ವಿರಾಟ್​ ಕೊಹ್ಲಿ ಫ್ಯಾನ್ಸ್​ ಫುಲ್​ ಖುಷ್ ಆಗೋದು ಗ್ಯಾರಂಟಿ

ಕನ್ನಡಿಗ KL ರಾಹುಲ್​ ಖರೀದಿಗೆ ಫ್ರಾಂಚೈಸಿ ಮುಂದಾಗಿದೆಯಾ?

ಕೊಹ್ಲಿಗೆ ಭಾರೀ ಹಣದ ಜೊತೆಗೆ ಈ ಜವಾಬ್ದಾರಿ ನೀಡ್ತಾರಾ?

ಐಪಿಎಲ್​ನ ಲೋಕದಲ್ಲಿ ರಿಟೈನ್​-ರಿಲೀಸ್​ ಗದ್ದಲ ಜೋರಾಗಿದೆ. ಒಂದರ ಮೇಲೊಂದರಂತೆ ಬಿಗ್​ ಅಪ್​ಡೇಟ್​​ ಹೊರ ಬೀಳುತ್ತಿವೆ. ಕೆಲವು ಶಾಕ್​ ನೀಡಿದ್ರೆ, ಕೆಲವು ಫ್ಯಾನ್ಸ್​ನ ಖುಷ್​ ಮಾಡುತ್ತಿವೆ. ಇದೀಗ ಆರ್​ಸಿಬಿ ಪಾಳಯದಿಂದ ಮೆಗಾ ಬ್ರೇಕಿಂಗ್​​ ಸುದ್ದಿ​ ಹೊರಬಿದ್ದಿದೆ. ಅಭಿಮಾನಿಗಳಂತೂ ಈ ಸುದ್ದಿ ಕೇಳಿದ್ರೆ, ಫುಲ್​ ಖುಷ್ ಆಗೋದು ಗ್ಯಾರಂಟಿ. ಆ ಗುಡ್​ನ್ಯೂಸ್​ ಏನು?.

ಇಂಡಿಯನ್​ ಪ್ರೀಮಿಯರ್​ ಲೀಗ್​ ರಿಟೈನ್ಶನ್​ ಡೆಡ್​​ಲೈನ್​​ ಸಮೀಪಿಸಿದೆ. ರಿಟೈನ್​ ಮಾಡಿಕೊಂಡ ಆಟಗಾರರ ಪಟ್ಟಿ ಸಲ್ಲಿಸಲು ಒಂದೇ ಒಂದು ದಿನ ಮಾತ್ರ ಬಾಕಿ. ನಾಳೆ ಸಂಜೆಯೊಳಗೆ ಫೈನಲ್​ ಲಿಸ್ಟ್​ ಅನೌನ್ಸ್​ ಮಾಡಬೇಕಿದ್ದು, ಫ್ರಾಂಚೈಸಿಗಳಲ್ಲಿ ತಂಡಗಳಲ್ಲಿ ರಿಟೈನ್​-ರಿಲೀಸ್​ ಲೆಕ್ಕಾಚಾರ ಜೋರಾಗಿದೆ. ಅಳೆದುತೂಗಿ ಲೆಕ್ಕಾಚಾರ ಹಾಕಿ ಆರ್​ಸಿಬಿ ಕೂಡ ರಿಟೈನ್​ ಪಟ್ಟಿಯನ್ನ ಫೈನಲ್​​ ಮಾಡಿದೆ.

ಇದನ್ನೂ ಓದಿ: ಕೊಹ್ಲಿ, ಶರ್ಮಾ, ಅಶ್ವಿನ್, ಜಡೇಜಾಗೆ ಇದು ತವರಿನ ಕೊನೆಯ ಟೆಸ್ಟ್ -ಶಾಕಿಂಗ್ ನ್ಯೂಸ್ ಕೊಟ್ಟ ಮಾಜಿ ಕೋಚ್

ನೋ ಡೌಟ್​.. ಕೊಹ್ಲಿಯೇ ಆರ್​ಸಿಬಿಯ ಮೊದಲ ಆಯ್ಕೆ.!

