ವಿಶ್ವ ಕ್ರಿಕೆಟ್​ನ ಸಾಮ್ರಾಟ ಕೊಹ್ಲಿಗೂ ಕಾಡಿತ್ತು ಆತಂಕ

ಅಫ್ಘಾನಿಸ್ತಾನ ವಿರುದ್ಧ ಕೊಹ್ಲಿ ಚೊಚ್ಚಲ ಟಿ20 ಶತಕ

2022ರ ಏಷ್ಯಾಕಪ್ ಟೂರ್ನಿ ವೇಳೆ ಕೊಹ್ಲಿಗೆ ಏನಾಗಿತ್ತು?

ಅಂತಾರಾಷ್ಟ್ರೀಯ ಕ್ರಿಕೆಟ್​ನಲ್ಲಿ 81ನೇ ಶತಕಕ್ಕಾಗಿ ಕಾಯ್ತಿರುವ ಟೀಮ್​ ಇಂಡಿಯಾ ಬ್ಯಾಟ್ಸ್​ಮನ್​​ ವಿರಾಟ್ ಕೊಹ್ಲಿ​, ಆ ಒಂದು ಶತಕ ಸಿಡಿಸಿದ ಬಳಿಕ ಕಣ್ಣೀರು ಹಾಕಿದ್ರಂತೆ. ಆ ಶತಕ ಯಾವುದು? ಕೊಹ್ಲಿ ಕಣ್ಣಲ್ಲಿ ನೀರು ಬಂದಿದ್ದೇಕೆ? ಅನ್ನೋ ವಿವರ ಹೀಗಿದೆ.

ವಿರಾಟ್ ಕೊಹ್ಲಿ ವಿಶ್ವ ಕ್ರಿಕೆಟ್​ನ ಸಾಮ್ರಾಟ. ಶತಕಗಳ ಸರದಾರ, ಇವರ ಬ್ಯಾಟಿಂಗ್ ರೌದ್ರವತಾರಕ್ಕೆ ಬೌಲರ್​ಗಳು ಕಣ್ಣೀರು ಹಾಕಿರೋದು ಗೊತ್ತು. ಕೊಹ್ಲಿ ಕಣ್ಣೀರು ಸುರಿಸಿದ ಕಥೆ ನಿಮಗೆ ಗೊತ್ತಾ? ಅದು 2022ರ ಏಷ್ಯಾಕಪ್ ಟೂರ್ನಿ. ಆ ಟೂರ್ನಿಯಲ್ಲಿ ಅಫ್ಘಾನಿಸ್ತಾನ ವಿರುದ್ಧ ಕೊಹ್ಲಿ ಚೊಚ್ಚಲ ಟಿ20 ಶತಕ ಸಿಡಿಸಿದ್ರು.

ಇದನ್ನೂ ಓದಿ: ಔಟ್ ಆಗಿದ್ಕೆ ಕೋಪ.. ನೀರಿನ ಬಾಕ್ಸ್​ಗೆ ಬ್ಯಾಟ್​​ನಿಂದ ಬಡಿದ ಕೊಹ್ಲಿ -ವಿಡಿಯೋ

ಆ ಶತಕದ ಬಳಿಕ ವಿರಾಟ್​ ಕೊಹ್ಲಿ ಕಣ್ಣೀರು ಹಾಕಿದ್ರಂತೆ. ಅಂದ್ಹಾಗೆ ಅಂದು ಕೊಹ್ಲಿ ಕಣ್ಣೀರು ಹಾಕಿದ್ದಕ್ಕೆ ಕಾರಣವೂ ಇದೆ. 2019ರ ನವೆಂಬರ್​ ಬಳಿಕ ವಿರಾಟ್ ಕೊಹ್ಲಿ ಶತಕದ ಬರ ಎದುರಿಸಿದ್ರು. ಒಂದಲ್ಲ.. ಎರಡಲ್ಲ.. ಬರೋಬ್ಬರಿ 3 ವರ್ಷಗಳ ಕಾಲ ರನ್ ಬರ ಎದುರಿಸಿದ್ದ ಕೊಹ್ಲಿ ಭಾರೀ ಟೀಕೆಗೆ ಗುರಿಯಾಗಿದ್ದರು.

ಏಷ್ಯಾಕಪ್​ನಲ್ಲಿ ಅಫ್ಘನ್ ಎದುರು 66 ಎಸೆತಗಳಲ್ಲೇ ಅಜೇಯ 122 ರನ್ ಸಿಡಿಸಿದ ಕೊಹ್ಲಿ, ಶತಕದ ಬರ ನೀಗಿಸಿಕೊಂಡಿದ್ದರು. ಈ ಶತಕದ ಬಳಿಕ ಆನ್​ ಫೀಲ್ಡ್​ನಲ್ಲಿ ನಕ್ಕು ನಲಿದಿದ್ದ ವಿರಾಟ್​, ಬಳಿಕ ಪತ್ನಿ ಅನುಷ್ಕಾ ಶರ್ಮಾ ಜೊತೆ ಮಾತನಾಡುವಾಗ ಕಣ್ಣೀರು ಹಾಕಿದ್ದರಂತೆ. ಈ ವಿಚಾರವನ್ನು ಸಂದರ್ಶನವೊಂದರಲ್ಲಿ ವಿರಾಟ್ ಕೊಹ್ಲಿ ಬಹಿರಂಗಪಡಿಸಿದ್ದಾರೆ.

ಇದನ್ನೂ ಓದಿ: ಯಂತ್ರ ಇಂಡಿಯಾದಲ್ಲಿ 3 ಸಾವಿರಕ್ಕೂ ಹೆಚ್ಚು ಉದ್ಯೋಗ.. SSLC, ITI ಆದವರಿಗೆ ಅವಕಾಶ

ವಿಶೇಷ ಸೂಚನೆ: ಕ್ರಿಕೆಟ್​​ನ ವಿಶೇಷ ಸುದ್ದಿಗಳಿಗಾಗಿ ವೀಕ್ಷಿಸಿ ‘ರನ್ ಭೂಮಿ’ ಪ್ರತಿದಿನ ಬೆಳಗ್ಗೆ 8.27ಕ್ಕೆ ನ್ಯೂಸ್ ಫಸ್ಟ್ ಚಾನೆಲ್