9 ತಿಂಗಳು ಸುನಿತಾ ಏನು ತಿಂದು ಜೀವಿಸಿದರು? ಏನೂ ಸಿಗದ ಲೋಕದಲ್ಲಿ ಹಸಿವು ನಿಗ್ರಹಿಸಿದ್ದು ಹೇಗೆ..?

9 ತಿಂಗಳ ಬಳಿಕ ಸುನಿತಾ ವಿಲಿಯಮ್ಸ್, ಬುಚ್ ವಿಲ್ಮೋರ್ ಬಾಹ್ಯಾಕಾಶ ವಿಮಾನ ನಿಲ್ದಾಣದಿಂದ ಭೂಮಿಗೆ ವಾಪಸ್ ಆಗ್ತಿದ್ದಾರೆ. 8 ದಿನದ ಗಗನಯಾನಕ್ಕೆ ಹೋಗಿ ತಾಂತ್ರಿಕ ಸಮಸ್ಯೆಯಿಂದ 9 ತಿಂಗಳ ಕಾಲ ಉಳಿದುಕೊಂಡಿದ್ದರು. ಇಷ್ಟೆಲ್ಲ ದಿನವಿದ್ದ ಗಗನಯಾನಿಗಳಿಗೆ ಹಸಿವು ಆಗಿಲ್ವಾ? ಆಹಾರ ಅಂತಾ ಏನನ್ನು ತಿಂದುಕೊಂಡಿದ್ದರು ಎಂಬ ಪ್ರಶ್ನೆ ಸಹಜ. ಅದಕ್ಕೆ ಉತ್ತರ ಇಲ್ಲಿದೆ.

ಪಿಜ್ಜಾ, ಹುರಿದ ಕೋಳಿಮಾಂಸ.. ಇನ್ನೂ ಏನೇನು..?

ನಾಸಾ ಗಗನಯಾತ್ರಿಗಳು ಬಾಹ್ಯಾಕಾಶ ನಿಲ್ದಾಣದಲ್ಲಿ ಪಿಜ್ಜಾ (Pizza), ಹುರಿದ ಕೋಳಿಮಾಂಸ (Roast Chicken) ಮತ್ತು ಸೀಗಡಿ ಕಾಕ್ಟೈಲ್ (Shrimp cocktails) ಸೇವಿಸಿ ಬದುಕುಳಿಯುತ್ತಿದ್ದಾರೆ ಅಂತಾ ‘ದಿ ನ್ಯೂಯಾರ್ಕ್ ಪೋಸ್ಟ್’ ವರದಿ ಮಾಡಿದೆ. ಇನ್ನು ಸುನಿತಾ ವಿಲಿಯಮ್ಸ್ ಪ್ರಯಾಣ ಮಾಡಿದ್ದ ಬೋಯಿಂಗ್ ಸ್ಟಾರ್​ಲೈನರ್ ನೌಕೆಯಲ್ಲಿ ಆಹಾರಕ್ಕೆ ಸೀಮಿತ ಪ್ರವೇಶ ಇತ್ತು ಎಂದು ವರದಿ ಹೇಳಿದೆ.

ಇದನ್ನೂ ಓದಿ: ಭಾರತದಲ್ಲಿ ಮಗಳು ಮನೆಗೆ ಬರುತ್ತಿರೋ ಸಂಭ್ರಮ.. ಸುನಿತಾ ಪೂರ್ವಜರ ಗ್ರಾಮದಲ್ಲಿ ಹೇಗಿದೆ ಖುಷಿ..?

