/newsfirstlive-kannada/media/post_attachments/wp-content/uploads/2025/02/WHITEHOUSE.jpg)
ಜನವರಿ 30 ರಂದು ಅಮೆರಿಕಾದಲ್ಲಿ ನಡೆದ ಖಾಸಗಿ ಏರ್ಲೈನ್ ಮತ್ತು ಮಿಲಟರಿ ಹೆಲಿಕಾಪ್ಟರ್ ನಡುವೆ ನಡೆದ ಡಿಕ್ಕಿಯಲ್ಲಿ ಹಲವಾರು ಜನ ಪ್ರಾಣ ಕಳೆದುಕೊಂಡರು ಅದರಲ್ಲಿದ್ದ ಯಾರೊಬ್ಬರು ಕೂಡ ಜೀವಂತವಾಗಿ ಉಳಿಯಲಿಲ್ಲ. ಇದು ವೈಟ್ಹೌಸ್ನ ವಾಷಿಗ್ಟನ್ ಡಿಸಿಯ ಬಳಿಯೇ ನಡೆದಿತ್ತು. ಅದು ಮಾತ್ರವಲ್ಲ ಈ ಘಟನೆ ನಡೆದ ಸ್ಥಳದಲ್ಲಿ ಹಲವು ನಿರ್ಬಂಧಿತ ವೈಟ್ಹೌಸ್ಗೆ ಸಂಬಂಧಿಸಿದ ಸರ್ಕಾರಿ ಕಚೇರಿಗಳ ಕಟ್ಟಡಗಳಿದ್ದವು. ಈ ಒಂದು ಘಟನೆ ನಡೆದ ಬಳಿಕ ಒಂದು ವೇಳೆ ವೈಟ್ಹೌಸ್ ಮೇಲೆಯೇ ಇಂತಹದೊಂದು ಪ್ಲೇನ್ ಕ್ರ್ಯಾಶ್ನಂತಹ ಘಟನೆ ನಡೆದರೆ ವೈಟ್ಹೌಸ್ ಸುರಕ್ಷಿತವಾಗಿ ಉಳಿಯುತ್ತದಾ ಅನ್ನೋ ಪ್ರಶ್ನೆಗಳು ತೇಲಿ ಬಂದವು.
ಈ ಒಂದು ವಿಷಯವನ್ನು ಯುಎಸ್ನ ಅಧ್ಯಕ್ಷರ ನಿವಾಸದ ಸಿಬ್ಬಂದಿಗಳು ತುಂಬಾ ಆಳವಾಗಿ ವಿವವನ್ನು ನೀಡಿವೆ. ಇಂತಹ ಅನಾಹುತಗಳನ್ನು ಎದುರಿಸಲು ವೈಟ್ಹೌಸ್ ಹಲವು ವರ್ಷಗಳಿಂದಲೇ ಸಿದ್ಧವಿದೆ ಅಂತಹ ಸುರಕ್ಷಿತ ವ್ಯವಸ್ಥೆಯನ್ನು ವೈಟ್ಹೌಸ್ಗೆ ನೀಡಲಾಗಿದೆ ಎಂದು ಹೇಳಿದ್ದಾರೆ. ಅದು ಅಲ್ಲದೇ ಆ ರೀತಿಯ ವ್ಯವಸ್ಥೆಯನ್ನು ಮಾಡಲಾಗಿದೆ ಕೂಡ.
ನೋ ಫ್ಲೈ ಝೋನ್
ಇನ್ನು ವೈಟ್ಹೌಸ್ನ ರೂಲ್ಸ್ ಪ್ರಕಾರ ಯಾವುದೇ ಹೆಲಿಕಾಪ್ಟರ್, ವಿಮಾನಗಳು ವೈಟ್ಹೌಸ್ ಮೇಲೆ ಹಾರಾಡಲು ಪರವಾನಿಗೆ ಇಲ್ಲ, ಅದನ್ನು ನೋ ಫ್ಲಯಿಂಗ್ ಝೋನ್ ಎಂದು ಘೋಷಿಸಲಾಗಿದೆ. ಒಂದು ವೇಳೆ ಈ ನಿಯಮವನ್ನು ಉಲ್ಲಂಘಿಸಿದ್ದೇ ಆದಲ್ಲಿ ಅವರು ಗಂಭೀರವಾದ ಪರಿಣಾಮವನ್ನು ಎದುರಿಸುತ್ತಾರೆ.
ಮಿಸೈಲ್ ಲಾಂಚರ್
ಇನ್ನು ವೈಟ್ಹೌಸ್ನಲ್ಲಿ ಮಿಸೈಲ್ ಸಿಸ್ಟಮ್ ಡಿಫೆನ್ಸ್ನ್ನು ಕೂಡ ಅಳವಡಿಸಲಾಗಿದೆ. ಒಂದು ವೇಳೆ ಮಿಸೈಲ್ ದಾಳಿಯಂತಹ ಘಟನೆಗಳು ಸಂಭವಿಸಿದಲ್ಲಿ ಅದನ್ನು ಸಮರ್ಥವಾಗಿ ಎದುರಿಸುವ ವ್ಯವಸ್ಥೆಯನ್ನು ವೈಟ್ಹೌಸ್ನಲ್ಲಿ ಮಾಡಲಾಗಿದೆ. ಇನ್ನು ಇದೇ ರೀತಿ ಯಾವುದೇ ಎಲೆಕ್ಟ್ರಾನಿಕ್ ದಾಳಿಗಳು ನಡೆದರು ಕೂಡ ವೈಟ್ ಹೌಸ್ ಅದನ್ನು ಕೂಡ ಸಮರ್ಥವಾಗಿ ಎದುರಿಸುವಂತಹ ಸಂರಕ್ಷಣಾ ವ್ಯವಸ್ಥೆಯನ್ನು ಹೊಂದಿದೆ.
