ರಾಮಮಂದಿರ ಬೆನ್ನಲ್ಲೇ ಸೋರುತ್ತಿರುವ ನೂತನ ಸಂಸತ್ ಭವನ

ಮೋದಿ ಸರ್ಕಾರದ ವಿರುದ್ಧ ವಿರೋಧ ಪಕ್ಷದ ನಾಯಕರು ವಾಗ್ದಾಳಿ

ಹೊರಗಡೆ ಪೇಪರ್​ ಲೀಕ್, ಒಳಗಡೆ ನೀರು ಲೀಕ್​ ಎಂದು ಲೇವಡಿ

ನವದೆಹಲಿ: ನೂತನ ಸಂಸತ್ ಭವನ ಮಳೆಯಿಂದಾಗಿ ಸೋರುತ್ತಿದೆ ಎಂದು ಕೇಂದ್ರ ಸರ್ಕಾರದ ವಿರುದ್ಧ ವಿರೋಧ ಪಕ್ಷಗಳು ತೀವ್ರ ವಾಗ್ದಾಳಿ ನಡೆಸಿವೆ. ಸಂಸತ್​ ಭವನದ ಲಾಬಿಯಲ್ಲಿ ನೀರು ಸೋರುತ್ತಿರುವುದರ ವಿಡಿಯೋ ಸದ್ಯ ಸೋಶಿಯಲ್​ ಮೀಡಿಯಾದಲ್ಲಿ ವೈರಲ್ ಆಗಿದ್ದು ಮೋದಿ ಸರ್ಕಾರದ ವಿರುದ್ಧ ತೀವ್ರ ಟೀಕೆಗಳು ವ್ಯಕ್ತವಾಗುತ್ತಿವೆ.

ಇದನ್ನೂ ಓದಿ: KL ರಾಹುಲ್​- ಪಂತ್​ ಮಧ್ಯೆ ವಿಕೆಟ್​ ಕೀಪರ್​ ಸ್ಥಾನಕ್ಕಾಗಿ ಬಿಗ್ ಫೈಟ್​.. ಯಾರಿಗೆ ಸಿಗುತ್ತೆ ಚಾನ್ಸ್​?

ದೆಹಲಿಯಲ್ಲಿ ಮಳೆಯಾಗುತ್ತಿದ್ದು ಹೊಸದಾಗಿ ನಿರ್ಮಾಣವಾದ ಸಂಸತ್ ಭವನದ ಲಾಬಿಯಲ್ಲಿ ನೀರು ಸೋರುತ್ತಿದೆ. ಇದಕ್ಕಾಗಿ ನೀಲಿ ಬಣ್ಣದ ಬಕೆಟ್​ ಅನ್ನು ಇಡಲಾಗಿದ್ದು ಮೇಲಿನಿಂದ ನೀರು ಅದರಲ್ಲಿ ಬೀಳುತ್ತಿವೆ. ಸದ್ಯ ಇದನ್ನು ವಿಡಿಯೋ ಮಾಡಿಕೊಂಡ ಕಾಂಗ್ರೆಸ್​ ಸಂಸದ ಮಾಣಿಕಂ ಟ್ಯಾಗೋರ್ ಅವರು ತಮ್ಮ ಎಕ್ಸ್​ ಅಕೌಂಟ್​​ನಲ್ಲಿ ಶೇರ್ ಮಾಡಿದ್ದಾರೆ. ಇದಕ್ಕೆ ಟ್ಯಾಗ್​ ಲೈನ್ ಬರೆದಿರುವ ಅವರು ಹೊರಗಡೆ ಪೇಪರ್ ಲೀಕ್ ಆಗಿದ್ದರೇ, ಒಳಗಡೆ ನೀರು ಲೀಕ್ ಆಗುತ್ತಿದೆ. ಸಂಸತ್ ಭವನ ನಿರ್ಮಾಣ ಮಾಡಿ ಒಂದು ವರ್ಷ ಕಳೆದಿದೆ ಅಷ್ಟೇ ಮಾಳಿಗೆ ಸೋರಿತ್ತಿದೆ. ರಾಷ್ಟ್ರಪತಿಗಳು ಬರುವ ಮೇನ್​ ದ್ವಾರದಲ್ಲೇ ಈ ರೀತಿ ಆಗಿರುವುದು ಎಷ್ಟು ಸರಿ ಎಂದು ಕೇಳಿದ್ದಾರೆ.

