ಅಡಿಲೇಡ್ ಅಖಾಡದಲ್ಲಿ ಕಿಂಗ್ ಆಗ್ತಾರಾ ಕೊಹ್ಲಿ; ಸಚಿನ್​ರ​ ಆ ದಾಖಲೆ ಮುರಿಯಲು ಇನ್ನೆಷ್ಟು ಶತಕಗಳು ಬೇಕು?

ಅಡಿಲೇಡ್ ಟೆಸ್ಟ್ ಪಂದ್ಯಕ್ಕೆ, ಕೇವಲ ಒಂದೇ ಒಂದು ದಿನ ಮಾತ್ರ ಬಾಕಿ ಉಳಿದಿದೆ. ಅದಾಗಲೇ ಅಡಿಲೇಡ್ ಟೆಸ್ಟ್ ಪಂದ್ಯದ ಬಗ್ಗೆ, ಭಾರೀ ಚರ್ಚೆ ನಡೆಸಲಾಗ್ತಿದೆ. ಒಂದೆಡೆ ಟೆಸ್ಟ್ ಗೆಲ್ಲೇಬೇಕು ಅಂತ ಟೀಮ್ ಇಂಡಿಯಾ ಪಣತೊಟ್ಟಿದೆ. ಮತ್ತೊಂದೆಡೆ ಅಡಿಲೇಡ್​ 'ಕಿಂಗ್' ಕೊಹ್ಲಿ, ದರ್ಬಾರ್ ನಡೆಸೋಕೆ ಕಾತರರಾಗಿದ್ದಾರೆ. ಹಾಗಾಗಿ ಈಗ​​​​​​​​ ಎಲ್ಲರ ಚಿತ್ತ ವಿರಾಟ್ ಕೊಹ್ಲಿಯತ್ತ ನೆಟ್ಟಿದೆ.

ಬೆಟ್ಟಗುಡ್ಡಗಳ ನಾಡು, ಕಾಂಗರೂಗಳ ದ್ವೀಪರಾಷ್ಟ್ರ, ಫೆಸ್ಟಿವಲ್ ಸ್ಟೇಟ್ ಅಂತಾನೇ ಕರೆಸಿಕೊಳ್ಳುವ ಸೌತ್ ಆಸ್ಟ್ರೇಲಿಯಾ, ಹೈವೋಲ್ಟೇಜ್ ಟೆಸ್ಟ್ ಪಂದ್ಯದ ಆತಿಥ್ಯಕ್ಕೆ ಸಜ್ಜಾಗಿದೆ. ಅಡಿಲೇಡ್ ಓವಲ್ ಮೈದಾನ, ಎರಡು ಬಲಿಷ್ಟ ತಂಡಗಳ ಜಿದ್ದಾಜಿದ್ದಿನ ಫೈಟ್​​ಗೆ ವೇದಿಕೆಯಾಗಿದೆ. ಕೇವಲ ತಂಡಗಳಿಗಷ್ಟೇ ಅಲ್ಲ..! ಆಟಗಾರರಿಗೂ ಈ ಪಂದ್ಯ ಪ್ರತಿಷ್ಠೆಯ ಕದನ.

ಇದನ್ನೂ ಓದಿ:ಸ್ಟಾರ್​ ಆಟಗಾರರಿಗೆ ಬಿಗ್​ ಶಾಕ್​ ಕೊಟ್ಟ ರೋಹಿತ್​​; ಟೀಮ್​ ಇಂಡಿಯಾದಿಂದಲೇ ಗೇಟ್​ಪಾಸ್​​

ಅದರಲ್ಲೂ ಅಡಿಲೇಡ್​​​ ಕಿಂಗ್ ಅಂತಾನೇ ಕರೆಸಿಕೊಳ್ಳುವ ವಿರಾಟ್​​ ಕೊಹ್ಲಿಗೆ, ಈ ಪಂದ್ಯ ಅತ್ಯಂತ ಮಹತ್ವ. ಯಾಕಂದ್ರೆ ಕೊಹ್ಲಿ ಕೋಟೆ ಅಡಿಲೇಡ್​ನಲ್ಲಿ, ದರ್ಬಾರ್ ನಡೆಸೋಕೆ ಕಾತರರಾಗಿದ್ದಾರೆ. ದಿಗ್ಗಜರ ದಾಖಲೆಗಳನ್ನ ಬ್ರೇಕ್ ಮಾಡಲು, ಬ್ಯಾಟ್ ಬೀಸಲಿದ್ದಾರೆ.

