ವಿರಾಟ್ ಎಂಟ್ರಿ ಆದರೆ ಯಾರಿಗೆ ಕೊಕ್.. ಈ ಸ್ಟೇಡಿಯಂನಲ್ಲಿ ಕೊಹ್ಲಿ ಪರ್ಫಾಮೆನ್ಸ್ ಹೇಗಿದೆ?

ಟೆಸ್ಟ್​​ ಕ್ರಿಕೆಟ್​ನಲ್ಲಿ ರನ್​ಗಳಿಕೆಗೆ ಪರದಾಡಿದ ವಿರಾಟ್​ ಕೊಹ್ಲಿ ಇದೀಗ ವೈಟ್​ಬಾಲ್​ ಸವಾಲಿಗೆ ರೆಡಿಯಾಗಿದ್ದಾರೆ. ನಾಗ್ಪುರದಲ್ಲಿ ಇಂಜುರಿ ಕಾರಣಕ್ಕೆ ಮೊದಲ ಪಂದ್ಯದಿಂದ ದೂರ ಉಳಿದಿದ್ದ ಕೊಹ್ಲಿ, ಈಗ 2ನೇ ಪಂದ್ಯದಲ್ಲಿ ಆಂಗ್ಲರ ಬೇಟೆಗೆ ಸಜ್ಜಾಗಿದ್ದಾರೆ. ಆದ್ರೆ, ಕೊಹ್ಲಿ ಪಾಲಿಗೆ ಕಟಕ್​​ ಕಂಟಕವಾಗಿದೆ.

ಇಂಡೋ, ಇಂಗ್ಲೆಂಡ್ 2ನೇ ಏಕದಿನ ಪಂದ್ಯಕ್ಕೆ ಕೌಂಟ್​ಡೌನ್ ಶುರುವಾಗಿದೆ. ಉಭಯ ತಂಡಗಳ ಹೈವೋಲ್ಟೇಜ್ ಫೈಟ್​​ಗೆ ಕಟಕ್​ನ ಬಾರಾಬತಿ ಸ್ಟೇಡಿಯಂ ಸಾಕ್ಷಿಯಾಗ್ತಿದೆ. ಮೊದಲ ಪಂದ್ಯದಲ್ಲಿ ದಿಗ್ವಿಜಯ ಸಾಧಿಸಿರೋ ಟೀಮ್​ ಇಂಡಿಯಾ, ಇವತ್ತಿನ ಪಂದ್ಯ ಗೆದ್ದು ಸರಣಿ ವಶಪಡಿಸಿಕೊಳ್ಳುವ ಲೆಕ್ಕಾಚಾರದಲ್ಲಿದೆ. ಆದ್ರೆ, ನಾಗ್ಪುರ ಪಂದ್ಯ ಸೋತಿರುವ ಇಂಗ್ಲೆಂಡ್, ಇವತ್ತಿನ ಪಂದ್ಯ ಗೆದ್ದು ಸರಣಿ ಜೀವಂತವಾಗಿಸಿಕೊಳ್ಳುವ ಹಠದಲ್ಲಿದೆ. ಈ ನಡುವೆ ಟೀಮ್ ಇಂಡಿಯಾ ಕ್ಯಾಂಪ್​ನಲ್ಲಿ ಸಂತಸ ಮನೆ ಮಾಡಿದೆ. ಇದಕ್ಕೆ ಕಾರಣ ವಿರಾಟ್ ಕೊಹ್ಲಿ..

ವಿಶ್ವ ಸಾಮ್ರಾಟ ವಿರಾಟ್​​​​ ಕೊಹ್ಲಿ ಪಾಲಿಗೆ ಕಟಕ್​ ಕಂಟಕ..!

ಮೊಣಕಾಲಿನ ನೋವಿನ ಕಾರಣಕ್ಕೆ ನಾಗ್ಪುರ ಪಂದ್ಯಕ್ಕೆ ಅಲಭ್ಯರಾಗಿದ್ದ ವಿರಾಟ್, ಈಗ ಸಂಪೂರ್ಣ ಫಿಟ್​ ಆಗಿದ್ದಾರೆ. ಇವತ್ತಿನ ಕಟಕ್​​ ಕದನದಲ್ಲಿ ಕಣಕ್ಕಿಳಿಯಲು ಸಜ್ಜಾಗಿದ್ದಾರೆ. ಇದು ಸಹಜವಾಗೇ ಟೀಮ್ ಇಂಡಿಯಾ ಬಲ ಹೆಚ್ಚಿಸಿದೆ. ಅಷ್ಟೇ ಅಲ್ಲ, ಸತತ ವೈಫಲ್ಯದಿಂದ ಬಳಲುತ್ತಿರುವ ಕೊಹ್ಲಿ​, ಕಟಕ್​ ಬ್ಯಾಟಲ್​ನಲ್ಲಿ ಬೊಬ್ಬೆರೆಯಲು ಸರ್ವ ಸನ್ನದ್ಧರಾಗಿದ್ದಾರೆ. ಹೀಗಾಗಿ ಏಕದಿನ ಫಾರ್ಮೆಟ್​​ನಲ್ಲಿ ಕಿಂಗ್​​ ಕಮ್​ಬ್ಯಾಕ್​ ಮಾಡ್ತಾರಾ ಅನ್ನೋ ಕುತೂಹಲ ಅಭಿಮಾನಿಗಳನ್ನ ಕಾಡ್ತಿದೆ.

