ಕೊನೆಗೂ ಈಡೇರಲಿಲ್ಲ ಕೊಹ್ಲಿಯ ಆ ಒಂದು ಕನಸು.. ಸಾಧನೆಯ ಹಮ್ಮೀರನಿಗೆ ಅದೊಂದು ಕೊರಗು..!

ಇಂಗ್ಲೆಂಡ್ ಪ್ರವಾಸಕ್ಕೂ ಮುನ್ನ ಟೆಸ್ಟ್ ಕ್ರಿಕೆಟ್​​ಗೆ ಗುಡ್ ಬೈ ಹೇಳಿರುವ ವಿರಾಟ್​, ಫ್ಯಾನ್ಸ್​ಗೆ ಶಾಕ್ ನೀಡಿದ್ದಾರೆ. ಜಮೈಕಾದ ಕಿಂಗ್ಸ್​ಟನ್​ನಲ್ಲಿ ಆರಂಭವಾಗಿದ್ದ ಕೊಹ್ಲಿ ಟೆಸ್ಟ್​ ಕರಿಯರ್ ಆಸ್ಟ್ರೇಲಿಯಾದ ಸಿಡ್ನಿ ಪಂದ್ಯದೊಂದಿಗೆ ಅಂತ್ಯವಾಗಿದೆ.

ಈಡೇರಲಿಲ್ಲ ಕೊಹ್ಲಿಯ ಆ ಒಂದು ಕನಸು

ಬ್ಯಾಟರ್ ಆಗಿ ವಿರಾಟ್, ಟನ್​​ ಗಟ್ಟಲೇ ರನ್ ಗಳಿಸಿದ್ದಾರೆ. ಶತಕದ ಮೇಲೆ ಶತಕವೂ ಸಿಡಿಸಿದ್ದಾರೆ. ನಾಯಕನಾಗಿ ದೇಶ, ವಿದೇಶದಲ್ಲಿ ಟೀಮ್ ಇಂಡಿಯಾಗೆ ದಿಗ್ವಿಜಯ ತಂದಿಟ್ಟಿದ್ದಾರೆ. ಆದರೆ ಇಷ್ಟೆಲ್ಲಾ ಸಾಧನೆ ಮಾಡಿರುವ ವಿರಾಟ್​ಗೆ ಒಂದು ಕೊರಗು ಕಾಡಲಿದೆ. ಅದೇ ಟೆಸ್ಟ್​ ಕ್ರಿಕೆಟ್​ನಲ್ಲಿ 10 ಸಾವಿರ ರನ್ ಗಳಿಸುವ ಕನಸು.

ಇದನ್ನೂ ಓದಿ: ದ ವಾರಿಯರ್ ಕಿಂಗ್‌.. ಟೆಸ್ಟ್ ಕ್ರಿಕೆಟ್ ನಿಮ್ಮನ್ನ ಮಿಸ್ ಮಾಡಿಕೊಳ್ಳುತ್ತೆ; ಫ್ಯಾನ್ಸ್‌ ಓದಲೇಬೇಕಾದ ಸ್ಟೋರಿ!

ಏಕದಿನ ಕ್ರಿಕೆಟ್​ನಲ್ಲಿ 10 ಸಾವಿರ ರನ್ ಗಳಿಸಿರುವ ಕೊಹ್ಲಿಗೆ, ಟೆಸ್ಟ್ ಕ್ರಿಕೆಟ್​ನಲ್ಲಿ 10 ಸಾವಿರ ರನ್ ಗಳಿಸುವ ಮಹಾದಾಸೆ ಇತ್ತು. ಇದನ್ನ ಬಹಿರಂಗವಾಗಿಯೂ ಹೇಳಿಕೊಂಡಿದ್ರು. ಈ ಮಹಾದಾಸೆ ಈಡೇರಲು ಕೊಹ್ಲಿಗೆ 770 ರನ್​​ಗಳ ಅವಶ್ಯಕತೆ ಇತ್ತು. ಆದ್ರೆ ಇಂಗ್ಲೆಂಡ್ ಟೆಸ್ಟ್ ಸರಣಿಗೂ ಮುನ್ನವೇ ಕೊಹ್ಲಿ ಕೈಗೊಂಡ ನಿರ್ಧಾರ ಆ ಕನಸನ್ನೇ ಕನಸಾಗೆ ಉಳಿಸಿ ಬಿಟ್ಟಿದೆ.
ವಿರಾಟ್ ಕೊಹ್ಲಿ ಒಬ್ಬ ಎಂಬ ಅಪ್ರತಿಮ ಆಟಗಾರ ರೆಡ್​ ಬಾಲ್​ ಬ್ಯಾಟಲ್​ಫೀಲ್ಡ್​ನಿಂದ ದೂರ ಸರಿದಿದ್ದಾರೆ. ಎಲ್ಲರಂತೆ ಸಾಮಾನ್ಯ ಆಟಗಾರನಾಗಿ ಅಸಮಾನ್ಯ ಸಾಧನೆ ಮಾಡಿ ಕೊಹ್ಲಿ, ಸೈಲೆಂಟ್ ಆಗಿ ದೂರ ಸರಿದಿದ್ದಾರೆ.

ಇದನ್ನೂ ಓದಿ: RCB ಅಭಿಮಾನಿಗಳಿಗೆ ಬಿಗ್ ಶಾಕ್‌.. ಆಸ್ಟ್ರೇಲಿಯಾದ ಸ್ಟಾರ್ ಆಟಗಾರರು ಕೈ ಕೊಡೋದು ಫಿಕ್ಸ್!

ವಿಶೇಷ ಸೂಚನೆ: ಕ್ರಿಕೆಟ್​​ನ ವಿಶೇಷ ಸುದ್ದಿಗಳಿಗಾಗಿ ವೀಕ್ಷಿಸಿ 'ರನ್ ಭೂಮಿ' ಪ್ರತಿದಿನ ಬೆಳಗ್ಗೆ 8.27ಕ್ಕೆ ನ್ಯೂಸ್ ಫಸ್ಟ್ ಚಾನೆಲ್