4, 4, 4, 4, 4, 4, 4, 4, ಕೊಹ್ಲಿ ಭರ್ಜರಿ ಅರ್ಧಶತಕ​.. ರಾಯಲ್ಸ್​ ಬೌಲರ್ಸ್​ಗೆ ಸ್ಟಾರ್ ಬ್ಯಾಟರ್ ಟಕ್ಕರ್ ​

ರಾಯಲ್​ ಚಾಲೆಂಜರ್ಸ್​ ಬೆಂಗಳೂರು ತಂಡದ ಸ್ಟಾರ್ ಬ್ಯಾಟರ್ ವಿರಾಟ್ ಕೊಹ್ಲಿ ಅವರು ಮತ್ತೊಂದು ಅರ್ಧಶತಕ ದಾಖಲಿಸಿದ್ದಾರೆ. ರಾಜಸ್ಥಾನ್ ವಿರುದ್ಧ ನಡೆಯುತ್ತಿರುವ ಪಂದ್ಯದಲ್ಲಿ ಕಿಂಗ್ ಕೊಹ್ಲಿ ಫೋರ್ ಬಾರಿಸುವ ಮೂಲಕ ಹಾಫ್​​ಸೆಂಚುರಿ ಬಾರಿಸಿದರು.

ಸಿಲಿಕಾನ್​​ ಸಿಟಿಯ ಚಿನ್ನಸ್ವಾಮಿ ಸ್ಟೇಡಿಯಂನಲ್ಲಿ ನಡೆಯುತ್ತಿರುವ ಪಂದ್ಯದಲ್ಲಿ ಟಾಸ್ ಗೆದ್ದ ರಾಜಸ್ಥಾನ್​ ರಾಯಲ್ಸ್ ತಂಡದ ಕ್ಯಾಪ್ಟನ್​ ರಿಯಾನ್ ಪರಾಗ್​ ಫೀಲ್ಡಿಂಗ್ ಆಯ್ಕೆ ಮಾಡಿದರು.​ ತವರಿನಲ್ಲಿ ಮತ್ತೆ ಟಾಸ್ ಕೈಕೊಟ್ಟಿದ್ದರಿಂದ ಆರ್​ಸಿಬಿ ಪರ ಓಪನರ್​​ ಆಗಿ ವಿರಾಟ್​ ಕೊಹ್ಲಿ ಹಾಗೂ ಫಿಲಿಪ್ ಸಾಲ್ಟ್​ ಬ್ಯಾಟಿಂಗ್​ಗೆ ಆಗಮಿಸಿದರು. ಆದರೆ 26 ರನ್​​ ಗಳಿಸಿ ಆಡುವಾಗ ಸಾಲ್ಟ್ ವಿಕೆಟ್ ಒಪ್ಪಿಸಿದರು.

ಇದನ್ನೂ ಓದಿ: ವಿಸ್ಫೋಟಕ ಬ್ಯಾಟರ್​​ನಿಂದ ಆರ್​ಸಿಬಿಗೆ ಬಿಗ್ ಶಾಕ್​​.. ಚಿನ್ನಸ್ವಾಮಿಯಲ್ಲಿ ಮತ್ತೆ ಕೈಕೊಟ್ಟ ಫಿಲ್ ಸಾಲ್ಟ್

ಆದರೆ ಇನ್ನೊಂದು ಕಡೆಗೆ ಬ್ಯಾಟಿಂಗ್ ಮುಂದುವರೆಸಿದ್ದ ಕಿಂಗ್ ಕೊಹ್ಲಿ, ರಾಜಸ್ಥಾನ್ ರಾಯಲ್ಸ್​ ಬೌಲರ್​ಗಳನ್ನು ಚೆಂಡಾಡಿದರು. ಇದರಿಂದ ಪಂದ್ಯದಲ್ಲಿ ಅರ್ಧಶತಕ ಸಿಡಿಸಿ ಆರ್​ಸಿಬಿಗೆ ನೆರವಾಗಿದ್ದಾರೆ. 32 ಎಸೆತಗಳಲ್ಲಿ ಒಂದೂ ಸಿಕ್ಸ್​ ಬಾರಿಸದೇ ಕೇವಲ 8 ಬೌಂಡರಿಗಳನ್ನು ಬಾರಿಸುವ ಮೂಲಕ 51 ರನ್​ ಗಳಿಸಿದರು. ಬೌಂಡರಿ ಬಾರಿಸುವ ಮೂಲಕ ವಿರಾಟ್ ಕೊಹ್ಲಿ ಈ ಪಂದ್ಯದಲ್ಲಿ 51 ರನ್​ ಗಳಿಸಿದರು.

ಈ ಟೂರ್ನಿಯಲ್ಲಿ ಅತ್ಯುತ್ತಮ ಬ್ಯಾಟಿಂಗ್ ಪರ್ಫಾಮೆನ್ಸ್​ನಲ್ಲಿರುವ ಕಿಂಗ್ ಕೊಹ್ಲಿಯ ಇದು 5ನೇ ಅರ್ಧಶತಕವಾಗಿದೆ. ಕಳೆದ 9 ಇನ್ನಿಂಗ್ಸ್​​ನಲ್ಲಿ 5 ಬಾರಿ 50 ಪ್ಲಸ್ ರನ್​ಗಳನ್ನು ವಿರಾಟ್​ ಕೊಹ್ಲಿ ಗಳಿಸಿದ್ದಾರೆ. ಇದು ಅಲ್ಲದೇ ಟಿ20 ಕ್ರಿಕೆಟ್​​ನಲ್ಲಿ ಡೇವಿಡ್​ ವಾರ್ನರ್​​ಗಿಂತ ವಿರಾಟ್​ ಕೊಹ್ಲಿ ಅವರು 50 ಪ್ಲಸ್ ರನ್​ ಗಳಿಸಿದವರ ಪೈಕಿ ಅಗ್ರ ಸ್ಥಾನದಲ್ಲಿದ್ದಾರೆ.
​
ವಿಶೇಷ ಸೂಚನೆ: ಕ್ರಿಕೆಟ್‌ನ ಸುದ್ದಿಗಳಿಗಾಗಿ ಪ್ರತಿದಿನ ಬೆಳಗ್ಗೆ 8.27ಕ್ಕೆ ನ್ಯೂಸ್‌ಫಸ್ಟ್‌ಚಾನೆಲ್​​ನಲ್ಲಿ ‘ರನ್ ಭೂಮಿ’ ವೀಕ್ಷಿಸಿ