ಇಂದು ಪಾಂಡ್ಯ ಟೀಮ್​ಗೆ ಕಾದಿದೆ ಮಾರಿಹಬ್ಬ.. ವಿರಾಟ್ ಕೊಹ್ಲಿ ಬ್ಲಾಕ್​​ಬಸ್ಟರ್ ಇನ್ನಿಂಗ್ಸ್ ಪಕ್ಕಾ!

18ನೇ ಐಪಿಎಲ್​​ನ ಹೈವೋಲ್ಟೆಜ್​ ಕದನ​​​​ ಬಂದೇ ಬಿಡ್ತು. ಮುಂಬೈ ಇಂಡಿಯನ್ಸ್ ವರ್ಸಸ್​​​ ರಾಯಲ್​​ ಚಾಲೆಂಜರ್ಸ್​ ಬೆಂಗಳೂರು ಮುಖಾಮುಖಿಗೆ ಕೌಂಟ್​​ಡೌನ್​ ಶುರುವಾಗಿದೆ. ಇಂದಿನ ಕದನವನ್ನ ಕೊಹ್ಲಿ ವರ್ಸಸ್​​​ ಮುಂಬೈ ಇಂಡಿಯನ್ಸ್​ ಬ್ಯಾಟಲ್ ಅಂತ ಕರೆಯೋದೆ ಬೆಸ್ಟ್​​. ಇಡೀ ಮುಂಬೈ ತಂಡಕ್ಕಿರೋ ಟೆನ್ಶನ್ನೇ ಈ ವಿರಾಟ್ ಕೊಹ್ಲಿ. ಪ್ರತಿ ಬಾರಿ ಮುಂಬೈ ಎದುರು ಘರ್ಜಿಸಿರೋ ಕೊಹ್ಲಿ, ಇಂದೂ ವಾಂಖೆಡೆಯಲ್ಲಿ ಟೆರರ್​ ಇನ್ನಿಂಗ್ಸ್ ಕಟ್ಟಲು ತುದಿಗಾಲಿನಲ್ಲಿ ನಿಂತಿದ್ದಾರೆ.

ಸತತ 2 ಗೆಲುವು ಕಂಡು ಒಂದು ಸೋಲುಂಡಿರೋ ರಾಯಲ್ ಚಾಲೆಂಜರ್ಸ್ ಬೆಂಗಳೂರು ಹುಡುಗ್ರು 4ನೇ ಪಂದ್ಯಕ್ಕೆ ಸಜ್ಜಾಗಿ ನಿಂತಿದ್ದಾರೆ. ಮುಂಬೈ ಇಂಡಿಯನ್ಸ್​​ ಎದುರು ಗೆಲುವಿನ ಹಳಿಗೆ ಮರಳೋ ಲೆಕ್ಕಾಚಾರ ಆರ್​​ಸಿಬಿಯದ್ದಾಗಿದೆ. ಅತ್ತ ವಾಂಖೆಡೆಯಲ್ಲಿ ಮುಂಬೈ ಇಂಡಿಯನ್ಸ್​ ಎದುರು​ ಪುಟಿದೇಳುವ ಉತ್ಸಾಹದಲ್ಲಿದೆ. ಗೆಲುವಿನ ಕನವರಿಕೆಯಲ್ಲಿರೋ ಮುಂಬೈ ಕ್ಯಾಂಪ್​ನಲ್ಲಿ ಕಿಂಗ್​ ಕೊಹ್ಲಿಯ ಚರ್ಚೆ ಜೋರಾಗಿದೆ.

ಮುಂಬೈ ಬೇಟೆಗೆ ವಿರಾಟ್ ಭರ್ಜರಿ ತಾಲೀಮು..!

ಕೊಲ್ಕತ್ತಾ ಎದುರು ಸಿಡಿಲಬ್ಬರದ ಆಟವಾಡಿದ್ದ ವಿರಾಟ್, ನಂತರದ ಎರಡು ಪಂದ್ಯಗಳಿಂದ ನಿರೀಕ್ಷಿತ ಪ್ರದರ್ಶನ ನೀಡಿಲ್ಲ. ಇದೀಗ ಹಸಿದ ಹುಲಿಯಂತಾಗಿರುವ ವಿರಾಟ್​, ಮುಂಬೈ ಎದುರು ಘರ್ಜಿಸಲು ಸನದ್ಧರಾಗಿದ್ದಾರೆ. ಈ ನಿಟ್ಟಿನಲ್ಲಿ ನೆಟ್ಸ್​ನಲ್ಲಿ ಭರ್ಜರಿ ಅಭ್ಯಾಸ ನಡೆಸಿ ಬೆವರು ಹರಿಸಿದ್ದಾರೆ. ಅಭ್ಯಾಸದ ಕಣದಿಂದಲೇ ಎದುರಾಳಿ ಮುಂಬೈಗೆ ಎಚ್ಚರಿಕೆ ಸಂದೇಶ ರವಾನಿಸಿದ್ದಾರೆ.

ಅಂಬಾನಿ ಬ್ರಿಗೇಡ್​​ಗೆ ಕಾದಿದೆ ಮಾರಿಹಬ್ಬ..!

