ಕೊಹ್ಲಿ + ಫ್ಯಾನ್ಸ್​ + ಚಿನ್ನಸ್ವಾಮಿ = ಡೆಡ್ಲಿ ಕಾಂಬಿನೇಷನ್

ವಿರಾಟ್​ ವೈಲೆಂಟ್.. ಫ್ಯಾನ್ಸ್​ ಖುಷ್​.. ಎದುರಾಳಿಗೆ ನಡುಕ

ಚಿನ್ನಸ್ವಾಮಿಯಲ್ಲಿ ಇಂದು ಕೊಹ್ಲಿಯ ಅಬ್ಬರ ಗ್ಯಾರಂಟಿ

ಬೆಂಗಳೂರಿನ ಚಿನ್ನಸ್ವಾಮಿ ಮೈದಾನ ವಿರಾಟ್​ ಕೊಹ್ಲಿ ಕಿಂಗ್​ಡಮ್​. ಇಲ್ಲಿ ಕಿಂಗ್​​​ ಕೊಹ್ಲಿ ಎಂಟ್ರಿ ಕೊಟ್ರೆ ಸಾಕು ಅಭಿಮಾನಿಗಳ ಹರ್ಷೋದ್ಘಾರ ಮುಗಿಲು ಮುಟ್ಟುತ್ತದೆ. ಕೊಹ್ಲಿ ಹುಟ್ಟಿದ್ದು ಕರ್ನಾಟಕದಲ್ಲಲ್ಲ. ಆದ್ರೂ ಮನೆ ಮಗನಂತೆ ಆರಾಧಿಸ್ತಾರೆ. ಬೆಂಗಳೂರನ್ನ ಪರ್ಸನಲಿ ಇಷ್ಟ ಪಡುವ ವಿರಾಟ್​​ಗೆ ಚಿನ್ನಸ್ವಾಮಿಯೇ ಫೇವರಿಟ್​. ಯಾಕಂದ್ರೆ ಇಲ್ಲಿ ಕಣಕ್ಕಿಳಿದಾಗ ಕೊಹ್ಲಿ, ವಿರಾಟರೂಪ ಎತ್ತುತ್ತಾರೆ.

ಐಪಿಎಲ್ ಸೀಸನ್​-17ರ ಫೀವರ್ ಜೋರಾಗಿದೆ. ಆರ್​ಸಿಬಿ ಅಭಿಮಾನಿಗಳ ಉತ್ಸಾಹದ ಮುಂದೆ ಬೆಂಗಳೂರಿನಲ್ಲಿ ಬಿಸಿಲ ತಾಪವೇ ಮಾಯವಾಗಿದೆ. ಇದಕ್ಕೆಲ್ಲಾ ಕಾರಣ ಬೆಂಗಳೂರಿನಲ್ಲಿ ನಡೆದ ಮೊದಲ ಪಂದ್ಯದಲ್ಲೇ ದತ್ತು ಪುತ್ರ ತೋರಿದ ಬ್ಯಾಟಿಂಗ್ ಝಲಕ್.
ಪಂಜಾಬ್ ಎದುರಿನ ಪಂದ್ಯದಲ್ಲಿ ಅದ್ಭುತ ಬ್ಯಾಟಿಂಗ್​​ ಪ್ರದರ್ಶಿಸಿರುವ ವಿರಾಟ್, ಸಾಲಿಡ್ ಟಚ್​​ನಲ್ಲಿದ್ದಾರೆ. ಕೊಹ್ಲಿಯ ಪವರ್ ಫುಲ್ ಬ್ಯಾಟಿಂಗ್ ಕಣ್ತುಂಬಿಕೊಂಡ ಫ್ಯಾನ್ಸ್​ ಎಕ್ಸ್​ಪೆಕ್ಟೇಷನ್ ಈಗ​ ಡಬಲ್ ಆಗಿದೆ. ಅತ್ತ ಎದುರಾಳಿ ತಂಡಗಳ ಎದೆಯಲ್ಲಿ ನಡುಕ ಶುರುವಾಗಿದೆ.

