ಅಮೆರಿಕಾ ಅಧ್ಯಕ್ಷೀಯ ಚುನಾವಣೆಯಲ್ಲಿ ಪ್ರತಿಸ್ಪರ್ಧಿ ಆಗಿದ್ದ ವಿವೇಕ್

ಒಬಾಮಾ, ಬುಷ್ ಹಾದಿಯಲ್ಲಿ ಮತ್ತೆ ಡೊನಾಲ್ಡ್‌ ಟ್ರಂಪ್ ಗೆಲ್ಲುತ್ತಾರಾ?

ಅಯೋವಾ ಕಾಕಸ್‌ ಚುನಾವಣೆಯಲ್ಲಿ ಗೆದ್ದು ಬೀಗಿದ ಡೊನಾಲ್ಡ್ ಟ್ರಂಪ್

ವಾಷಿಂಗ್ಟನ್‌: ಇದೇ ವರ್ಷ ನಡೆಯುವ ಅಮೆರಿಕಾ ಅಧ್ಯಕ್ಷೀಯ ಚುನಾವಣೆ ಭಾರೀ ಕುತೂಹಲ ಕೆರಳಿಸಿದೆ. ಜೋ ಬೈಡನ್ ಬಳಿಕ ಪ್ರೆಸಿಡೆಂಟ್ ಪಟ್ಟ ಯಾರಿಗೆ ಒಲಿದು ಬರಲಿದೆ ಅನ್ನೋದು ಬಹಳ ಮುಖ್ಯವಾಗಿದೆ. ಈ ಕುತೂಹಲದ ಮಧ್ಯೆ ಭಾರತೀಯ ಮೂಲದ ವಿವೇಕ್ ರಾಮಸ್ವಾಮಿ ಅವರು ಅಮೆರಿಕಾ ಅಧ್ಯಕ್ಷೀಯ ಚುನಾವಣಾ ರೇಸ್‌ನಿಂದ ಹಿಂದೆ ಸರಿದು ಅಚ್ಚರಿ ಮೂಡಿಸಿದ್ದಾರೆ.

38 ವರ್ಷದ ವಿವೇಕ್ ರಾಮಸ್ವಾಮಿ ಅವರು ಈ ಬಾರಿಯ ಅಮೆರಿಕಾ ಅಧ್ಯಕ್ಷೀಯ ಚುನಾವಣೆಯಲ್ಲಿ ಪ್ರಬಲ ಪ್ರತಿಸ್ಪರ್ಧಿಯಾಗಿದ್ದರು. ಆದರೆ ರಿಪಬ್ಲಿಕನ್ ಪಕ್ಷದ ಪ್ರೈಮರಿ ಚುನಾವಣೆಯಿಂದ ಹಿಂದೆ ಸರಿಯುವ ಮೂಲಕ ಮಹತ್ವದ ನಿರ್ಧಾರ ಕೈಗೊಂಡಿದ್ದಾರೆ.

ಇದನ್ನೂ ಓದಿ: ಕರ್ನಾಟಕ ಮೂಲದ ಡಾ. ವಿವೇಕ್ ಮೂರ್ತಿಗೆ WHO ಜವಾಬ್ದಾರಿ ನೀಡಲು ಜೋ ಬೈಡನ್ ಶಿಫಾರಸು..!

2024ರ ಅಮೆರಿಕಾ ಅಧ್ಯಕ್ಷೀಯ ಚುನಾವಣೆ ಹಿನ್ನೆಲೆಯಲ್ಲಿ ಅಯೋವಾ ಕಾಕಸ್‌ನಲ್ಲಿ ಎಲೆಕ್ಷನ್ ನಡೆದಿದೆ. ಈ ಚುನಾವಣೆಯಲ್ಲಿ ಡೊನಾಲ್ಡ್ ಟ್ರಂಪ್‌ ಅವರು ಜಯಭೇರಿ ಬಾರಿಸಿದರು. ಅಯೋವಾ ಕಾಕಸ್ ಗೆದ್ದವರಿಗೆ ಅಮೆರಿಕಾ ಅಧ್ಯಕ್ಷೀಯ ಚುನಾವಣೆಯಲ್ಲಿ ಗೆಲ್ಲುವುದು ಮಹತ್ವದ್ದಾಗಿದೆ. 1972ರಿಂದ ಅಯೋವಾ ಕಾಕಸ್‌ನಲ್ಲಿ ಗೆದ್ದ ಒಬಾಮಾ ಹಾಗೂ ಜಾರ್ಜ್ ಬುಷ್ ಅವರು ಅಮೆರಿಕಾ ಅಧ್ಯಕ್ಷರಾಗಿ ಆಯ್ಕೆಯಾಗಿದ್ದಾರೆ. ಟ್ರಂಪ್‌ ಅವರ ಈ ಗೆಲುವಿನ ಹಿನ್ನೆಲೆಯಲ್ಲಿ ರಿಪಬ್ಲಿಕನ್ ಸ್ಪರ್ಧಿ ವಿವೇಕ್ ರಾಮಸ್ವಾಮಿ ಅವರು ಚುನಾವಣೆಯಿಂದ ಹಿಂದೆ ಸರಿಯು ನಿರ್ಧಾರ ಘೋಷಣೆ ಮಾಡಿದರು.

BREAKING: Vivek Ramaswamy drops out of Presidential race, endorses Trump’s candidacy. He could be Veep if Trump returns. pic.twitter.com/43g4SBMkJA

— Shiv Aroor (@ShivAroor) January 16, 2024

ಡೊನಾಲ್ಡ್ ಟ್ರಂಪ್‌ ಗೆಲುವನ್ನು ಸ್ವಾಗತಿಸಿರುವ ವಿವೇಕ್ ರಾಮಸ್ವಾಮಿ ಅವರು, ಸಕ್ಸಸ್ ಈಗ ಶುರುವಾಗಿದೆ. ಟ್ರಂಪ್ ಅವರ ಗೆಲುವನ್ನು ನಾನು ಅಭಿನಂದಿಸುತ್ತೇನೆ. ಅಮೆರಿಕಾ ಅಧ್ಯಕ್ಷೀಯ ಚುನಾವಣೆಯಲ್ಲಿ ಡೊನಾಲ್ಡ್ ಟ್ರಂಪ್ ಅವರನ್ನೇ ಬೆಂಬಲಿಸುವುದಾಗಿ ಘೋಷಣೆ ಮಾಡಿದ್ದಾರೆ. ಈ ನಿರ್ಧಾರದಿಂದ ಡೋನಾಲ್ಡ್ ಟ್ರಂಪ್ ಮುಂದೆ ಅಮೆರಿಕಾದ ಅಧ್ಯಕ್ಷರಾದರೇ ವಿವೇಕ್ ರಾಮಸ್ವಾಮಿ ಉಪಾಧ್ಯಕ್ಷರಾಗುವ ಸಾಧ್ಯತೆ ಇದೆ. ಅಮೆರಿಕಾದ ಓಹಿಯೋ ನಿವಾಸಿಯಾಗಿರುವ ವಿವೇಕ್ ರಾಮಸ್ವಾಮಿ ಅವರ ಪೋಷಕರು ಭಾರತದ ಕೇರಳದಲ್ಲಿ ನೆಲೆಸಿದ್ದಾರೆ.

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