RCBಯ 7 ಕ್ಯಾಪ್ಟನ್​ಗಳ ಪೈಕಿ ದಿ ಬೆಸ್ಟ್ ಯಾರು.. ಕೊಹ್ಲಿ ಸಾರಥ್ಯದಲ್ಲಿ ಟೀಮ್ ಹೇಗಿತ್ತು?

ಮೆಗಾ ಹರಾಜಿನಲ್ಲಿ 22 ಆಟಗಾರರ ಬಲಿಷ್ಠ ಪಡೆಯನ್ನ ಕಟ್ಟಿರುವ ಆರ್​ಸಿಬಿ, 2025ರ ಹೊಸ ಆಧ್ಯಾಯ ಆರಂಭಿಸಲು ಸನ್ನದ್ಧವಾಗಿದೆ. ಹರಾಜಿನಲ್ಲಿ ಬಲಿಷ್ಠ ಪಡೆ ಕಟ್ಟಿದ್ರೂ, ಕ್ಯಾಪ್ಟೆನ್ಸಿ ಮೆಟಿರಿಯಲ್​​ ಕೊರತೆ ತಂಡವನ್ನ ಕಾಡುತ್ತಿದೆ. ಆರ್​ಸಿಬಿಗೆ ನಾಯಕ ಯಾರ್ ಆಗ್ತಾರೆ ಅನ್ನೋ ಪ್ರಶ್ನೆ ಎಲ್ಲರನ್ನ ಕಾಡುತ್ತಿದೆ. ಅದಕ್ಕೆ ಉತ್ತರ ವಿರಾಟ್​ ಕೊಹ್ಲಿ. ಕೊಹ್ಲಿ ಆರ್​​ಸಿಬಿ ನಾಯಕ ಆಗ್ತಾರಾ?.

ಇದು ಆರ್​ಸಿಬಿ ಹೊಸ ಅಧ್ಯಾಯ. ಈ ಹಿಂದಿನ ಸೀಸನ್​ ಆರಂಭಕ್ಕೂ ಮುನ್ನ ವಿರಾಟ್ ಕೊಹ್ಲಿ ಹೇಳಿದ್ದ ಈ ಹೊಸ ಆಧ್ಯಾಯ ಅಸಲಿಯಾಗಿ 2025ರ ಮೆಗಾ ಹರಾಜಿನಿಂದ ಶುರುವಾಗಿದೆ. ಪ್ಲೇ ಬೋಲ್ಡ್​ ಎಂಬ ಟ್ಯಾಗ್​​ಲೈನ್​​ಗೆ ತಕ್ಕಂತೆ ಹರಾಜಿನಲ್ಲಿ ಬೋಲ್ಡ್​ ಡಿಸಿಷನ್ ತೆಗೆದುಕೊಂಡಿರುವ ಆರ್​ಸಿಬಿ, ಹೊಸ ಬಲಿಷ್ಠ ತಂಡವನ್ನೇ ಕಟ್ಟಿದೆ. ಆದ್ರೆ, ಕ್ಯಾಪ್ಟನ್ಸಿ ಮೆಟಿರಿಯಲ್ ಖರೀದಿಸದ ಆರ್​ಸಿಬಿ, ವಿರಾಟ್​​ ಕೊಹ್ಲಿಯನ್ನೇ ನಾಯಕನಾಗಿ ನೇಮಿಸುವ ಸಂದೇಶವನ್ನೂ ನೀಡಿದೆ.

ಆರ್​ಸಿಬಿಗೆ ಮತ್ತೆ ವಿರಾಟ್​ ಕೊಹ್ಲಿಯೇ ನಾಯಕ..!

2021ರಲ್ಲಿ ನಾಯಕತ್ವ ತ್ಯಜಿಸಿದ್ದ ವಿರಾಟ್ ಕೊಹ್ಲಿ, 4 ವರ್ಷಗಳ ಬಳಿಕ ಮತ್ತೆ ನಾಯಕತ್ವದ ಹುದ್ದೆಗೇರುವುದು ಬಹುತೇಕ ಕನ್ಫರ್ಮ್​.. ಸೀಸನ್-18ರಿಂದ ಆರ್​ಸಿಬಿಯಲ್ಲಿ ವಿರಾಟ್​ ಕೊಹ್ಲಿ ಯುಗ ಪುನಾರಂಭಗೊಳ್ಳಲಿದ್ದು, ಆರ್​ಸಿಬಿಯ ಗತ ವೈಭವ ಮರಳಿ ಬರಲಿದೆ. ಕೊಹ್ಲಿ ಮತ್ತೆ ನಾಯಕತ್ವದ ಪಟ್ಟಕ್ಕೇರಲು ನಾನಾ ಕಾರಣಗಳ ಜೊತೆ ಲೆಕ್ಕಾಚಾರಗಳೂ ಅಡಗಿವೆ.

ಬಲಿಷ್ಠ ತಂಡದಲ್ಲಿಲ್ಲ ನಾಯಕತ್ವಕ್ಕೆ ಸಮರ್ಥ ಆಟಗಾರ..!

