IPL ಅಂತಿಮ ಲೀಗ್​ ಪಂದ್ಯದಲ್ಲಿ ಈ 2 ಐಕಾನಿಕ್​ ರೆಕಾರ್ಡ್ ಮಾಡ್ತಾರಾ ಕಿಂಗ್​ ಕೊಹ್ಲಿ?

ಕಿಂಗ್ ಕೊಹ್ಲಿ ಯಾವುದೇ ಕ್ರಿಕೆಟ್ ಪಂದ್ಯವಾಡಲಿ ಒಂದಲ್ಲ, ಒಂದು ದಾಖಲೆ ಮಾಡುತ್ತಿರುತ್ತಾರೆ. ಸದ್ಯ ನಡೆಯುತ್ತಿರುವ 2025ರ ಐಪಿಎಲ್​ ಟ್ರೋಫಿಯಲ್ಲಿ ಉತ್ತಮ ಪರ್ಫಾಮೆನ್ಸ್​ನಲ್ಲಿ ಬ್ಯಾಟ್ ಬೀಸಿರುವ ವಿರಾಟ್ ಕೊಹ್ಲಿ ಮಹತ್ತರವಾದ ಎರಡು ದಾಖಲೆಗಳ ಹೊಸ್ತಿಲಲ್ಲಿ ಇದ್ದಾರೆ. ಇಂದಿನ ಪಂದ್ಯದಲ್ಲಿ ಕೇವಲ 24 ರನ್​ಗಳಿಸಿದರೆ ಒಂದು ದಾಖಲೆ ಉಡೀಸ್ ಆಗಲಿದೆ. ಇನ್ನೊಂದು ಯಾವುದು?.

ಆರ್​ಸಿಬಿಯ ಸ್ಟಾರ್ ಬ್ಯಾಟ್ಸ್​ಮನ್ ಆಗಿರುವ ವಿರಾಟ್ ಕೊಹ್ಲಿ ಅವರು ಐಪಿಎಲ್‌ನಲ್ಲಿ 2008ರಿಂದಲೂ ಆರ್‌ಸಿಬಿ ತಂಡದಲ್ಲಿ ಮಾತ್ರ ಬ್ಯಾಟ್ ಬೀಸಿದ್ದಾರೆ. ಇದುವರೆಗೆ ಐಪಿಎಲ್​ನ 18 ಸೀಸನ್​ಗಳಲ್ಲಿ 256 ಇನ್ನಿಂಗ್ಸ್​ಗಳಲ್ಲಿ ಒಟ್ಟು 8,552 ರನ್‌ ಬಾರಿಸಿದ್ದಾರೆ. ಇದರ ಜೊತೆಗೆ ಈಗ ಸ್ಥಗಿತವಾಗಿರುವಂತಹ ಚಾಂಪಿಯನ್ಸ್ ಲೀಗ್ (ಸಿಎಲ್) ಟಿ20ಯಲ್ಲಿ 14 ಪಂದ್ಯಗಳಿಂದ 424 ರನ್‌ಗಳು ಗಳಿಸಿದ್ದರು. ಈ ಎಲ್ಲ ಸೇರಿ ಒಟ್ಟು 270 ಇನ್ನಿಂಗ್ಸ್‌ಗಳಿಂದ 8,976 ರನ್ ಗಳಿಸಿದ್ದಾರೆ.

ಇದನ್ನೂ ಓದಿ:RCB ಗೆದ್ದರೇ, Qualifier​-1 ಪಂದ್ಯ ಯಾವ ತಂಡದ ವಿರುದ್ಧ ಆಡಲಿದೆ.. ಸೋತರೇ ಏನಾಗಲಿದೆ?

ವಿರಾಟ್ ಕೊಹ್ಲಿ ಅವರು ಇಂದಿನ ಪಂದ್ಯದಲ್ಲಿ ಕೇವಲ ಇನ್ನೂ 24 ರನ್ ಗಳಿಸಿದರೆ, ಒಂದೇ ಐಪಿಎಲ್ ಫ್ರಾಂಚೈಸಿ ಪರವಾಗಿ ಅಂದರೆ ಆರ್​ಸಿಬಿ ಪರವಾಗಿ ಒಟ್ಟು 9,000 ರನ್ ಗಳಿಸಿದ ಮೊದಲ ಆಟಗಾರ ಎಂಬ ಹೆಗ್ಗಳಿಕೆಗೆ ಪಾತ್ರರಾಗುತ್ತಾರೆ. ಇದು ನಿಜಕ್ಕೂ ಐಪಿಎಲ್​ ಇತಿಹಾಸದಲ್ಲಿ ದೊಡ್ಡ ಸಾಧನೆ ಆಗಲಿದೆ.

ಇನ್ನೊಂದು ದಾಖಲೆ ಎಂದರೆ, ಈ ಸೀಸನ್​ನಲ್ಲಿ ಅತ್ಯುತ್ತಮ ಫಾರ್ಮ್‌ನಲ್ಲಿರುವ ಕೊಹ್ಲಿ, ಐಪಿಎಲ್ ಇತಿಹಾಸದಲ್ಲಿ ಅತಿ ಹೆಚ್ಚು ಅರ್ಧಶತಕಗಳನ್ನು (ಫಿಫ್ಟಿ ಪ್ಲಸ್​) ಗಳಿಸಿದ ಬ್ಯಾಟರ್​ ಎಂದು ಖ್ಯಾತಿ ಪಡೆಯಲು ಕೇವಲ ಒಂದೇ ಒಂದು ಅರ್ಧಶತಕ ಅಗತ್ಯವಿದೆ. ಕೊಹ್ಲಿ ಸದ್ಯಕ್ಕೆ 62 ಬಾರಿ ಫಿಫ್ಟಿ ಪ್ಲಸ್​ ರನ್​​ಗಳನ್ನು ಬಾರಿಸಿದ್ದಾರೆ. ಇಂದಿನ ಪಂದ್ಯದಲ್ಲಿ ಎಲ್​​ಎಸ್​ಜಿ ವಿರುದ್ಧ ಫಿಫ್ಟಿ ಪ್ಲಸ್​ ರನ್​ ಬಾರಿಸಿದರೆ ಆಸ್ಟ್ರೇಲಿಯಾದ ಮಾಜಿ ಪ್ಲೇಯರ್ ಡೇವಿಡ್ ವಾರ್ನರ್ ಅವರ ದಾಖಲೆ ಉಡೀಸ್ ಮಾಡಲಿದ್ದಾರೆ.

ಐಪಿಎಲ್‌ನಲ್ಲಿ ಅತಿ ಹೆಚ್ಚು ಫಿಫ್ಟಿ ಪ್ಲಸ್ ರನ್​ ಗಳಿಸಿದ ಬ್ಯಾಟರ್ಸ್​

• ವಿರಾಟ್ ಕೊಹ್ಲಿ- 62
• ಡೇವಿಡ್ ವಾರ್ನರ್- 62
• ಶಿಖರ್ ಧವನ್- 51
• ರೋಹಿತ್ ಶರ್ಮಾ- 46

ವಿಶೇಷ ಸೂಚನೆ: ಕ್ರಿಕೆಟ್‌ನ ಸುದ್ದಿಗಳಿಗಾಗಿ ಪ್ರತಿದಿನ ಬೆಳಗ್ಗೆ 8.30ಕ್ಕೆ ನ್ಯೂಸ್‌ಫಸ್ಟ್‌ಚಾನೆಲ್​​ನಲ್ಲಿ ‘ರನ್ ಭೂಮಿ’ ವೀಕ್ಷಿಸಿ