ಬ್ಯುಸಿನೆಸ್​​ ಲೋಕಕ್ಕೆ ಕೊಹ್ಲಿ ಗ್ರ್ಯಾಂಡ್​​​ ಎಂಟ್ರಿ.. 40 ಕೋಟಿಯೊಂದಿಗೆ ಮೊದಲ ಇನ್ನಿಂಗ್ಸ್ ಆರಂಭ!

​​ವಿರಾಟ್​​ ಕೊಹ್ಲಿ ಮುಂದಿನ ನಡೆ ಏನು.? T20 ಇಂಟರ್​ ನ್ಯಾಷನಲ್​ ಹಾಗೂ ಟೆಸ್ಟ್​​ ಕ್ರಿಕೆಟ್​​ಗೆ ಗುಡ್​ ಬೈ ಹೇಳಿದ ಕೊಹ್ಲಿ ಮುಂದೇನು ಮಾಡ್ತಾರೆ.? ತೀವ್ರ ಚರ್ಚೆಯಾದ ಈ ಪ್ರಶ್ನೆಗಳಿವು. ಈ ಕುತೂಹಲಕ್ಕೆ ವಿರಾಟ್​ ಕೊಹ್ಲಿ ತಮ್ಮ ನಡೆಯಿಂದಲೇ ಆನ್ಸ​​ರ್​​ ಕೊಟ್ಟಿದ್ದಾರೆ. ಕಿಂಗ್​​ ಆಗಿ ಕ್ರಿಕೆಟ್​ ಲೋಕವನ್ನ ಆಳಿದ ಕೊಹ್ಲಿ ಇದೀಗ ಬ್ಯುಸಿನೆಸ್​ ಲೋಕವನ್ನ ಕಬ್ಜ ಮಾಡಿಕೊಳ್ಳಲು ಹೊರಟಿದ್ದಾರೆ.

ಕ್ರಿಕೆಟ್​​ ಲೋಕ ಕಂಡ ಸರ್ವಶ್ರೇಷ್ಠ ಬ್ಯಾಟ್ಸ್​​ಮನ್​​ ವಿರಾಟ್​​ ಕೊಹ್ಲಿ ನಿಧಾನವಾಗಿ ಕ್ರಿಕೆಟ್​ ಫೀಲ್ಡ್​ನಿಂದ ದೂರವಾಗ್ತಿದ್ದಾರೆ. ಟಿ20 ಇಂಟರ್​​ನ್ಯಾಷನಲ್​, ಟೆಸ್ಟ್​ ಕ್ರಿಕೆಟ್​​ಗೆ ಗುಡ್​ ಬೈ ಹೇಳಿರುವ ವಿರಾಟ್​​ ಕೊಹ್ಲಿ ಈಗ ಏಕದಿನಕ್ಕೆ ಮಾತ್ರ ಸೀಮಿತ. ಕ್ರಿಕೆಟ್​​​ ಮೈದಾನ​ನಿಂದ ಹೊರ ಬರ್ತಿರೋ ವಿರಾಟ್​​ ಕೊಹ್ಲಿ ಹೊಸ ಫೀಲ್ಡ್​​​ಗೆ ಎಂಟ್ರಿ ಕೊಡೋಕೆ ರೆಡಿಯಾಗಿದ್ದಾರೆ. ಕ್ರಿಕೆಟ್​​ ಸಾಮ್ರಾಜ್ಯವನ್ನ ಸುಲ್ತಾನನಂತೆ ಕಿಂಗ್​ ಕೊಹ್ಲಿ, ಇದೀಗ ಬ್ಯುಸಿನೆಸ್​ ಲೋಕವನ್ನ ಕಬ್ಜಾ ಮಾಡೋಕೆ ಹೊರಟಿದ್ದಾರೆ.