ಕಳಪೆ ಫಾರ್ಮ್​ ಸುಳಿಗೆ ಸಿಲುಕಿರುವ ಕೊಹ್ಲಿ, ಮಹತ್ವದ ಚಾಂಪಿಯನ್ಸ್​​ ಟ್ರೋಫಿ ಚಾಲೆಂಜ್​ಗೂ ಮುನ್ನ ಫಾರ್ಮ್​ಗೆ ಮರಳೋ ಲೆಕ್ಕಾಚಾರದಲ್ಲಿದ್ದಾರೆ. ಆದ್ರೆ, ವಿರಾಟ್​ ಕೊಹ್ಲಿ ಪಾಲಿಗೆ ಕಟಕ್​ನ ಬರಮತಿ ಮೈದಾನವೇ ಕಂಟಕವಾಗಿದೆ.

50 ಏಕದಿನ ಶತಕಗಳ ಸರದಾರ ಕಟಕ್​​ನಲ್ಲಿ ಜೀರೋ..!

ಕೊಹ್ಲಿ.. ಏಕದಿನ ಕ್ರಿಕೆಟ್​ನ ಲೆಜೆಂಡ್ ಅನ್ನೋದ್ರಲ್ಲಿ ನೋ ಡೌಟ್. ಇದಕ್ಕೆ ಸಾಕ್ಷಿ ಏಕದಿನ ಫಾರ್ಮೆಟ್​ನಲ್ಲಿ ಕೊಹ್ಲಿ ಸಿಡಿಸಿದ 50 ಶತಕಗಳು. ಆದ್ರೆ, ಈ ಮಾಡ್ರನ್ ಡೇ ಲೆಜೆಂಡ್ ಪಾಲಿಗೆ ಕಟಕ್​ನ ಬಾರಾಬತಿ ಸ್ಟೇಡಿಯಂ ಎಚ್ಚರಿಕೆಯ ಕರೆಗಂಟೆಯಾಗಿದೆ. ಇದಕ್ಕೆ ಕಾರಣ ಕಟಕ್​​ನಲ್ಲಿ ಗಳಿಸಿರುವ ರನ್.

ಭಾರತದ ಪ್ರತಿ ಸ್ಟೇಡಿಯಂನಲ್ಲಿ ವಿರಾಟ ರೂಪ ಪ್ರದರ್ಶಿಸಿರುವ ಕೊಹ್ಲಿ, ಕಟಕ್​ನ ಬಾರಾಬತಿ ಸ್ಟೇಡಿಯಂನಲ್ಲಿ ಫುಲ್ ಸೈಲೆಂಟ್ ಆಗಿದ್ದಾರೆ. ಇಂಟ್ರೆಸ್ಟಿಂಗ್ ಅಂದ್ರೆ, ಈ ಸ್ಟೇಡಿಯಂನಲ್ಲಿ ಒಂದೇ ಒಂದು ಶತಕ ವಿರಾಟ್​ ಕೊಹ್ಲಿಯಿಂದ ಮೂಡಿ ಬಂದಿಲ್ಲ.

ಕಟಕ್​ನಲ್ಲಿ ವಿರಾಟ್ ಬ್ಯಾಟಿಂಗ್

ಕಟಕ್‌ನ ಬಾರಾಬತಿಯಲ್ಲಿ 4 ಪಂದ್ಯಗಳನ್ನಾಡಿರುವ ವಿರಾಟ್​, 118 ರನ್​ ಗಳಿಸಿದ್ದಾರೆ. 29.5ರ ಬ್ಯಾಟಿಂಗ್ ಅವರೇಜ್​ನಲ್ಲಿ ರನ್​ ದಾಖಲಿಸಿರುವ ವಿರಾಟ್, 85 ರನ್​ ಮಾತ್ರ ​ಗಳಿಸಿದ್ದಾರೆ. 104ರ ಬ್ಯಾಟಿಂಗ್ ಸ್ಟ್ರೈಕ್​ರೇಟ್ ಹೊಂದಿದ್ದಾರೆ. ಹೀಗಾಗಿ ಕಟಕ್​ನಲ್ಲಿ ಕಳಪೆ ಆಟವಾಡಿರುವ ಕೊಹ್ಲಿಗೆ ಎಚ್ಚರಿಕೆಯ ಕರೆ ಗಂಟೆಯಾಗಿದೆ.

