ವಿರಾಟ್ ಕೊಹ್ಲಿ ವಾಚ್ ಎಷ್ಟು ಕೋಟಿ ರೂಪಾಯಿ..? ಸ್ಟಾರ್​ ಕ್ರಿಕೆಟಿಗನ ಶ್ರೀಮಂತಿಕೆ ಇದು!

ಕಿಂಗ್​ ಕೊಹ್ಲಿಯ ಗತ್ತೇ ಬೇರೆ, ಕ್ರಿಕೆಟ್​ ಮೈದಾನದಲ್ಲಿ ಮಾತ್ರವಲ್ಲ.. ಆಫ್​ ದ ಫೀಲ್ಡ್​ನಲ್ಲೂ ಕೊಹ್ಲಿ ರಾಜನಂತೆ ಜೀವನ ನಡೆಸುತ್ತಾರೆ. ಸಾವಿರಾರು ಕೋಟಿಯ ಒಡೆಯ ಕೊಹ್ಲಿ ವಿಲಾಸಿ ಜೀವನ ನಡೆಸುತ್ತಿದ್ದಾರೆ. ಕೊಹ್ಲಿ ಬದುಕು ಎಷ್ಟು ಐಷಾರಾಮಿಯಾಗಿದೆ ಅನ್ನೋದನ್ನ ಈ ಒಂದು ವಾಚ್​​​ ಹೇಳುತ್ತೆ.

​ಕೊಹ್ಲಿ ಈ ಹೆಸರಿಗೆ ಒಂದು ಪವರ್​​​ ಇದೆ. ಆನ್​ಫೀಲ್ಡ್​​ನಲ್ಲಿ ಆಡಲಿ, ಬಿಡಲಿ ಆಫ್​ ದ ಫೀಲ್ಡ್​ನಲ್ಲಿ ಈ ಹೆಸರು ಸದಾ ಸುದ್ದಿಯಲ್ಲೇ ಇರುತ್ತೆ. ಫೀಲ್ಡ್​​ನಲ್ಲಿ ಅಸಾಧ್ಯ ಅಂದುಕೊಂಡಿದ್ದವನ್ನೆಲ್ಲಾ ಸಾಧಿಸಿ ತೋರಿಸಿ, ಸಾಧನೆಗಳನ್ನ ಮಾಡಿ ಮರೆದಾಡಿರೋ ಕೊಹ್ಲಿ ಆಫ್​ ದ ಫೀಲ್ಡ್​ನಲ್ಲೂ ಕಿಂಗ್.

ಆಫ್​​​ ದಿ ಫೀಲ್ಡ್​ನಲ್ಲೂ​ ಕೊಹ್ಲಿಯೇ ‘ಕಿಂಗ್​’.!

ದೆಹಲಿಯ ಮಿಡಲ್​ ಕ್ಲಾಸ್​​ ಫ್ಯಾಮಿಲಿಯಲ್ಲಿ ಬೆಳೆದು ಬಂದ ವಿರಾಟ್​ ಕೊಹ್ಲಿ, ಇಂದು ಸಾವಿರಾರು ಕೋಟಿ ರೂಪಾಯಿ ಒಡೆಯ. ಕೊಹ್ಲಿಯ ಬ್ರ್ಯಾಂಡ್​ ವ್ಯಾಲ್ಯೂ 1,912 ಕೋಟಿಗೂ ಅಧಿಕವಾಗಿದೆ. ಕೋಟಿ ಕೋಟಿ ಹಣಗಳಿಸಿರೋ ಕೊಹ್ಲಿ ಜೀವನ ಕೂಡ ಫುಲ್​​ ಹೈ ಫೈ. ಐಷಾರಾಮಿ ಬಂಗಲೆಗಳು, ಕೋಟಿ ಕೋಟಿ ಬೆಲೆಯ ಕಾರುಗಳು, ದುಬಾರಿ ಬೆಲೆಯ ಬಟ್ಟೆಗಳು, ವಿಲಾಸಿ ಜೀವನ ಇದೆ.

₹4 ಕೋಟಿ 60 ಲಕ್ಷ.. ಇದು ಕೊಹ್ಲಿ ವಾಚ್​​ನ ಬೆಲೆ..!