ಇದನ್ನೂ ಓದಿ: IPL 2025; ಶಾರುಕ್​ ಖಾನ್- ಪಂಜಾಬ್​ ತಂಡದ ಓನರ್ ಮಧ್ಯೆ ಭಾರೀ ಗಲಾಟೆ.. ಯಾಕೆ ಗೊತ್ತಾ?

Paper leakage outside,
water leakage inside. The recent water leakage in the Parliament lobby used by the President highlights urgent weather resilience issues in the new building, just a year after completion.
Moving Adjournment motion on this issue in Loksabha. #Parliament pic.twitter.com/kNFJ9Ld21d

— Manickam Tagore .B🇮🇳மாணிக்கம் தாகூர்.ப (@manickamtagore) August 1, 2024

ಇನ್ನು ಈ ಸಂಬಂಧ ತಮ್ಮ ಎಕ್ಸ್​ ಅಕೌಂಟ್​ನಲ್ಲಿ ಸಮಾಜವಾದಿ ಪಕ್ಷದ ಮುಖ್ಯಸ್ಥ ಅಖಿಲೇಶ್ ಯಾದವ್ ಅವರು ಬಿಜೆಪಿ ನೇತೃತ್ವದ ಎನ್‌ಡಿಎ ಸರ್ಕಾರವನ್ನು ಟೀಕಿಸಿದ್ದಾರೆ. ಹೊಸ ಸಂಸತ್ತಿಗಿಂತ ಹಳೆಯ ಸಂಸತ್ತು ಶ್ರೇಷ್ಠವಾದದ್ದು ಎಂದು ಇದರಿಂದ ಗೊತ್ತಾಗುತ್ತದೆ ಎಂದಿದ್ದಾರೆ. ಕೋಟ್ಯಂತರ ರೂಪಾಯಿಗಳಿಂದ ನಿರ್ಮಿಸಲಾದ ಹೊಸ ಸಂಸತ್​ನ ಕೆಲ ಸಮಸ್ಯೆಗಳು ಪರಿಹಾರ ಆಗುವವರೆಗೆ ಹಳೆ ಸಂಸತ್​ಗೆ ನಾವು ಯಾಕೆ ಹೋಗಬಾರದು ಎಂದು ಪ್ರಶ್ನಿಸಿದ್ದಾರೆ.

₹1200 करोड़ से बनकर तैयार हुई संसद को अब ₹120 की बाल्टी का ही सहारा है ⁉️ pic.twitter.com/kKlJTEK81N

— AAP (@AamAadmiParty) August 1, 2024

ಆಮ್​ ಆದ್ಮಿ ಪಾರ್ಟಿ ಕೂಡ ಇದಕ್ಕೆ ಟ್ವಿಟ್ ಮಾಡಿದೆ. 1,200 ಕೋಟಿ ರೂಪಾಯಿ ವೆಚ್ಚದಲ್ಲಿ ನಿರ್ಮಾಣ ಮಾಡಲಾದ ಸಂಸತ್ತು ಈಗ 120 ರೂಪಾಯಿಯ ಬಕೆಟ್ ಮೇಲೆ ಅವಲಂಬಿತವಾಗಿದೆ ಎಂದು ಮೋದಿ ಸರ್ಕಾರದ ಕೆಲಸವನ್ನು ವ್ಯಂಗ್ಯವಾಡಿದೆ.

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