KL ರಾಹುಲ್ ‘ಕಾಂತಾರ’ ಸೆಲೆಬ್ರೇಷನ್​ಗೆ ಕೊಹ್ಲಿ ರಿಯಾಕ್ಷನ್ ಏನು? ವಿರಾಟ್ ರಿವೇಂಜ್‌ ಪ್ಲಾನ್ ಏನು?

ಡೆಲ್ಲಿ ವರ್ಸಸ್ RCB ರಿವೇಂಜ್ ಫೈಟ್​ಗೆ ಕೌಂಟ್​​ಡೌನ್​ ಶುರುವಾಗಿದೆ. ಇದು ಡೆಲ್ಲಿ ವರ್ಸಸ್ ಆರ್​ಸಿಬಿಯ ರಿವೇಂಜ್ ಫೈಟ್ ಅನ್ನೋದಕ್ಕಿಂತ ಹೆಚ್ಚಾಗಿ ಕಿಂಗ್ ಕೊಹ್ಲಿಯ ರಿವೇಂಜ್​​ ಫೈಟ್​ ಅನ್ನೋದು ಸೂಕ್ತ.

ದಿನಾಂಕ : ಏಪ್ರಿಲ್ 10, 2025
ಡೆಲ್ಲಿ V/S ಆರ್​ಸಿಬಿ ದಂಗಲ್!

ಏಪ್ರಿಲ್ 10, 2025.. ಚಿನ್ನಸ್ವಾಮಿಯ ದಂಗಲ್​ನಲ್ಲಿ ರಾಯಲ್ ಚಾಲೆಂಜರ್ಸ್ ಬೆಂಗಳೂರು, ಡೆಲ್ಲಿ ಕ್ಯಾಪಿಟಲ್ಸ್ ಮುಖಾಮುಖಿಯಾಗಿತ್ತು. ಈ ಹೈವೋಲ್ಟೇಜ್​ ಮ್ಯಾಚ್​ನಲ್ಲಿ ಕನ್ನಡಿಗ ಕೆ.ಎಲ್ ರಾಹುಲ್ ಅಬ್ಬರಕ್ಕೆ ರಾಯಲ್ ಚಾಲೆಂಜರ್ಸ್ ಬೆಂಗಳೂರು ಚಿಂದಿಯಾಗಿತ್ತು.

ಚಿನ್ನಸ್ವಾಮಿಯ ಮೂಲೆ ಮೂಲೆಗೂ ಚೆಂಡಿನ ದರ್ಶನ ಮಾಡಿಸಿದ್ದ ಕೆ.ಎಲ್ ರಾಹುಲ್​, 53 ಎಸೆತಗಳಲ್ಲಿ 7 ಬೌಂಡರಿ, 6 ಸಿಕ್ಸರ್​ ಒಳಗೊಂಡ ಅಜೇಯ 93 ರನ್‌ಗಳಿಸಿದ್ದರು. ಸಿಕ್ಸರ್​ನೊಂದಿಗೆ ಗೆಲುವಿನ ದಡ ಸೇರಿಸಿದ್ದ ಕೆ.ಎಲ್ ರಾಹುಲ್, ತಮ್ಮ ಬ್ಯಾಟ್​ನಿಂದ ವೃತ್ತಾಕಾರ ಬರೆದು, ಇದು ನನ್ನ ನೆಲ, ನನ್ನ ತವರು ಎಂಬ ಸಂದೇಶ ಸಾರಿದ್ದರು.

ಇದನ್ನೂ ಓದಿ: ವಿರಾಟ್​ ಕೊಹ್ಲಿ V/S ಕೆ.ಎಲ್‌ ರಾಹುಲ್ ಸಮರ; ಇವತ್ತಿನ RCB ಟಾರ್ಗೆಟ್ ಪ್ಲೇ ಆಫ್​ ಅಲ್ಲವೇ ಅಲ್ಲ! 

