ಒಂದು ಇನ್ನಿಂಗ್ಸ್​.. ಹಲವು ಪ್ರಶ್ನೆಗಳಿಗೆ ಉತ್ತರ

ಇದು ವಿಶ್ವ ಸಾಮ್ರಾಟನ ನಯಾ ವರ್ಷನ್​ ಎಂದ ಫ್ಯಾನ್ಸ್

ಟಿ-20 ವಿಶ್ವಕಪ್​ ಪ್ರಶ್ನೆಗೆ ಕೊಹ್ಲಿ ಖಡಕ್ ಮೆಸೇಜ್ ಕೊಟ್ಟಿದ್ದಾರೆ

ಒಂದೇ ಒಂದು ಇನ್ನಿಂಗ್ಸ್​, ವಿರಾಟ್​ ಕೊಹ್ಲಿ ಬಗೆಗಿನ ಹಲವು ಪ್ರಶ್ನೆಗಳಿಗೆ ಉತ್ತರ ನೀಡಿದೆ. ಭವಿಷ್ಯದ ಬಗೆಗಿನ ಪ್ರಶ್ನೆಗೂ ಪಂಜಾಬ್​ ಎದುರಿನ ಪವರ್ ಫುಲ್ ಬ್ಯಾಟಿಂಗ್ ಅನ್ಸರ್​ ಆಗಿದೆ. ಎದುರಾಳಿಗಳಿಗೆ ಎಚ್ಚರಿಕೆ ನೀಡಿದ ಕೊಹ್ಲಿ ಜೊತೆಗೆ ಫ್ಯಾನ್ಸ್​ಗೆ ಪ್ರಾಮೀಸ್ ಮಾಡಿದ್ದಾರೆ. ಏನು ಆ ಪ್ರಾಮೀಸ್..?

ಟಿ20 ವಿಶ್ವಕಪ್​​ನಲ್ಲಿ ವಿರಾಟ್ ಕೊಹ್ಲಿ ಆಡ್ತಾರಾ? ಕೊಹ್ಲಿ ಅಗತ್ಯತೆ​, ಟಿ20 ವಿಶ್ವಕಪ್​ನಲ್ಲಿ ಇದೆಯಾ..? ಉತ್ತಮ ಸ್ಟ್ರೈಕ್​ರೇಟ್​ ಹೊಂದಿರದ ವಿರಾಟ್, ಟಿ20 ಫಾರ್ಮೆಟ್​ಗೆ ಸೂಕ್ತಾನಾ..? ಇಂಥ ಪ್ರಶ್ನೆಗಳು ಒಂದಲ್ಲ.. ಎರಡಲ್ಲ.. ಹತ್ತು ಹಲವು. ಆದ್ರೀಗ ಇದೆಲ್ಲಕ್ಕೂ ಕಿಂಗ್ ಕೊಹ್ಲಿ, ಒಂದೇ ಇನ್ನಿಂಗ್ಸ್​ನಲ್ಲಿ​ ಉತ್ತರ ನೀಡಿದ್ದಾರೆ.

ಪಂಜಾಬ್ ಕಿಂಗ್ಸ್​ ಎದುರು ಅದ್ಭುತ ಬ್ಯಾಟಿಂಗ್ ನಡೆಸಿದ ವಿರಾಟ್, ಬೌಲರ್​ಗಳ ಮೇಲೆ ನಡೆಸಿದ್ದು ಅಕ್ಷರಶಃ ದಂಡಯಾತ್ರೆ. ಬರೋಬ್ಬರಿ 49 ಎಸೆತಗಳಲ್ಲಿ 11 ಬೌಂಡರಿ, 2 ಸಿಕ್ಸರ್​​​​​​ ಒಳಗೊಂಡ 77 ರನ್ ಸಿಡಿಸಿ, ಮ್ಯಾಚ್ ವಿನ್ನರ್​ ಎನಿಸಿದ್ರು. ಈ ಪರ್ಫಾಮೆನ್ಸ್​ ಹಲವು ಪ್ರಶ್ನೆಗಳಿಗೆ ವಿರಾಟ್ ನೀಡಿದ ಉತ್ತರವಾಗಿತ್ತು.

