ಬಿಗ್​ಬ್ಯಾಷ್​ ಕ್ರಿಕೆಟ್​ ಲೀಗ್​ಗೆ ಕಿಂಗ್​ ಕೊಹ್ಲಿ ಎಂಟ್ರಿ.. ಅಧಿಕೃತ ಘೋಷಣೆ, ವಿರಾಟ್​ಗೆ ಸಿಕ್ಸರ್ಸ್ ಸ್ವಾಗತ​!

ಆಸ್ಟ್ರೇಲಿಯಾದ ಜನಪ್ರಿಯ ಕ್ರಿಕೆಟ್​ ಲೀಗ್ ಎಂದರೆ ಅದು ಬಿಗ್​ಬ್ಯಾಷ್ ಲೀಗ್ ಆಗಿದೆ. ಭಾರತದಲ್ಲಿ ಐಪಿಎಲ್​ ಲೀಗ್ ಹೇಗೋ ಆಸಿಸ್​ನಲ್ಲಿ ಈ ಬಿಗ್​ಬ್ಯಾಷ್ ಲೀಗ್ ಸಖತ್ ಫೇಮಸ್​. ಇದರಲ್ಲಿ ಕೇವಲ ಹೊಡಿಬಡಿ ಅಷ್ಟೇ. ನಿಧಾನವಾಗಿ ಆಡುವವರಿಗೆ ನೋ ಚಾನ್ಸ್​. ಇಂತಹ ಪ್ರತಿಷ್ಠಿತ ಲೀಗ್​ನ ಎರಡು ಸೀಸನ್​ಗಳಲ್ಲಿ ವಿರಾಟ್​ ಕೊಹ್ಲಿ ಬ್ಯಾಟ್ ಬೀಸಲಿದ್ದಾರೆ ಎಂದು ಹೇಳಲಾಗುತ್ತಿದೆ.

ಬಿಗ್​ಬ್ಯಾಷ್ ಲೀಗ್​ನಲ್ಲಿ ಒಂದು ಫೇವರಿಟ್ ತಂಡವಾಗಿರುವ, ಮೂರು ಬಾರಿ ಟ್ರೋಫಿ ಗೆದ್ದಿರುವ ಸಿಡ್ನಿ ಸಿಕ್ಸರ್ಸ್ ತಂಡದ ಪರವಾಗಿ ಸ್ಟಾರ್ ಬ್ಯಾಟ್ಸ್​ಮನ್​ ವಿರಾಟ್ ಕೊಹ್ಲಿ ಅವರು ಆಡಲಿದ್ದಾರೆ. ಈ ಕುರಿತು ಸ್ವತಹ ಸಿಡ್ನಿ ಸಿಕ್ಸರ್ಸ್ ತಂಡ ತನ್ನ ಅಧಿಕೃತ ಸೋಶಿಯಲ್ ಮೀಡಿಯಾದಲ್ಲಿ ವಿರಾಟ್ ಕೊಹ್ಲಿ ಅವರ ಫೋಟೋ ಹಾಕಿ ಪೋಸ್ಟ್ ಅನ್ನು ಶೇರ್ ಮಾಡಿಕೊಂಡಿದೆ.

ಇದನ್ನೂ ಓದಿ:ಕ್ಯಾಪ್ಟನ್ ಆದ ಮೇಲೆ ರಿಷಭ್ ಪಂತ್ ಬ್ಯಾಟಿಂಗ್ ಖದರ್ ಮಾಯ.. ಫ್ರಾಂಚೈಸಿಯಲ್ಲಿ ಏನಾಗ್ತಿದೆ?

