ಹಿಂದೆ ಕೊರೊನಾ‌ ಬಂದವರಿಗೆ ಮತ್ತೆ ಬರುತ್ತಾ? 2 ಬೂಸ್ಟರ್​ ಡೋಸ್​ ಹಾಕಿಸಿಕೊಂಡವರು ಸೇಫಾ? VIDEO

ಬೆಂಗಳೂರು: ಕಳೆದ ಬಾರಿ ಕೊರೊನಾ ಬಂದು ನರಳಿದ್ದವರು. ಎರಡು ಬೂಸ್ಟರ್​ ಡೋಸ್​ ಹಾಕಿಸಿಕೊಂಡವರು ಡೆಡ್ಲಿ ವೈರಸ್​ ಕಣ್ಮರೆ ಆದ ನಂತರ ಕೂಲ್‌ ಆಗಿದ್ದರು. ಆದ್ರೆ ಈಗ ಮತ್ತೆ ಕೊರೊನಾ ಬಂದಿದೆ.

ಈ ಹಿಂದೆ ಕೊರೊನಾ ಪಾಸಿಟಿವ್ ಬಂದವರಲ್ಲೂ ಆತಂಕ ಹೆಚ್ಚಾಗ್ತಿದೆ. ಈ ಹಿಂದೆ ಕೊರೊನಾ‌ ಬಂದು ಹೋಗಿದೆ. ವ್ಯಾಕ್ಸಿನ್ ತೆಗೆದುಕೊಂಡು ಆಗಿದೆ. ಆದರೂ ಸಹ ಈ ವೈರಸ್ ಅಟ್ಯಾಕ್ ಮಾಡುತ್ತಾ? ಅನ್ನೋ ಪ್ರಶ್ನೆಗೆ ವೈರಾಣು ತಜ್ಞರು ಉತ್ತರ ಕೊಟ್ಟಿದ್ದಾರೆ.

ಸಾಮಾನ್ಯವಾಗಿ ಕೋವಿಡ್​ ತೀವ್ರತೆ 5% ಗೂ ಹೆಚ್ಚು ಪಾಸಿಟಿವಿಟಿ ರೇಟ್ ಏರಿಕೆ ಆದ್ರೆ ಡೇಂಜರ್ ಅಂತ ಹೇಳಲಾಗಿತ್ತು. ಆದರೆ ರಾಜ್ಯದಲ್ಲಿ ಕಳೆದ 24 ಗಂಟೆಯಲ್ಲಿ ಕೊರೊನಾ ಪಾಸಿಟಿವಿಟಿ ರೇಟ್ 19.35% ದಾಖಲಾಗಿದೆ. ಈ ಏರಿಕೆ ಜನರಲ್ಲಿ ಆತಂಕವನ್ನ ಇನ್ನಷ್ಟು ಹೆಚ್ಚು ಮಾಡಿದೆ. ಇದರಿಂದ ಯಾವುದೇ ಆತಂಕ ಪಡುವ ಅಗತ್ಯ ಇಲ್ಲ ಅನ್ನೋ ಭರವಸೆಯನ್ನ ವೈರಾಣು ತಜ್ಞರಾದ ಡಾ.ಚಂದ್ರಶೇಖರ್ ಕೊಡ್ತಿದ್ದಾರೆ.

ಈ ಹಿಂದೆ ಕೊರೊನಾ‌ ಪಾಸಿಟಿವ್ ಆದ 70%-80% ಜನರಿಗೆ ಮತ್ತೆ ಕೊರೊನಾ ಪಾಸಿಟಿವ್ ಬರೋದು ಡೌಟು ಎಂದು ಅಭಿಪ್ರಾಯ ಪಟ್ಟಿದ್ದಾರೆ. ಹಾಗಂತ ಜನ ನಿರ್ಲಕ್ಷ್ಯ ಮಾಡೋದು ಸರಿಯಲ್ಲ ಅಂತಲೂ ಹೇಳಿದ್ದಾರೆ.