ಐಪಿಎಲ್​ ರಿಟೈನ್ಶನ್​ ಅಂತೆ-ಕಂತೆಗಳ ಸುದ್ದಿಯ ನಡುವೆ ಕನ್​ಫರ್ಮ್​​, ಇದು ಆಗೇ ಆಗುತ್ತೆ ಅನ್ನೋ ಸುದ್ದಿ ಏನಾದ್ರೂ ಇದ್ರೆ ಅದು ವಿರಾಟ್​ ಕೊಹ್ಲಿಯದ್ದು ಮಾತ್ರ. ನನ್ನ ಕೊನೆ ಐಪಿಎಲ್​ ಪಂದ್ಯವನ್ನೂ ನಾನು ಆಡೋದು ಆರ್​​ಸಿಬಿಗೆ ಮಾತ್ರ, ಈ ಜೀವ ಎಂದಿಗೂ ಎಂದೆದಿಗೂ ಆರ್​ಸಿಬಿಗೆ ಅಂತಾ ಕೊಹ್ಲಿ ಬಹಿರಂಗವಾಗಿ 2 ವರ್ಷದ ಹಿಂದೆ ಘೋಷಿಸಿದ್ದಾಗಿದೆ. ಆರ್​​ಸಿಬಿ ಫ್ರಾಂಚೈಸಿ ಕೊಹ್ಲಿಯನ್ನ ಬಿಡಲ್ಲ. ಬಿಡೋಕೆ ಸಾಧ್ಯ ಇಲ್ಲ. ಯಾಕಂದ್ರೆ, ಕೊಹ್ಲಿ ಆರ್​ಸಿಬಿಯ ಜೀವ. ಈ ಸೀಸನ್​ ಮೆಗಾ ಆಕ್ಷನ್​ಗೂ ಮುನ್ನ ಕೂಡ ಕೊಹ್ಲಿ ಆರ್​ಸಿಬಿ ಫಸ್ಟ್​ ಚಾಯ್ಸ್​​ ರಿಟೈನ್ಶನ್​ ಆಗಿದ್ದಾರೆ.

18 ಕೋಟಿಯ ಹಿಂದೆ ಫ್ರಾಂಚೈಸಿಯ ದೊಡ್ಡ​ ಲೆಕ್ಕಾಚಾರ.!

ಸದ್ಯ ಕೊಹ್ಲಿಯನ್ನ ಫಸ್ಟ್​ ಚಾಯ್ಸ್​ ಪ್ಲೇಯರ್​ ಆಗಿ ರಿಟೈನ್​ ಮಾಡಿಕೊಳ್ಳಲು ಸಜ್ಜಾಗಿರುವ ಆರ್​ಸಿಬಿ 18ರ ಜೆರ್ಸಿ ನಂಬರ್​ ವೀರನಿಗೆ 18 ಕೋಟಿಯನ್ನ ನೀಡಲು ನಿರ್ಧರಿಸಿದೆ. ಆದ್ರೆ, ಈ ರಿಟೈನ್​ ಹಿಂದೆ ಒಂದು ದೊಡ್ಡ ಲೆಕ್ಕಾಚಾರವಿದೆ. ನಾಯಕನನ್ನ ಬದಲಾವಣೆ ಮಾಡಲು ಮುಂದಾಗಿರುವ ಆರ್​​ಸಿಬಿ ಫ್ರಾಂಚೈಸಿ, ಕೊಹ್ಲಿಗೆ ಮತ್ತೆ ಪಟ್ಟಕಟ್ಟೋ ಪ್ಲಾನ್​ ಹಾಕಿಕೊಂಡಿದೆ.

ಫ್ಲಾಫ್​ ಶೋ ನೀಡಿದ ಡುಪ್ಲೆಸಿಗೆ ಗೇಟ್​​ ಪಾಸ್​..?

ಹಾಲಿ ಆರ್​​ಸಿಬಿ ನಾಯಕ ಫಾಫ್​ ಡುಪ್ಲೆಸಿಗೆ ವಯಸ್ಸು ಹಾಗೂ ಫಾರ್ಮ್​ ಎರಡೂ ವಿಲನ್​ಗಳಾಗಿವೆ. ಭಾರೀ ನಿರೀಕ್ಷೆಯಿಟ್ಟು 2022ರಲ್ಲಿ ಡುಪ್ಲೆಸಿಯನ್ನ ಆರ್​​ಸಿಬಿಗೆ ಕರೆತಂದು ನಾಯಕನ ಪಟ್ಟ ಕಟ್ಟಲಾಯಿತು. ಆದ್ರೆ, 2 ಸೀಸನ್​ಗಳಲ್ಲಿ ನಾಯಕ ಡುಪ್ಲೆಸಿಯ ಪರ್ಫಾಮೆನ್ಸ್​ ಅಷ್ಟಕಷ್ಟೇ. ಎರಡೂ ಸೀಸನ್​ಗಳಲ್ಲಿ ಫ್ಲೇ ಆಫ್​ ಹಂತದಲ್ಲಿ ತಂಡ ನಿರ್ಗಮಿಸಿದೆ. ಬ್ಯಾಟ್ಸ್​ಮನ್​ ಆಗಿಯೂ ಡುಪ್ಲೆಸಿ ಇನ್​​ಕನ್ಸಿಸ್ಟೆಂಟ್​ ಪರ್ಫಾಮೆನ್ಸ್​ ನೀಡಿದ್ದಾರೆ. ಹೀಗಾಗಿ ಡುಪ್ಲೆಸಿಗೆ ಗೇಟ್​ಪಾಸ್​ ನೀಡಲು ಫ್ರಾಂಚೈಸಿ ನಿರ್ಧರಿಸಿದೆ.

