ಇಡೀ ದೇಶದಲ್ಲಿ ಕುರಿಯ ಓಡಾಟ ಬಂದ್‌ ಮಾಡಿದ ಗ್ರೀಸ್‌; ಕಾರಣ ಕೇಳಿದ್ರೆ ಬೆಚ್ಚಿ ಬೀಳ್ತೀರಾ!

ಅಥೆನ್ಸ್: ಕೋವಿಡ್​ ಎಂಬ ಮಹಾಮಾರಿ ಹೆಚ್ಚು ಕಡಿಮೆ ಎರಡು ವರ್ಷ ಇಡೀ ವಿಶ್ವವನ್ನೇ ತಲ್ಲಣಿಸಿ, ದೈನಂದಿನ ಚಟುವಟಿಕೆಗಳನ್ನೇ ವಿಶ್ವಾದ್ಯಂತ ಬಂದ್ ಮಾಡಿಸಿ ಭೀಕರ ಮೌನವೊಂದನ್ನು ಜಾಗತಿಕವಾಗಿ ಹುಟ್ಟು ಹಾಕಿತ್ತು. ಮನುಷ್ಯರಿಂದ ಮನುಷ್ಯರಿಗೆ ಹರಡುವ ಈ ರೋಗವು ಮೂಲತಃ ಹುಟ್ಟಿದ್ದು ಚೀನಾದಲ್ಲಿ, ಅದರಲ್ಲೂ ಬಾವುಲಿಗಳಲ್ಲಿದ್ದ ಈ ಕೋವಿಡ್ ವೈರಸ್​ ಮನುಷ್ಯನಿಗೆ ತಗುಲಿ ಇಡೀ ವಿಶ್ವವನ್ನೇ ತಲ್ಲಣಗೊಳಿಸಿತ್ತು. ಈಗ ಅಂತಹುದೇ ಒಂದು ರೋಗ ಸದ್ಯ ಗ್ರೀಸ್ ದೇಶವನ್ನು ಕಾಡುತ್ತಿದೆ. ಮುಂದೆ ಇದು ಯುರೋಪ್ ದೇಶಗಳಿಗೂ ವ್ಯಾಪಿಸುವ ಸಾಧ್ಯತೆಯಿದ್ದು, ಗ್ರೀಸ್ ಇದನ್ನು ತಡೆಯಲು ಬೇಕಾದ ಎಲ್ಲಾ ಮುನ್ನೆಚ್ಚರಿಕೆಗಳನ್ನು ತೆಗೆದುಕೊಂಡಿದೆ. ಗ್ರೀಸ್​ನ್ನು ಕಾಡುತ್ತಿರುವ ಆ ಹೊಸ ರೋಗವೇ ಪ್ಲೇಗ್. ಆದ್ರೆ ಇದು ಶತಮಾನಗಳ ಹಿಂದೆ ಇಲಿಗಳಿಂದ ಹರಡುತ್ತಿದ್ದ ಪ್ಲೇಗ್ ಅಲ್ಲ, ಕುರಿಗಳಿಂದ ಹರಡುತ್ತಿರುವ ಪ್ಲೇಗ್.

ಇದನ್ನೂ ಓದಿ:ಈ ಇಸವಿಯಲ್ಲಿ ಹುಟ್ಟಿದವರಿಗೆ ಹೆಚ್ಚು ಕ್ಯಾನ್ಸರ್ ಅಟ್ಯಾಕ್‌.. ಸಂಶೋಧನೆಯಲ್ಲಿ ಸ್ಫೋಟಕ ವಿಷ್ಯ ಬಹಿರಂಗ

ಗ್ರೀಸ್​ನಾದ್ಯಂತ ಸಾವಿರಾರು ಕುರಿಗಾಹಿಗಳು ಈ ಕುರಿ ಪ್ಲೇಗ್​ನಿಂದ ಬಸವಳಿದು ಹೋಗಿದ್ದಾರೆ. ಈ ಹೊಸ ಕಾಯಿಲೆಯಿಂದಾಗಿ ಗ್ರೀಸ್ ಚಿಂತೆಗೆ ಬಿದ್ದಿದೆ. ಇದು ಕೂಡ ಕೋವಿಡ್ ರೀತಿಯಲ್ಲಿಯೇ ಅತಿವೇಗವಾಗಿ ಪಸರಿಸುತ್ತಿದೆ. ಆದ್ರೆ ಈ ಒಂದು ವೈರಸ್​ನಿಂದಾಗಿ ಮನುಷ್ಯರಿಗೆ ಅಷ್ಟೊಂದು ಸಮಸ್ಯೆಯಿಲ್ಲ. ಆದ್ರೆ ಈ ಸೋಂಕು ತಾಗಿದವರಲ್ಲಿ 80 ರಿಂದ 90 ರಷ್ಟು ಜನರು ಅಸುನೀಗಿದ್ದಾರೆ.