ಇವತ್ತು ಮ್ಯಾಚ್ ನಡೀತಿರೋದು ಮುಂಬೈನ ವಾಂಖೆಡೆಯಲ್ಲಿ. ಹೋಮ್​​ಗ್ರೌಂಡ್​ನಲ್ಲಿ ಪಂದ್ಯ ನಡೀತಾ ಇದ್ರೂ ಅಂಬಾನಿ ಬ್ರಿಗೆಡ್​ಗೆ ಟೆನ್ಶನ್​​ ಮಾತ್ರ ತಪ್ಪಿಲ್ಲ. ವಿರಾಟ್ ಕೊಹ್ಲಿಯ ಭಯ ಮುಂಬೈ ಕ್ಯಾಂಪ್​ನ ಕಾಡ್ತಿದೆ. ಮುಂಬೈನ ಭದ್ರಕೋಟೆ ವಾಂಖೆಡೆಯನ್ನ ರನ್ ಮಷಿನ್​ ಕೊಹ್ಲಿ ಛಿದ್ರ ಛಿದ್ರ ಮಾಡಿರೋ ಇತಿಹಾಸ ಹಾರ್ದಿಕ್​​ ಪಡೆಯ ಟೆನ್ಶನ್​ ಹೆಚ್ಚಿದೆ. ಆ ಟೆರರ್​​​​​​​​ ಇನ್ನಿಂಗ್ಸ್​ಗಳು, ಅತ್ಯದ್ಭುತ ಟ್ರ್ಯಾಕ್ ರೆಕಾರ್ಡ್​ ಮುಂಬೈ ಬೌಲರ್​​ಗಳ ಭಯ ಹೆಚ್ಚಿಸಿದೆ.

ಇದನ್ನೂ ಓದಿ:ಸೋತರೂ ಫ್ಲೈಯಿಂಗ್ ಕಿಸ್.. ಕ್ಯಾಪ್ಟನ್​ ಶ್ರೇಯಸ್​ಗೆ ಪ್ರೀತಿಯ ಅಪ್ಪುಗೆ ಕೊಟ್ಟ ಬಾಲಿವುಡ್​ ಬ್ಯೂಟಿ! -video

ಮುಂಬೈ ಎದುರು ವಾಂಖೆಡೆಯಲ್ಲಿ ಕೊಹ್ಲಿ

ಕೊಹ್ಲಿ ವಾಂಖೆಡೆ ಮೈದಾನದಲ್ಲಿ ಮುಂಬೈ ಎದುರು 18 ಪಂದ್ಯಗಳನ್ನ ಆಡಿದ್ದು, 571 ರನ್ ಗಳಿಸಿದ್ದಾರೆ. 5 ಅರ್ಧಶತಕ ದಾಖಲಿಸಿರುವ ಕೊಹ್ಲಿ, 136.01ರ ಸ್ಟ್ರೈಕ್​ರೇಟ್​ನಲ್ಲಿ ಬ್ಯಾಟ್​ ಬೀಸಿದ್ದಾರೆ. ಇದೇ ಟ್ರ್ಯಾಕ್ ರೆಕಾರ್ಡ್ ಮುಂಬೈ ಇಂಡಿಯನ್ಸ್ ತಂಡದ ನಿದ್ದೆಗೆಡಿಸಿದೆ.

ಹಸಿದ ಹುಲಿಗೆ ಈಗ ರನ್​​ ಬೇಟೆಯಾಡುವ ತವಕ..!

ಈ ಸೀಸನ್​​ನ ಮೊದಲ ಇನ್ನಿಂಗ್ಸ್​ನಲ್ಲಿ ಕೊಲ್ಕತ್ತಾ ಎದುರು ಅಬ್ಬರಿಸಿದ್ದ ವಿರಾಟ್, ನಂತರದ ಚೆನ್ನೈ ಹಾಗೂ ಗುಜರಾತ್ ಎದುರು ಬಿಗ್ ಇನ್ನಿಂಗ್ಸ್​ ಕಟ್ಟವಲ್ಲಿ ವಿಫಲರಾಗಿದ್ದಾರೆ. ಇದು ಕೊಹ್ಲಿಯಲ್ಲಿ ರನ್​ ಗಳಿಕೆಯ ಹಸಿವನ್ನ ಹೆಚ್ಚಿಸಿದೆ. ಹೀಗಾಗಿ ನೆಟ್ಸ್​ನಲ್ಲಿ ಸುದೀರ್ಘ ಕಾಲ ಅಭ್ಯಾಸ ನಡೆಸಿದ್ದಾರೆ. ಬಿಗ್​ಸ್ಕೋರ್​ ಕಲೆ ಹಾಕದಿದ್ರೂ ಕೊಹ್ಲಿ ಸಾಲಿಡ್ ಟಚ್​ನಲ್ಲಂತೂ ಇದ್ದಾರೆ. ಹೀಗಾಗಿ ಇಂದು ಮುಂಬೈ ಎದುರು ಬ್ಲಾಕ್​​ಬಸ್ಟರ್ ಇನ್ನಿಂಗ್ಸ್ ಕಟ್ತಾರೆ ಅನ್ನೋ ನಿರೀಕ್ಷೆ ಅಭಿಮಾನಿಗಳದ್ದಾಗಿದೆ.

ವಿಶೇಷ ಸೂಚನೆ: ಕ್ರಿಕೆಟ್‌ನ ಸುದ್ದಿಗಳಿಗಾಗಿ ಪ್ರತಿದಿನ ಬೆಳಗ್ಗೆ 8.27ಕ್ಕೆ ನ್ಯೂಸ್‌ಫಸ್ಟ್‌ಚಾನೆಲ್​​ನಲ್ಲಿ ‘ರನ್ ಭೂಮಿ’ ವೀಕ್ಷಿಸಿ