ಇದನ್ನೂ ಓದಿ: ರೈತರೇ ಹುಷಾರ್​!!.. ನಿಮ್ಮ ಜಾನುವಾರು ಖದೀಯಲು ಕಾರಿನಲ್ಲಿ ಬರ್ತಾರೆ ಖದೀಮರು

ಕಟಕ್​ನಲ್ಲಿ ಇಂಗ್ಲೆಂಡ್​ಗೆ ಆಗ್ತಾರಾ ಕೊಹ್ಲಿ ಕಂಟಕ..?

ಹೋಮ್ ಕಂಡೀಷನ್ಸ್​ನಲ್ಲಿ ವಿರಾಟ್, ಇಂಗ್ಲೆಂಡ್ ಎದುರು ಅದ್ಬುತ ಟ್ರ್ಯಾಕ್ ರೆಕಾರ್ಡ್ ಹೊಂದಿದ್ದಾರೆ. 18 ಪಂದ್ಯಗಳಿಂದ 747 ರನ್ ಗಳಿಸಿರುವ ವಿರಾಟ್, 49.8ರ ಬ್ಯಾಟಿಂಗ್ ಅವರೇಜ್​ನಲ್ಲಿ 5 ಅರ್ಧಶತಕ, 2 ಶತಕ ಸಿಡಿಸಿದ್ದಾರೆ. ಆದ್ರೆ, ಇದೇ ಸ್ಟೇಡಿಯಂನಲ್ಲಿ ಹಿಂದೆ ಇಂಗ್ಲೆಂಡ್ ಎದುರು ವಿಫಲವಾಗಿರುವ ವಿರಾಟ್, ಚಾಂಪಿಯನ್ಸ್​ ಟ್ರೋಫಿಗೂ ಮುನ್ನ ಸಿಡಿದೇಳಬೇಕಾದ ಒತ್ತಡದಲ್ಲಿದ್ದಾರೆ. ಹೀಗಾಗಿ ಇವತ್ತು ಕಟಕ್​ನಲ್ಲಿ ಇಂಗ್ಲೆಂಡ್ ಪಾಲಿಗೆ ಕಂಟಕವಾಗಬೇಕು. ಇಲ್ಲ ವಿರಾಟ್, ಭವಿಷ್ಯಕ್ಕೆ ಕಂಟಕವಾಗೋದು ಗ್ಯಾರಂಟಿ.

ಇದನ್ನೂ ಓದಿ: ಪಾಕ್ ವಿರುದ್ಧ ಫೀಲ್ಡಿಂಗ್, ಕನ್ನಡಿಗನ ತಲೆಯಿಂದ ಸುರಿದ ರಕ್ತ.. ರಚಿನ್​ ರವೀಂದ್ರಗೆ ಅಸಲಿಗೆ ಏನಾಯಿತು?

8 ತಿಂಗಳ ಬಳಿಕ ವೈಟ್​ಬಾಲ್ ಫಾರ್ಮೆಟ್​ಗೆ ಮರಳ್ತಿರುವ ವಿರಾಟ್, ಕಟಕ್​ನಲ್ಲಿ ಕಿಂಗ್ ಆಗಿ ಮರೆಯೋ ಲೆಕ್ಕಾಚಾರದಲ್ಲಿದ್ದಾರೆ. ಆದ್ರೆ, ಅಂಕಿಅಂಶಗಳೂ ಮಾತ್ರ ಬೇರೆಯದ್ದೇ ಹೇಳ್ತಿದೆ. ಹೀಗಾಗಿ ಚಾಂಪಿಯನ್ಸ್​ ಟ್ರೋಫಿಗೂ ಮುನ್ನ ವಿರಾಟ್, ವೀರಾವೇಶ ಪ್ರದರ್ಶಿಸುವುದು ಬಹು ಮುಖ್ಯವಾಗಿದ್ದು, ಇದಕ್ಕೆ ಹೇಗೆ ಉತ್ತರ ನೀಡ್ತಾರೆ ಅನ್ನೋದು ಜಸ್ಟ್​ ವೇಯ್ಟ್​ ಆ್ಯಂಡ್ ಸೀ.

ವಿಶೇಷ ಸೂಚನೆ: ಕ್ರಿಕೆಟ್‌ನ ಸುದ್ದಿಗಳಿಗಾಗಿ ಪ್ರತಿದಿನ ಬೆಳಗ್ಗೆ 8.27ಕ್ಕೆ ನ್ಯೂಸ್‌ಫಸ್ಟ್‌ಚಾನೆಲ್​​ನಲ್ಲಿ ‘ರನ್ ಭೂಮಿ’ ವೀಕ್ಷಿಸಿ