ಇದು ವಿಶ್ವ ಸಾಮ್ರಾಟನ ಹೊಸ ಅವತಾರ​
ಚಿನ್ನಸ್ವಾಮಿಯಲ್ಲಿ ವಿರಾಟ್, ಜಸ್ಟ್​ ಬ್ಯಾಟಿಂಗ್ ನಡೆಸಿ ಪಂದ್ಯವನ್ನಷ್ಟೇ ಗೆಲ್ಲಿಸಲಿಲ್ಲ. ತಮ್ಮ ಸಾಮರ್ಥ್ಯದ ಪ್ರಶ್ನೆಗೆ ನೀಡಿದ ಖಡಕ್ ಅನ್ಸರ್​ ಆಗಿತ್ತು. ಅದರಲ್ಲೂ ವಿರಾಟ್ ತೋರಿದ ಅಗ್ರೆಸ್ಸಿವ್ ಅಪ್ರೋಚ್​. 157.14ರ ಸ್ಟ್ರೇಕ್​​ರೇಟ್​ ಬ್ಯಾಟಿಂಗ್. ಕೊಹ್ಲಿ ಬಾರಿಸಿದ ಒಂದೊಂದು ಶಾಟ್​, ನಯಾ ವರ್ಷನ್ ಕೊಹ್ಲಿ ಅನ್ನೋದನ್ನ ಬಿಂಬಿಸ್ತಿತ್ತು.

ಟಿ20 ವಿಶ್ವಕಪ್​ ಪ್ರಶ್ನೆಗೆ ಕೊಹ್ಲಿ ಖಡಕ್ ಮೆಸೇಜ್​..!
ವಿರಾಟ್, ಟಿ20 ಫಾರ್ಮೆಟ್‌ಗೆ ಸೂಟ್ ಆಗಲ್ಲ, ಸ್ಟ್ರೈಕ್​​ರೇಟ್​​ ಇಲ್ಲ ಎಂಬ ಟೀಕೆಗಳು ಕೇಳಿ ಬಂದಿದ್ದವು. ವಿರಾಟ್‌, ವೀರಾವೇಶದ ಬ್ಯಾಟಿಂಗ್, ಟಿ20 ವಿಶ್ವಕಪ್‌ನಲ್ಲಿ ಕೊಹ್ಲಿಯನ್ನ ಸೇರಿಸಿಕೊಳ್ಳಬೇಕಾ ಎಂಬ ಚಿಂತೆಯಲ್ಲಿದ್ದ ಸೆಲೆಕ್ಷನ್ ಕಮಿಟಿಗೂ ನೀಡಿದ ಮೆಸೇಜ್ ಆಗಿತ್ತು.

ನಾನು ನನ್ನ ಆಟವನ್ನ ಫ್ರೂವ್ ಮಾಡಿಕೊಳ್ಳಬೇಕಿತ್ತು. ನನ್ನ ಹೆಸರು ವಿಶ್ವದ ಹಲವೆಡೆ ಟಿ20 ವಿಶ್ವಕಪ್​ ಪ್ರಚಾರದಲ್ಲಿ ಬಳಸಲಾಗ್ತಿದೆ -ವಿರಾಟ್​​ ಕೊಹ್ಲಿ, ಆರ್​ಸಿಬಿ ಆಟಗಾರ

ಟೀಕಕಾರರಿಗೆ ಟಾಂಗ್​.. ಫ್ಯಾನ್ಸ್​ಗೆ ಕೊಹ್ಲಿ ಪ್ರಾಮೀಸ್..!
ವಿರಾಟ್​ ಕೇವಲ ಸೆಲೆಕ್ಷನ್ ಕಮಿಟಿಗೆ ಮಾತ್ರವೇ ಅಲ್ಲ. ಅಂಕಿ-ಅಂಶಗಳ ಬಗ್ಗೆ ಪ್ರಶ್ನಿಸಿ ಟೀಕಿಸುವವರಿಗೂ ಟಾಂಗ್​​​​ ನೀಡಿದ್ರು. ಅಷ್ಟೇ ಅಲ್ಲ. ನನ್ನ ಆಟ ಆರೆಂಜ್ ಕ್ಯಾಪ್​​ಗಾಗಿ ಅಲ್ಲ. ತಂಡದ ಫಲಿತಾಂಶಕ್ಕಾಗಿಯೇ ಎಂದು ಫ್ಯಾನ್ಸ್​ ಮುಂದೆ ಪ್ರಾಮೀಸ್ ಮಾಡಿದ್ರು.