ಮೆಗಾ ಹರಾಜಿನಲ್ಲಿ ಆರ್​ಸಿಬಿ ಬಲಿಷ್ಠ ತಂಡವನ್ನೇ ಕಟ್ಟಿದೆ. ಆದ್ರೆ, ಹರಾಜಿನಲ್ಲಿ ಖರೀದಿಸಿರುವ ಹೊಸ 19 ಆಟಗಾರರಾಗಲಿ ಅಥವಾ ರಿಟೈನ್​ನಲ್ಲಿ ಉಳಿಸಿಕೊಂಡಿದ್ದ ರಜತ್ ಪಾಟಿದಾರ್, ಯಶ್​ ದಯಾಳ್ ಆಗಲಿ​ ನಾಯಕತ್ವಕ್ಕೆ ಸೂಕ್ತ ಆಟಗಾರರಲ್ಲ. ರಜತ್ ಪಟಿದಾರ್ ದೇಶಿ ಕ್ರಿಕೆಟ್​​ನ ನಾಯಕರಾಗಿದ್ದರು. ಅನುಭವ ಇಲ್ಲ. ಹೀಗಾಗಿ ಕಿಂಗ್ ಕೊಹ್ಲಿ ಮತ್ತೆ ಪಟ್ಟಕ್ಕೆ ಏರುವುದು ಖಚಿತ.!

ಆರ್​ಸಿಬಿಯ ಯಶಸ್ವಿ ನಾಯಕ ವಿರಾಟ್​​ ಕೊಹ್ಲಿ..!

2008ರಿಂದ ಈವರೆಗೆ ಆರ್​​ಸಿಬಿ ಒಂದಲ್ಲ.. ಎರಡಲ್ಲ ಬರೋಬ್ಬರಿ 7 ನಾಯಕರನ್ನ ಕಂಡಿದೆ. ಆದ್ರೆ, ಈ ಪೈಕಿ ಯಶಸ್ವಿ ನಾಯಕ ಎನಿಸಿಕೊಂಡಿರೋದು ವಿರಾಟ್ ಕೊಹ್ಲಿ ಮಾತ್ರ. ಕಪ್​ ಗೆದ್ದಿಲ್ಲ ಎಂಬ ಹಣೆ ಪಟ್ಟಿ ಬಿಟ್ಟರೆ, ವಿರಾಟ್ ಕೊಹ್ಲಿ ನಾಯಕತ್ವದಲ್ಲಿ ತಂಡ ಅದ್ಭುತ ಪ್ರದರ್ಶನ ಹೊರಗಾಕಿದೆ. ಇದಕ್ಕೆ ಸಾಕ್ಷಿ ಈ ಅಂಕಿಅಂಶಗಳು.

ಕೊಹ್ಲಿ ನಾಯಕತ್ವದಲ್ಲಿ ಆರ್​ಸಿಬಿ

ಆರ್​ಸಿಬಿ ನಾಯಕನಾಗಿ ವಿರಾಟ್ 143 ಪಂದ್ಯಗಳಲ್ಲಿ ತಂಡವನ್ನ ಮುನ್ನಡೆಸಿದ್ದು, ಈ ಪೈಕಿ 66 ಪಂದ್ಯಗಳಲ್ಲಿ ಗೆಲುವಿನ ಗಿಫ್ಟ್​ ನೀಡಿದ್ದಾರೆ. 70 ಪಂದ್ಯಗಳಲ್ಲಿ ಸೋಲುಂಡಿದ್ದಾರೆ. 3 ಪಂದ್ಯ ಟೈನಲ್ಲಿ ಅಂತ್ಯಗೊಂಡಿದ್ರೆ, 4 ಪಂದ್ಯಗಳೂ ಫಲಿತಾಂಶ ಕಾಣದೆ ಅಂತ್ಯವಾಗಿವೆ.

ವಿರಾಟ್​​ ಅಗ್ರೆಸ್ಸಿವ್​​ ಆ್ಯಟಿಟ್ಯೂಡ್​ ತಂಡಕ್ಕೆ ಎನರ್ಜಿ..!

ವಿರಾಟ್​​ ಕೊಹ್ಲಿ ಅಗ್ರೆಷನ್​​, ಆರ್​ಸಿಬಿ ತಂಡಕ್ಕೆ ಹೊಸ ಹುರುಪು ನೀಡುತ್ತೆ. ಏಟಿಗೆ ಏಟು ಎಂಬ ಆಕ್ರಮಣಕಾರಿ ಮನೋಭಾವದ ಕೊಹ್ಲಿಯ ನಾಯಕತ್ವದಲ್ಲಿ ಎದುರಾಳಿಗಳಿಗೆ ಅಪಾಯ ಹೆಚ್ಚು. ಇದಕ್ಕೆಲ್ಲ ಮಿಗಿಲಾಗಿ ವಿರಾಟ್​ ಕೊಹ್ಲಿ ಒಳಗಿನ ಅಗ್ರೆಸ್ಸಿವ್​ನೆಸ್​​​, ಎನರ್ಜಿ, ಗೆಲುವಿನ ಹಸಿವು ಸಹಆಟಗಾರರಲ್ಲಿ ಹೊಸ ಹುಮ್ಮಸ್ಸು ತುಂಬುತ್ತೆ.

