ವಿರಾಟ್​ ಕೊಹ್ಲಿ V/S ಕೆ.ಎಲ್‌ ರಾಹುಲ್ ಸಮರ; ಇವತ್ತಿನ RCB ಟಾರ್ಗೆಟ್ ಪ್ಲೇ ಆಫ್​ ಅಲ್ಲವೇ ಅಲ್ಲ!

ಐಪಿಎಲ್ ಸೀಸನ್​ 18ರ ಮತ್ತೊಂದು ಸೇಡಿನ ಸಮರಕ್ಕೆ ವೇದಿಕೆ ಸಜ್ಜಾಗಿದೆ. ಇಂದು ನಮ್ಮ ಆರ್​ಸಿಬಿ ತಂಡಕ್ಕೆ ಬಲಿಷ್ಟ ಡೆಲ್ಲಿ ಕ್ಯಾಪಿಟಲ್ಸ್ ಎದುರಾಳಿ. ಹೋಮ್ ​​ಗ್ರೌಂಡ್​​ ಚಿನ್ನಸ್ವಾಮಿಯಲ್ಲಾದ ಸೋಲಿನ ಸೇಡು ತೀರಿಸಿಕೊಳ್ಳಲು ಪಣ ತೊಟ್ಟು ರಾಷ್ಟ್ರ ರಾಜಧಾನಿಗೆ ರೆಡ್​​ ಆರ್ಮಿ ಕಾಲಿಟ್ಟಿದೆ. ಡೆಲ್ಲಿಗೆ ಡಿಚ್ಚಿ ಕೊಟ್ಟು ನಂಬರ್ 2 ಸ್ಥಾನಕ್ಕೆ ಲಗ್ಗೆ ಇಡೋಕೆ RCB ಸಜ್ಜಾಗಿದೆ.

ಡೆಲ್ಲಿ ಕ್ಯಾಪಿಟಲ್ಸ್​ - ರಾಯಲ್​ ಚಾಲೆಂಜರ್ಸ್​​ ಬೆಂಗಳೂರು. ಐಪಿಎಲ್​ ಸೀಸನ್​ 18ರಲ್ಲಿ ಸಖತ್​ ಡಿಫರೆಂಟ್​ ಅನ್ನಿಸಿರೋ ಟೀಮ್​ಗಳು. ಈ ಹಿಂದಿನ ಸೀಸನ್​ಗಳಲ್ಲಿ ಇನ್​​ಕನ್ಸಿಸ್ಟೆನ್ಸಿ ತಂಡಗಳು ಎನಿಸಿಕೊಂಡಿದ್ದ ಡೆಲ್ಲಿ, ಬೆಂಗಳೂರು ಈ ಸೀಸನ್​ನಲ್ಲಿ ಕಪ್​ ಗೆಲ್ಲೋ ಫೇವರಿಟ್​ ಅನಿಸಿಕೊಂಡಿದೆ. ಸೂಪರ್​ ಸಂಡೇಯ ಇಂದಿನ ಬ್ಯಾಟಲ್​​ನಲ್ಲಿ ಈ ಬಲಿಷ್ಠ ತಂಡಗಳ ಕಾದಾಟ ನಡೆಯಲಿದೆ.

ಹೊಸ ನಾಯಕರು, ಹೊಸ ತಂಡ, ಹೊಸ ಆಟ..!
ಆರ್​ಸಿಬಿ ಮತ್ತು ಡೆಲ್ಲಿ ಕ್ಯಾಪಿಟಲ್ಸ್ ಹೊಸ ನಾಯಕರ ನೇಮಕದಿಂದ, ಡಿಫರೆಂಟ್ ಆಗಿ ಕಾಣ್ತಿದೆ. ಹೊಸ ನಾಯಕರು ತಂಡಕ್ಕೆ ಎಂಟ್ರಿ ಆಗ್ತಿದಂತೆ, ತಂಡದ ಲಕ್ ಕೂಡ ಬದಲಾಗಿದೆ. ಹೊಸ ತಂಡ, ಹೊಸ ಚೈತನ್ಯ, ಹೊಸ ಆಟ ಆಡ್ತಿರುವ ಆರ್​ಸಿಬಿ ಮತ್ತು ಡಿಸಿ, ಪ್ರಸಕ್ತ ಐಪಿಎಲ್​​ನಲ್ಲಿ ಬಿಂದಾಸ್ ಪ್ರದರ್ಶನ ನೀಡುತ್ತಿದೆ. ಸದ್ಯ ಐಪಿಎಲ್‌ ಪಾಯಿಂಟ್ ಟೇಬಲ್​ನಲ್ಲಿ ಡೆಲ್ಲಿ ನಂಬರ್ 2ನೇ ಪ್ಲೇಸ್​​ನಲ್ಲಿದ್ರೆ, ಆರ್​ಸಿಬಿ 3ನೇ ಸ್ಥಾನದಲ್ಲಿದೆ.

