ವಾಟ್ಸ್​ಆ್ಯಪ್​ ಪರಿಚಯಿಸುತ್ತಿರುವ ಹೊಸ ಫೀಚರ್​ ಏನು ಗೊತ್ತಾ?

ಇನ್ಮುಂದೆ ಸಂದೇಶಗಳಿಗೆ ರಿಯಾಕ್ಷನ್​ ಮಾಡೋದು ಮತ್ತಷ್ಟು ಸುಲಭ

ಸಂದೇಶಗಳಿಗೆ ವೇಗವಾಗಿ ಸಂವಹನ ನಡೆಸಲು ಈ ಫೀಚರ್​ ತರಲಾಗುತ್ತಿದ್ಯಾ?

ವಾಟ್ಸ್ಆ್ಯಪ್​ ಬಹುಸಂಖ್ಯಾ ಬಳಕೆದಾರರನ್ನು ಹೊಂದಿರುವ ಜನಪ್ರಿಯ ಪ್ಲಾಟ್​ಫಾರ್ಮ್​​. ಬಹುತೇಕ ದೇಶಗಳಲ್ಲಿ ವಾಟ್ಸ್​ಆ್ಯಪ್​ ಬಳಸುತ್ತಿದ್ದಾರೆ. ಮಾತ್ರವಲ್ಲದೆ, ದೈನಂದಿನ ವ್ಯವಹಾರದಿಂದ ಹಿಡಿದು, ಫೋಟೋ, ವಿಡಿಯೋ, ಫೈಲ್ಸ್​​ಗಳನ್ನು ಇದರ ಮೂಲಕ ಹಂಚಿಕೊಳ್ಳಲು ಯೋಗ್ಯವಾಗಿದೆ. ಹೀಗಿರುವಾಗ ವಾಟ್ಸ್​ಆ್ಯಪ್​ ಭಾರತದಲ್ಲಿ ತನ್ನ ಬಳಕೆದಾರರಿಗೆಂದು ಹೊಸ ಫೀಚರ್​​ ಪರಿಚಯಿಸಲು ಮುಂದಾಗಿದೆ. ಅದೇನು ಗೊತ್ತಾ? ಈ ಸ್ಟೋರಿ ಓದಿ.

ವಾಟ್ಸ್​ಆ್ಯಪ್​ ಸದಾ ನವೀಕರಣ ಜೊತೆಗೆ ಹೊಸ ವೈಶಿಷ್ಟ್ಯವನ್ನು ಪರಿಚಯಿಸುತ್ತಿರುತ್ತದೆ. ಆದರೀಗ ಇನ್​ಸ್ಟಾಗ್ರಾಂನಂತೆ ಹೋಲುವ ಸಂದೇಶವನ್ನು ಎರಡು ಬಾರಿ ಟ್ಯಾಪ್​ ಮಾಡುವ ಮೂಲಕ ಪ್ರತಿಕ್ರಿಯಿಸಲು ಅನುವು ಮಾಡಿಕೊಡುವ ಹೊಸ ಫೀಚರನ್ನು ಪರಿಚಯಿಸಲು ಮುಂದಾಗಿದೆ.

ಇದನ್ನೂ ಓದಿ: ಹೊಸ ಅಡ್ವೆಂಚರ್ ಮಾದರಿಯನ್ನು ಪರಿಚಯಿಸಿದ ಜಾವ ಯೆಜ್ಡಿ! ಇಷ್ಟೊಂದು ಕಡಿಮೆ ಬೆಲೆಗೆ ಸಿಗುತ್ತಿದ್ಯಾ?

ವಾಬೇಟಾಇನ್​ಫೋ ಪ್ರಕಾರ, ನೂತನ ವೈಶಿಷ್ಟ್ಯವು ಪರೀಕ್ಷಾ ಹಂತದಲ್ಲಿದ್ದು, ಮುಂಬರುವ ತಿಂಗಳು ಭಾರತೀಯರಿಗೆ ಸಿಗಲಿದೆ. ಅಂದಹಾಗೆಯೇ ಈ ಫೀಚರ್ ಫೋಟೋ, ವಿಡಿಯೋ, ಜಿಫ್​ ಸೇರಿದಂತೆ ಸ್ಕ್ರೀನ್​ ಬದಲಾಯಿಸದೇ ತ್ವರಿತವಾಗಿ ಪ್ರತಿಕ್ರಿಯಿಸಬಹುದಾಗಿದೆ. ಜೊತೆಗೆ ಸಂವಹನಕ್ಕೂ ಇದು ಅನುಕೂಲಕರವಾಗಿದೆ.

ಇದನ್ನೂ ಓದಿ: ವಯನಾಡು ಭೂಕುಸಿತ ಪ್ರದೇಶದಲ್ಲಿ ಕಳ್ಳರ ಕಾಟ! ನೊಂದ ಜೀವಗಳಿಗೆ ಶುರುವಾಗಿದೆ ಮತ್ತೊಂದು ಟೆನ್ಶನ್​

ಸಾಮಾನ್ಯವಾಗಿ ವಾಟ್ಸ್​ಆ್ಯಪ್​ನಲ್ಲಿ ಸಂದೇಶಗಳಿಗೆ ಮರು ಪ್ರತಿಕ್ರಿಯಿಸಲು ಕೆಲವು ಸೆಕೆಂಡು ತೆಗೆದುಕೊಳ್ಳುತ್ತದೆ. ಆದರೆ ಇದರ ಮೂಲಕ ಸಂದೇಶ, ಫೈಲ್​ಗಳಿಗೆ ಸುಲಭವಾಗಿ ಪ್ರತಿಕ್ರಿಯಿಸಬಹುದಾಗಿದೆ.

ಡಬಲ್​ ಟ್ಯಾಪ್​​ ವೈಶಿಷ್ಟ್ಯವು ಸಂದೇಶಗಳಿಗೆ ವೇಗವಾಗಿ ಪ್ರತಿಕ್ರಿಯಿಸುವ ಮೂಲಕ ಬಳಕೆದಾರರ ಸಂವಹನವನ್ನು ವೇಗಗೊಳಿಸುತ್ತದೆ. ಅಂದಹಾಗೆಯೇ ವಾಟ್ಸ್​ಆ್ಯಪ್​ ಈ ವೈಶಿಷ್ಟ್ಯವನ್ನು ಯಾವಾಗ ಪರಿಚಯಿಸುತ್ತದೆ ಎಂದು ಸ್ಪಷ್ಟವಾಗಿ ತಿಳಿಸಿಲ್ಲ. ಅಂದಾಜಿನ ಮೇರೆಗೆ ಮುಂಬರುವ ದಿನಗಳಲ್ಲಿ ನೂತನ ಫೀಚರ್​ ಬಳಕೆದಾರನ್ನು ಸೇರಲಿದೆ.

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