1 ಶತಕ, ಸಚಿನ್ ತೆಂಡುಲ್ಕರ್ ದಾಖಲೆ ಬ್ರೇಕ್..!
ಬಾರ್ಡರ್-ಗವಾಸ್ಕರ್ ಟೆಸ್ಟ್ ಸರಣಿಯಲ್ಲಿ ಗಾಡ್ ಆಫ್ ಕ್ರಿಕೆಟ್ ಸಚಿನ್ ತೆಂಡುಲ್ಕರ್, ಇದುವರೆಗೂ ಅತಿ ಹೆಚ್ಚು ಶತಕಗಳನ್ನ ಸಿಡಿಸಿರುವ ಆಟಗಾರ. 65 ಇನ್ನಿಂಗ್ಸ್​ಗಳಲ್ಲಿ 9 ಶತಕಗಳನ್ನ ಸಿಡಿಸಿರುವ ತೆಂಡುಲ್ಕರ್, ಈ ಸಾಧನೆ ಮಾಡಿರುವ ಮೊದಲ ಆಟಗಾರ. ಇದೀಗ ವಿರಾಟ್, ಆ ದಾಖಲೆಯನ್ನ ಬ್ರೇಕ್ ಮಾಡಲಿದ್ದಾರೆ. ಇನ್ನೊಂದು ಶತಕ ಸಿಡಿಸಿದ್ರೆ ಕೊಹ್ಲಿ, 10 ಶತಕಗಳನ್ನ ಸಿಡಿಸಿದಂತಾಗುತ್ತದೆ. ಬಾರ್ಡರ್-ಗವಾಸ್ಕರ್ ಟೆಸ್ಟ್ ಸರಣಿಯಲ್ಲಿ, ಹೊಸ ದಾಖಲೆ ನಿರ್ಮಿಸಲಿದ್ದಾರೆ.

ಡಾನ್ ಬ್ರಾಡ್ಮನ್​ಗೆ ಸಮಾನಾಗಿ ನಿಲ್ತಾರಾ ಕೊಹ್ಲಿ..?
ಇಂಗ್ಲೆಂಡ್​​ನಲ್ಲಿ ದಿಗ್ಗಜ ಸರ್.ಡಾನ್ ಬ್ರಾಡ್ಮನ್, 11 ಶತಕಗಳನ್ನ ಸಿಡಿಸಿರುವ ಏಕೈಕ ಬ್ಯಾಟ್ಸ್​ಮನ್. ಅಂದ್ರೆ ಪ್ರವಾಸಿ ತಂಡದ ಆಟಗಾರ ಮಾಡಿರುವ ದಾಖಲೆ ಇದು. ಇನ್ನು ಕಿಂಗ್ ಕೊಹ್ಲಿ, ಆಸ್ಟ್ರೇಲಿಯಾದ ನೆಲದಲ್ಲೇ ಒಟ್ಟು 10 ಶತಕಗಳನ್ನ ಸಿಡಿಸಿದ್ದಾರೆ. ಆಸ್ಟ್ರೇಲಿಯಾದಲ್ಲಿ ಪ್ರವಾಸಿ ಆಟಗಾರ ಸಿಡಿಸಿರುವ ಅತಿ ಹೆಚ್ಚು ಶತಕಗಳ ದಾಖಲೆ, ವಿರಾಟ್ ಹೆಸರಿನಲ್ಲಿದೆ. ಇದೀಗ ಕೊಹ್ಲಿ ಅಡಿಲೇಡ್​​ನಲ್ಲಾದ್ರೂ ಶತಕ ಸಿಡಿಸಿದ್ರೆ, ಬ್ರಾಡ್ಮನ್​​ರ 76 ವರ್ಷಗಳ ದಾಖಲೆಯನ್ನ ಸರಿಗಟ್ಟಲಿದ್ದಾರೆ.

ಆಸ್ಟ್ರೇಲಿಯನ್ನರನ್ನೇ ಸೈಡ್ ಹೊಡೆದ ವಿರಾಟ್..!
ಕೊಹ್ಲಿಯನ್ನ ಪದೇ ಪದೇ ಕಿಂಗ್ ಅನ್ನೋದಕ್ಕೆ ಕಾರಣವಿದೆ. ಯಾಕಂದ್ರೆ? ಅಡಿಲೇಡ್ ಓವಲ್​ ಮೈದಾನದಲ್ಲಿ ಕೊಹ್ಲಿ ಗಳಿಸಿರುವಷ್ಟು ರನ್, ಆಸ್ಟ್ರೇಲಿಯಾ ಬ್ಯಾಟ್ಸ್​ಮನ್​ಗಳೇ ಗಳಿಸಿಲ್ಲ.. ವಿರಾಟ್ 957 ರನ್​ಗಳಿಸಿದ್ರೆ, ಸ್ಟೀವ್ ಸ್ಮಿತ್, ಗ್ರೇಗ್ ಚಾಪೆಲ್, ಶೇನ್ ವಾಟ್ಸನ್, ಌಡಂ ಗಿಲ್​ಕ್ರಿಸ್ಟ್ ನಂತರದ ಸ್ಥಾನದಲ್ಲಿದ್ದಾರೆ.

