ಶ್ರೇಯಸ್ ಜತೆ ಚಹಾಲ್​ ಹೆಂಡತಿ ಹೆಸರು ಥಳುಕು ಹಾಕಿಕೊಳ್ಳಲು ಕಾರಣವೇನು? ಇಬ್ಬರ ನಡುವಿನ ಕನೆಕ್ಷನ್​​ ಏನು?

ಟೀಮ್​ ಇಂಡಿಯಾ ಕ್ರಿಕೆಟಿಗರ ಜೀವನವೇ ಸರಿಯಿಲ್ವೋ.. ಗ್ರಹಚಾರವೇ ಸರಿಯಿಲ್ವೋ ಗೊತ್ತಾಗ್ತಿಲ್ಲ. ಒಬ್ಬರಾದ ಮೇಲೆ ಒಬ್ರ ದಾಂಪತ್ಯ ಜೀವನ ಸೂತ್ರ ಹರಿದ ಗಾಳಿಪಟವಾದಂತೆ ಆಗ್ತಿದೆ. ಮೊಹಮ್ಮದ್​ ಶಮಿ, ಶಿಖರ್​ ಧವನ್​, ಅಷ್ಟೇ ಏಕೆ ಇತ್ತೀಚೆಗಷ್ಟೇ ಹಾರ್ದಿಕ್​ ಪಾಂಡ್ಯ ವಿಚ್ಚೇದನ ಪಡೆದುಕೊಂಡ್ರು. ಈ ಹಿಂದಿನ ಸೂಪರ್​ ಸ್ಟಾರ್​ಗಳಾದ ವಿನೋದ್​ ಕಾಂಬ್ಳಿ, ರವಿ ಶಾಸ್ತ್ರಿ, ಮೊಹಮ್ಮದ್​ ಅಜರುದ್ದೀನ್​ ಅವ್ರ ಕಥೆನೂ ಇದೆ. ಇದೀಗ ಈ ಲಿಸ್ಟ್​ಗೆ ಸ್ಪಿನ್ನರ್​ ಯುಜುವೇಂದ್ರ ಚಹಲ್​ ಸೇರಿದ್ದಾರೆ.

ಯುಜ್ವೇಂದ್ರ ಚಹಾಲ್ ಸಂಸಾರದಲ್ಲಿ ಬಿರುಗಾಳಿ!

ಯುಜ್ವೇಂದ್ರ ಚಹಾಲ್​- ಧನಶ್ರೀ ವರ್ಮಾ. ಭಾರತೀಯ ಕ್ರಿಕೆಟ್​​ ಹಾಗೂ ಬಾಲಿವುಡ್​ ನಡುವೆ ಬೆಸುಗೆ ಬೆಸೆದಿದ್ದ ಕ್ಯೂಟ್​​ ಕಪಲ್​.! ಸದಾ ಪರಸ್ಪರ ಕಾಲೆಳೆದು ಕೊಳ್ತಾ, ತುಂಟಾಟ ಮಾಡ್ತಾ ನಗು ಮೊಗದಿಂದಲೇ ಜನರ ಮನ ಗೆದ್ದಿದ್ದ ಸ್ಪೆಷಲ್​ ಜೋಡಿಯ ಜೀವನದಲ್ಲೀಗ ನಗು ಮಾಯವಾಗಿದೆ. ದಾಂಪತ್ಯ ಜೀವನದಲ್ಲಿ ಬಿರುಗಾಳಿ ಎದ್ದಿದ್ದು, ವೈವಾಹಿಕ ಜೀವನದ ಬಂಡಿ ಹಳಿ ತಪ್ಪಿದೆ.

ಚಹಾಲ್​-ಧನಶ್ರೀ ದೂರ.. ದೂರ..!

ಇಬ್ಬರ ಮಧ್ಯೆ ಎಲ್ಲವೂ ಸರಿಯಿಲ್ಲಾ ಅನ್ನೋ ಸುದ್ದಿ ಕಳೆದ ಕೆಲ ವರ್ಷಗಳಿಂದಲೇ ಸದ್ದು ಮಾಡಿತ್ತು. ಕಳೆದ ತಿಂಗಳಿನಿಂದಂತೂ ಪದೇ ಪದೇ ಗಾಸಿಪ್​ ಹಬ್ಬಿತ್ತು. ಇದೀಗ ಆ ಗಾಸಿಪ್​ ನಿಜವಾಗಿದೆ. ಯುಜುವೇಂದ್ರ ಚಹಾಲ್​​ ಕುಟುಂಬದ ಆಪ್ತ ವಲಯವೇ ದಂಪತಿಗಳು ದೂರಾಗಿದ್ದು, ಡಿವೊರ್ಸ್​ ಮೋರೆ ಹೋಗಿದ್ದಾರೆ ಅನ್ನೋ ಸುದ್ದಿಯನ್ನ ಕನ್​​ಫರ್ಮ್​ ಮಾಡಿದೆ.