ಆರ್​​ಸಿಬಿ ಕ್ಯಾಂಪ್​ನಲ್ಲಿ​ ಸೇಡಿನ ಜ್ವಾಲೆ..!
ಮ್ಯಾಚ್​ ನಂಬರ್​ 24, ಏಪ್ರಿಲ್​​ 10.. ಬೆಂಗಳೂರಿನ ಚಿನ್ನಸ್ವಾಮಿ ಮೈದಾನದಲ್ಲಿ ಆರ್​​ಸಿಬಿ - ಡೆಲ್ಲಿ ಕ್ಯಾಪಿಟಲ್ಸ್​ ಮುಖಾಮುಖಿಯಾಗಿದ್ದವು. ಪಂದ್ಯದಲ್ಲಿ RCB ಭದ್ರಕೋಟೆಯನ್ನ ಚಿದ್ರ ಮಾಡಿದ್ದ ಡೆಲ್ಲಿ ತಂಡ ಗೆದ್ದು ಬೀಗಿತ್ತು. 6 ವಿಕೆಟ್​ಗಳ ಜಯ ಸಾಧಿಸಿ ವಿಜಯೋತ್ಸವ ಆಚರಿಸಿತ್ತು. ತವರಿನಲ್ಲಿ ಸೋತ ಆರ್​​ಸಿಬಿ ಭಾರೀ ಮುಖಭಂಗ ಅನುಭವಿಸಿತ್ತು. ಆ ಸೋಲಿನ ಅವಮಾನ ಆರ್​​ಸಿಬಿ ಕ್ಯಾಂಪ್​ನಲ್ಲಿ ಜ್ವಾಲೆಯಾಗಿ ಉರೀತಿದೆ. ಆ ಸೇಡು ತೀರಿಸಿಕೊಳ್ಳಲು ಆರ್​ಸಿಬಿ ಕತ್ತಿ ಮಸಿತೀದೆ.

ಇದನ್ನೂ ಓದಿ: ಬಿಗ್ ​ಸ್ಟೇಟ್​ಮೆಂಟ್ ಮಾಡಿದ ಕೊಹ್ಲಿ.. ಆರ್​ಸಿಬಿ ಮ್ಯಾನೇಜ್ಮೆಂಟ್​ಗೆ ಬಿಗ್​ ರಿಲೀಫ್..! ಏನದು? 

ಕೊಹ್ಲಿ VS ರಾಹುಲ್​​.. ಬಿಗ್​ ಬ್ಯಾಟಲ್​.!
ಆರ್​​ಸಿಬಿಯ ವಿರಾಟ್​ ಕೊಹ್ಲಿ, ಡೆಲ್ಲಿ ಕ್ಯಾಪಿಟಲ್ಸ್​​ನ ರಾಹುಲ್​ ಇವತ್ತಿನ ಪಂದ್ಯದ ಸೆಂಟರ್​​ ಆಫ್​​ ಅಟ್ರ್ಯಾಕ್ಷನ್​. ಅಂದು ಬೆಂಗಳೂರಲ್ಲಿ ನಡೆದಿದ್ದ ಪಂದ್ಯದಲ್ಲಿ ಮಿಂಚಿದ್ದ ರಾಹುಲ್​​ ಡೆಲ್ಲಿಯನ್ನ ಗೆಲುವಿನ ದಡ ಸೇರಿಸಿದ್ರು. ತಂಡವನ್ನ ಗೆಲ್ಲಿಸಿದ್ದಲ್ಲದೇ ಇದು ನನ್ನ ಗ್ರೌಂಡ್​ ಎಂದು ಸನ್ನೆ ಮಾಡಿ, ಕಾಂತಾರ ಸೆಲಬ್ರೇಷನ್​​ ಮಾಡಿದ್ರು. ಈಗ ಪಂದ್ಯ ನಡೀತಿರೋದು ಡೆಲ್ಲಿಯಲ್ಲಿ. ಕೊಹ್ಲಿ ಹುಟ್ಟಿ ಬೆಳೆದ ಈ ಸ್ಟೇಡಿಯಂನಲ್ಲಿ ಕೊಹ್ಲಿ ಹೆಸರಿನಲ್ಲಿ ಪೆವಿಲಿಯನ್ನೇ ಇದೆ. ಈ ಕಾರಣಕ್ಕೆ ಇಂದಿನ ಪಂದ್ಯ ಹಲವರಲ್ಲಿ ಕುತೂಹಲ ಮೂಡಿಸಿದೆ.

