬಾರಿಸಿದರು. ನಾಯಕ ರಜತ್ ಕೇವಲ 12 ರನ್​ಗೆ ವಿಕೆಟ್ ಒಪ್ಪಿಸಿದರೆ, ಕೊಹ್ಲಿ ಜೊತೆ ಸೇರಿ ಜಿತೇಶ್ ಶರ್ಮಾ (11) ತಂಡವನ್ನು ಗಡಿ ದಾಟಿಸಿದರು.

ಈ ಪಂದ್ಯದಲ್ಲಿ ವಿರಾಟ್ ಕೊಹ್ಲಿ ಅಜೇಯ 73 ರನ್​ಗಳನ್ನು ಬಾರಿಸಿದರು. ಪಂಜಾಬ್​ ಬೌಲರ್​ಗಳನ್ನು ಕಾಡಿದ ವಿರಾಟ್ 43 ಎಸೆತದಲ್ಲಿ ಸಿಕ್ಸರ್​ಗಳಿಲ್ಲದೇ 5 ಬೌಂಡರಿಗಳಿಂದ 50 ರನ್​ ಚಚ್ಚಿದರು. ಆರ್​ಸಿಬಿ ಜಯ ಸಾಧಿಸುವವರೆಗೂ ಕ್ರೀಸ್​ನಲ್ಲಿದ್ದ ವಿರಾಟ್ ಕೊಹ್ಲಿ 54 ಎಸೆತಗಳಲ್ಲಿ 7 ಫೋರ್, 1 ಸಿಕ್ಸರ್​​ನಿಂದ 73 ರನ್​ಗಳಿಸಿ ತಂಡಕ್ಕೆ ಗೆಲುವು ತಂದುಕೊಟ್ಟರು.

ಇದನ್ನೂ ಓದಿ: 6, 6, 6; ಕನ್ನಡಿಗನ ವಿಸ್ಫೋಟಕ ಬ್ಯಾಟಿಂಗ್​​.. ಪಂಜಾಬ್ ವಿರುದ್ಧ ಪಡಿಕ್ಕಲ್ ಭರ್ಜರಿ ಅರ್ಧಶತಕ

ಐಪಿಎಲ್​ ಇತಿಹಾಸದಲ್ಲೇ ಕೊಹ್ಲಿ ಅತ್ಯಧಿಕ 50 ಪ್ಲಸ್​ ರನ್​ಗಳಿಸಿದವರ ಪಟ್ಟಿಯಲ್ಲಿ ಅಗ್ರಸ್ಥಾನವನ್ನು ಅಲಂಕರಿಸಿದ್ದಾರೆ. ಈ ಮೊದಲು ಆಸ್ಟ್ರೇಲಿಯಾದ ಡೇವಿಡ್ ವಾರ್ನರ್ ಅವರು ಐಪಿಎಲ್​ ಇತಿಹಾಸದಲ್ಲಿ 50 ಪ್ಲಸ್​ ರನ್​ ಗಳಿಸಿದವರಲ್ಲಿ ಮೊದಲಿಗರಾಗಿದ್ದರು. ಡೇವಿಡ್ ವಾರ್ನರ್​ 66 ಬಾರಿ ಈ 50 ಪ್ಲಸ್​ ರನ್​ ಗಳಿಸಿದ್ರೆ, ವಿರಾಟ್​ ಕೊಹ್ಲಿ 67 ಸಲ 50 ಪ್ಲಸ್​ ರನ್ ಗಳಿಸಿ ಅಗ್ರಸ್ಥಾನ ಪಡೆದಿದ್ದಾರೆ. ಇನ್ನು 3ನೇ ಸ್ಥಾನದಲ್ಲಿ ಶಿಖರ್ ಧವನ್ (53 ಬಾರಿ) ಇದ್ದಾರೆ. ನಂತರ ರೋಹಿತ್ ಶರ್ಮಾ (45) ಸ್ಥಾನ ಪಡೆದಿದ್ದಾರೆ.

ವಿಶೇಷ ಸೂಚನೆ: ಕ್ರಿಕೆಟ್‌ನ ಸುದ್ದಿಗಳಿಗಾಗಿ ಪ್ರತಿದಿನ ಬೆಳಗ್ಗೆ 8.27ಕ್ಕೆ ನ್ಯೂಸ್‌ಫಸ್ಟ್‌ಚಾನೆಲ್​​ನಲ್ಲಿ ‘ರನ್ ಭೂಮಿ’ ವೀಕ್ಷಿಸಿ