ಅಷ್ಟೇ ಅಲ್ಲ.. ಕನ್ನಡಿಗ ಕೆ.ಎಲ್ ರಾಹುಲ್ ಸಂಭ್ರಮ ಆರ್​ಸಿಬಿ ಅಭಿಮಾನಿಗಳನ್ನ ಕೆರಳಿಸಿತ್ತು. ಆದ್ರೀಗ ಇದೇ ಇವತ್ತಿನ ಹಾಟ್ ಟಾಫಿಕ್ ಆಗಿದೆ. ಇದಕ್ಕೆ ಕಾರಣ ಮತ್ತೊಮ್ಮೆ ದೆಹಲಿಯಲ್ಲಿ ರಾಯಲ್ ಚಾಲೆಂಜರ್ಸ್ ಬೆಂಗಳೂರು ಹಾಗೂ ಡೆಲ್ಲಿ ಕ್ಯಾಪಿಟಲ್ಸ್ ಬ್ಯಾಟಲ್​.

ಶ್ರೇಯಸ್​​ ಅಯ್ಯರ್​ಗೆ ಪಂಜಾಬ್​ನಲ್ಲೇ ವಿರಾಟ್​​ ತಿರುಗೇಟು..!
ಮೊದಲು ಬೆಂಗಳೂರಿಗೆ ಆಗಮಿಸಿದ್ದ ಪಂಜಾಬ್, ಆರ್​ಸಿಬಿ ಎದುರು ಗೆದ್ದು ಬೀಗಿತ್ತು. ಅಷ್ಟೇ ಅಲ್ಲ. ಈ ಖುಷಿಯಲ್ಲಿ ಶ್ರೇಯಸ್ ಅಯ್ಯರ್ ಅಗ್ರೆಸ್ಸಿವ್ ಸೆಲಬ್ರೇಷನ್ ಮಾಡಿದ್ದರು. ಇದಕ್ಕೆ ವಿರಾಟ್​ ಕೊಹ್ಲಿ, ಪಂಜಾಬ್ ಕಿಂಗ್ಸ್ ವಿರುದ್ಧದ ರಿವೇಂಜ್ ಫೈಟ್​ನಲ್ಲಿ ಟಕ್ಕರ್ ನೀಡಿದ್ದರು. ಬೆಂಗಳೂರಿನಲ್ಲಿ ಶ್ರೇಯಸ್​​ ಅಯ್ಯರ್​ ನಡೆದುಕೊಂಡಿದನ್ನ ಅವರದ್ದೇ ನೆಲದಲ್ಲಿ ನೆನಪಿಸಿ, ಉತ್ತರಿಸಿದ್ದರು.

ಶ್ರೇಯಸ್​ ಆಯ್ತು.. ಈಗ ಕೊಹ್ಲಿ ಟಾರ್ಗೆಟ್​ ಕೆ.ಎಲ್.ರಾಹುಲ್​..!
ಆನ್​ಫೀಲ್ಡ್​ನಲ್ಲಿ ಕೊಹ್ಲಿಯನ್ನ ಕೆಣಕಿ ಉಳಿದವರಿಲ್ಲ. ಮಾತಿಗೆ ಮಾತು.. ಏಟಿಗೆ ಎದಿರೇಟು ನೀಡೋದ್ರಲ್ಲಿ ಮುಂದಿರುವ ವಿರಾಟ್​, ಶ್ರೇಯಸ್ ಅಯ್ಯರ್​ ಆ್ಯಕ್ಷನ್​​ಗೆ ರಿಯಾಕ್ಷನ್ ತೋರಿಸಿಕೊಟ್ಟಿದ್ದಾರೆ. ಆದ್ರೀಗ ಇದೇ ಕೊಹ್ಲಿ, ದೆಹಲಿಯ ಅರುಣ್ ಜೇಟ್ಲಿ ಸ್ಟೇಡಿಯಂನಲ್ಲಿ ಬಡ್ಡಿ ಸಮೇತ ರಾಹುಲ್​​ಗೆ ವಾಪಸ್ ನೀಡೋ ಲೆಕ್ಕಾಚಾರದಲ್ಲಿದ್ದಾರೆ. ಇನ್​ಫ್ಯಾಕ್ಟ್​_ ಫ್ಯಾನ್ಸ್​ ಮಾತ್ರವೇ ಅಲ್ಲ. ಟೀಮ್ ಇಂಡಿಯಾ ಮಾಜಿ ಕ್ರಿಕೆಟಿಗ ವರುಣ್ ಆರೋನ್​ ಕೂಡ ಇವತ್ತು ಇದನ್ನೇ ಎಕ್ಸ್​ಪೆಟ್​ ಮಾಡ್ತಿದ್ದಾರೆ.

