RCB vs PBKS; ಮಳೆ ಬಂದು ಪಂದ್ಯ ವಾಶ್​ಔಟ್​ ಆದರೆ ನೇರ ಫೈನಲ್​ಗೆ ಹೋಗೋದು ಯಾರು..?

ರಾಯಲ್ ಚಾಲೆಂಜರ್ಸ್​ ಬೆಂಗಳೂರು ಹಾಗೂ ಪಂಜಾಬ್​ ಕಿಂಗ್ಸ್​ ಎರಡು ಐಪಿಎಲ್​ ಸೀಸನ್​- 18 ರಲ್ಲಿ ಅತ್ಯುತ್ತಮ ಪ್ರದರ್ಶನ ನೀಡಿ ಈಗ ಕ್ವಾಲಿಫೈಯರ್​- 1ಕ್ಕೆ ಎಂಟ್ರಿ ಕೊಟ್ಟಿವೆ. ಇಂದಿನ ಈ ಪಂದ್ಯ ಎರಡು ತಂಡಗಳಿಗೂ ಬಹುಮುಖ್ಯವಾಗಿರುತ್ತದೆ. ಯಾವ ತಂಡ ಗೆಲ್ಲುತ್ತದೆಯೋ ಆ ಟೀಮ್ ನೇರವಾಗಿ ಫೈನಲ್​ಗೆ ಪ್ರವೇಶ ಪಡೆಯಲಿದೆ. ಒಂದು ವೇಳೆ ಮಳೆಯಿಂದ ಕ್ವಾಲಿಫೈಯರ್​- 1 ಪಂದ್ಯ ರದ್ದು ಆದರೆ ಏನ್​ ಗತಿ?.

ಚಂಡೀಗಢ ಮುಲ್ಲನಪುರದ ನ್ಯೂ ಪಿಸಿಎ ಸ್ಟೇಡಿಯಂನಲ್ಲಿ ಇಂದು ಕ್ವಾಲಿಫೈಯರ್​- 1ರಲ್ಲಿ ಪಂಜಾಬ್ ಕಿಂಗ್ಸ್ ವಿರುದ್ಧ ಆರ್​ಸಿಬಿ ತಂಡ ಅಖಾಡಕ್ಕೆ ಧುಮುಕಲಿವೆ. ಈ ಪಂದ್ಯದಲ್ಲಿ ಯಾವುದೇ ತಂಡ ಸೋತರೂ ಇನ್ನೊಂದು ಅವಕಾಶ ಇರುತ್ತದೆ. ಗೆದ್ದ ತಂಡ ಫೈನಲ್​ಗೆ ಹೆಜ್ಜೆ ಇಡಲಿದೆ. ಈ ಎರಡು ನಡೆಯಂದಂತೆ ವರುಣರಾಯ ಆರ್ಭಟ ಮಾಡಿ ಮ್ಯಾಚ್ ವಾಶ್​ಔಟ್​ ಆದರೆ ಯಾವ ತಂಡಕ್ಕೆ ಹೆಚ್ಚು ಅನುಕೂಲ ಆಗಿರುತ್ತದೆ ಎಂದರೆ..

ಇದನ್ನೂ ಓದಿ:ದಿಗ್ವೇಶ್ ರಾಠಿ ಮಂಗಾಟಕ್ಕೆ ಸೊಪ್ಪು ಹಾಕದ ಪಂತ್; ಆರ್​ಸಿಬಿ ಫ್ಯಾನ್ಸ್ ಹೃದಯ ಗೆದ್ದ LSG ನಾಯಕ..! VIDEO

ಆರ್​ಸಿಬಿ ಹಾಗೂ ಪಂಜಾಬ್ ಕಿಂಗ್ಸ್​ ನಡುವಿನ ಕ್ವಾಲಿಫೈಯರ್​- 1 ಪಂದ್ಯ ಮಳೆಯಿಂದ ವಾಶ್​ಔಟ್ ಆದರೆ ಇದರ ಹೆಚ್ಚಿನ ಲಾಭ ಪಂಜಾಬ್​ ಕಿಂಗ್ಸ್​ಗೆ ಇದೆ. ಎರಡು ತಂಡಗಳ ಅಂಕಗಳು (19) ಸಮವಾಗಿದ್ದರೂ ನೆಟ್​ ರನ್​ರೇಟ್​ ಇಲ್ಲಿ ಗಣನೆಗೆ ತೆಗೆದುಕೊಳ್ಳಲಾಗುತ್ತದೆ. ಪಂಜಾಬ್ ತಂಡದ ನೆಟ್​ ರನ್​ರೇಟ್​ +0.372 ಇದೆ. ಆರ್​ಸಿಬಿಯ ನೆಟ್​ ರನ್​ರೇಟ್ +0.301 ಇದೆ. ಆರ್​ಸಿಬಿಗಿಂತ ಪಮಜಾಬ್​ ಒಳ್ಳೆಯ ರನ್​ ರೇಟ್​ನಲ್ಲಿದೆ. ಹೀಗಾಗಿ ಫೈನಲ್​ಗೆ ಹೋಗುವ ಅವಕಾಶ ಶ್ರೇಯಸ್ ಅಯ್ಯರ್ ನೇತೃತ್ವದ ಪಂಜಾಬ್​ ಕಿಂಗ್ಸ್​​​​ಗೆ ಇದೆ. ​

ಈಗಾಗಲೇ ಭಾರತ ಹಾಗೂ ಪಾಕ್​ ನಡುವಿನ ಘರ್ಷಣೆಯಿಂದ ಒಂದು ವಾರ ಐಪಿಎಲ್​ ಟೂರ್ನಿಯನ್ನು ಸ್ಥಗಿತಗೊಳಿಸಿ ಮತ್ತೆ ಆರಂಭಿಸಲಾಗಿದೆ. ಹೀಗಾಗಿ ಕ್ವಾಲಿಫೈಯರ್​- 1ರ ಪಂದ್ಯಕ್ಕೆ ವಿಶೇಷವಾದ ಸಮಯ ಅಥವಾ ದಿನವನ್ನು ನೀಡಲಾಗುವುದಿಲ್ಲ. ಪಂದ್ಯಕ್ಕೆ ಮಳೆ ಬಂದರೆ ಎಲ್ಲ ರೀತಿಯಿಂದಲೂ ಪಂಜಾಬ್​ ಕಿಂಗ್ಸ್​ ಫೈನಲ್​ ಪ್ರವೇಶ ಮಾಡೋದು ಖಚಿತವಾಗಿರುತ್ತದೆ. ಇನ್ನು ಈ ಎಲ್ಲವನ್ನು ಗಮನಿಸಿದರೆ ಪಂದ್ಯ ನಡೆಯುವ ವೇಳೆ ವರುಣದೇವ ಅಡ್ಡಿ ಮಾಡದಂತೆ ಇರಲಿ ಎಂದು ಆರ್​ಸಿಬಿ ಫ್ಯಾನ್ಸ್​ ಪ್ರಾರ್ಥಿಸಬೇಕು ಎನ್ನುವಂತಿದೆ.

ವಿಶೇಷ ಸೂಚನೆ: ಕ್ರಿಕೆಟ್‌ನ ಸುದ್ದಿಗಳಿಗಾಗಿ ಪ್ರತಿದಿನ ಬೆಳಗ್ಗೆ 8.30ಕ್ಕೆ ನ್ಯೂಸ್‌ಫಸ್ಟ್‌ಚಾನೆಲ್​​ನಲ್ಲಿ ‘ರನ್ ಭೂಮಿ’ ವೀಕ್ಷಿಸಿ