ಇದನ್ನೂ ಓದಿ: ರಾಜ್ಯದಲ್ಲಿ ಕೊರೊನಾ ವೈರಸ್‌ 80ಕ್ಕೆ ಏರಿಕೆ.. ಯಾವ್ಯಾವ ಜಿಲ್ಲೆಗಳಲ್ಲಿ ಕೋವಿಡ್ ಕೇಸ್ ಪತ್ತೆ ಆಗಿವೆ? 

ಎರಡು ವ್ಯಾಕ್ಸಿನ್​ ತೆಗೆದುಕೊಂಡವರು ಎಷ್ಟು ಸೇಫ್​?
ಕಳೆದ ಬಾರಿ ಬಂದ ಕೋವಿಡ್​-19ಗೆ, ವ್ಯಾಕ್ಸಿನ್​ ಬ್ರಹ್ಮಾಸ್ತ್ರವಾಗಿ ಹುಟ್ಟಿಕೊಂಡಿತ್ತು. ಆದರೆ ಈಗ ಜನರಲ್ಲಿ ಇರುವ ಅನುಮಾನ ಏನಂದರೆ, ಆಗ ತೆಗೆದುಕೊಂಡ ಎರಡೂ ಬೂಸ್ಟರ್​ ಡೋಸ್​ ಈಗ ಬಂದ ಕೊರೊನ ವೈರಸ್ ಅ​ನ್ನ ತಡೆಗಟ್ಟುತ್ತಾ ಅನ್ನೋದು. ವ್ಯಾಕ್ಸಿನ್ ತಗೊಂಡವರಿಗೆ 70%ರಷ್ಟು ಈ ವೈರಸ್ ಅಟ್ಯಾಕ್ ಮಾಡಲ್ಲ ಎಂದೇ ತಜ್ಞರು ಹೇಳಿದ್ದಾರೆ.

ಒಂದು ವೇಳೆ ಈ ಹಿಂದೆ ಕೊರೊನಾ‌ ಬಂದವರಿಗೆ, ವ್ಯಾಕ್ಸಿನ್ ತಗೊಂಡ ಕೆಲವರಿಗೆ ಪಾಸಿಟಿವ್​ ಬಂದರೂ, ದೇಹದ ಮೇಲೆ ಅಷ್ಟೂ ಪರಿಣಾಮಕಾರಿಯಾಗಿ ಇರುವುದಿಲ್ಲ ಎಂದು ತಜ್ಞರು ಹೇಳಿದ್ದಾರೆ.

ಈಗ ಬಂದ ವೈರಸ್​​ಗೆ ಸ್ಪ್ರೆಡಿಂಗ್ ಕ್ಯಾಪಸಿಟಿ ಹೆಚ್ಚಿದೆ ಅಂತಲೂ ಹೇಳಲಾಗ್ತಿದೆ. ಆದರೇ ಈ ಹಿಂದೆ ಸ್ಪ್ರೆಡ್ ಆದಂತೆ ಈಗ ಆಗಲ್ಲ. ಈಗ ವ್ಯಾಕ್ಸಿನ್​ ಇರುವುದರಿಂದ ಒಬ್ಬರಿಗೆ ಇನ್ನೊಬ್ಬರಿಗೆ ಮೊದಲಿನಷ್ಟು ಸ್ಪ್ರೆಡ್ ಆಗಲ್ಲ. ಆದರೂ ಜನರು ನಿರ್ಲಕ್ಷ್ಯ ಮಾಡದೇ ಮಾಸ್ಕ್ ಹಾಕಿ ಓಡಾಡೋದು, ಅಗತ್ಯ ಮುನ್ನೆಚ್ಚರಿಕೆ ತೆಗೆದುಕೊಂಡು ಪಾಲಿಸಿದರೆ ಒಳ್ಳೆಯದು ಎಂದು ಡಾ.ಚಂದ್ರಶೇಖರ್ ಸಲಹೆ ಕೊಟ್ಟಿದ್ದಾರೆ.

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