ಸುಂದರ್​, ಬುಮ್ರಾ, ಸಿರಾಜ್ ಅಬ್ಬರಕ್ಕೆ ಇಂಗ್ಲೆಂಡ್​​ ಬ್ಯಾಟರ್​ಗಳ ಪೆವಿಲಿಯನ್ ಪರೇಡ್.. 193 ಟಾರ್ಗೆಟ್​!

ಮೂರನೇ ಟೆಸ್ಟ್ ಪಂದ್ಯದ ಎರಡನೇ ಇನ್ನಿಂಗ್ಸ್​ನಲ್ಲಿ ಟೀಮ್ ಇಂಡಿಯಾದ ಮಾರಕ ಬೌಲಿಂಗ್ ದಾಳಿಗೆ ಇಂಗ್ಲೆಂಡ್ ತಂಡ ಅಲ್ಪ ಮೊತ್ತಕ್ಕೆ ಕುಸಿದಿದೆ. ಇನ್ನಿಂಗ್ಸ್​ನಲ್ಲಿ ಆಂಗ್ಲದ ಯಾವೊಬ್ಬ ಬ್ಯಾಟರ್​ ಕೂಡ 40 ರನ್​ಗಳ ಗಡಿ ದಾಟಲೇ ಇಲ್ಲ. ಹೀಗಾಗಿ 62.1 ಓವರ್​ಗಳಲ್ಲಿ 192 ರನ್​ಗೆ ಆಲೌಟ್ ಆಗಿದೆ.

ಲಂಡನ್​​ನ ಲಾರ್ಡ್ಸ್​​ನ ಮೈದಾನದಲ್ಲಿ ನಡೆಯುತ್ತಿರುವ ಮೂರನೇ ಟೆಸ್ಟ್ ಪಂದ್ಯದಲ್ಲಿ ಇಂಗ್ಲೆಂಡ್​ ತಂಡ ಟಾಸ್ ಗೆದ್ದು ಬ್ಯಾಟಿಂಗ್ ಮಾಡಿತ್ತು. ಮೊದಲ ಇನ್ನಿಂಗ್ಸ್​ನಲ್ಲಿ ಬ್ಯಾಟಿಂಗ್ ಮಾಡಿದ್ದ ಆಂಗ್ಲ ಪಡೆ 387 ರನ್​ಗಳಿಗೆ ಆಲೌಟ್​ ಆಗಿತ್ತು. ಇದರ ಬೆನ್ನಲ್ಲೇ ಬ್ಯಾಟಿಂಗ್ ಮಾಡಿದ್ದ ಟೀಮ್ ಇಂಡಿಯಾ ಕೆ.ಎಲ್ ರಾಹುಲ್ ಅವರ ಅದ್ಭುತವಾದ ಶತಕದಿಂದ 387 ರನ್​ಗೆ ಆಲೌಟ್​ ಆಗಿತ್ತು. ಇದರಿಂದ ಮೊದಲ ಇನ್ನಿಂಗ್ಸ್​ ಟೈ ಎಂದೇ ಹೇಳಬಹುದು.

ಇದನ್ನೂ ಓದಿ: ಜೀವ ಕಸಿದ ಹೃದಯ.. ಹಾರ್ಟ್​ ಅಟ್ಯಾಕ್​​ನಿಂದ ಬೆಂಗಳೂರಿನ ಯುವಕ ಚಿಕ್ಕಮಗಳೂರಲ್ಲಿ ನಿಧನ

ಭಾರತದ ಪರ ಬೌಲಿಂಗ್​ನಲ್ಲಿ ಮಾರಕ ದಾಳಿ ಮಾಡಿದ ಆಲ್​ರೌಂಡರ್​ ವಾಷಿಂಗ್ಟನ್​ ಸುಂದರ್​ ಆಂಗ್ಲ ಬ್ಯಾಟರ್​ಗಳನ್ನ ಬೇಟೆಯಾಡಿದರು. ಕಳೆದ ಇನ್ನಿಂಗ್ಸ್​ನಲ್ಲಿ 5 ವಿಕೆಟ್​ಗಳ ಗೊಂಚಲು ಪಡೆದಿದ್ದ ಯಾರ್ಕರ್​ ಸ್ಪೆಷಲಿಸ್ಟ್ ಬುಮ್ರಾ ಅವರು ಈ ಇನ್ನಿಂಗ್ಸ್​ನಲ್ಲಿ ಕೇವಲ ಎರಡು ವಿಕೆಟ್​ ಕಬಳಿಸಿದರು. ಇನ್ನೊಂದೆಡೆ ಎಂದಿನಂತೆ ತಮ್ಮ ಸಾಮರ್ಥ್ಯ ತೋರಿದ ಮೊಹಮ್ಮದ್ ಸಿರಾಜ್ 2 ವಿಕೆಟ್​ ಪಡೆದು ಸಂಭ್ರಮಿಸಿದರು. ಇನ್ನು ವಾಷಿಂಗ್ಟನ್ ಸುಂದರ್​ 4 ವಿಕೆಟ್​ ಕಬಳಿಸಿ ಇಂಗ್ಲೆಂಡ್​ಗೆ ಬಿಗ್ ಬ್ರೇಕ್​ ಹಾಕಿದರು.

ಸದ್ಯ ಟೀಮ್ ಇಂಡಿಯಾಕ್ಕೆ 193 ರನ್​ಗಳ ಗುರಿಯನ್ನು ಇಂಗ್ಲೆಂಡ್ ತಂಡ ನೀಡಿದೆ. ಈ ಅಲ್ಪ ಮೊತ್ತದ ರನ್​ಗಳ ಟಾರ್ಗೆಟ್ ಮಾಡಿದರೆ ಶುಭ್​ಮನ್ ಗಿಲ್ ಪಡೆ ಮತ್ತೊಂದು ಮನಮೋಹಕ ವಿಜಯ ಪಡೆದಂತೆ ಆಗುತ್ತದೆ. ಸದ್ಯ ಸರಣಿಯಲ್ಲಿ ತಲಾ ಒಂದೊಂದು ಟೆಸ್ಟ್​ ಪಂದ್ಯ ಗೆದ್ದಿದ್ದು ಈ ಪಂದ್ಯ ಗೆದ್ದವರು ಸರಣಿಯಲ್ಲಿ ಮುನ್ನಡೆ ಕಾಯ್ದುಕೊಳ್ಳಲ್ಲಿದ್ದಾರೆ.

ವಿಶೇಷ ಸೂಚನೆ: ಕ್ರಿಕೆಟ್‌ನ ಸುದ್ದಿಗಳಿಗಾಗಿ ಪ್ರತಿದಿನ ಬೆಳಗ್ಗೆ 8.30ಕ್ಕೆ ನ್ಯೂಸ್‌ಫಸ್ಟ್‌ಚಾನೆಲ್​​ನಲ್ಲಿ ‘ರನ್ ಭೂಮಿ’ ವೀಕ್ಷಿಸಿ