ಚಿನ್ನಸ್ವಾಮಿಯಲ್ಲಿ ಇಂದು ಕೊಹ್ಲಿಯ ಅಬ್ಬರ ಗ್ಯಾರಂಟಿ..!

ಚಿನ್ನಸ್ವಾಮಿಯ ಚಿನ್ನ.. ಅಭಿಮಾನಿಗಳ ನೆಚ್ಚಿನ ಕಿಂಗ್​​, ಅದು ಒನ್​ ಆ್ಯಂಡ್ ಒನ್ಲಿ ವಿರಾಟ್ ಕೊಹ್ಲಿ. ಇದೇ ವಿರಾಟ್​ ಕೊಹ್ಲಿ, ಇಂದು ಕೊಲ್ಕತ್ತಾ ಎದುರು ರೈಡ್​ ಮಾಡೋದು ಖಾಯಂ. ಈ ಕಾನ್ಫಿಡೆನ್ಸ್​ಗೆ ಕಾರಣ ಚಿನ್ನಸ್ವಾಮಿ ಮೈದಾನ. ಹೌದು.., ಚಿನ್ನಸ್ವಾಮಿ ಸ್ಟೇಡಿಯಂ ಕೊಹ್ಲಿಯ ಫೇವರಿಟ್​ ಗ್ರೌಂಡ್​. ಈ ಗ್ರೌಂಡ್​ನಲ್ಲಿ ಕಿಂಗ್ ಕೊಹ್ಲಿ ಮೋಸ್ಟ್​ ಡೇಂಜರಸ್.

ಚಿನ್ನಸ್ವಾಮಿಯಲ್ಲಿ ವಿರಾಟ್​ ಕೊಹ್ಲಿ..!

ಚಿನ್ನಸ್ವಾಮಿಯಲ್ಲಿ 83 ಪಂದ್ಯಗಳನ್ನಾಡಿರುವ ವಿರಾಟ್​, 2777 ರನ್​ ಸಿಡಿಸಿದ್ದಾರೆ. 39.67ರ ಸರಾಸರಿಯಲ್ಲಿ ರನ್ ಗಳಿಸಿರುವ ವಿರಾಟ್, 141.10ರ ಸ್ಟ್ರೈಕ್​​ರೇಟ್​​ನಲ್ಲಿ ಬ್ಯಾಟ್ ಬೀಸಿದ್ದಾರೆ. ಚಿನ್ನಸ್ವಾಮಿಯಲ್ಲಿ ರನ್​ ಹೊಳೆಯನ್ನೇ ಹರಿಸಿರುವ ವಿರಾಟ್​ ಕೊಹ್ಲಿ, ಸೆಂಚೂರಿ ಮೇಲೆ ಸೆಂಚುರಿ ಸಿಡಿಸಿದ್ದಾರೆ. ಭಯಾನಕ ಆಟವಾಡೋದ್ರಲ್ಲಿ ಸದಾ ಮುಂದಿರ್ತಾರೆ. ಐಪಿಎಲ್​​ನಲ್ಲಿ ವಿರಾಟ್ ಸಿಡಿಸಿರುವ 7 ಐಪಿಎಲ್​ ಶತಕಗಳ ಪೈಕಿ 4 ಸೆಂಚುರಿ ಚಿನ್ನಸ್ವಾಮಿಯಲ್ಲೇ ದಾಖಲಾಗಿವೆ.

