ಅಂತಾರಾಷ್ಟ್ರೀಯ ಕ್ರಿಕೆಟ್​ಗೆ ಆರ್. ಅಶ್ವಿನ್ ದಿಢೀರ್‌ ಗುಡ್‌ ಬೈ.. BCCI ಈ ಅಚ್ಚರಿ ನಿರ್ಧಾರಕ್ಕೆ ಹೇಳಿದ್ದೇನು?

ಭಾರತ ಕ್ರಿಕೆಟ್ ತಂಡದ ಸ್ಪಿನ್ ಮಾಂತ್ರಿಕ ಆರ್ ಅಶ್ವಿನ್​ ನಿವೃತ್ತಿ ಘೋಷಿಸಿದ್ದು ಅನೇಕರಿಗೆ ಆಶ್ಚರ್ಯದ ಜೊತೆಗೆ ಕೊಂಚ ನೋವನ್ನೂ ಕೂಡ ಉಂಟು ಮಾಡಿದೆ. ತಮ್ಮ 38ನೇ ವಯಸ್ಸಿಗೆ ಕ್ರಿಕೆಟ್​ ಅಂಗಳಕ್ಕೆ ಗುಡ್​ ಬೈ ಹೇಳಿದ ಆರ್ ಅಶ್ವಿನ್​ಗೆ ಶುಭಾಶಯಗಳ ಜೊತೆಗೆ ಮಿಸ್​ ಯೂ ಲೆಜೆಂಡ್ ಅಂತೆಲ್ಲಾ ಹೇಳುತ್ತಿದ್ದಾರೆ. ಆರಂಭದಲ್ಲಿ ಆರ್ ಅಶ್ವಿನ್ ನಿವೃತ್ತಿ ಘೋಷಿಸಿದ್ದು ಕೇವಲ ರೂಮರ್ಸ್ ಎಂದೇ ಹೇಳಲಾಗಿತ್ತು. ಆದರೆ ಅಶ್ವಿನ್ ನಿವೃತ್ತಿಯನ್ನು ಸದ್ಯ ಬಿಸಿಸಿಐಯೇ ಅಧಿಕೃತಗೊಳಿಸಿದೆ

ಇದನ್ನೂ ಓದಿ: ಅಶ್ವಿನ್ ನಿವೃತ್ತಿ.. ಭಾವುಕರಾದ ಸ್ಪಿನ್ ಮಾಂತ್ರಿಕನನ್ನು​​ ತಬ್ಬಿಕೊಂಡು ಸಂತೈಸಿದ ಕೊಹ್ಲಿ – Video

ತನ್ನ ಟ್ವಿಟರ್ ಖಾತೆಯಲ್ಲಿ ಅಶ್ವಿನ್​ ನಿವೃತ್ತಿ ಬಗ್ಗೆ ಪೋಸ್ಟ್ ಮಾಡಿ ದೃಢಿಕರೀಸಿರುವ ಬಿಸಿಸಿಐ ಎಲ್ಲಾ ಊಹಾಪೋಹಗಳಿಗೆ ವಿರಾಮವಿಟ್ಟಿದೆ. ಥ್ಯಾಂಕ್ಯು ಅಶ್ವಿನ್, ಈ ಹೆಸರಲ್ಲಿಯೇ ಒಂದು ಮಾಂತ್ರಿಕತೆ, ನಾವಿನ್ಯತೆ, ಪಾಂಡಿತ್ಯ ಹಾಗೂ ತೇಜಸ್ಸು ಇದೆ. ಸ್ಪಿನ್ ಮಾಂತ್ರಿಕ ಹಾಗೂ ಭಾರತ ತಂಡದ ಆಲ್​ರೌಂಡರ್ ಆಟಗಾರ ಇಂದು ಅಂತಾರಾಷ್ಟ್ರೀಯ ಕ್ರಿಕೆಟ್​ಗೆ ನಿವೃತ್ತಿಯನ್ನು ಘೋಷಿಸಿದ್ದಾರೆ. ಈ ದಿಗ್ಗಜ ಆಟಗಾರನಿಗೆ ಶುಭಾಶಯಗಳು ಎಂದು ಹೇಳಿದೆ.

ಇದನ್ನೂ ಓದಿ:Ashwin: ಪದೇ ಪದೆ ಬೆಂಚ್ ಕಾಯಿಸ್ತಿದ್ದ ಕ್ಯಾಪ್ಟನ್, ಕೋಚ್ -ಅಶ್ವಿನ್ ದಿಢೀರ್ ನಿವೃತ್ತಿಗೆ ಅಸಲಿ ಕಾರಣ ಇಲ್ಲಿದೆ..!

ಒಟ್ಟು 106 ಟೆಸ್ಟ್ ಮ್ಯಾಚ್​ಗಳನ್ನು ಆಡಿರುವ ಅಶ್ವಿನ್ ಒಟ್ಟು 537 ವಿಕೆಟ್​ಗಳನ್ನು ಕಬಳಿಸಿದ್ದರು. ಐದು ದಿನದ ಟೆಸ್ಟ್ ಮಾದರಿಯ ಕ್ರಿಕೆಟ್​ನಲ್ಲಿ ಕುಂಬ್ಳೆ ಈ ಹಿಂದೆ 619 ವಿಕೆಟ್​ಗಳನ್ನು ಉರುಳಿಸಿ ಸಾಧನೆ ಮಾಡಿದ್ದರು.

ಅಶ್ವಿನ್ ಒಟ್ಟು 41ವಿಶ್ವ ಚಾಂಪಿಯನ್​​ಶಿಪ್ ಮ್ಯಾಚ್​ಗಳನ್ನು ಆಡಿದ್ದು 195 ವಿಕೆಟ್​ಗಳನ್ನು ಪಡೆದಿದ್ದಾರೆ. ವಿಶ್ವ ಚಾಂಪಿಯನ್​ಶಿಪ್​ನಲ್ಲಿ ಅತಿಹೆಚ್ಚು ವಿಕೆಟ್ ಪಡೆದ ಆಟಗಾರರಾಗಿ ಅಶ್ವಿನ್ ದಾಖಲೆ ಬರೆದಿದ್ದಾರೆ. ಟೆಸ್ಟ್ ಕ್ರಿಕಟ್ ಆಚೆ 116 ಏಕ ದಿನ ಪಂದ್ಯಗಳನ್ನು ಅಶ್ವಿನ್ ಆಡಿದ್ದಾರೆ ಹಾಗೂ 65 ಟಿ20 ಪಂದ್ಯಗಳನ್ನು ಆಡಿದ್ದು ತಲಾ 156 ಮತ್ತು 72 ವಿಕೆಟ್​ಗಳನ್ನು ಕಬಳಿಸಿದ್ದಾರೆ.

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