ಅದು ಅಲ್ಲದೇ ಕುರಿ ಹಾಗೂ ಮೇಕೆಗಳ ಮಾರಣಹೋಮವಾಗುತ್ತಿದೆ ಹೀಗಾಗಿಯೇ ಗ್ರೀಸ್​ ಸರ್ಕಾರ ಕುರಿಗಳ ಓಡಾಟವನ್ನು ದೇಶಾದ್ಯಂತ ಬ್ಯಾನ್ ಮಾಡಿದೆ. ಹುಲ್ಲುಗಾವಲು ಪ್ರದೇಶಗಳಲ್ಲಿ ಕುರಿಗಳನ್ನು ಮೇಯಿಸುವುದು, ಕಟುಕರಿಂದ ಕುರಿ ಮಾಂಸ ಮಾರಾಟ ಸೇರಿದಂತೆ ಒಂದು ಪ್ರದೇಶದಿಂದ ಇನ್ನೊಂದು ಪ್ರದೇಶಕ್ಕೆ ಕುರಿಗಳ ಸಾಗಣೆ, ಮಾರಾಟ ಹಾಗೂ ಖರೀದಿಯಂತಹ ಎಲ್ಲಾ ಚಟುವಟಿಕೆಗಳನ್ನು ನಿರ್ಬಂಧಿಸಿದೆ.

ಇದನ್ನೂ ಓದಿ:ಡೆಂಗ್ಯೂ ಬಂದ ಮಗುವಿಗೆ ಮತ್ತೆ ಡೆಂಗ್ಯೂ ಬರಬಹುದು! ಆ್ಯಂಟಿಬಯೋಟಿಕ್ಸ್ ಕೊಡೋದು ಉತ್ತಮವೇ?

ಈ ಒಂದು ಭೀಕರ ವೈರಸ್​ ಸದ್ಯ ಬೇರೆಡೆ ಪಸರಿಸದಂತೆ ನೋಡಿಕೊಳ್ಳಬೇಕಾದ ಅನಿವಾರ್ಯತೆ ಗ್ರೀಸ್ ಮುಂದಿದೆ. ಈ ಬಗೆಯ ಒಂದು ವೈರಸ್ 1942 ಪಶ್ಚಿಮ ಆಫ್ರಿಕಾದಲ್ಲಿ ಮೊದಲು ಕಂಡು ಬಂದಿತ್ತು. ನಂತರ ಆಫ್ರಿಕಾದ ಬಹುತೇಕ ಎಲ್ಲಾ ದೇಶಗಳೂ ಸೇರಿದಂತೆ ಮಧ್ಯಪ್ರಾಚ್ಯ, ಯುರೋಪ್ ಹಾಗೂ ಏಷಿಯಾ ಖಂಡಕ್ಕೂ ಪಸರಿಸಿತ್ತು.

ಸದ್ಯ ಗ್ರೀಸ್​ನಲ್ಲಿ ಜುಲೈ 11 ರಂದು ಮೊದಲ ಕುರಿ ಪ್ಲೇಗ್ ಪ್ರಕರಣ ಕಂಡು ಬಂದಿದೆ. ಗ್ರೀಸ್​ನ ಥೆಸ್ಲೀಯ್​ ಮೊದಲ ಪ್ರಕರಣ ಕಂಡು ಬಂದ ಮೇಲೆ ಲಾರಿಸ್ಸಾ ಕೋರಿನ್ತ್​​ ಪ್ರದೇಶಗಳಿಗೂ ಈ ವೈರಸ್ ಹಬ್ಬಿಕೊಂಡು ಹೊಸ ಹೊಸ ಪ್ರಕರಣಗಳು ಪತ್ತೆಯಾಗಿವೆ. ಹೀಗಾಗಿ ಕುರಿಗಳ ಓಡಾಟ ಸೇರಿದಂತೆ ಹಲವು ಚಟುವಟಿಕೆಗಳಿಗೆ ಬ್ರೇಕ್ ಹಾಕುವ ಮೂಲಕ ಈ ಮಹಾಮಾರಿ ಬೇರೆ ಪ್ರದೇಶಗಳಿಗೆ ಹರಡದಂತೆ ಮುನ್ನೆಚ್ಚರಿಕೆ ತೆಗೆದುಕೊಳ್ಳಲಾಗಿದೆ.

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