ಈ ಪೋಸ್ಟ್​ನಲ್ಲಿ ಕಿಂಗ್ ಕೊಹ್ಲಿ ಅವರು ಮುಂದಿನ ಎರಡು ಸೀಸನ್​ಗಳಲ್ಲಿ ಅಧಿಕೃತವಾಗಿ ಸಿಡ್ನಿ ಸಿಕ್ಸರ್ ಪರವಾಗಿ ಆಡಲಿದ್ದಾರೆ ಎಂದು ಬರೆಯಲಾಗಿದೆ. ಇದರ ಜೊತೆಗೆ ವಿರಾಟ್ ಕೊಹ್ಲಿ ಫೋಟೋವನ್ನು ಕೂಡ ಟ್ಯಾಗ್ ಮಾಡಲಾಗಿದೆ. ಏಪ್ರಿಲ್ 1 ರಂದು ಸಿಡ್ನಿ ಸಿಕ್ಸರ್ಸ್, ಸ್ಟಾರ್ ಬ್ಯಾಟರ್‌ ಜೊತೆ ಒಪ್ಪಂದ ಮಾಡಿಕೊಂಡಿರುವುದಾಗಿ ಹೇಳಿಕೊಂಡಿದೆ.

ಆದರೆ ಬಿಸಿಸಿಐ ನಿಯಮದಂತೆ ಟೀಮ್ ಇಂಡಿಯಾದ ಯಾವುದೇ ಪ್ಲೇಯರ್ ಬಿಬಿಎಲ್​ನಲ್ಲಿ ಆಡಲು ಅವಕಾಶ ಇಲ್ಲ. ಏಕೆಂದರೆ ಬಿಸಿಸಿಐ ಕಠಿಣ ನಿಯಮ ಈ ರೀತಿ ಇದೆ. ಭಾರತದ ಯಾವುದೇ ಕ್ರಿಕೆಟ್​ ಪ್ಲೇಯರ್, ಅಂತರರಾಷ್ಟ್ರೀಯ ಕ್ರಿಕೆಟ್ ಜೊತೆಗೆ ದೇಶೀಯ ಕ್ರಿಕೆಟ್‌ನಿಂದ ನಿವೃತ್ತ ಆಗುವವರೆಗೆ ಬಿಬಿಎಲ್‌ನಂಥ ವಿದೇಶಿ ಲೀಗ್‌ಗಳಲ್ಲಿ ಆಡುವಂತಿಲ್ಲ. ಬಿಬಿಎಲ್​ ಲೀಗ್​ನ ಪ್ರಮುಖ ತಂಡವಾಗಿರುವ ಸಿಡ್ನಿ ಸಿಕ್ಸರ್ಸ್‌ ಮಾಡಿರುವ ಸೋಶಿಯಲ್ ಮೀಡಿಯಾ ಪೋಸ್ಟ್ ಹಿಂದೆ ಒಂದು ಒಳ್ಳೆಯ ತಮಾಷೆ ಇದೆ. ಅದು ಏನೆಂದರೆ ಇಂದು ಏಪ್ರಿಲ್ 1 ಆಗಿದ್ದರಿಂದ ಎಲ್ಲರನ್ನು ಏಪ್ರಿಲ್ ಫೂಲ್ ಮಾಡಲು ಈ ರೀತಿಯಾಗಿ ಮಾಡಿದೆ ಅಷ್ಟೇ.

King Kohli 🤩

Virat Kohli is officially a Sixer for the next TWO seasons! ✍️ #LIKEASIXERpic.twitter.com/TE89D4Ar6l

— Sydney Sixers (@SixersBBL) March 31, 2025

ವಿಶೇಷ ಸೂಚನೆ: ಕ್ರಿಕೆಟ್‌ನ ಸುದ್ದಿಗಳಿಗಾಗಿ ಪ್ರತಿದಿನ ಬೆಳಗ್ಗೆ 8.27ಕ್ಕೆ ನ್ಯೂಸ್‌ಫಸ್ಟ್‌ಚಾನೆಲ್​​ನಲ್ಲಿ ‘ರನ್ ಭೂಮಿ’ ವೀಕ್ಷಿಸಿ