ವರದಿಗಳ ಪ್ರಕಾರ, ಅವರು ತಿನ್ನಲು ಹಲವು ರೀತಿಯ ಭಕ್ಷ್ಯಗಳನ್ನು ತೆಗೆದುಕೊಂಡು ಹೋಗಿದ್ದರು. ಹಾಲಿನ ಪುಡಿಯೊಂದಿಗೆ ಧಾನ್ಯಗಳು, ಪಿಜ್ಜಾ, ಹುರಿದ ಕೋಳಿಮಾಂಸ, ಪಿಜ್ಜಾ, ಸೀಗಡಿ ಕಾಕ್ಟೈಲ್ ಮತ್ತು ಟ್ಯೂನ ಮೀನುಗಳು ಸೇರಿದ್ದವು. ಜೊತೆಗೆ ಪ್ರೋಟಿನ್ ಸೇರಿದಂತೆ ಇತರೆ ಮಾತ್ರೆಗಳು. ಇನ್ನು NASA ಬಿಡುಗಡೆ ಮಾಡಿದ ಚಿತ್ರದಲ್ಲಿ ಕೆಲವು ಆಹಾರ ಉತ್ಪನ್ನ ತೋರಿಸಲಾಗಿದೆ. ಸೆಪ್ಟೆಂಬರ್ 9 ರಂದು ಇಬ್ಬರು ಗಗನಯಾತ್ರಿಗಳು ISSನಲ್ಲಿ ಆಹಾರ ಸೇವಿಸುತ್ತಿರುವುದು ಕಂಡುಬಂದಿತ್ತು.

ಇದನ್ನೂ ಓದಿ: ಗುಡ್​​ನ್ಯೂಸ್​.. ಬಾಹ್ಯಾಕಾಶಕ್ಕೆ ಗುಡ್​ಬೈ ಹೇಳಿ, ಭೂಮಿಯತ್ತ ಹೊರಟ ಸುನಿತಾ ವಿಲಿಯಮ್ಸ್

ಆರಂಭದಲ್ಲಿ ತಾಜಾ ಹಣ್ಣುಗಳು ಲಭ್ಯವಿರುತ್ತವೆ. ಮೂರು ತಿಂಗಳ ನಂತರ ಅವು ಮುಗಿಯುತ್ತವೆ. ಪ್ಯಾಕ್ ಅಥವಾ ಫ್ರೀಜ್ ಮಾಡಿದ ಹಣ್ಣುಗಳನ್ನೂ ಕೊಂಡೊಯ್ಯುತ್ತಾರೆ. ಅವುಗಳಲ್ಲಿ ಬೇಯಿಸಿದ ಮಾಂಸ ಮತ್ತು ಮೊಟ್ಟೆಗಳು ಸೇರಿವೆ. ಕೆಲವು ಆಹಾರಗಳು ಬಿಸಿ ಮಾಡುವ ಅಗತ್ಯ ಇರುತ್ತದೆ. ಇನ್ನೂ ಕೆಲವು ವಸ್ತುಗಳಿಗೆ ನೀರು ಬೇಕು. ಬಾಹ್ಯಾಕಾಶ ನಿಲ್ದಾಣದ 530-ಗ್ಯಾಲನ್ ಶುದ್ಧ ನೀರಿನ ಟ್ಯಾಂಕ್‌ನಿಂದ (530-gallon fresh water tank) ಸೂಪ್‌ಗಳು, ಸ್ಟ್ಯೂಗಳು (stews) ಮತ್ತು ಶಾಖರೋಧ ಪಾತ್ರೆಗಳನ್ನು (casseroles) ಪೂರೈಸಲಾಗುತ್ತದೆ ಅಂತಾ ವರದಿಗಳು ಹೇಳಿವೆ.

ಇದನ್ನೂ ಓದಿ: ಬಾಹ್ಯಾಕಾಶದಲ್ಲಿ ಸುನಿತಾ ವಿಲಿಯಮ್ಸ್ ತಲೆ ಕೂದಲನ್ನ ಕಟ್ಟಿಕೊಳ್ಳಲ್ಲ ಯಾಕೆ? ಇಲ್ಲಿದೆ ಇಂಟ್ರೆಸ್ಟಿಂಗ್ ಮಾಹಿತಿ!

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