ಕೊಹ್ಲಿ ರೆಸ್ಟೋರೆಂಟ್​​ಗೆ BBMP ಶಾಕ್; ಡೆಮಾಲಿಷ್ ಆಗುತ್ತಾ ಬಿಲ್ಡಿಂಗ್? ಕಮಿಷನರ್ ಹೇಳಿದ್ದೇನು?

ಒನ್ 8 ಕಮುನೆ (One8 commune) ಎನ್ನುವ ಬಾರ್ ಅಂಡ್ ರೆಸ್ಟೋರೆಂಟ್ ದೇಶದದ್ಯಾಂತ ಇವೆ. ಇವೆಲ್ಲಾ ಸ್ಟಾರ್ ಕ್ರಿಕೆಟರ್​ ವಿರಾಟ್ ಕೊಹ್ಲಿಯ ಸಹಮಾಲೀಕತ್ವದಲ್ಲಿ ನಡೆಯುತ್ತಿವೆ. ಕ್ರಿಕೆಟ್ ಜೊತೆಗೆ ಕೊಹ್ಲಿ ಹೋಟೆಲ್ ಬ್ಯುಸಿನೆಸ್​ ಮಾಡ್ತಿದ್ದಾರೆ. ಅಂತೆಯೇ ಬೆಂಗಳೂರಲ್ಲೂ ಒಂದು ಬ್ರ್ಯಾಂಚ್ ಹೊಂದಿದೆ. ಸದ್ಯ ಇದಕ್ಕೆ ಬೃಹತ್ ಬೆಂಗಳೂರು ಮಹಾನಗರ ಪಾಲಿಕೆ (ಬಿಬಿಎಂಪಿ) ನೋಟಿಸ್ ನೀಡಿದೆ.

ಒನ್ 8 ಕಮುನೆ ಎನ್ನುವ ಬಾರ್ ಅಂಡ್ ರೆಸ್ಟೋರೆಂಟ್ ಯಾವುದೇ ಪ್ರಮಾಣ ಪತ್ರಗಳನ್ನು ಪಡೆಯದೇ ನಡೆಸುತ್ತಿರುವ ಕಾರಣ ಬಿಬಿಎಂಪಿ ನೋಟಿಸ್ ನೀಡಿದೆ. ನೋಟಿಸ್ ತಲುಪಿದ 7 ದಿನಗಳ ಒಳಗೆ ಪ್ರತ್ಯುತ್ತರ ನೀಡದಿದ್ದಲ್ಲಿ ಕ್ರಮ ಕೈಗೊಳ್ಳಲಾಗುವುದು ಎಂದು ಬಿಬಿಎಂಪಿ ಖಡಕ್ ಆಗಿ ಹೇಳಿದೆ.

ಬಿಬಿಎಂಪಿ ಕಮಿಷನರ್ ಹೇಳ್ತಿರೋದು ಏನು..?

ನಾವು ಯಾರು ಮಾಲೀಕರಿದ್ದಾರೆ? ಕಟ್ಟಡದ ಯಜಮಾನ ಯಾರು ಅಂತಾ ನೋಡಲ್ಲ. ನಿಯಮ ಉಲ್ಲಂಘನೆ ಎಲ್ಲಿ ಆಗಿದೆ ಎಂದಷ್ಟೇ ನೋಡ್ತೇವೆ. ಟ್ರೇಡ್​ ಲೈಸೆನ್ಸ್ ಯಾರು ಹೆಸರು ಇರುತ್ತದೆಯೋ ಅವರಿಗೆ ನೋಟಿಸ್ ನೀಡುತ್ತೇವೆ ಎಂದು ಬಿಬಿಎಂಪಿ ಕಮಿಷನರ್ ತುಷಾರ್ ಗಿರಿನಾಥ್ ಎಚ್ಚರಿಕೆ ನೀಡಿದ್ದಾರೆ.

ಇದನ್ನೂ ಓದಿ:ವಿರಾಟ್​ ಕೊಹ್ಲಿ ಮಾಲಿಕತ್ವದ ರೆಸ್ಟೋರೆಂಟ್​ಗೆ ನಕ್ಷೆ, ಲೈಸೆನ್ಸ್ ಏನೂ ಇಲ್ಲ.. BBMP ನೋಟಿಸ್