ಭಾರತೀಯ ಕ್ರಿಕೆಟಿಗರ ಮೇಲೆ ಫ್ರಾಂಚೈಸಿ ಕಣ್ಣು.!

ಸೌತ್​ ಆಫ್ರಿಕಾದ ಡುಪ್ಲೆಸಿಗೆ ಗೇಟ್​ಪಾಸ್​ ನೀಡುವ ಲೆಕ್ಕಾಚಾರದಲ್ಲಿರೋ ಆರ್​​ಸಿಬಿ ಫ್ರಾಂಚೈಸಿ, ಭಾರತದ ಆಟಗಾರರ ಮೇಲೆ ಕಣ್ಣಿಟ್ಟಿದೆ. ಹರಾಜಿನ ಕಣಕ್ಕೆ ಬರಲು ನಿರ್ಧರಿಸಿರೋ ಪಂತ್​, ಕೆ.ಎಲ್​ ರಾಹುಲ್​ ಇಬ್ಬರನ್ನ ಟಾರ್ಗೆಟ್​ ಮಾಡಿದೆ. ಒಂದು ವೇಳೆ ಈ ಇಬ್ಬರ ಮೇಲೆ ನಿರೀಕ್ಷೆಗೂ ಮೀರಿದ ಬಿಡ್ಡಿಂಗ್​ ನಡೆದು, ಹರಾಜಿನಲ್ಲಿ ಕೈ ತಪ್ಪಿದ್ರೆ, ಆಗ ಪ್ಲಾನ್​ ಬಿ ವರ್ಕೌಟ್​ ಮಾಡಲು ಆರ್​ಸಿಬಿ ಚಿಂತಿಸಿದೆ. ಆ ಪ್ಲಾನ್​ ಬಿ ಏನು ಅಂದರೆ ಕೊಹ್ಲಿಗೆ ಆರ್​ಸಿಬಿ ಪಟ್ಟಾಭಿಶೇಕ.

ಕೊಹ್ಲಿಗಿಂತ ಬೆಸ್ಟ್​ ಚಾಯ್ಸ್​ ಬೇರೆ ಯಾರಿದ್ದಾರೆ.?

ಯಾರು ಸಿಗಲಿ, ಬಿಡಲಿ ಆರ್​​ಸಿಬಿ ತಂಡವನ್ನ ಮುನ್ನಡೆಸಲು ಕೊಹ್ಲಿಗಿಂತ ಬೆಸ್ಟ್​ ಚಾಯ್ಸ್​ ಮತ್ತೊಬ್ಬರಿಲ್ಲ. ಕೊಹ್ಲಿ ತಂಡವನ್ನ ಮುನ್ನಡೆಸಿದ್ರೆ, ಮಾರ್ಕೆಟಿಂಗ್​ ಲೆಕ್ಕಾಚಾರದಲ್ಲಂತೂ ಆರ್​​ಸಿಬಿಗೆ ಅಡ್ವಾಂಟೇಜೆ ಜಾಸ್ತಿ. ಇನ್ನು, ಆನ್​ಫೀಲ್ಡ್​ ಆಟಕ್ಕೆ ಬಂದ್ರೆ, ಆರ್​​ಸಿಬಿಯನ್ನ ಸುದೀರ್ಘ ಕಾಲ ಮುನ್ನಡೆಸಿದ ಏಕೈಕ ನಾಯಕ ಕೊಹ್ಲಿ. ಆರಂಭದಿಂದ ಈವರೆಗೆ 7 ಮಂದಿ ಆರ್​​ಸಿಬಿಯನ್ನ ಮುನ್ನಡೆಸಿದ್ದಾರೆ. ಈ ಪೈಕಿ ನಾಯಕನಾಗಿ 50 ಪಂದ್ಯಗಳ ಗಡಿ ದಾಟಿರೋದು ಕೊಹ್ಲಿ ಒಬ್ಬರೇ.

