Mauni Amavasya: ಮೌನಿ ಅಮವಾಸ್ಯೆ ದಿನ ಸ್ನಾನ ಮಾಡಿ, ಯಾವ ದೇವರನ್ನು ಪೂಜಿಸಿದರೆ ಏನು ಫಲ..?

ಹಿಂದೂ ಧರ್ಮದಲ್ಲಿ ‘ಮೌನಿ ಅಮವಾಸ್ಯೆ’ಗೆ ವಿಶೇಷ ಮಹತ್ವವಿದೆ. ಈ ದಿನವನ್ನು ಶುದ್ಧತೆ, ತಪಸ್ಸು ಮತ್ತು ಸ್ವಯಂ ಶುದ್ಧೀಕರಣದ ಸಂಕೇತ ಎಂದು ಭಾವಿಸಲಾಗಿದೆ. ಮೌನಿ ಅಮವಾಸ್ಯೆಯಂದು ಅಪರೂಪದ ತ್ರಿವೇಣಿ ಯೋಗವು ರೂಪುಗೊಳ್ಳುತ್ತಿದೆ. ಹೀಗಾಗಿ ಈ ದಿನ ಸ್ನಾನ ಮತ್ತು ದಾನದ ಮಹತ್ವ ಹೆಚ್ಚಾಗಿದೆ.

ಶುಭ ಸಮಯ

ಮೌನಿ ಅಮವಾಸ್ಯೆಯ ದಿನದಂದು ಸೂರ್ಯೋದಯಕ್ಕೆ ಮುನ್ನ ಮೌನ ಆಚರಿಸುವುದು ಮತ್ತು ಸ್ನಾನ ಮಾಡುವುದು ಒಳ್ಳೆಯದು. ಮೌನಿ ಅಮಾವಾಸ್ಯೆಯಂದು ಸ್ನಾನ ಮಾಡಲು ಶುಭ ಗಳಿಗೆ ಬ್ರಹ್ಮ ಮುಹೂರ್ತದಿಂದ ಪ್ರಾರಂಭವಾಗುತ್ತದೆ. ಅದು ದಿನವಿಡೀ ಇರುತ್ತದೆ. ಪಂಚಾಂಗದ ಪ್ರಕಾರ ಇಂದು ಸೂರ್ಯೋದಯದ ಸಮಯ ಬೆಳಿಗ್ಗೆ 7.11 ಆಗಿದೆ.

ಇದನ್ನೂ ಓದಿ: Mahakumbh Stampede: ಸಿಎಂ ಯೋಗಿ ಆದಿತ್ಯನಾಥ್​ಗೆ ಖಡಕ್ ಸೂಚನೆ ಕೊಟ್ಟ ಪ್ರಧಾನಿ ಮೋದಿ

ಮೌನ ವ್ರತ ಆಚರಿಸೋದ್ರಿಂದ ಏನು ಫಲ?

ಮೌನಿ ಅಮವಾಸ್ಯೆ ಎಂದರೆ ಮೌನ ಅಮವಾಸ್ಯೆ. ಧಾರ್ಮಿಕ ನಂಬಿಕೆಗಳ ಪ್ರಕಾರ, ಈ ದಿನ ಮನು ಮೌನ ಉಪವಾಸ ಆಚರಿಸಿದನು ಮತ್ತು ಗಂಗಾ ಸ್ನಾನ ಮಾಡಿದನು. ಅಲ್ಲಿಂದ ಈ ಸಂಪ್ರದಾಯ ಮುಂದುವರಿದಿದೆ. ಈ ದಿನ ಮೌನವನ್ನು ಆಚರಿಸುವುದರಿಂದ ಮತ್ತು ಪವಿತ್ರ ನದಿಗಳಲ್ಲಿ ಸ್ನಾನ ಮಾಡುವುದರಿಂದ ಪುಣ್ಯ ಸಿಗುತ್ತದೆ. ಜೊತೆಗೆ ಪಾಪಗಳು ತೊಳೆದುಹೋಗುತ್ತವೆ ಎಂದು ನಂಬಲಾಗಿದೆ.
ಹಾಗೆಯೇ ಅವರ ಆತ್ಮವೂ ಪರಿಶುದ್ಧವಾಗುತ್ತದೆ ಎಂಬ ನಂಬಿಕೆ ಇದೆ. ಗಂಗಾ ಸ್ನಾನ ಮಾಡುವುದರಿಂದ ಅನೇಕ ಜನ್ಮಗಳ ಪಾಪಗಳು ನಾಶವಾಗುತ್ತವೆ. ವ್ಯಕ್ತಿಯು ಮರಣದ ನಂತರ ಮೋಕ್ಷ ಪಡೆಯುತ್ತಾನೆ ಎಂದು ಹೇಳಲಾಗುತ್ತದೆ.

ಯಾವ ದೇವರನ್ನು ಪೂಜಿಸಲಾಗುತ್ತದೆ?

ಮೌನಿ ಅಮಾವಾಸ್ಯೆಯ ದಿನ ದಾನ ಮತ್ತು ದಾನಕ್ಕೆ ವಿಶೇಷ ಮಹತ್ವವಿದೆ. ಸ್ನಾನದ ನಂತರ ಶಿವ ಮತ್ತು ವಿಷ್ಣುವನ್ನು ಪೂಜಿಸುವ ಸಂಪ್ರದಾಯ ಇದೆ. ಸ್ನಾನ ಮತ್ತು ಪೂಜೆಯ ನಂತರ ಬಡವರಿಗೆ, ನಿರ್ಗತಿಕರಿಗೆ ಅನ್ನ, ವಸ್ತ್ರ ಮತ್ತು ಹಣವನ್ನು ದಾನ ಮಾಡಿದ್ರೆ ಮಂಗಳಕರವೆಂದು ಪರಿಗಣಿಸಲಾಗಿದೆ.

ಇದನ್ನೂ ಓದಿ: Stampede; ಮಹಾಕುಂಭ ಕಾಲ್ತುಳಿತದಲ್ಲಿ ಕರ್ನಾಟಕದ ಇಬ್ಬರಿಗೆ ಗಾಯ, ಕಣ್ಣೀರು ಇಡುತ್ತ ಹೇಳಿದ್ದೇನು..?

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