ಧನಶ್ರೀ ಜೊತೆಗಿದ್ದ ಫೋಟೋಸ್​​ ಡಿಲೀಟ್​ ಮಾಡಿದ ಚಹಾಲ್

ಚಹಾಲ್​​-ಧನಶ್ರೀ ದೂರಾಗ್ತಿರೋದಕ್ಕೆ ಕಾರಣ ಏನು ಅನ್ನೋದಕ್ಕೆ ಸ್ಪಷ್ಟ ಉತ್ತರ ಹೊರಬಿದ್ದಿಲ್ಲ. ಜೀವನ ಹಲವು ವಿಚಾರಗಳಲ್ಲಿದ್ದ ಭಿನ್ನಾಭಿಪ್ರಾಯಗಳಿಂದ ಡಿವೋರ್ಸ್​ ಮೊರೆ ಹೋಗಿದ್ದಾರೆ ಎನ್ನಾಲಾಗಿದೆ. ಕಳೆದ ಕೆಲ ತಿಂಗಳಿಂದಲೇ ಇಬ್ಬರೂ ದೂರಾಗಿ ಪ್ರತ್ಯೇಕವಾಗಿ ವಾಸ ಮಾಡ್ತಿದ್ದಾರೆ. ಸೋಷಿಯಲ್​ ಮೀಡಿಯಾಗಳಲ್ಲೂ ಪರಸ್ಪರ ಅನ್​ಫಾಲೋ ಮಾಡಿಕೊಂಡಿದ್ದಾರೆ. ಇನ್ನೊಂದು ಹೆಜ್ಜೆ ಮುಂದೆ ಹೋಗಿರೋ ಚಹಾಲ್​​ ಇನ್ಸ್​​​ಸ್ಟಾದಲ್ಲಿ, ಧನಶ್ರೀ ಜೊತೆಗಿದ್ದ ಎಲ್ಲಾ ಫೋಟೋ-ವಿಡಿಯೋಸ್​​ನ ಡಿಲೀಟ್​ ಮಾಡಿದ್ದಾರೆ.

ಶ್ರೇಯಸ್ ಜತೆ ಧನಶ್ರೀ ಹೆಸರು ಥಳುಕು

ಶ್ರೇಯಸ್ ಅಯ್ಯರ್ ಟೀಮ್​ ಇಂಡಿಯಾದ ಅದ್ಭುತ ಆಟಗಾರ. ಕಳೆದ ಕೆಲ ವರ್ಷಗಳಿಂದ ಶ್ರೇಯಸ್ ಅಯ್ಯರ್ ಜತೆ ಧನಶ್ರೀ ವರ್ಮಾ ಅವರ ಹೆಸರು ಆಗಾಗ ಥಳುಕು ಹಾಕಿಕೊಳ್ಳುತ್ತಲೇ ಬಂದಿರುವುದು ಗುಟ್ಟಾಗಿಯೇನೂ ಉಳಿದಿಲ್ಲ. ಈ ಕಾರಣದಿಂದಲೇ ಧನಶ್ರೀ ವರ್ಮಾ ಹಾಗೂ ಯುಜುವೇಂದ್ರ ಚಹಾಲ್​​ ದಾಂಪತ್ಯದಲ್ಲಿ ಬಿರುಕು ಮೂಡಿದೆ ಎನ್ನುವ ರೂಮರ್ಸ್ ಇದೆ. ಶ್ರೇಯಸ್​ ಅಯ್ಯರ್​​, ಧನಶ್ರೀ ವರ್ಮಾ ಡ್ಯಾನ್ಸ್​ ಮಾಡಿದ ವಿಡಿಯೋ ವೈರಲ್​ ಆಗಿದ್ದು, ಇಬ್ಬರ ಮಧ್ಯೆ ಏನೋ ನಡೆಯುತ್ತಿದೆ ಅನ್ನೋ ವದಂತಿ ಹಬ್ಬಿತ್ತು.

ಇದನ್ನೂ ಓದಿ: 2025ರ ಚಾಂಪಿಯನ್ಸ್​ ಟ್ರೋಫಿ; ಸ್ಟಾರ್​ ಎಂಟ್ರಿಯಿಂದ ಟೀಮ್​ ಇಂಡಿಯಾಗೆ ಬಂತು ಆನೆಬಲ

ವಿಶೇಷ ಸೂಚನೆ: ಕ್ರಿಕೆಟ್‌ನ ಸುದ್ದಿಗಳಿಗಾಗಿ ಪ್ರತಿದಿನ ಬೆಳಗ್ಗೆ 8.27ಕ್ಕೆ ನ್ಯೂಸ್‌ಫಸ್ಟ್‌ಚಾನೆಲ್​​ನಲ್ಲಿ ‘ರನ್ ಭೂಮಿ’ ವೀಕ್ಷಿಸಿ