ಮುದ್ದು ಸೊಸೆ ಶೂಟಿಂಗ್​ ವೇಳೆ ಪ್ರತಿಮಾಗೆ ಏನಾಯ್ತು? ಸ್ಕೂಲ್​ ಮಕ್ಕಳ ತುಂಟಾಟಕ್ಕೆ ನಟಿ ಸುಸ್ತೋ ಸುಸ್ತು!

ಮುದ್ದು ಸೊಸೆ ತೆರೆಗೆ ಬರೋಕೆ ಕೌಂಡೌನ್​ ಶುರುವಾಗಿದೆ. ಜಸ್ಟ್ 5 ದಿನ​ ಅಷ್ಟೇ, ವೀಕ್ಷಕರ ಮನೆ ಗೃಹಪ್ರವೇಶ ಮಾಡಲಿದ್ದಾಳೆ ತ್ರಿವಿಕ್ರಮ್​ ಜೊತೆ ಮುದ್ದು ಮುದ್ದು ರಾಕ್ಷಸಿ. ಮುದ್ದಿ ಸೊಸೆ ಈಗಾಗಲೇ ನಾಲ್ಕು ಪ್ರೊಮೋಗಳು ರಿಲೀಸ್​ ಆಗಿವೆ.

ಇದನ್ನೂ ಓದಿ:ಇನ್​ಸ್ಟಾದಲ್ಲಿ ಪತ್ನಿ ಮದುವೆ ವಿಡಿಯೋ ನೋಡಿ ಶಾಕ್ ಆದ ಪತಿ.. ಒಂದೇ ವಾರದ ಪ್ರೀತಿಗೆ ಕೈ ಕೊಟ್ಟ ಮಹಿಳೆ!

ಪ್ರತಿ ಪ್ರೋಮೋನು ಕನ್ನಡಕ್ಕೆ ಫ್ರೇಶ್​ ಫೀಲ್​ ಕೊಡುತ್ತೆ. ಮಂಡ್ಯ ಶೈಲಿಯಲ್ಲಿ ಮಸ್ತ್​ ಆಗಿ ಕಾಣೋ ವಿಕ್ಕಿಗೆ ಫ್ಯಾನ್ಸ್ ಕಮ್ಮಿಯಿಲ್ಲ. ಬಿಗ್​ಬಾಸ್​ ನಂತರ ಆ ಸ್ಟಾರ್​ಡಮ್​ ನೋಡತಿದ್ದಾರೆ. ವಿಶೇಷ ಎಂದರೆ ಮಕ್ಕಳ ಸೈನ್ಯದ ಜೊತೆ ತರ್ಲೆ ತಮಾಷೆ ಜೋರಾಗಿತ್ತು.

ಭದ್ರೇಗೌಡನ ಲೈಫ್​ನೇ ಅಲ್ಲೋಲ ಕಲ್ಲೋಲ ಮಾಡಿ ಬಿಡ್ತಾಳೆ ವಿದ್ಯಾ. ಮೈನರ್​ ಆಗಿರೋ ನಾಯಕಿಗೆ 18 ತುಂಬೋವರೆಗೂ ಇವರ ಕೋಳಿ ಜಗಳ, ಭಯ ತುಂಬಿರೋ ಪ್ರೀತಿ ಕ್ಷಣಗಳು ವೀಕ್ಷಕರಿಗೆ ಕಚಗುಳಿ ಇಡಲಿವೆ. ಹೀಗಾಗಿ ಭದ್ರೇಗೌಡನ ಮುದ್ದು ರಾಕ್ಷಸಿ ವಿದ್ಯಾ. ಇನ್ನೂ, ಮೂರನೇ ಪ್ರೋಮೋ ಶೂಟಿಂಗ್​ ಆಗಿದ್ದೇಲ್ಲ ಕಂಪ್ಲೀಟ್​ ಚನ್ನಪಟ್ಟಣದಲ್ಲಿ. ಮೂಲ ಕತೆ ತಮಿಳು ಆಗಿರುವುದರಿಂದ ಪ್ರೋಮೋ ನಿರ್ದೇಶನ ಮಾಡ್ತಿರೋದು ಚೆನ್ನೈ ಟೀಮ್​.

ರಾಮನಗರ ಜಿಲ್ಲೆ ಚನ್ನಪಟ್ಟಣದಲ್ಲಿ ಸರಕಾರಿ ಶಾಲೆ ಒಂದರಲ್ಲಿ ಚಿತ್ರೀಕರಣ ಮಾಡಿದ್ದಾರೆ. ನಾಯಕಿ ಪ್ರತಿಮಾಳನ್ನು ಕೂರಿಸಿಕೊಂಡು ಬೈಕ್​ನಲ್ಲಿ ಭದ್ರೇಗೌಡ ಸ್ಕೂಲ್​ಗೆ ಬಿಡೋ ಸೀನ್​ ಇದೆ. ಅದನ್ನ ನೀವೂ ಈಗಾಗಲೇ ಪ್ರೋಮೋದಲ್ಲಿ ನೋಡಿರುತ್ತಿರಾ. ಇದೇ ಸೀನ್​ ಶೂಟ್​ ಮಾಡೋವಾಗ ಲೋಕಲ್​ ಮಕ್ಕಳು ನಟಿ ಪ್ರತಿಮಾ ಹಾಗೂ ನಟ ತ್ರಿವಿಕ್ರಮ್​ ಜೊತೆಗೆ ತಮಾಷೆ ಮಾಡಿದ್ದಾರೆ.

ಅಲ್ಲದೇ ನಟಿ ಪ್ರತಿಮಾಳ ಕೆನ್ನೆಯನ್ನು ಹಿಡಿದು ಎಳೆದಾಡಿದ್ದಾರೆ. ಇಷ್ಟೇ ಅಲ್ಲದೇ ಶೂಟಿಂಗ್​ ಬ್ರೇಕ್​ ಇದ್ದಾಗ ಕ್ರಿಕೇಟ್​ ಆಡೋದು, ಮಕ್ಕಳ ಜೊತೆ ಮಜಾ ಮಾಡಿರೋ ವಿಡಿಯೋದಲ್ಲಿ ಪ್ರತಿಮಾ ತಮ್ಮ ಯೂಟ್ಯೂಬ್ ಚಾನೆಲ್​ನಲ್ಲಿ ಶೇರ್ ಮಾಡಿಕೊಂಡಿದ್ದಾರೆ. ಒಟ್ಟಿನಲ್ಲಿ ತ್ರಿವಿಕ್ರಮ್​-ಪ್ರತಿಮಾ ಜೋಡಿ ತೆರೆಮೇಲೆ ಮ್ಯಾಜಿಕ್​ ಮಾಡುತ್ತಾ? ಈ ಇಬ್ಬರ ಕೆಮಿಸ್ಟ್ರಿ ಹೇಗೆ ವರ್ಕ್​ ಆಗುತ್ತೆ ಅಂತ ನೋಡೋಕೆ ಏಪ್ರೀಲ್​​ 14ರ ವರೆಗೂ ಕಾಯಬೇಕು.

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