ವಿರಾಟ್​ ಫ್ಯಾನ್ಸ್​ಗೆ ಬಿಗ್ ಶಾಕ್; ಕಿಂಗ್ ಕೊಹ್ಲಿಗೆ ಹಾರ್ಟ್​ ಸಮಸ್ಯೆನಾ, ಪಿಚ್​ನಲ್ಲಿ ಏನಾಯಿತು?​

ಐಪಿಎಲ್ ಪಂದ್ಯ ನಡೆಯುವಾಗ ಮೈದಾನದಲ್ಲೇ ವಿರಾಟ್​ ಕೊಹ್ಲಿ ತಮ್ಮ ಹೃದಯದ ಬಗ್ಗೆ ಆತಂಕ ವ್ಯಕ್ತ ಪಡಿಸಿದ್ದ ವಿಡಿಯೋವೊಂದು ಸಖತ್ ವೈರಲ್ ಆಗುತ್ತಿದೆ. ಇದು ಅಭಿಮಾನಿಗಳಿಗೆ ಬೇಸರದ ತರಿಸಿದರೂ ಕೊಹ್ಲಿ ತಮ್ಮ ಹೃದಯದ ಬಗ್ಗೆ ಸಂಜು ಸ್ಯಾಮ್ಸನ್​ ಅವರನ್ನು ಕೇಳಿದ್ದು ಮಾತ್ರ ನಿಜ. ಕಿಂಗ್ ಕೊಹ್ಲಿ ಬ್ಯಾಟಿಂಗ್ ಮಾಡುವಾಗ ಮೈದಾನದಲ್ಲಿ ಏನಾಯಿತು ಎಂದರೆ..

ಜೈಪುರದ ಸವಾಯಿ ಮಾನ್ಸ್​ಸಿಂಗ್ ಸ್ಟೇಡಿಯಂನಲ್ಲಿ ರಾಜಸ್ಥಾನ್ ರಾಯಲ್ಸ್​ ಹಾಗೂ ರಾಯಲ್​ ಚಾಲೆಂಜರ್ಸ್​ ಬೆಂಗಳೂರು ನಡುವೆ ಪಂದ್ಯ ನಡೆಯುತ್ತಿತ್ತು. ಮೊದಲ ಬ್ಯಾಟಿಂಗ್ ಮಾಡಿದ್ದ ರಾಜಸ್ಥಾನ್ 174 ರನ್​ಗಳ ಗುರಿಯನ್ನು ನೀಡಿತ್ತು. ಈ ಟಾರ್ಗೆಟ್​ ಅನ್ನು ಆರ್​​ಸಿಬಿ ಬ್ಯಾಟ್ಸ್​ಮನ್​ಗಳು ಚೇಸ್ ಮಾಡುತ್ತಿದ್ದರು. ಸಾಲ್ಟ್​, ವಿರಾಟ್ ಕೊಹ್ಲಿ ಆರ್​ಆರ್​ ವಿರುದ್ಧ ಸಿಡಿದು ನಿಂತಿದ್ದರು.

ಇದನ್ನೂ ಓದಿ: ರಣರೋಚಕ ಪಂದ್ಯ ಗೆದ್ದ ಮುಂಬೈ.. ಕನ್ನಡಿಗನ ಬ್ಯಾಟಿಂಗ್ ವ್ಯರ್ಥ, ಕೇವಲ 12 ರನ್​ಗಳಿಂದ ಸೋತ ಡೆಲ್ಲಿ