​​

ಕ್ರಿಕೆಟ್​ ಆಡ್ತಿದ್ದಾಗ್ಲೂ ವಿರಾಟ್​ ಕೊಹ್ಲಿ ಬ್ಯುಸಿನೆಸ್​ ಲೋಕದಲ್ಲಿ ಸಕ್ರೀಯರಾಗೇ ಇದ್ದರು. ಆದ್ರೆ, ಆಗ ಫುಲ್​ ಟೈಮ್​ ಕ್ರಿಕೆಟರ್​​, ಪಾರ್ಟ್​ ಟೈಮ್​ ಬ್ಯುಸಿನೆಸ್​​ಮನ್​ ಆಗಿದ್ದರು. ಇದೀಗ ಫುಲ್​ ಟೈಮ್​ ಬ್ಯುಸಿನೆಸ್​ ಮನ್​, ಪಾರ್ಟ್​​ ಟೈಮ್​ ಕ್ರಿಕೆಟರ್​​ ಆಗೋಕೆ ವಿರಾಟ್​ ಕೊಹ್ಲಿ ಹೊರಟಿದ್ದಾರೆ. ಬ್ಯುಸಿನೆಸ್​​​ ಲೋಕಕ್ಕೆ ಗ್ರ್ಯಾಂಡ್​​ ಎಂಟ್ರಿ ಕೊಟ್ಟಿರೋ ಕೊಹ್ಲಿ ಮೊದಲ ಹೆಜ್ಜೆಯಲ್ಲೇ ಬರೋಬ್ಬರಿ 40 ಕೋಟಿ ರೂಪಾಯಿ ಹೂಡಿಕೆ ಮಾಡಲು ಮುಂದಾಗಿದ್ದಾರೆ.

ಅಜಿಲಿಟಾಸ್​​ ಕಂಪನಿಯಲ್ಲಿ ಕೊಹ್ಲಿ ಹೂಡಿಕೆ.!

ಪೂಮಾ ಕಂಪನಿಯ ಇಂಡಿಯಾ ಹೆಡ್​ ಆಗಿದ್ದ ಅಭಿಷೇಕ್​ ಗಂಗೂಲಿ ಹೊಸದಾಗಿ ಅಜಿಲಿಟಾಸ್​ ಅನ್ನೋ ಕಂಪನಿ ಆರಂಭಿಸಿದ್ದಾರೆ. ಇದೀಗ ಅಭಿಷೇಕ್​ ಗಂಗೂಲಿ ಜೊತೆಗೆ ವಿರಾಟ್​​ ಕೊಹ್ಲಿ ಕೈ ಜೋಡಿಸಿದ್ದಾರೆ. ಸ್ಪೋರ್ಟ್ಸ್​ ವೇರ್​ ಕಂಪನಿಯನ್ನ ಆರಂಭಿಸಲು ಅಭಿಷೇಕ್​ ಗಂಗೂಲಿ ಮುಂದಾಗಿದ್ದಾರೆ. ಈ ಕಂಪನಿ ಜೊತೆಗೆ ಕೊಹ್ಲಿ ಒಪ್ಪಂದ ಮಾಡಿಕೊಂಡಿದ್ದಾರೆ. ಇಲ್ಲಿ ಕೊಹ್ಲಿ ಕೇವಲ ಬ್ರ್ಯಾಂಡ್​ ಅಂಬಾಸಿಡರ್​ ಮಾತ್ರವಲ್ಲ, ಓನರ್​ ಕೂಡ ಹೌದು. ಈ ಸ್ಪೋರ್ಟ್ಸ್​​​​ವೇರ್​ ಕಂಪನಿಯಲ್ಲಿ 40 ಕೋಟಿ ಹಣವನ್ನ ಕೊಹ್ಲಿ ಹೂಡಿಕೆ ಮಾಡಲಿದ್ದಾರೆ. ಕೇವಲ 40 ಕೋಟಿನಾ ಅಂದ್ಕೋಬೇಡಿ. ಇದು ಆರಂಭಿಕ ಹೂಡಿಕೆಯಷ್ಟೇ, ಮುಂದಿನ ದಿನಗಳಲ್ಲಿ ಇನ್ನಷ್ಟು ಹೆಚ್ಚು ಹೂಡಿಕೆ ಮಾಡಲಿದ್ದಾರೆ ಅನ್ನೋದು ಕಂಪನಿ ಮೂಲದ ಮಾತಾಗಿದೆ.

