ಏನಿದು ಸೌದಿ ಅರೇಬಿಯಾದ ಡ್ರೀಮ್ ಆಫ್ ದಿ ಡೆಸರ್ಟ್​ ಯೋಜನೆ? ಆ ಐದು ಐಷಾರಾಮಿ ಟ್ರೈನ್​ಗಳು ಹೇಗಿವೆ?

ಸೌದಿ ಅರೇಬಿಯಾ ಪ್ರವಾಸೋದ್ಯಮಕ್ಕೆ ಅತಿಹೆಚ್ಚು ಒತ್ತು ನೀಡಲು ಮುಂದಾಗಿದೆ. ಅದರಲ್ಲೂ ಸೌದಿ ಅರೇಬಿಯಾದ ರಾಜಕುಮಾರ ಮೊಹಮ್ಮದ್ ಬಿನ್​ ಸಲ್ಮಾನ್​ ದೂರದೃಷ್ಟಿಯಿಂದಾಗಿ ಹೊಸ ಹೊಸ ಯೋಜನೆಗಳು ಈ ದೇಶದಲ್ಲಿ ಸೃಷ್ಟಿಯಾಗುತ್ತಿವೆ. ಹೀಗಾಗಿಯೇ ಮಧ್ಯಪ್ರಾಚ್ಯದಲ್ಲಿಯೇ ಅತ್ಯಂತ ಐಷಾರಾಮಿ ಐದು ಟ್ರೈನ್​ಗಳನ್ನ ಪರಿಚಯಿಸಿ ಅದಕ್ಕೆ ಡ್ರೀಮ್ ಆಫ್​ ದಿ ಡೆಸರ್ಟ್​ ಅಂದ್ರೆ ಮರಳುಗಾಡಿನ ಕನಸು ಎಂಬ ಹೆಸರನ್ನು ನೀಡಲಾಗಿದೆ. ಸೌದಿ ಅರೇಬಿಯಾ ರೈಲ್ವೇಸ್​ ಹಾಗೂ ಇಟಾಲಿಯನ್ ಹಾಸ್ಪಿಟಾಲಿಟಿ ಕಂಪನಿಗಳು ಜಂಟಿಯಾಗಿ ಈ ಒಂದು ಡ್ರೀಮ್ ಆಫ್ ಡೆಸರ್ಟ್​ ಟ್ರೈನ್​ನಗಳನ್ನು ನಿರ್ಮಾಣ ಮಾಡುತ್ತಿವೆ. ಇದು ಸೌದಿ ಅರೇಬಿಯಾದ ಶ್ರೀಮಂತಿಕೆ ಹಾಗೂ ಪಾರಂಪರಿಕದ ಗುರುತಾಗಿ ನಿಲ್ಲಲಿವೆ ಎಂದು ಹೇಳಲಾಗುತ್ತಿದೆ.

ಇದನ್ನೂ ಓದಿ:American Airlines; ವಿಮಾನ-ಹೆಲಿಕಾಪ್ಟರ್​ ಆಕಾಶದಲ್ಲೇ ಡಿಕ್ಕಿ.. ನದಿಯಲ್ಲಿ 19 ಪ್ರಯಾಣಿಕರ ದೇಹ ಪತ್ತೆ

ಸೌದಿ ಪ್ರೆಸ್ ಅಜೆನ್ಸಿ ಪ್ರಕಾರ ಈ ಒಂದು ಯೋಜನೆಯಲ್ಲಿ ಅರ್ಸನೆಲಾ ಕೂಡ ಪಾಲುದಾರಿಯಾಗಿದ್ದು ಈ ಯೋಜನೆಗಾಗಿ ಸುಮಾರು 461 ಕೋಟಿ ರೂಪಾಯಿಗಳನ್ನು ಹೂಡಿಕೆ ಮಾಡಲಾಗಿದೆ ಎಂದು ಹೇಳಲಾಗಿದೆ. ಸೌದಿ ಅರೇಬಿಯಾ 2030ರ ವರೆಗೆ ಈ ಒಂದು ಕನಸನ್ನು ಸಾಕಾರಗೊಳಿಸಲಿದ್ದು ಐಷಾರಾಮಿ ಪ್ರವಾಸೋಧ್ಯಮ ಹಾಗೂ ದೇಶದ ಆರ್ಥಿಕತೆಯನ್ನು ಇನ್ನಷ್ಟು ಮೇಲೆತ್ತಲು ಈ ಸಾಂಸ್ಕೃತಿಕ ಪ್ರವಾಸೋದ್ಯಮಕ್ಕೆ ಒತ್ತು ನೀಡಲಾಗಿತ್ತದೆಯಂತೆ .

ಡ್ರೀಮ್ ಆಫ್​ ಡೆಸರ್ಟ್​​ನ ಟ್ರೈನ್​ಗಳು ಐಷಾರಾಮಿ ಪ್ರಯಾಣದ ಸುಖವನ್ನು ಹಾಗೂ ಅನುಭವವನ್ನು ನೀಡುತ್ತವೆ. ಇಡೀ ಟ್ರೈನ್​​​ಗಳನ್ನೇ ಫೈವ್​ ಸ್ಟಾರ್ ಹೋಟೆಲ್ ರೀತಿಯಲ್ಲಿ ವಿನ್ಯಾಸಗೊಳಿಸಲಾಗಿದೆ. ಟಾಪ್ ಕ್ಲಾಸ್ ಕಂಫರ್ಟ್​ ಪ್ರಯಾಣಿಕರಿಗೆ ಒದಗಿಸುವ ಉದ್ದೇಶ ಇದಾಗಿದೆ ಎಂದು ಹೇಳಲಾಗುತ್ತಿದೆ.

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