ಫೋನ್ ಪದೇ ಪದೆ ಬಿಸಿ ಆಗಲು ಕಾರಣ ನೀವೇ.. ಈ ತಪ್ಪುಗಳನ್ನು ಮಾಡಲೇಬೇಡಿ..!

ನಿಮಗೆ ಗೊತ್ತಾ..? ಸ್ಮಾರ್ಟ್‌ಫೋನ್ ಬಿಸಿಯಾಗೋದು ದೊಡ್ಡ ಸಮಸ್ಯೆ. ಇದರಿಂದ ಫೋನ್‌ ಕಾರ್ಯಕ್ಷಮತೆಯ ಮೇಲೆ ಪರಿಣಾಮ ಬೀರುವುದಲ್ಲದೆ ಬ್ಯಾಟರಿಯ ಜೀವಿತಾವಧಿಯನ್ನೂ ಕಡಿಮೆ ಮಾಡ್ತದೆ. ನಿಮ್ಮ ಫೋನ್ ಮತ್ತೆ ಮತ್ತೆ ಬಿಸಿಯಾಗುತ್ತಿದೆ ಅಂದ್ರೆ ನೀವು ಸಣ್ಣ ತಪ್ಪುಗಳನ್ನು ಮಾಡ್ತಿದ್ದೀರಿ ಎಂದರ್ಥ.

ಕಾರಣಗಳೇನು?

• ನಿರಂತರವಾಗಿ ಗೇಮ್ ಆಡುವುದು, ವೀಡಿಯೋ ವೀಕ್ಷಿಸುವುದು ಅಥವಾ ಭಾರೀ ಅಪ್ಲಿಕೇಶನ್ಸ್ ಬಳಸುವುದರಿಂದ ಫೋನ್ ಬಿಸಿಯಾಗಬಹುದು. ಇದರಿಂದ ಪ್ರೊಸೆಸರ್ ಮೇಲೆ ಹೆಚ್ಚು ಒತ್ತಡ ಬಿದ್ದು ಬಿಸಿಯಾಗಲು ಕಾರಣವಾಗುತ್ತದೆ.
• ಚಾರ್ಜ್ ಮಾಡುವಾಗ ಫೋನ್ ಬಳಸುವುದು: ಅನೇಕರು ಕರೆ ಮಾಡುವಾಗ ಬ್ರೌಸ್ ಮಾಡುವಾಗ ಅಥವಾ ಗೇಮಿಂಗ್ ಮಾಡುವಾಗ ಫೋನ್ ಚಾರ್ಜ್ ಮಾಡುತ್ತಾರೆ. ಹೀಗೆ ಮಾಡುವುದರಿಂದ ಬ್ಯಾಟರಿ ಮತ್ತು ಪ್ರೊಸೆಸರ್ ಮೇಲೆ ಲೋಡ್ ಬೀಳುತ್ತದೆ. ಇದರಿಂದ ನಿಮ್ಮ ಫೋನ್ ಬಿಸಿಯಾಗುತ್ತದೆ.
• ಅಪ್ಲಿಕೇಶನ್ಸ್ ಮತ್ತು ಗೇಮ್ಸ್​ ಬಳಕೆ: ಗ್ರಾಫಿಕ್ಸ್ ಹೊಂದಿರುವ ಆಟಗಳು, ಭಾರೀ ಅಪ್ಲಿಕೇಶನ್ಸ್​ ಪ್ರೊಸೆಸರ್, ಜಿಪಿಯು ಮೇಲೆ ಹೆಚ್ಚಿನ ಹೊರೆ ಹಾಕುತ್ತವೆ. ಇದು ಹೆಚ್ಚು ಬಿಸಿಯಾಗಲು ಕಾರಣವಾಗುತ್ತದೆ.
• ಬ್ರೈಟ್​ನೆಸ್:  ಸ್ಕ್ರೀನ್ ಬ್ರೈಟ್‌ನೆಸ್ ಹೆಚ್ಚು ಇಟ್ಟುಕೊಂಡರೆ ಬ್ಯಾಟರಿ ಬೇಗ ಖಾಲಿ ಆಗುತ್ತದೆ. ಅಲ್ಲದೇ ಫೋನ್ ಬಿಸಿ ಆಗಲು ಪ್ರಾರಂಭವಾಗುತ್ತದೆ.
• ದುರ್ಬಲ ನೆಟ್‌ವರ್ಕ್ ಸಿಗ್ನಲ್ ಇದ್ದಾಗ ಫೋನ್ ನಿರಂತರವಾಗಿ ಸಿಗ್ನಲ್‌ಗಾಗಿ ಹುಡುಕುತ್ತದೆ. ಈ ಕಾರಣದಿಂದಾಗಿ ಬ್ಯಾಟರಿ ಮತ್ತು ಪ್ರೊಸೆಸರ್ ಬಿಸಿಯಾಗುತ್ತದೆ.
• ಬಿಸಿ ವಾತಾವರಣದಲ್ಲಿ ಅಥವಾ ನೇರ ಸೂರ್ಯನ ಬೆಳಕಿನಲ್ಲಿ ಫೋನ್ ಇಡೋದ್ರಿಂದ ಫೋನ್ ಬಿಸಿ ಆಗುತ್ತದೆ.

ಪರಿಹಾರ ಏನು..?

• ಚಾರ್ಜ್ ಮಾಡುವಾಗ ಫೋನ್ ಬಳಸಬೇಡಿ, ರೆಸ್ಟ್ ಮೂಡ್​​ನಲ್ಲಿರಿಸಿ
• ಭಾರೀ ಅಪ್ಲಿಕೇಶನ್ಸ್​ ಕಡಿಮೆ ಬಳಸಿ
• ಫೋನ್ ಹೆಚ್ಚು ಬಿಸಿಯಾಗುತ್ತಿದ್ದರೆ ಬ್ಯಾಕ್ ಕವರ್ ತೆಗೆದುಹಾಕಿ
• ತಂಪಾದ ಸ್ಥಳದಲ್ಲಿರಿಸಿ
• ಸಾಫ್ಟ್‌ವೇರ್ ಅಪ್​​ಡೇಟ್​ ಮಾಡಿ

ಸ್ಮಾರ್ಟ್‌ಫೋನ್ ಬಿಸಿಯಾಗುವುದು ಸಹಜ. ಅದರಿಂದ ಅಪಾಯ ಕೂಡ ಇದೆ. ಈ ಸಣ್ಣ ತಪ್ಪುಗಳನ್ನು ಸರಿಪಡಿಸುವ ಮೂಲಕ ನಿಮ್ಮ ಫೋನ್ ಹೆಚ್ಚು ಬಿಸಿಯಾಗದಂತೆ ಉಳಿಸಬಹುದು.

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