ನೀವು ಆಡುವಾಗ ಜನ ಹಲವು ವಿಚಾರಗಳ ಬಗ್ಗೆ ಮಾತನಾಡುತ್ತಾರೆ. ಸಾಧನೆ, ಅಂಕಿ-ಅಂಶಗಳು ಬಗ್ಗೆ ಮಾತನಾಡ್ತಾರೆ. ಆದರೆ ಹಿಂತಿರುಗಿ ನೋಡಿದಾಗ ಅದು ನೆನಪುಗಳನ್ನ ಕ್ರಿಯೇಟ್ ಮಾಡುತ್ತೆ. ಡ್ರೆಸ್ಸಿಂಗ್ ರೂಮ್ ವಾತಾವರಣ ಬದಲಿಸಿರುವ ರಾಹುಲ್​ ಭಾಯ್, ಇದನ್ನೇ ಹೇಳುತ್ತಾರೆ. ಏಕೆಂದರೆ ನಿಮ್ಮ ಸ್ನೇಹಿತರೊಂದಿಗೆ ಹಾಗೂ ಅಭಿಮಾನಿಗಳ ಮುಂದೆ ಆಡುವ ಈ ಸಮಯ ಕಳೆದುಕೊಳ್ಳುತ್ತೀರಿ. ಹೀಗಾಗಿ ಸಿಕ್ಕ ಅವಕಾಶದಲ್ಲಿ ತಂಡಕ್ಕೆ ಸಹಾಯ ಮಾಡುವುದು ನನ್ನ ಗುರಿ. ಅದು ಟೀಮ್ ಇಂಡಿಯಾ ಆಗಲಿ, ಆರ್​ಸಿಬಿಯೇ ಆಗಲಿ. ನಾನು ಈ ಒಂದು ಪ್ರಮಾಣ ಮಾಡಬಲ್ಲೆ-ವಿರಾಟ್ ಕೊಹ್ಲಿ, ಆರ್​ಸಿಬಿ ಆಟಗಾರ

ಕೊಹ್ಲಿಯ ಈ ಮಾತು, ಆರ್​ಸಿಬಿ ಫ್ಯಾನ್ಸ್​ಗೆ ಕಪ್ ಗೆಲ್ಲಿಸುವ ವಿಶ್ವಾಸ ಹೆಚ್ಚಿಸಿದ್ರೆ. ಎದುರಾಳಿ ತಂಡಗಳಿಗೆ ಪರೋಕ್ಷ ವಾರ್ನಿಂಗ್ ನೀಡಿದಂತ್ತಿತ್ತು.

ಇದು ಜಸ್ಟ್​ ಟೀಸರ್.. ಮುಂದಿದೆ ಮಾರಿ ಹಬ್ಬ..!
ಚಿನ್ನಸ್ವಾಮಿಯಲ್ಲಿ ಅಬ್ಬರಿಸಿ ಬೊಬ್ಬೆರೆದಿರುವ ವಿರಾಟ್, ಮಾಸ್ಟರ್‌ ಕ್ಲಾಸ್‌ ಆಟದಿಂದ ಫ್ಯಾನ್ಸ್​ ದಿಲ್​ ಗೆದ್ದಿದ್ದಾರೆ. ಎದುರಾಳಿ ತಂತ್ರ, ಪ್ರತಿತಂತ್ರಕ್ಕೆ ತಕ್ಕಂತೆ ಬ್ಯಾಟ್​ ಬೀಸಿದ ವಿರಾಟ್​, ಜಸ್ಟ್​ ಬ್ಯಾಟಿಂಗ್ ಟೀಸರ್ ತೋರಿಸಿದ್ದಾರೆ. ತಂಡದ ಗೆಲುವಿಗೆ ಪಣ ತೊಟ್ಟಿರುವ ವಿರಾಟ್, ಮುಂದಿನ ದಿನಗಳಲ್ಲಿ ಮತ್ತಷ್ಟು ವಿಧ್ವಂಸ ಸೃಷ್ಟಿಸೋದು ಗ್ಯಾರಂಟಿ.

ವಿಶೇಷ ಸೂಚನೆ: ಕ್ರಿಕೆಟ್​​ನ ವಿಶೇಷ ಸುದ್ದಿಗಳಿಗಾಗಿ ವೀಕ್ಷಿಸಿ ‘ರನ್ ಭೂಮಿ’ ಪ್ರತಿದಿನ ಬೆಳಗ್ಗೆ 8.27ಕ್ಕೆ ನ್ಯೂಸ್ ಫಸ್ಟ್ ಚಾನೆಲ್