2023ರಲ್ಲಿ ಅಜಿಲಿಟಾಸ್, ಭಾರತದ ಟಾಪ್​​ ಶೂ ಉತ್ಪಾದಕ ಕಂಪನಿಯಾದ ಮೊಚಿಕೋ ಶೂಸ್​​​ ಅನ್ನ ಕಬ್ಜ ಮಾಡಿದೆ. ಅಡಿಡಾಸ್​​​, ಪೂಮಾ, ನ್ಯೂ ಬ್ಯಾಲೆನ್ಸ್, ಯುಎಸ್​​ ಪೋಲೋ​​ ಸೇರಿದಂತೆ ಹಲವು ಟಾಪ್​ ಬ್ರಾಂಡ್​​ಗಳ ಶೂಗಳು ಮೊಚಿಕೋ ಶೂಸ್​​ನಲ್ಲೇ ತಯಾರಾಗ್ತಿದ್ದವು. ಇದ್ರ ಜೊತೆಗೆ ಭಾರತದ ಅತಿ ದೊಡ್ಡ ಸ್ಪೋರ್ಟ್ಸ್​​​ ಫೂಟ್​​ವೇರ್​​​ ಕಂಪನಿಯಾದ ಲೊಟೋದ ಲೈಸನ್ಸ್​ ರೈಟ್ಸ್​​ ಅನ್ನೂ ಅಜಿಲಿಟಾಸ್​​ ಖರೀದಿಸಿದೆ. ಈ ಮೂಲಕ ಭಾರತ ಸೇರಿದಂತೆ ಹಲವು ದೇಶಗಳಲ್ಲಿ ಶೂಗಳನ್ನ ಸೇಲ್​ ಮಾಡೋ ರೈಟ್ಸ್​ ಪಡೆದುಕೊಂಡಿದೆ. ತಯಾರಿಕಾ ಕಂಪನಿ ಹಾಗೂ ಸೇಲ್​ ಮಾಡೋ ರೈಟ್ಸ್​ ಎರಡನ್ನೂ ಪಡೆದಿರೋ ಅಜಿಲಿಟಾಸ್​ ಇದೀಗ ತನ್ನದೇ ಆದ​ ಹೊಸ ಬ್ರ್ಯಾಂಡ್​ನ ಪರಿಚಯಿಸೋ ಪ್ಲಾನ್​ನಲ್ಲಿದೆ. ಅಂದ್ಹಾಗೆ ಈ ಬ್ರ್ಯಾಂಡ್​ ಕೇವಲ ಶೂಗೆ ಸೀಮಿತವಲ್ಲ.. A TO Z ಸ್ಪೋರ್ಟ್ಸ್​ಗೆ ಸಂಬಂಧಿಸಿದ ಎಲ್ಲವನ್ನೂ ಈ ಕಂಪನಿ ತಯಾರಿಸಲಿದೆ.

ಪುಮಾದ ಆಫರ್​ ರಿಜೆಕ್ಟ್​ ಮಾಡಿದ್ದು ಇದಕ್ಕೇನಾ.?