ವಿರಾಟ್​ ಕೊಹ್ಲಿ ನಾಯಕತ್ವದಲ್ಲಿ RCB

ನಾಯಕನಾಗಿ ಆರ್​​ಸಿಬಿ ತಂಡವನ್ನ 143 ಪಂದ್ಯಗಳಲ್ಲಿ ವಿರಾಟ್​ ಕೊಹ್ಲಿ ಮುನ್ನಡೆಸಿದ್ದಾರೆ. ಈ ಪೈಕಿ 66 ಪಂದ್ಯಗಳಲ್ಲಿ ಗೆಲುವು, 70 ಪಂದ್ಯಗಳಲ್ಲಿ ಸೋಲು ಕಂಡಿದ್ದು, 3 ಪಂದ್ಯ ಟೈ, 4 ಪಂದ್ಯಗಳು ರದ್ದಾಗಿವೆ.

ಕೊಹ್ಲಿ ನಾಯಕತ್ವದಲ್ಲಿ ಆರ್​​ಸಿಬಿ 4 ಬಾರಿ ಫ್ಲೇ ಆಫ್​ಗೆ ಪ್ರವೇಶಿಸಿದ್ರೆ, ಒಂದು ಬಾರಿ ಕಪ್​ ಗೆಲ್ಲೋ ಹಂತಕ್ಕೆ ಬಂದು ಎಡವಿದೆ. 2016 ಐಪಿಎಲ್​ನಲ್ಲಿ ರನ್ನರ್​ ಅಪ್​ ಆಗಿ ಹೊರಹೊಮ್ಮಿದೆ. ಸಕ್ಸಸ್​ ಕಡೆಗೆ ತಂಡವನ್ನ ಮುನ್ನಡೆಸೋದ್ರ ಜೊತೆಗೆ ಡ್ರೆಸ್ಸಿಂಗ್​ ರೂಮ್​ ವಾತಾವರಣವನ್ನ ತಿಳಿಯಾಗಿಸಿಕೊಳ್ಳೋ, ಭಾರತ ಹಾಗೂ ವಿದೇಶಿ ಆಟಗಾರರನ್ನ ಹ್ಯಾಂಡಲ್​ ಮಾಡಬಲ್ಲ ಸಾಮರ್ಥ್ಯ ಕೊಹ್ಲಿಗಿದೆ.

18 ಕೋಟಿ ನೀಡಿ ಕೊಹ್ಲಿಯನ್ನ ರಿಟೈನ್​ ಮಾಡಲು ಹೊರಟಿರೋ ಆರ್​​ಸಿಬಿ ಬಹುದೊಡ್ಡ ಲೆಕ್ಕಾಚಾರ ಹಾಕಿದೆ. ಫ್ರಾಂಚೈಸಿಯ ಹಿತ ದೃಷ್ಟಿಯಿಂದ ಈ ಲೆಕ್ಕಾಚಾರ ನೂರಕ್ಕೆ ನೂರರಷ್ಟು ಒಳ್ಳೆಯದು. ಆದ್ರೆ, ಮ್ಯಾನೇಜ್​ಮೆಂಟ್​ನ ಈ ಆಫರ್​ ಕೊಹ್ಲಿ ಒಪ್ತಾರಾ ಅನ್ನೋದೆ ಕುತೂಹಲ ಮೂಡಿಸಿದೆ. ಇದಕ್ಕೆ ಕೆಲವೇ ದಿನಗಳಲ್ಲಿ ಉತ್ತರ ಸಿಗಲಿದೆ.

ವಿಶೇಷ ಸೂಚನೆ: ಕ್ರಿಕೆಟ್‌ನ ಸುದ್ದಿಗಳಿಗಾಗಿ ಪ್ರತಿದಿನ ಬೆಳಗ್ಗೆ 8.27ಕ್ಕೆ ನ್ಯೂಸ್‌ಫಸ್ಟ್‌ಚಾನೆಲ್​​ನಲ್ಲಿ ‘ರನ್ ಭೂಮಿ’ ವೀಕ್ಷಿಸಿ