ಇದನ್ನೂ ಓದಿ:‘ಬೂಮ್ರಾ ಜೊತೆ ಆಡಿರೋದನ್ನ ಮೊಮ್ಮಕ್ಕಳಿಗೆ ಹೇಳ್ತೀನಿ’ ಎಂದಿದ್ದೇಕೆ ಟ್ರಾವಿಸ್ ಹೆಡ್..?

ಕಾಂಗರೂಗಳ ಸಾಮ್ರಾಜ್ಯದಲ್ಲಿ ಕೊಹ್ಲಿ ದರ್ಬಾರ್..!
ವಿರಾಟ್ ಕೊಹ್ಲಿ, ಅಡಿಲೇಡ್​​ನಲ್ಲಿ ಯಾವ ಮಟ್ಟಕ್ಕೆ ದರ್ಬಾರ್ ನಡೆಸಿದ್ದಾರೆ ಅಂದ್ರೆ, ಯಾವ ಪ್ರವಾಸಿ ಬ್ಯಾಟ್ಸ್​ಮನ್ ಸಹ ಕೊಹ್ಲಿ ಹತ್ತಿರಕ್ಕೆ ಬರೊಲ್ಲ..! ಮೈಕೆಲ್ ಕ್ಲಾರ್ಕ್, ರಿಕಿ ಪಾಂಟಿಂಗ್ ನಂತರ, ಈ ಮೈದಾನದಲ್ಲಿ ಅತಿ ಹೆಚ್ಚು ಟೆಸ್ಟ್ ಶತಕಗಳನ್ನ ಸಿಡಿಸಿರುವ ವಿಶ್ವದ ಗ್ರೇಟೆಸ್ಟ್ ಬ್ಯಾಟ್ಸ್​ಮನ್. ಹಾಗಾಗಿ ಇದು ಕೊಹ್ಲಿ ಸಾಮ್ರಾಜ್ಯ ಅಂದ್ರೆ ತಪ್ಪಾಗೋದಿಲ್ಲ.

ಅಡಿಲೇಡ್​​ 'ಕಿಂಗ್' ನಾನೇ ಎಂದ ಕೊಹ್ಲಿ..!
ಕಿಂಗ್ ಕೊಹ್ಲಿಯ ಫೇವರಿಟ್ ಗ್ರೌಂಡ್ ಯಾವುದು? ಕೊಹ್ಲಿ ಯಾವ ಪಿಚ್​ನಲ್ಲಿ ಬ್ಯಾಟಿಂಗ್ ಮಾಡೋಕೆ ಹೆಚ್ಚು ಇಷ್ಟ ಪಡ್ತಾರೆ? ಕೊಹ್ಲಿಗೆ ಸಕ್ಸಸ್ ತಂದುಕೊಟ್ಟಿರೋ ಪಿಚ್ ಯಾವುದು? ಈ ಪ್ರಶ್ನೆಗೆ ಸಾಕಷ್ಟು ಬಾರಿ ಕೊಹ್ಲಿನೇ ಉತ್ತರಿಸಿದ್ದಾರೆ. ಅಡಿಲೇಡ್ ನನ್ನ ನೆಚ್ಚಿನ ಮೈದಾನ, ಅಲ್ಲಿ ಆಡೋದು, ರನ್​​ಗಳಿಸೋದು ನನಗೆ ತುಂಬಾ ಸಲೀಸು ಅಂತ ಹೇಳಿದ್ದಾರೆ. ಅಡಿಲೇಡ್​​ಗೆ ನಾನೇ ಕಿಂಗ್ ಅನ್ನೋದನ್ನೂ ಆಡಿ ತೋರಿಸಿಕೊಟ್ಟಿದ್ದಾರೆ.

ಅಡಿಲೇಡ್​​ನಲ್ಲಿ ಆಡಿರೋ 4 ಟೆಸ್ಟ್ ಪಂದ್ಯಗಳಲ್ಲಿ, ವಿರಾಟ್ ವೀರಾವೇಶ ತೋರಿಸಿದ್ದಾರೆ. ಆದ್ರೆ ಪಿಂಕ್ ಬಾಲ್ ಡೇ ನೈಟ್ ಟೆಸ್ಟ್​ ಪಂದ್ಯದಲ್ಲಿ, ಕೊಹ್ಲಿ ಅಗ್ನಿಪರೀಕ್ಷೆ ಎದುರಿಸಲಿದ್ದಾರೆ. ಪಾಸಾಗ್ತಾರಾ ವಿರಾಟ್ ಅನ್ನೋದು ಇನ್ನೂ ಕೆಲವೇ ದಿನಗಳಲ್ಲಿ ಗೊತ್ತಾಗಲಿದೆ.

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