ಯುವ ಆಟಗಾರರ ಪಾಲಿಗೆ ಸ್ಪೂರ್ತಿ..!

ಯುವ ಆಟಗಾರರ ಪಾಲಿಗೆ ವಿರಾಟ್​ ಕೊಹ್ಲಿ ಒಬ್ಬ ಸ್ಪೂರ್ತಿಯ ಚಿಲುಮೆ. ತಂಡದಲ್ಲಿರುವ ಆಟಗಾರರನ್ನು ತಿದ್ದಿ ತೀಡುವ ಗುರುವಾಗಿ ವಿರಾಟ್​, ಯುವ ಆಟಗಾರರಿಂದ ಅತ್ಯುತ್ತಮ ಆಟವನ್ನು ಹೊರತೆಗೆಯಬಲ್ಲ ಬೆಸ್ಟ್ ಮೋಟಿವೇಟರ್..

ಇದನ್ನೂ ಓದಿ:RCB ಟೀಮ್ ಖರೀದಿ ಮಾಡಲು ಫ್ಯಾನ್ಸ್​ ಬಿಗ್ ಪ್ಲಾನ್.. ಒಬ್ಬ ಅಭಿಮಾನಿ ಎಷ್ಟು ದುಡ್ಡು ಕೊಡಬೇಕು?

ಫೀಲ್ಡಿಂಗ್​ ವೇಳೆ ಸದಾ ಆಕ್ಟೀವ್ ಆಗಿರುವ ವಿರಾಟ್, ಅಗತ್ಯ ಸಲಹೆ ನೀಡುತ್ತಾ ತಂಡದ ಸಕ್ಸಸ್​​ನಲ್ಲಿ ಮಹತ್ವದ ಪಾತ್ರ ನಿರ್ವಹಿಸ್ತಾರೆ. ಬೌಲರ್​ಗಳ ಬೆನ್ನಿಗೆ ನಿಲ್ಲುವ ಕ್ಯಾಪ್ಟನ್ ಕೊಹ್ಲಿ​, ಅನ್​​ಫೀಲ್ಡ್​ನಲ್ಲಿ ಮಾಡುವ ಸೆಲೆಬ್ರೇಷನ್ ಹೋರಾಟದ ಕಿಚ್ಚನ್ನು ಹೆಚ್ಚಿಸುತ್ತೆ. ಇನ್​ಫ್ಯಾಕ್ಟ್​.. ಮುಂದಿನ 3 ವರ್ಷದಲ್ಲಿ ಆರ್​ಸಿಬಿ ಕಪ್​ ಗೆಲುವು ನನಸು ಮಾಡಿಕೊಳ್ಳಬೇಕಾದ್ರೆ, ಇಂಥಹ ಅಗ್ರೆಸ್ಸಿವ್ ಆ್ಯಂಡ್ ಸಕ್ಸಸ್ ಫುಲ್ ಕ್ಯಾಪ್ಟನ್ ಬೇಕಿದೆ.

ವಿರಾಟ್​ ಕೊಹ್ಲಿಗೆ 21 ಕೋಟಿ ಕೊಟ್ಟು ರಿಟೈನ್​ ಮಾಡಿಕೊಂಡಿರೋದ್ರ ಹಿಂದಿನ ಸೀಕ್ರೆಟ್​ ಕೂಡ ಇದೇ ಆಗಿದೆ. ಇದೇ ಕಾರಣಕ್ಕೆ ಮೆಗಾ ಹರಾಜಿನಲ್ಲಿ ಯಾರನ್ನು ಆರ್​ಸಿಬಿ ಟಾರ್ಗೆಟ್ ಮಾಡಲಿಲ್ಲ. 2025ರ ಐಪಿಎಲ್​ನಲ್ಲಿ ವಿರಾಟ್ ಕೊಹ್ಲಿ ನಾಯಕತ್ವದಲ್ಲಿ ಆರ್​ಸಿಬಿ ಕಣಕ್ಕಿಳಿಯುವುದು ಬಹುತೇಕ ಖಚಿತವಾಗಿದ್ದು, ಈ ಬಾರಿಯಾದ್ರೂ 17 ವರ್ಷಗಳ ಕಪ್ ಗೆಲ್ಲೋ ಕನಸು ಈಡೇರಿಸಲಿದೆಯಾ ಎಂದು ಕಾದು ನೋಡಬೇಕಿದೆ.

ವಿಶೇಷ ಸೂಚನೆ: ಕ್ರಿಕೆಟ್‌ನ ಸುದ್ದಿಗಳಿಗಾಗಿ ಪ್ರತಿದಿನ ಬೆಳಗ್ಗೆ 8.27ಕ್ಕೆ ನ್ಯೂಸ್‌ಫಸ್ಟ್‌ಚಾನೆಲ್​​ನಲ್ಲಿ ‘ರನ್ ಭೂಮಿ’ ವೀಕ್ಷಿಸಿ