ಇನ್ನು ವೈಟ್ಹೌಸ್ನ್ನು ಈ ರೀತಿಯ ಅಪಾಯದಿಂದ ಕಾಪಾಡಲು ಬಹುಪದರದ ರಕ್ಷಣಾ ವ್ಯವಸ್ಥೆಯನ್ನು ಮಾಡಿಕೊಳ್ಳಲಾಗಿದೆ. ಅಂದ್ರೆ ಡಬಲ್ ಲೇಯರ್ ಸೆಕ್ಯೂರಿಟಿ ಸಿಸ್ಟಮ್ ಅಂತ.
ಇದನ್ನೂ ಓದಿ:BREAKING: ಭೀಕರ ವಿಮಾನ ಅಪಘಾತ.. ಪ್ರಯಾಣಿಕರಿದ್ದ ವಿಮಾನ ಹೆಲಿಕಾಪ್ಟರ್ಗೆ ಡಿಕ್ಕಿ
ನೊರಾಡ್ ಅಂದ್ರೆ ನಾರ್ಥ್ ಅಮೆರಿಕಾ ಏರೋಸ್ಪೇಸ್ ಡಿಫೆನ್ಸ್ ಕಮಾಂಡ್ ಇದು ಯುಎಸ್ ಮತ್ತು ಕೆನಾಡ ಗಡಿಯನ್ನು ಕಾಯುವ ದಳ. ಇದು ಎಫ್-16 ಮತ್ತು ಎಫ್22ನಂತಹ ವಿಮಾನಗಳನ್ನು ಹೊಂದಿದೆ. ದಿನದ 24 ಗಂಟೆಯೂ ವೈಟ್ಹೌಸ್ನ್ನು ಕಾಯುತ್ತವೆ. ಒಂದು ವೇಳೆ ವೈಟ್ಹೌಸ್ ಫ್ಲೈ ಝೋನ್ನಲ್ಲಿ ಯಾವುದಾದರು ವಿಮಾನ ಪ್ರವೇಶ ಪಡೆಯುತ್ತಿದೆ ಎಂಬುದು ಅದಕ್ಕೆ 10 ರಿಂದ 15 ನಿಮಿಷಗಳಲ್ಲಿ ಗೊತ್ತಾಗುತ್ತದೆ. ಕೂಡಲೇ ಅದಕ್ಕೆ ಈ ಎರಡು ವಿಮಾನಗಳು ಪ್ರತಿಕ್ರಿಯೆ ನೀಡುತ್ತವೆ.
ಇದನ್ನೂ ಓದಿ:Plane accident: ಆಕಾಶದಲ್ಲೇ ಅಪಘಾತ.. ಹೆಲಿಕಾಪ್ಟರ್ಗೆ ಡಿಕ್ಕಿಯಾಗಿ ನದಿಗೆ ಬಿದ್ದ 60 ಪ್ರಯಾಣಿಕರಿದ್ದ ವಿಮಾನ..
ಇನ್ನು ಫೆಡರಲ್ ಏವಿಯೆಷನ್ ಅಡ್ಮಿನಿಷ್ಟ್ರೇಷನ್ ಕೂಡ ಸದಾ ಚಟುವಟಿಕೆಯಲ್ಲಿ ಇರುತ್ತದೆ. ಯಾವುದಾದರೂ ಒಂದು ಏರ್ಕ್ರಾಫ್ಟ್ ರೂಟ್ ಇಲ್ಲವೇ ಸಂವಹನವನ್ನು ಕಳೆದುಕೊಂಡ ಕೂಡಲೇ ಅದು ನೊರಾಡಗೆ ಸಂದೇಶ ನೀಡುತ್ತದೆ.
ಇನ್ನು ವಾಷಿಂಗ್ಟನ್ನಲ್ಲಿ ಏರ್ ಡಿಫೆನ್ಸ್ ಐಡೆಂಟಿಫಿಕೇಷನ್ ಝೋನ್ ಇದೆ. ಎಲ್ಲ ಏರ್ಕ್ರಾಫ್ಟ್ಗಳು ಅವು ಹಾರಾಡುವ ಪ್ರದೇಶ ಹಾಗೂ ಅವುಗಳ ಗುರುತನ್ನು ಮೊದಲೇ ಈ ಈ ಝೋನ್ಗೆ ತಿಳಿಸಿ ಟೇಕ್ ಆಫ್ ಆಗಬೇಕು ಅಲ್ಲಿಯವರೆಗೂ ಅವುಗಳಿಗೆ ಟೇಕಾಫ್ ಆಗಲು ಅವಕಾಶ ನೀಡಲಾಗುವುದಿಲ್ಲ
ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್ಫಸ್ಟ್ ಚಾನೆಲ್ ಲಭ್ಯ