ಮಹತ್ವಗಾಂಧಿ ರಸ್ತೆ ಬಳಿ ಒಂದು ಬಿಲ್ಡಿಂಗ್ ಇದೆ. ಅದರ ಮೇಲೆ ಒಂದು ರೆಸ್ಟೋರೆಂಟ್ ನಡೆಯುತ್ತಿದೆ. ಅದರಲ್ಲಿ ಬಿಲ್ಡಿಂಗ್ ವೈಲೇಸನ್​​ ಪಿಒಸಿ ಇಶ್ಯು ಆಗಿದೆ. ಅದು ರಿಸನಲ್ ಆರ್ಡರ್ ಆಗಿ ಫೈನಲ್ ಆರ್ಡರ್ ಕೂಡ ಆಗಿದೆ. ಅವರೀಗ ನಮ್ಮ ಬಳಿ ಅಪೀಲ್​ಗೆ ಬಂದಿದ್ದಾರೆ. ಆ ಅಪೀಲ್​​ನಲ್ಲಿ ಸ್ಟೇ ಇದೆ ಎಂದು ತಿಳಿಸಿದ್ದಾರೆ. ಅದರ ಬಗ್ಗೆ ನಮಗೆ ಮಾಹಿತಿ ಇಲ್ಲ. ಒಂದು ವೇಳೆ ಅಪೀಲ್ ಇದ್ದರೆ, ಅದನ್ನು ನಾವು ಕಾನೂನು ಪ್ರಕಾರ ನಡೆದುಕೊಳ್ತೇವೆ. ಅಪೀಲ್​​ ಮೂಲಕವೇ ನಾವು ಆರ್ಡರ್ ಪಾಸ್ ಮಾಡುತ್ತೇವೆ. ಅಪೀಲ್ ಹಿಯರಿಂಗ್ ಆದಮೇಲೆ ನಾವು ಫೈನಲ್ ಆರ್ಡರ್ ನೀಡುತ್ತೇವೆ. ಅಪೀಲ್ ಡಿಸ್​ಮಿಸ್ ಆದರೆ ಬಿಲ್ಡಿಂಗ್ ಒಡೆಯಲು ಕ್ರಮ ತೆಗೆದುಕೊಳ್ತೇವೆ ಎಂದಿದ್ದಾರೆ.

ಆರೋಪ ಏನು..?
ಸಿಲಿಕಾನ್ ಸಿಟಿಯ ಪೂರ್ವ ವಲಯದ ಶಾಂತಿನಗರ ವಿಭಾಗದ ವಾರ್ಡ್ ಸಂಖ್ಯೆ 167ರ ಎಂ.ಜಿ ರಸ್ತೆಯ ರತ್ನಂ ಕಾಂಪ್ಲೆಕ್ಸ್​ನಲ್ಲಿ ವಿರಾಟ್ ಕೊಹ್ಲಿಯ ಒನ್ 8 ಕಮುನೆ ರೆಸ್ಟೋರೆಂಟ್ ಇದೆ. ಇದು ಅಗ್ನಿ ಶಾಮಕ ಇಲಾಖೆಯಿಂದ ನಕ್ಷೆ, ಪ್ರಮಾಣ ಪತ್ರ ಹಾಗೂ ಎನ್​ಒಸಿ, ಅನುಮತಿ ಪರವಾನಗಿ (ಲೈಸೆನ್ಸ್) ಪ್ರಮಾಣ ಪತ್ರಗಳನ್ನು ಪಡೆದಿಲ್ಲ. ಈ ಯಾವುದು ಪ್ರಮಾಣ ಪತ್ರ ಇಲ್ಲದೇ ವಿರಾಟ್ ಕೊಹ್ಲಿ ಸಹಮಾಲಿಕತ್ವದಲ್ಲಿ ರೆಸ್ಟೋರೆಂಟ್ ನಡೆಸಲಾಗುತ್ತಿದೆ.

ಇದನ್ನೂ ಓದಿ:ರಜತ್ ಪಾಟಿದಾರ್​ಗೆ RCB ಪಟ್ಟ..? ಕ್ಯಾಪ್ಟನ್ಸಿ ನೀಡಲು ಇದೆ 8 ಕಾರಣಗಳು..!

ಈ ಸಂಬಂಧ ಸಾಮಾಜಿಕ ಕಾರ್ಯಕರ್ತ ಹೆಚ್​.ಎಂ.ವೆಂಕಟೇಶ್ ಮತ್ತು ಕುಣಿಗಲ್ ನರಸಿಂಹ ಮೂರ್ತಿ ದೂರು ನೀಡಿದ್ದರು. 29 ನವೆಂಬರ್ 2024ರಂದು ತಿಳುವಳಿಕೆ ಪತ್ರ ನೀಡಿದ್ದರೂ ಯಾವುದೇ ಕ್ರಮದ ಬಗ್ಗೆ ಪ್ರತ್ಯುತ್ತರ ನೀಡಿರಲಿಲ್ಲ. ಇದರಿಂದ ಈಗ ನೀಡಲಾದ ನೋಟಿಸ್​ ತಲುಪಿದ 7 ದಿನಗಳ ಒಳಗೆ ಲಿಖಿತ ರೂಪದಲ್ಲಿ ಸಮಾಜಾಯಿಷಿ ನೀಡಬೇಕು ಎಂದು ಖಡಕ್ ಆಗಿ ಬಿಬಿಎಂಪಿ ಹೇಳಿದೆ. ಒಂದು ವೇಳೆ ಪ್ರತ್ಯುತ್ತರ ನೀಡದಿದ್ದಲ್ಲಿ ಕಾನೂನು ಕ್ರಮ ತೆಗೆದುಕೊಳ್ಳಲಾಗುತ್ತದೆ ಎಂದು ಹೇಳಲಾಗಿದೆ.

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