ಕೊಹ್ಲಿಯದ್ದೇ ಕಿಂಗ್​ಡಮ್​.. ರೀ ಕ್ರಿಯೇಟ್ ಮಾಡ್ತಾರಾ ವಿರಾಟ್​..?
ಸದ್ಯ ರೆಡ್ ಹಾಟ್ ಫಾರ್ಮ್​ನಲ್ಲಿರುವ ವಿರಾಟ್​, ಇವತ್ತು ತಾನು ಹುಟ್ಟಿ ಬೆಳದ ಅರುಣ್​ ಜೆಟ್ಲಿ ಸ್ಟೇಡಿಯಂನಲ್ಲೇ ರಿವೇಂಜ್ ಫೈಟ್​ಗೆ ಇಳಿಯುತ್ತಿದ್ದಾರೆ. ಕಳೆದ ಪಂದ್ಯದಲ್ಲಿ ಡೆಲ್ಲಿ ಕ್ಯಾಪಿಟಲ್ಸ್ ಎದುರು ವಿಫಲರಾಗಿದ್ದ ವಿರಾಟ್, ಡೆಲ್ಲಿ ಕ್ಯಾಪಿಟಲ್ಸ್​ ತಂಡದ ಎದುರು ಅಬ್ಬರಿಸಿದರು ಅಚ್ಚರಿ ಇಲ್ಲ. ಅಷ್ಟೇ ಅಲ್ಲ.. ಕೆ.ಎಲ್ ರಾಹುಲ್​, ಸೆಲೆಬ್ರೇಷನ್​​​​​​​​​​​​​​​​​​​​​ನಂತೆಯೇ ಇದು ನನ್​​ ಗ್ರೌಂಡ್, ಇದಕ್ಕೆ ನಾನೇ ಕಿಂಗ್ ಎಂಬ ಪ್ರತ್ಯುತ್ತರ ನೀಡುವ ಬಗ್ಗೆಯೂ ಡೌಟೇ ಇಲ್ಲ. ಯಾಕಂದ್ರೆ, ಕೊಹ್ಲಿ ಕೊಟ್ಟಿದ್ದನ್ನು ಯಾವುದು ಇಟ್ಕೊಳ್ಳಲ್ಲ.

ಕೆಣಕಿದಷ್ಟು ಜ್ವಾಲೆಯಾಗಿ ಉರಿಯುವ ವಿರಾಟ್, ಇವತ್ತು ಕೆ.ಎಲ್.ರಾಹುಲ್​​​​​ ಆ್ಯಕ್ಷನ್​ಗೆ ರಿಯಾಕ್ಷನ್ ಬಡ್ಡಿ ಸಮೇತ ವಾಪಸ್ ನೀಡ್ತಾರಾ. ಕಾದು ನೋಡಬೇಕು.

ವಿಶೇಷ ಸೂಚನೆ: ಕ್ರಿಕೆಟ್‌ನ ಸುದ್ದಿಗಳಿಗಾಗಿ ಪ್ರತಿದಿನ ಬೆಳಗ್ಗೆ 8.30ಕ್ಕೆ ನ್ಯೂಸ್‌ ಫಸ್ಟ್‌ ಚಾನೆಲ್​​ನಲ್ಲಿ ‘ರನ್ ಭೂಮಿ’ ವೀಕ್ಷಿಸಿ