ಕೊಹ್ಲಿಯ ವಾಚ್​ ಬೆಲೆ 4 ಕೋಟಿ, 60 ಲಕ್ಷ ರೂಪಾಯಿ ಅನ್ನೋದು ನಿಜ. ಕೊಹ್ಲಿ ಬಳಿ ಹಲವಾರು ದುಬಾರಿ ವಾಚ್​ಗಳಿವೆ. ಅವುಗಳ ಪೈಕಿ ಈ ವಾಚ್​ ಕೊಹ್ಲಿಯ ಫೇವರಿಟ್​​. ಇದರ ಹೆಸರು ರೊಲೆಕ್ಸ್​​​ ಡೇಟೋನಾ ರೈನ್​ಬೋ ಎವೆ​ರೋಸ್​​ ಗೋಲ್ಡ್ (Rolex Daytona Rainbow Rose gold)​.

ರೊಲೆಕ್ಸ್​​​ ಡೇಟೋನಾ ರೈನ್​ಬೋ ಎವೆ​ರೋಸ್​​ ಗೋಲ್ಡ್ ವಿಶ್ವದ ಕೆಲವೇ ಕೆಲವು ಟಾಪ್​ ಸೆಲಬ್ರಿಟಿಗಳ ಬಳಿ ಈ ವಾಚ್​ ಇದೆ. ಕೊಹ್ಲಿ ಬಿಟ್ರೆ ಟೀಮ್​ ಇಂಡಿಯಾ ಯಾವೊಬ್ಬ ಕ್ರಿಕೆಟಿಗನ ಬಳಿಯೂ ವಾಚ್​ ಇಲ್ಲ. ಎಲ್ಲಾ ವಾಚ್​ ಟೈಮ್​ ತೋರಿಸುತ್ತೆ. ಅದಕ್ಕೆ ಯಾಕೆ 4 ಕೋಟಿ 60 ಲಕ್ಷ ಹಣ ಕೊಡಬೇಕು ಅನ್ನೋ ಪ್ರಶ್ನೆ ಬರುತ್ತದೆ. ಈ ವಾಚ್​ನ ಕೇಸ್​​, ಡಯಲ್​ ಮೀಟರ್​, ಬ್ರೈಸ್ಲೈಟ್​ ಎಲ್ಲಾ​ ಫುಲ್​ ಸ್ಪೆಷಲ್​ ಆಗಿ ಇರುತ್ತದೆ.

56 ವಜ್ರದ ಹರಳಿಂದ ಸ್ಪೆಷಲ್​​​ ಡಿಸೈನ್​..!

ಕೊಹ್ಲಿಯ ದುಬಾರಿ ವಾಚ್​ನ ಡಯಲ್​ ಮೀಟರ್​​ ಸಂಪೂರ್ಣ ವಜ್ರ ಖಚಿತವಾಗಿದೆ. 18 ಕ್ಯಾರೆಟ್ ಎವರೋಸ್​ ಗೋಲ್ಡ್​​ನಿಂದ ಈ ವಾಚ್​ನ ತಯಾರಿಸಲಾಗಿದೆ. ವಾಚ್​ನ ಒಳಗೆ ಹಾಗೂ ಹೊರಗೆ ಡಿಸೈನ್​ ಮಾಡಲು 56 ವಜ್ರದ ಹರಳುಗಳನ್ನ ಬಳಸಾಗಿದೆ.

ಕೊಹ್ಲಿಯ ದುಬಾರಿ ವಾಚ್​​ನಲ್ಲಿ ಏನೇನು ಇದೆ?​

• 18 ಕ್ಯಾರಟ್​ ಎವರೋಸ್​ ಗೋಲ್ಡ್​ನಿಂದ ತಯಾರಿ
• 56 ವಜ್ರದ ಹರಳುಗಳಿಂದ ಒಳ-ಹೊರಗೆ ಡಿಸೈನ್​
• ಗಂಟೆ ಸೂಚಿಸುವ ಮಾರ್ಕ್​ಗೂ ವಜ್ರದ ಹರಳು ಬಳಕೆ
• ವಾಚ್​ ಹೊರಗೆ ವಜ್ರದ ಹರಳಿಂದ ವಿಶೇಷ ಡಿಸೈನ್​​
• ಕಾಮನಬಿಲ್ಲಿನಂತೆ 7 ಬಣ್ಣಗಳಿಂದ ಹೊಳೆಯುವ ವಾಚ್

ಇದನ್ನೂ ಓದಿ:ಕೊಹ್ಲಿಯಂತೆ ನಿತೀಶ್ ಕುಮಾರ್​ ದೇಹದ ಮೇಲೆ ಟ್ಯಾಟೂ.. ಹುಲಿ, ಯೋಧನ ಚಿತ್ರದ ಹಿಂದಿನ ರಹಸ್ಯ?