ಪ್ಲೇ ಆಫ್​ ಅಲ್ಲ.. ಟೇಬಲ್​ ಟಾಪ್​ ಸ್ಥಾನ ಟಾರ್ಗೆಟ್​.!
ಆಡಿದ 9 ಪಂದ್ಯಗಳಲ್ಲಿ 6ರಲ್ಲಿ ಗೆದ್ದಿರೋ ಆರ್​​ಸಿಬಿಯ ಪ್ಲೇ ಆಫ್​ ಟಿಕೆಟ್​ ಬಹುತೇಕ ಖಚಿತವಾಗಿದೆ. ಒಳ್ಳೆ ರನ್​ರೇಟ್​ ಕೂಡ ಇರೋದ್ರಿಂದ ಪ್ಲೇ ಆಫ್​ ಎಂಟ್ರಿ ಕಷ್ಟವೇನಲ್ಲ. 3 ಅಥವಾ 4ನೇ ಸ್ಥಾನದಲ್ಲಿದ್ದು ಪ್ಲೇ ಆಫ್​ಗೆ ಕ್ವಾಲಿಫೈ ಆದ್ರೆ ಕಪ್​ ಗೆಲ್ಲಬೇಕಂದ್ರೆ ಸತತವಾಗಿ 3 ಪಂದ್ಯ ಗೆಲ್ಲಬೇಕು. ಎಲಿಮಿನೇಟರ್​, ಕ್ವಾಲಿಫೈಯರ್​ 2, ಫೈನಲ್​​ ಈ ಮೂರು ಪಂದ್ಯ ಗೆದ್ರೆ ಕಪ್​ ನಮ್ಮದಾಗಲಿದೆ. ಅದೇ ನಂಬರ್​ 1 ಅಥವಾ 2ನೇ ಸ್ಥಾನದಲ್ಲಿದ್ರೆ ಕ್ವಾಲಿಫೈಯರ್​​ 1ನಲ್ಲಿ ಸೋತರೂ ಕ್ವಾಲಿಫೈಯರ್​ 2ನಲ್ಲಿ ಆಡೋ ಅವಕಾಶ ಸಿಗಲಿದೆ. ಈ ಅಡ್ವಾಂಟೇಜ್​ ಮೇಲೆ ಆರ್​​ಸಿಬಿ ಕಣ್ಣಿದೆ.

ತವರಿನಲ್ಲಿ ಸೋಲಿನ ಓಟಕ್ಕೆ ಬ್ರೇಕ್​ ಹಾಕಿ ಆರ್​​ಸಿಬಿ ಗೆದ್ದು ಬೀಗಿದೆ. ಈ ಸೀಸನ್​ನಲ್ಲಂತೂ ತವರಿನ ಹೊರಗೆ ಸೋಲೇ ಕಾಣದೇ ಗೆಲುವಿನ ಓಟ ನಡೆಸ್ತಿದೆ. ಇದೆಲ್ಲವೂ ಆರ್​​ಸಿಬಿ ಕ್ಯಾಂಪ್​ನ ಆತ್ಮವಿಶ್ವಾಸ ಹೆಚ್ಚಿಸಿದೆ. ಹಾಗಂತ ಡೆಲ್ಲಿ ತಂಡವನ್ನ ಕಡೆಗಣಿಸುವಂತೆ ಇಲ್ಲ. ಸೈಲೆಂಟ್​ ಕಿಲ್ಲರ್​​ ತರ ಈ ಸೀಸನ್​ನಲ್ಲಿ ಬಲಿಷ್ಟ ತಂಡಗಳಿಗೂ ಮಣ್ಣು ಮುಕ್ಕಿಸಿದೆ. ಬ್ಯಾಟಿಂಗ್, ಬೌಲಿಂಗ್​​, ಫೀಲ್ಡಿಂಗ್​ ಮೂರೂ ವಿಭಾಗದಲ್ಲಿ ಸಖತ್​ ಸ್ಟ್ರಾಂಗ್​ ಅನಿಸಿದೆ. ಕಾನ್ಫಿಡೆಂಟ್​ & ಕನ್ಸಿಸ್ಟೆಂಟ್​ ಆಟವಾಡ್ತಿರೋ ಡೆಲ್ಲಿಯನ್ನ ಸೋಲಿಸೋದು ರಾಯಲ್​ ಚಾಲೆಂಜೇ. ಈ ಸವಾಲನ್ನ ಆರ್​​ಸಿಬಿ ಹೇಗೆ ಮೆಟ್ಟಿ ನಿಲ್ಲುತ್ತೆ ಕಾದು ನೋಡೋಣ.

ವಿಶೇಷ ಸೂಚನೆ: ಕ್ರಿಕೆಟ್‌ನ ಸುದ್ದಿಗಳಿಗಾಗಿ ಪ್ರತಿದಿನ ಬೆಳಗ್ಗೆ 8.30ಕ್ಕೆ ನ್ಯೂಸ್‌ ಫಸ್ಟ್‌ ಚಾನೆಲ್​​ನಲ್ಲಿ ‘ರನ್ ಭೂಮಿ’ ವೀಕ್ಷಿಸಿ