ಚಿನ್ನಸ್ವಾಮಿಯ ಸೆಂಚುರಿ ಸ್ಟಾರ್​

ಪಂಜಾಬ್ ಎದುರಿನ ಪಂದ್ಯದಲ್ಲಿ ಕೇವಲ 50 ಎಸೆತಗಳಲ್ಲಿ 113 ರನ್ ಚಚ್ಚಿದ್ದ ವಿರಾಟ್, ಗುಜರಾತ್ ಲಯನ್ಸ್​ ವಿರುದ್ಧ 55 ಎಸೆತಗಳಿಂದ 109 ರನ್ ಕೊಳ್ಳೆ ಹೊಡೆದಿದ್ದರು. ಪುಣೆ ಸೂಪರ್ ಜೈಂಟ್ಸ್​ ಎದುರು 58 ಎಸೆತಗಳಲ್ಲಿ ಅಜೇಯ 108 ರನ್ ಬಾರಿಸಿದ್ದ ವಿರಾಟ್​, ಕಳೆದ ಸೀಸನ್​​ನಲ್ಲಿ ಗುಜರಾತ್ ಟೈಟನ್ಸ್ ಎದುರು 61 ಎಸೆತಗಳಲ್ಲಿ ಅಜೇಯ 101 ರನ್ ದಾಖಲಿಸಿದ್ರು.

ಫ್ಯಾನ್ಸ್​ ಮುಂದೆ ಆಡೋದು ಕಿಂಗ್​ ಕೊಹ್ಲಿಗೆ ಬಲು ಇಷ್ಟ..!

ವಿರಾಟ್​ ಕೊಹ್ಲಿ ಆ್ಯಂಡ್ ಆರ್​ಸಿಬಿ ಫ್ಯಾನ್ಸ್, ಚಿನ್ನಸ್ವಾಮಿ ಗ್ರೌಂಡ್​.. ಈ ಕಾಂಬಿನೇಷನ್​ ನಿಜಕ್ಕೂ ಡೆಡ್ಲಿ.. ಆರ್​​ಸಿಬಿ ಅಭಿಮಾನಿಗಳ​ ಜೊತೆ ಎಮೋಷನಲಿ ಕನೆಕ್ಟ್​ ಆಗಿರೋ ವಿರಾಟ್​ಗೆ, ನಮ್ಮ ಅಭಿಮಾನಿಗಳ ಮುಂದೆ ಬ್ಯಾಟ್ ಬೀಸೋದು ಅಂದ್ರೆ ಎಲ್ಲಿಲ್ಲದ ಇಷ್ಟ. ಹೀಗಾಗಿ ಫ್ಯಾನ್ಸ್​ ಹುರಿದುಂಬಿಸಿದಷ್ಟು ಕಿಂಗ್ ಕೊಹ್ಲಿಯ ಬ್ಯಾಟಿಂಗ್ ಘರ್ಜನೆ ಜೋರಾಗೋದು ಫಿಕ್ಸ್​.

ಅಭಿಮಾನಿಗಳ ಕನಸು ನನಸೂ ಮಾಡೋಕೆ ಪಣತೊಟ್ಟಿರೋ ವಿರಾಟ್​, ತವರಿನಲ್ಲೇ ಹೆಚ್ಚು ಪಂದ್ಯಗಳನ್ನ ಗೆದ್ದು, ಫ್ಲೇ ಆಫ್​​​​​​ ಹಾದಿ ಸುಗಮವಾಗಿಸೋ ಲೆಕ್ಕಚಾರದಲ್ಲಿದ್ದಾರೆ. ಸಾಲಿಡ್​​ ಟಚ್​ನಲ್ಲಿರೋ ಕೊಹ್ಲಿ ಇಂದು ಕೆಕೆಆರ್​ ಎದುರು ಘರ್ಜಿಸ್ತಾರಾ ಕಾದು ನೊಡೋಣ.

ವಿಶೇಷ ವರದಿ: ಸಂತೋಷ್

ವಿಶೇಷ ಸೂಚನೆ: ಕ್ರಿಕೆಟ್​​ನ ವಿಶೇಷ ಸುದ್ದಿಗಳಿಗಾಗಿ ವೀಕ್ಷಿಸಿ ‘ರನ್ ಭೂಮಿ’ ಪ್ರತಿದಿನ ಬೆಳಗ್ಗೆ 8.27ಕ್ಕೆ ನ್ಯೂಸ್ ಫಸ್ಟ್ ಚಾನೆಲ್