ಅಂದ್ಹಾಗೆ ಭಾರತ ಬಿಡಿ.. ವಿಶ್ವದ ಯಾವೊಬ್ಬ ಮಾಜಿ ಅಥವಾ ಹಾಲಿ ಕ್ರಿಕೆಟಿಗನ ಬಳಿ ಇಷ್ಟೊಂದು ದುಬಾರಿಯ ವಾಚ್​ ಇಲ್ಲ. ಕ್ರಿಕೆಟ್​ ಲೋಕದಲ್ಲಿ ‘ಕಿಂಗ್’ ಅನಿಸಿಕೊಂಡಂತೆ ಕೊಹ್ಲಿ ಮಾತ್ರವೇ ಈ ವಾಚ್​ನ ಬಳಸುತ್ತಿದ್ದಾರೆ. ಕೊಹ್ಲಿ ಬಿಟ್ರೆ ಫುಟ್ಬಾಲ್​ ಸ್ಟಾರ್​​ಗಳು ಈ ವಾಚ್ ಹೊಂದಿದ್ದಾರೆ. ಡೇವಿಡ್​ ಬೆಕಮ್​, ಕ್ರಿಸ್ಟಿಯಾನೋ ರೋನಾಲ್ಡೋ, ಲಿಯೋನಲ್​ ಮೆಸ್ಸಿ, ಜೆರಾಲ್ಡ್​​ ಪಿಕ್​, ಆಂಟೊನಿ ಗ್ರೀಜ್‌ಮನ್. ಈ ವಾಚ್​ ಹೊಂದಿರೋ ಫುಟ್ಬಾಲ್​ ತಾರೆಗಳಾಗಿದ್ದಾರೆ. ಬಾಸ್ಕೆಟ್​ ಬಾಲ್​ ಸೂಪರ್​ ಸ್ಟಾರ್​ ಜಿಮ್ಮಿ ಬಟ್ಲರ್​ ಕೂಡ ಈ ವಾಚ್​ ಬಳಸ್ತಾರೆ.

ಹಾಲಿವುಡ್​ನ ಕೆಲ ಸಿಂಗರ್ಸ್​ ಹಾಗೂ ನಟರ ಬಳಿ ಈ ವಾಚ್​ ಇದೆ. ಈ ಸ್ಟಾರ್​​ಗಳಿಗೆ 4 ಕೋಟಿ 60 ಲಕ್ಷ ಹಣದ ವಾಚ್​ ಮೇಲೆ ವ್ಯಾಮೋಹ ಯಾಕಪ್ಪಾ ಅಂತ ಪ್ರಶ್ನೆ ಹುಟ್ಟಬಹುದು. ಕೋಟಿ-ಕೋಟಿ ಲೆಕ್ಕದಲ್ಲಿ ಕಮಾಯ್​ ಮಾಡುವ ಇವರಿಗೆ ಇದು ಬಿಗ್​​ ಅಮೌಂಟ್​ ಏನಲ್ಲ. ಕೊಹ್ಲಿ ವಿಚಾರಕ್ಕೆ ಈ ದುಬಾರಿ ವಾ​ಚ್​​ ಸ್ಟೇಟ್​ಮೆಂಟ್​ ಆಫ್​ ಸಕ್ಸಸ್​​. ಸಿಂಬಲ್​ ಆಫ್​ ಸ್ಟೇಟಸ್​ ಎಂದು ಹೇಳಬಹುದು ಅಷ್ಟೇ.

ವಿಶೇಷ ಸೂಚನೆ: ಕ್ರಿಕೆಟ್‌ನ ಸುದ್ದಿಗಳಿಗಾಗಿ ಪ್ರತಿದಿನ ಬೆಳಗ್ಗೆ 8.27ಕ್ಕೆ ನ್ಯೂಸ್‌ಫಸ್ಟ್‌ಚಾನೆಲ್​​ನಲ್ಲಿ ‘ರನ್ ಭೂಮಿ’ ವೀಕ್ಷಿಸಿ