ವಿರಾಟ್​ ಕೊಹ್ಲಿ ಅರ್ಧಶತಕ ಪೂರೈಸಿ ಬ್ಯಾಟಿಂಗ್ ಮುಂದುವರೆಸಿದ್ದರು. 52 ರನ್​​ ಗಳಿಸಿದ್ದ ಕೊಹ್ಲಿ, 15ನೇ ಓವರ್​ನಲ್ಲಿ ರಾಜಸ್ಥಾನ್ ಪರ ಸ್ಪಿನ್ನರ್ ವನಿಂದು ಹಸರಂಗ್ 4ನೇ ಬಾಲ್ ಅನ್ನು ಹಾಕಿದರು. ಈ ಎಸೆತವನ್ನು ಬಾರಿಸಿದ ಕೊಹ್ಲಿ ಎರಡು ರನ್​ಗೆ ಓಡಿದರು. ಮತ್ತೆ ಸ್ಟ್ರೈಕ್​ಗೆ ಬಂದ ವಿರಾಟ್​ ಕೊಹ್ಲಿ ಎದೆಯ ಮೇಲೆ ಕೈ ಇಟ್ಟುಕೊಂಡು ಹಾರ್ಟ್​ಬೀಟ್ ಪರೀಕ್ಷಿಸುತ್ತಾ ರಾಜಸ್ಥಾನ್ ನಾಯಕ ಸಂಜು ಸ್ಯಾಮ್ಸನ್​ ಇದ್ದಲ್ಲಿಗೆ ತೆರಳಿದರು. ಬಳಿಕ ಸಂಜುಗೆ ನೋಡು ಎನ್ನುವಂತೆ ಹೇಳಿದಾಗ ಕೊಹ್ಲಿ ಎದೆಯನ್ನ ಸಂಜು ಸ್ಯಾಮ್ಸನ್​ ಮುಟ್ಟಿ ಹಾರ್ಟ್​ಬೀಟ್​ ಗಮನಿಸಿ ಏನು ಆಗಿಲ್ಲ ಎಂದು ಹೇಳಿದರು.

ಆರ್​ಸಿಬಿಯ ಸ್ಟಾರ್ ಬ್ಯಾಟರ್​ ವಿರಾಟ್​ ಕೊಹ್ಲಿ ಬ್ಯಾಟಿಂಗ್ ಮಾಡುವಾಗ ಈ ರೀತಿಯ ಅಸ್ವಸ್ಥತೆಯನ್ನು ಅನುಭವಿಸಿರುವುದು ಇದೇ ಮೊದಲು. ಒಂದು ರನ್​ಗೆ ಓಡಿ ತಮ್ಮ ಹೃದಯ ಬಡಿತವನ್ನು ಸಂಜು ಸ್ಯಾಮ್ಸನ್​ ಅವರಿಂದ ಪರೀಕ್ಷಿಸಿಕೊಂಡರು. ಈ ವೇಳೆ ಕೊಹ್ಲಿ ಮುಖದಲ್ಲಿ ಏನೋ ಒಂದು ರೀತಿ ದುಗುಡು ಕಾಣುತ್ತಿತ್ತು. ಸದ್ಯ ಈ ವಿಡಿಯೋ ಸೋಶಿಯಲ್ ಮೀಡಿಯಾದಲ್ಲಿ ಸಖತ್ ವೈರಲ್ ಆಗ್ತಿದ್ದು ಅವರ ಫ್ಯಾನ್ಸ್​ ಕಳವಳ ವ್ಯಕ್ತಪಡಿಸುತ್ತಿದ್ದಾರೆ. ಇನ್ನು 174 ರನ್​ಗಳ ಗುರಿ ಚೇಸ್ ಮಾಡಿದ ಆರ್​ಸಿಬಿ ಗೆಲುವು ಪಡೆಯಿತು. ಈ ಪಂದ್ಯದಲ್ಲಿ ಕೊಹ್ಲಿ ಅಜೇಯ 62 ರನ್​ ಗಳಿಸಿದ್ದರು.

His heartbeat must be running so fast after that double run in Jaipur heat that he had to ask Samson to check it.

Idolo is getting old. pic.twitter.com/ofMn9TLhAd

— #KesariChapter2 18th April (@mathakedarad) April 14, 2025

ವಿಶೇಷ ಸೂಚನೆ: ಕ್ರಿಕೆಟ್‌ನ ಸುದ್ದಿಗಳಿಗಾಗಿ ಪ್ರತಿದಿನ ಬೆಳಗ್ಗೆ 8.27ಕ್ಕೆ ನ್ಯೂಸ್‌ಫಸ್ಟ್‌ಚಾನೆಲ್​​ನಲ್ಲಿ ‘ರನ್ ಭೂಮಿ’ ವೀಕ್ಷಿಸಿ