2017ರಿಂದ ವಿರಾಟ್​ ಕೊಹ್ಲಿ ಪೂಮಾದ ಬ್ರ್ಯಾಂಡ್​ ಅಂಬಾಸಿಡರ್​ ಆಗಿದ್ರು. 8 ವರ್ಷಗಳ ಕಾಲಕ್ಕೆ ಬರೋಬ್ಬರಿ 110 ಕೋಟಿಗೆ ಆಗ ಒಪ್ಪಂದ ಮಾಡಿಕೊಂಡಿದ್ದರು. ಆಗ ಅಭಿಷೇಕ್​ ಗಂಗೂಲಿ ಪೂಮಾ ಇಂಡಿಯಾದ ಮ್ಯಾನೇಜಿಂಗ್​ ಡೈರೆಕ್ಟರ್​ ಆಗಿದ್ದರು. ಈ ವರ್ಷದ ಆರಂಭದಲ್ಲಿ ಅದನ್ನ ರಿನ್ಯೂವಲ್​ ಮಾಡಿಕೊಳ್ಳಲು ಪೂಮಾ ಬಿಗ್​ ಆಫರ್​ ನೀಡಿತ್ತು. 300 ಕೋಟಿ ಹಣವನ್ನ ನೀಡಲು ಪೂಮಾ ಮುಂದಾಗಿತ್ತು. ಆದ್ರೆ, ಕೊಹ್ಲಿ ಆಫರ್​ನ ರಿಜೆಕ್ಟ್​ ಮಾಡಿದರು. ಅಭಿಷೇಕ್​ ಗಂಗೂಲಿಯ ಹೊಸ ಕಂಪನಿಯಲ್ಲಿ ಹೂಡಿಕೆ ಮಾಡೋ ದೃಷ್ಟಿಯಿಂದಲೇ ಕೊಹ್ಲಿ ಆ ಆಫರ್​ನ ರಿಜೆಕ್ಟ್​ ಮಾಡಿದರು.

ಇದನ್ನೂ ಓದಿ:ರೈತರೇ ಹುಷಾರ್​..! ಜಿಲ್ಲೆಯಲ್ಲಿ ನಕಲಿ DAP ಗೊಬ್ಬರ ಮಾರಾಟ.. ಇಬ್ಬರು ಅರೆಸ್ಟ್​​

ಫುಲ್​​ ಟೈಮ್​​ ಬ್ಯುಸಿನೆಸ್​ಮನ್​ ಆಗಿ ಕೊಹ್ಲಿಯದ್ದು ಇದು ಮೊದಲ ಹೆಜ್ಜೆ. ಪಾರ್ಟ್​​ ಟೈಮ್​ ಇದ್ದಾಗಲೇ ಹಲವು ಕಡೆ ಹೂಡಿಕೆ ಮಾಡಿದ್ದಾರೆ. ಒನ್​ 8 ತನ್ನದೇ ಕಂಪನಿ ಹುಟ್ಟು ಹಾಕಿರುವ ಕೊಹ್ಲಿ, ಡಿಜಿಟ್​​ ಇನ್ಶೂರೆನ್ಸ್​, MPL, Wrogn ಸೇರಿದಂತೆ ಹಲವು ಸ್ಟಾರ್ಟ್​​ಅಪ್​​ಗಳಲ್ಲೂ ಹೂಡಿಕೆ ಮಾಡಿದ್ದಾರೆ.

ಇಷ್ಟು ದಿನ ತನ್ನ ಮಾಂತ್ರಿಕ ಆಟದಿಂದ ಕ್ರಿಕೆಟ್​​​ ಲೋಕವನ್ನ ಆಳಿದ ವಿರಾಟ್​ ಕೊಹ್ಲಿ, ಇದೀಗ ಬ್ಯುಸಿನೆಸ್​ ಲೋಕದತ್ತ ಅಧಿಕೃತವಾಗಿ ಹೆಜ್ಜೆ ಇಟ್ಟಿದ್ದಾರೆ. ಕ್ರಿಕೆಟ್​ನಂತೆ ಬ್ಯುಸಿನೆಸ್​​ನಲ್ಲೂ ಭರಪೂರ ಯಶಸ್ಸು ಕೊಹ್ಲಿ ಕೈ ಹಿಡಿಯಲಿ ಅನ್ನೋದು ಫ್ಯಾನ್ಸ್​ ಆಶಯ.

ವಿಶೇಷ ಸೂಚನೆ: ಕ್ರಿಕೆಟ್‌ನ ಸುದ್ದಿಗಳಿಗಾಗಿ ಪ್ರತಿದಿನ ಬೆಳಗ್ಗೆ 8.30ಕ್ಕೆ ನ್ಯೂಸ್‌ಫಸ್ಟ್‌ಚಾನೆಲ್​​ನಲ್ಲಿ ‘ರನ್ ಭೂಮಿ’ ವೀಕ್ಷಿಸಿ